الوسم: الجامعيات

مرحبا بنات انا ابي نصيحتكم انا اداريه بوزارة التربيه ودي احول مدارس واصير مدرسه او مسجلة شئون طلبه ابي نصيحتكم شنو الافضل عفيه ابي ارائكم بصراحه ابي الافضل من كل النواحي انا كنت حابه مدرسه لان معاشها اقوي بس انصدمت من وحدة تقول معاشها كمدرسه ماوصل الالف وانا معاشي 850 معقوله الفرق 100 دينار \ط¹ظپظٹظ‡ بنات انا للحين محتارة شنو الافضل \ظ…ظ„ط§ط­ط¸ظ‡ رفيجتي اللي تقول معاشها ماوصل الف صارلها مدرسه خمس سنوات وهي معلم ج اوب عفيه ابي الكل ينصحني والف الف الف شكر

سوري بنات بس اتمنى من المشرفه تنقل موضوعي الى قسم المعلمات اتوقع عندهم خبرة اكثر

صح معاش المدرسة ٨٥٤ والحين صار ٩٦٥

استخيييري

اذا مرتاحة بشغلج وبس عشان المعاش بتحولين

فنصيحة خليج مكااانج

انتي شايفة القرارات اللي كلها ضد المعلم

والتعب والصرفية على الانشطة والورش وغيره وغيرره

لو انا مكانج وحصلت وظيفة بهالمعاش وبعييد عن عواار الرااس اللي بالتدريس

والله من باجر احووول

هذا اختي تعقدت ماتبي تتوظف كللش

لان خريجات التربية ممنوع يشتغلون. بمكان ثاني

الا بالواسطة ولا مو اي واسطة بعد

نزلي موضوع في قسم المعلمات وبتسمعين نفس الكلااااام

*

يا حسرتي صج المدرسات مايصير يتوظفون اي مكان؟؟ انا مستقيله وناطره اسمي الي رد طلع بالتربيه وانا منحاشه منها 
انزين يصير اكون اداريه بالتربيه؟ وجم معاشاتهم؟؟ انا درست ٥ سنين و عفت التدريس مابيييه

بنات اللي تعرف تنقل موضوعي لقسم المعلمات تنقله لان ماعرف انقل الموضوع وشكرا

استفسار بسيط ؟

التقديم عالجامعه بالنت حاطينه بس للكويتيين ولا للكـــل

لان مكتوب انه بس للكويتيين يعني الخليجيين مايسجلون عالنت

وين يروحون بالضبط ؟

يقدمون بالجامعه نفسها بدون تسجيل عالنت ولا شنو

Up

up

up

up

دشيت موقع الجامعه
مكتوب بالخطه الزمنيه لتقديم طلبات الالتحاق
الطلبه المسموح لهم بتقديم طلبات الالتحاق في صاله القبول والتسجيل (زين) بالشويخ :
ابناء دول مجلس التعاون بتاريخ 6-7
يعني تروحين شويخ وتسجلين
التسجيل بالنت فقط للكويتيين وابناء الكويتيات
اتمنى اني فدتج

ثانكس عيون الحب

ماقصرت عيون

بنت البدر ، بـ التسجيل ان بغيتي احسن مواد ودكاترهـ قوليلي

موفقه حبيبتي

التسجيل يكون بتاريخ 6_7 مثل ماقالت عيون الحب

انزين بس حاطين بتاريخ 6_7 نسبة الثانويه 92 ؟

يعني اللي اقل مايقدم ولا شنو لان بصراحه مافهمت

سوري اسئلتي كثيره بس مالي غيركم …!

يو ولكم حبيبتي
عادي حياتي شدعوا اخذي راحتج بالاسئله كلنا ضايعين لوول
مم اتوقع هذا غير عن هذا
92% فأكثر لطلبه الموحد والمعهد الديني الكويتيين وابناء الكويتيات
اما الخليجيين كلهم بتاريخ 6-7 مومحددين لهم نسب معينه

وانا اتوقع جذي بروووح واشوووف ..!!

