السلام عليكم..
شلونكم كويتيات والله حدي مشتاقتلكم..
حبيباتي راح ادخل بالموضوع على طووول..
بصراحه انا عندي مشكله مو عارفه لها حل 
انا توني مخطوبه والحمدلله كل شي ماشي اوكي بس انا احاتي شي وحدي خايفه منه..
انا بصراحه في ويهي حبوب بس مو بشكل الوااااايد يعني فيه مو صافي خصوصا صوب حنجي ومن تحت خدودي بس مو واااااايد اهوه الحبوب شوي خفو بس الاثار طالعين و احس اني مفتشله من ويهي..
بلييييييز لحد يقولي دكاتره و اطبه و عيادات لاني جربت وااايد ومافاد في ويهي الحين انا استخدم الهرده والحمدلله خف عن قبل بس لين الحين..
انا خايفه لما املج زوجي يشوفني يخترع :'(
بلييييز الي تزوجت وفي ويها حبوب شنو سوت وشنو زوجها قالها والحبوب راحوا بعد الزواج
وعليكم السلام حبيبتي
الله يوفقج ان شاء الله ويسر امورج ويسخركم لبعض
لا تحاتين كل شئ له حل
بس دشي قسم بيع منتجات البشره
مشاءالله في شكثر سوالف حلوه ومضمونه والبنات مادحينها
وان شاءالله يفيدونج البنات
وأأب لعيونج
سوي لها سنفره يوم وترك وبتشوفين نتيجه ان شاء الله
حبيبتي جربتي حبوب الرواكوتان؟؟؟
بما انج لين الحين ع البر ماتزوجتي اكلي هالحبوب حيل حلوه بس لازم متابعة طبيب
والله تشف كل الدهون اللي فيج وتطير الحب انا مجربتها شخصيااا
بس لازم ماتحملين وانتي تاكلينها
واتركيها قبل العرس بشهرين وعقبها روحي صيدلية كوكو بالسالميه اذا تبين رقمه راسليني ع الخاص
والله والله انا كنت نفسج وتعبت من الدكاتره وكل شي
بس عقب ماستخدمتهم مابقى فيني الا الاثر ورحت لصيدلية كوكو عطاني كريمات خلتني الق لللللق
امممممممممممم عادي حطي فاونديشين خافي عيوب عالاثار بسسس وعقب حطي بودره نااعمه يعني عروس بتقعدين بدون ميك اب !!!!!!!!!! ماتوقع
مااا عليج ترا عقب العرس تخف اساليني اول شي تتغير هرموناتج تقبين شوي عقب تصفى وديربالج من الرايكوتين ترا جربتهاا ممنوعه للعرايس لانها تسبب تشوهات للجنين وخلج عالخلطات الطبيعيه عسل روحي اخذي ماسك عسل وشربي ماااي وخلي عنج التفكير وشوفي بشرتج شلون تصيييييييييير
مآدري اللي اعرفه ان اثر الحبوب مآيروح ،،
ان شآء الله البنآت مآ يقصرون معآج ..
وموفقه حبوبه ..
لا ابتعدي عن الروكتان هالفتره أنا كنت أكلهم رووعه وخيال حيييل وجهي صار صافي
بس من ملجت وقفتهم مع أني ماكملت الكورس بس خفت لانها تسبب تشوهقات للجنين
وتركتها بس استخدمتها ٣شهور
طبعا الحبوب ماردت بس الاثار موجوده
رحت صيدلية بوتس وشريت غسول روك ومرطب روك لتهيج البشره!