تسلمين لي يالغلا

الله يسلمج موفقه =)

السلام عليكم …
يالله حي بنات جامعتي
شلونكم ؟
شخباركم؟

1-اناا خذيت 3 مواد خارج الجدول ومو مطلوبين علي يعني ينحذفون من وحداتي ومعدلي ولا لا واذا اي انا شالمطلوب مني اروح للتوجيه اكلمهم ولا هم يحذفونهم بعدين
2- وماده بعادلها شسوي وين اروح

ومشكورين مقدما

اب اب
اب اب
اب اب
اب اب

لما تتخصصين هم يحذفونهم بنفسهم
يضبطون امورج ان شاء اللهـ

بعد عمررري مشكووورة

انزين بنات بعادل ماده بماده شلووووووووووووون

حبيبتي بالنسبه للموآد الي مـآخذتهـم زيـآدهـ و مو مطلوبه عليج تطلع عليج آوفر لود تنحسب من المعــدل و ترفع معدلج اذا خذيتي فيهـم قريدآت عــآليـه

و بالنسبه للمـآدهـ الي تبين تعــآدلينهــآ إذآ تخرجتي ان ششـآء الله بلغيهــم و آهمــآ يعــآدلونهـآ لج عششآن مـآ تنحسب آوفر لـود

و موفقه ي رب

مشكورين بنات ما قصرتو فديتكم …

قووووه … بنات شلونكم شخباركم !!! عساكم بخييير !!

خنطلع شسوي من سوااالف الكليات والدراسه >>> لاعت جبدها لول

فا بـــمــــا أنــــي خــــريـــــــــجــــــــــة فا ابي استفيييييد منكم لوووول !!! >>> مو مصدقه

ابي كل وحده جاامعيه تقووووول ليي شلوووون كان شعورها اول يوم لها بالجاامعه وشلوووون تأقلمت ومن هالحجي لانه شي يديددد علينا عرفتوااا وهل صاار موااقف ومن هالحجي يالله بالجامعياااات ابيي استفيييييد !!!! حديي خاايفه واستحي

اترك الماايك لكم :$

هييييييييييييييييآإ هييييييييييييييآإ

اول وحده ارد <<<<< خخخخخخخخخخخ

لوووول الشمريه >>>>نورتي لووول …. امبييييه حدج ابدااااع لووول اهم شي دلييت !! والله انا خاااايفه واستحي مادري شبسوي لوووول

واااااااااااااااااااي

اول يووم كااان ابدااااع الصراحه

كان دوامي بالخالديه تمهيدي انقلش ورياضيات (بري كالكلوس<< هذا تمهيدي رياضيات لا تصيرين نفسي مسويه روحي مثقفه واقول مااث واخر شي مااث مااده وبري كالكلوس ماده )

انا كنت ادل محاضراتي لانه قبل الدوامات سوو لنا جوله بالكليه ودليت الحمدالله

طبعا اول مادشيت امشيي بكل شموووخ < مستانسه لانها اول وحده بين خواتها وخوانها تدش الجامعه

وحسيت انجااااز لي الصراحه

ومندمجه واصعد الدرج << درج مبنى 3 بالعلوم من كثر ما حذروني اطييح منه كنت خاايفه وكل دقيقه اقوول امبيي بطييح بطييح بطيييح

ولا فجأه عزج الله جوتيي بنص الدرج طايح
موقف محررج كان في ثنين شباب بس اشوا ما انتبهوا

<<قالت مووقف مو شعور

اما شعوري كاان حيييل حلوو الصراحه لدرجه اجي الكليه مبجر وساعات اطول فيها

حلو الموضوع

up

وييييه شيذكرني ..~

انا اول كورس ماكنت اداوم كان ماده وتمهيدي اداوم للماده واطنش التمهيدي .~

وشسمه اول يوم اذكر اول مادخلت بنات القوائم قاموا فيني قومه ياحليلهم والله في ناس موصينهم علي ههههههههههه

المهم الحمدالله ماضيعت ولا شي البنات ماقصروا وياي وعادي بس تصير مواقف شكثر وياي لاتعد ولا تحصى وليومج هذا المواقف شغاله .~

بالتوفيق اختي اي كليه ناويه تدخلين ان شاء الله .؟!

هههههههههههههههههههههههههههههههههههههههههههههههههه هههههههههههههههههههههههههههه كان قمة المصخرة …

كان اول مادة الساعه 9

طالعه من البيت الساعه 7 مع اخواني للمدارس ..

وع أول الأيام احس اني كنت ضايعه و كلا ابي ابجي ..

شوي شوي أقل من اسبوع ههههههههههههههههههه عرفت نص بنات الجامعه هههههههههههههههههههههههه والله جد امشي و اسلم

و ضبطنا وقتنا انا و رفيجاتي هم 2 دشو معاي الاجتماعية عقب تعرفنا على بنات و صرنا نقعد و سوالف و وناسة ..

و بعدين صرررررررررررررررررررررررت اعشق الجامعه تخيلي انام مبجر عشان اقوم مبجر ههههههههههههه

بس والله غير غير جو و عالم ثاني ..

تحسين انج خلاص كبرتي الكل يحترمج ..

و إذا رحتي لأهلج ينادونج يالجامعيه ههههههههههههه

و تعتمدين على نفسج اكثر و اكثر

انا الصراحة حسيت نفسي صرت جريئه شوي يعني قبل كلا مستحيه الحين عااااااااااااااااااااااااااااااااادي ..

و و بما ان الجامعة خلط أول الأيام تمشين يم الطوفة من الخرعه .. أنا كنت اقول الجامعه مجمع بس على غير خخخخخخخ

بعدين عادي تتعودين عليهم نفس الأشكال كل يوم تجابلينهم اسميهم خواني لوووول

بس لا تخافين وناسه و كل شي تمام ..

راح تمر عليج ايام تحسين ودج تشقين هدومج عاااااااااااااااااااااااااااااااااااااادي عااااااااااااااااااااااااااااااااااادي

بس حاولي تنظمين وقتج .. لا تعفسين الأمة

أنا على ابو انه اول كورس هببت تحسف شوي هههههه بس جد جد كان وناسه ..

و حاولي قد ما تقدرين تخلين دكاترتج يعرفونج هع

قرقرت واجد صح هههههههههههههههههههههههههه

يالله حبيبتي ان شاءالله تورينا

لوووول الله يستر انا شنو ببدع

((لبيييه)) انتي مو صج لووول ..انا ان شاءالله حقووق بس على حسب النسبه ادعيلي

ههههههههههههههه موااقفكم عجييييييييييييبه
اصلا اذا تبين ادلييييييييييين من امه لازززززم اضيعييييييييييين
خلووني اقولكم موووقفي
طبعا محاضرتي الساعه 8 والاخت طالعه ساعه 7 ونننص عباللها
كليتها يم بيتهم وكااان يوومهااا مووووت زززحمة ييت الكليه س 8 وووونص
ولالالابعد ابي ادش القاااعه ودكتورة كااانت حاااطة
كرسي ع البا ب يعني معنااااة برررررة وانا ادزةة وطلعني وانااا عااااادي
عباالها ايااام المدررررسه الباب خربان والابله تبي تحط كرسي عسااااس صووو الباب مزززعج
هههههههههههههههههههههههههه
امبيه وكانوا في بناااات بررة قاااعه مطردوين نفسي ومااادرينا
الادكتوور يقول شفيكم وااقفين عاد قلنا متاخرين اخرر شي توسط لنااااا من دكتوووووررة ودخلنااااااااا
هههههههههههههههههه