صارت بشرتي واااو وبعدها استخدمت غسول مقشر وكريم مبيض يوحد. لون البشره ووجهي صار قمه
تبين اسامي المقشر والكريم دزيلي ع الخاص لان أنا بالدوام الحين بس ارد البيت اكتبهم لج اذا بغيتي
بالنسبه اللي تقول الاثر ما يروح
كل شي هالايام يروح وله علاج
انا اقولش حل اشتري صابونة اسمها صابونة الكركم تصفي الوجة وتنشفة وتبيضة حيل حلوة مع اني بيضة الا اني استخدمها عشان الحبوب وخواتي استخدموها وراحت اثار الحبوب الي في وجيهم حيل مرتاحين عليها واشتري اسكانول تونك للبشرة بالليمون الاصفر وكل يوم قبل ماتنامي ولما تصحي من النوم اخذي التونك بقطنة وامسحي وجهش وبعدين اغسليها بصابونة الكركم وداومي عليها والله يوفقش
ادعيلي ان الله يتمم عليي انا وخطيبي على خير
حبيبتي خليج ع الدكاتره اضمن من كلام الناااس
واختاري دكتووور زين وعلى قولة البنات يمكن الدهون اللي فبشرتج اهي اللي امسببتلج هالطفره .
اخذي حبوب واستخدمي معاهم دواااا عشان ماتطلع لها اثار
وبعدين ترا مو كل شي يصير بيوم وليله خاصآ علاج الاثااار يطول ..
والله يسهل عليج ويوفقج ..
واذا تبين انا معطيني قبل شهرين وصفه حدهااا روووعه وامجربه من الصيدليه
كريم الصبح وجل بالليل والله باقل من اسبوعين تخف الحبوب والكل لاحظ علي ..
رديلي خبر والله بتدعين لي ؟
ديربالج من حبوب الروأكتين حده مو حزته !!!! و له اثار جانبيه واضحة !!!!!!!
المهم انا انصحج بكريم كافيار الإيراني سألي عنه عند أي حواي إيراني او بسوق الديره سعره على 10 دنانير يمكن بس بره الديره اغلى
انا مثل مشكلتج بس الحين وايد خفوا الحمدلله والله بالضبط ما ادري من شنو اللي حسن بشرتي من كثر الاشياء اللي استخدمها بس بقولج :
انا قبل ما انخطب ما كنت استخدم لا كريم ليل ولا نهار بعد ما انخطبت التزمت صارلي الحين شهرين على طول (( كريم ليل ونهار )) ما استغنى عنهم يومياً
ثاني شغله (( الاسكينول )) عجيب أول ما اقعد من النوم انظف ويهي بقطنه اسكينول بابايا والله مع الايام تحسنت بشرتي
و عندج (( غسول التفتيح من شركة غارنييه )) تلاقينه بالجمعيات لونه اصفر هذا مداومه عليه من قبل رمضان والله حسن بشرتي الحمدلله بالإضافه للكريم ماله يعني اغسل ويهي فيه خمس دقايق لمه ينشف وبعدين اغسل واحط الكريم على طول
و توني باديه استخدم (( كريم كافيار )) والصراحة عجبني كبدايه
ونسيت اقولج اني من بديت التزم بالحمام المغربي كل اسبوع انعكس على ويهي لأن اللي اسويه حق جسمي ينحط حق ويهي بالمره
وبعد انا حاطه (( ماي ورد )) بغرفتي ماخذته من الحواي خاص بالبشرة متى ما مريت يمه مسحت ويهي فيه على الماشي
بصراحة وايد وايد تغيرت بشرتي من هالعنايه الحمدلله ..
و انشالله افدتج
ما عندي فكره بس الافضل تروحين حق طبيب واختاري طبيب زين وسوي تقشير حق ويهج اعتقد لكرستالي اخف شي رفيجتي مسويته اعتقد بالشفا عند دكتوره هنديه خف من اول جلسه بس ما كملت والله ويههااااا اخررررررررع كله اثار حبوب ويم بعض
وبعد صابونة الكركم كاستخدام اتفتح و سوي تقشير حتى لو بالبيت لانه يخفف من الاثار بس جربي على جزئ بسيط من ويهج لانه مو الكل يمشي معاه التقشير
.gif "Eh S(7)")
.gif "Eh S(2)")
.gif "Eh S(16)")