لوووووووووول واي وناسه الموضوع عجييب
كملوو
وتسلمين ع الموضوع الحلوو

الله يووووووووووووووفقج يآآآرب .~

وتجيبين النسبه ويارب قبوول فوري

ومبرووووووووووك التخرج ي قلبي

الله ياحلوهاااااااااا من ايام

الكبر شين

انا هآذي السنــه كانـــت اول سنــه لـــي بالجامعـــه كانـــت اول محاضره عنـــدي الساعه 10 وانـــا قاعـــده من الســاعـه 7 << عبالهـــا بالمدرســـه خخخخخ :d
المهــم طلعـــت من بيتنــا الساعـه 9 لأنه وحـــده من بنــات القوائـم قالتلي تعالـــي مبجـــر أحسن ،، وانا بالطريــج دقــت علي البنــت وقالتلـــي ها وينـــج ؟؟ قلتلهــا 5 دقايـــق وأكــون عنــدج وانــا مطولـــه يبيلــي ربــع ساعــه لــووول ،، وصلـت للجامعـــه حسيت اني داشه مكــان غريــب مع اني داشتهــا من قبــل عشان المقابلــه ولا ادق على بنــت القائمــه يحليلهــا ما قصرت والله وصلتنــي لي بــــاب القاعـــه انا ورفيجتــي وعقبهــا قالت اذا خلصتـــوا من المحاضــره قولولي عشــان أوصلكــم لمكــان المحاضره الثانيــه وعقــب ما خلصــت محاضرات رحنا نستكشــف الجامعــه أهم شـي الكافتيريـــا خخخخ وحفظنــا الاماكــن كلهــا بأسبــوع بس لوووول ،، وأول الايـــام كانــوا البنـــات المستجدات يسمــون الدكتوره أبلـــه والقاعــه صف لووووول ،،،
موفقــه حبيبتـــي عقبــال النجــاج والنسبــه العاليــه إن شآء الله ونشوفــج معانــا بالجامعـــه

عيون الحب .. يسلمج حبيبتي لوووول مادري تشوقت اعرف

لبيه ….. الله يبارك فييج حبيبتي

لووول يالله بالجامعيااات هالله هللله فيديوني انا والخريجااات :$

موضوعج ايينن فديتج صج مبرووووووووك التخرج والله يوفقج ويرزقج النسبه اللي تفرحج وادشين الحقوووووق معاي:$
انا اول يوم كان حدا فيييييلم
من صباح الله خير قاعده وكاااااااشخه وبدلتي مجهزتها لي اسبواع:$
قاعده من 6 وانا اكشخ واخرتها ايلاينر وبلاشر وقلوس:$
المهم اقعد اخوي عشان اهو اللي يوديني
بالغصب قعد ع ساعه8!!وانا محاضرتي 9!!
المهم مع زف ومادري شنو صار طيااااااااره!
طبعاً انا لسبب ما,, اوقف عند باب الكليه يعني سياره اصفطها عن الكليه فهشي وايد مونسني اني لو تأخرت اركض بسرعه لان يكون قريب مو بالمصافط بعيده>>شكو اقول هسالفه!!
هههههههه
االمهم وقفت يم اللوبي وايد قلب يدق!!حدي خففففففت بس الحمدالله كنت اعرف بنات القائمه كلهم :$
فهشي ريحني,,
لان بالاساس انا دشيت الحقوق ولا وحده من رفيجاتي معاي:"(
اكمل لج
اقول حق وحده بنت قائمه ادق عليها اقولها انتي وينج!اتقول انا باللوبي انتي وين !اقولها مادري!>>المشكله انا باللوبي بس حدي تنحت!!
اتقول شنو يمج!اقولها وايد اوادم!اهيا تضضضضضضحك,,اتقول وشنو بعد!سكورتي!!وشنو وتكمل ضحك!
واهيا تكلمني كنت شوي وببجي إلا اهيا بويه تضضضضحك
اتقول انتي باللوبي شفيج متنحه قلت وي وي نسسسسسسسيت ان هذا للوبي
طال عمري مابقى إلا 5 دقايق ع المحاضره وللحين مارحت
قالت وين كلاسج
عطيتها جدوولي يلا وديني:$
شعوري جني ايام الروضه اللي ابله تمسكج وتوديج صفج!!
انا جذي اهيا ماسكتني موديتني كلاسي قعدت تأخرت الدكتوره خلصت المحاضره واهيا للحين ماشرفت
جان ادق ع البنيه مره ثانيه تعالي طلعيني من كلاسي ووديني كلاسي ثاني لووووووووول
يت ودتني
وكان عندي 6 محاضرات ورا بعض!!اللهم بريك ساعه 12!!
اي ساعه 12 توووووهقت بنت خالي ورفيجاتي يدقون علي انتي وينج اقولهم بالكليه يقولون تعالي الكفتيريا!
قلت انزين شلون اييكم!!
حدي تننننحت امبيه مصخره!!
اكسر الخااااااااطر
المهم شفت وحده ثانيه من بنات القائمه قلت وديني الكفتيريا ودتني
جد فديتهم بنات قائمتي اشوه اعرفهم من زمااااااان عشان جذي وايد ميانه معاهم:$

عااااااادي الجامعه حلوه والحقوق همن حلوه بس يبيلها طووووووولة باااااااااااااااااااااااااااااااااااااااااااال
الله يوفقج ان شاءالله
ع الاقل اذا خذيتي 85 ان شاءالله ادشين الحقوق
وان شاءالله انتي تاخذين اكثر=)
سوري طولت:$

السلام عليكم شلونكم شخباركم بنات
شعليكم الحين معطلين كشخه
المهم ندش بالموضوع دووووغري
ما تعبتوا من الدراسه !!!!! انا تعبت وانهد حيلي بعد
عقب سنين طويله تخرجت الاسبوع اللي طاف

وحابة اكافئ نفسي بحفلة واعزم فيها اهلي وحمولتي مع العلم ان العايلتين كبار ماشالله

وانتو!؟ بشنو ناويين تكافئون نفسكم؟

النية اني اسوي حفله بصالة صغيرة وانا من سكان الرابعه ف حابة اقتراحاتكم حدي استخفيت خصوصا ميزانيتي ما تتعدى ال 1000 تشمل صالة بوفيه ديجي ( موضروري ) المكياج والشهر البدله التقديم وتنظيم الحفلة لان ابيه طاولات مو مدرجات

فكرت بصالة الجيعان جنوب السرة وبوفيه الوزان وديجي الرندي بس جذي مو راح يصير عرس؟ وبيكلفني اكثر من 1000 بعد؟
ها شرايكم بنات

بليز بنات نبي تفاعل لان جامعة الكويت خلتنا نحس ان شهاداتنا دكتوراه طب 18 سنة مع انها كلها تربيه لووووووول

هابنات اقتراحاتكم فيما يخص الصالة والبوفيه والتنظيم

وعسالله يوفق الجميع

الف الف الف مبروووووووووووووووووووووووك التخرج
اي و الله الجامعة تعب و تستاهل انه الوحده بس تتخرج تسوي حفله
انا بعد راح اتخرج كورس اول من الجامعه ولله الحمد صارلي 4 سنين وااااي الحمدالله يلا هانت كورس زياده ولا سنه لووووووول
لليلحين مافكرت شنو راح اسوي لما اتخرج بس اكيد بحتفل

انا بعد خريجه كورس اول
ومادري شسوي خصوصا بيتنا مايكفي
اذا بيتكم يكفي سويها ببيتكم وحطي بوفيه ودي جي واكشخي

طوطه________ الله يبارك فيج قلبي الفال لج
ونبي اقتراحات
عنوده________ الفال لج حياتي وبيتنا ما يكفي بس بيت خالتي احتمال يكفي بس هم مو حلوة دي جي بالبيت

مشكورة امين

شنو هذا كل هالمشاهدات وللحين 3 اللي ردوا؟ مو هذا العشم فيكم

اول شي مبروك التخرج حبيبتي ومنها للأعلى

انا عندي لج خووش راي

اول شي حجزي صاله مناسبه
بعدها اختاري لون الثيم اللي راح يكون بالحفله
مثلا خنقول بنفسجي وسلفر
خلي الطاولات بنفسجي وسلفر
حطي بالونات بنفسجي وسلفر
الكيكه خليها بنفسجي وسلفر
خلي حفلتج شبابيه على غربيه
يعني ابتعدي عن سوالف الحلويات والموالح المعتاده
يعني حطي شبسات حطي كب كيك حطي ورق عنب حطي فوندو
طبعا كل هذا خليه على طاوله كبيره
تكون نفس البوفيه المفتوح

اتمنى فهمتيني
واذا تبين اشرحلج اكثر واراويج صور انا حاظر

~mmm~
الله يبارك فيج

تسلميييين حبيبتي وجلوة فكرتج حدها عجبتني
توهقت بالصالة كلهم مدرجات ف مضطرة عليهم وراح اشيل فكرة الطاولات من بالي
والله يعطيج العافية عالرد

حبيبتي عندج الفندق الدولي حيل صغير و ملموم و مو مدرجات و اتوقع يطلع ارخص عليج و حجم الصاله ينفع حق هالمناسبات لأن حيل صغير

و اختي ~mmm~ ما قصرت عطتج افكار حلوه يعطيها العافيه

اي اللي سمعتيه صح
و حياتي التمهيدي سهل درسي و بس حرام عليج محد يسقط فيه

و ديري بالج 3 مرات تنطردين من الجامعة

هذا اللي سمعنه و ننطر كلام بنات الخبرة سنة 3 و 4

مادري عن الانجليزي

بس ادري عن البري كالكلس اللي هو تمهيدي رياضيات لو تسقطين فيه مرتين اجباري تحويل كليه ادبيه

يعني يمكن لو سقطتي باالنجليزي مرتين اجباري تحويل كليه عربيه تماما!!!هذا اذا في شي جذي مااتوقع عندنا كليه ما في انجليزي

ماعندي خبر
انشالله تطوفينه ليش تحاتين
كلمي الدكاتره انج عايدته وانشالله بيساعدونج

اللي اعرفه انه 3 مرات ومادري شيسوون فيج لووول
أهم شي شدي حيلج حتى لو فوق الحفه بدرجه اهم شي باااس

مشكوووووووووووووورين وماقصرتوا حياتي .

التمهيدي وخايفه منه اجل شنو بتسوين اباقي المواد بالسنين الجايه

ديري باااالج حبيبتي تري الجامعه صعبببه يبيلها درااسه ومجااابل

وموووفقه

والله ماعندي فكره !

up

up

up

فووووووووووووووووووووق

شدي حيلج وماكو الا الخير ان شالله ~

وموفقه بإذن الله

ماعندي فكررره …

والله يوووفقج ان شاء الله وتنجحين ..

لما كنت ماخذه تمهيدي كانت يمي وحده عايدته مرتين وهذي الثالثة وكلمت الدكتوره ونجحت
بس البنات يقولون ديري بالج تعيدينه أكثر من مرتين مادري بالضبط شيسون فيهم ؟

يعطيكم العافية
وجزاكم الله خير
والله شاده حيلي بس لولا ظروف الوفاة ولا يمكن أكون ناجحة فيه.

اي اهوا بس مسموح مرتين اعاده

وشدي حيلج وانشاءالله سهالات

موفقه

والله ماعندي فكره

الله يوفقج حبيبتي

السلام عليكم

بنات انا من زماااااااااان حاطة ابالي ان معاشات الموظف الكويتي الجامعي 470 او 480 ولما زادوا الرواتب 50 صارت المعاشات 520 او 530

لكن انصدمت ان الموظفين معاشاتهم 470؟؟؟؟؟؟؟؟ يعني قبل الزيادة كان 420؟ انا الي كنت ماعرف شي والا شنو؟؟؟؟؟؟

اتمنى تفيدوني لان فكرت انتقل ادارية بالاوقاف بس الحين من بيرضى من اهلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كان ودي اساعدج بس انا معلمه انتى شكلج اخصائيه مااعرف جم معاشهم

ليش أنا أول ما تعينت كان500وشئ ناسيه والله
أذا جامعي و400 عيل جم معاش اللي معاه الدبلوم أو شهاده ثانويه
ما اعتقد حبيبتي

امبلى كلامج ورد وردي صحيح بس يختلف من وزارة للثانيه ب20 او 30 دينار مو وايد

ما اعرف بالحكومي
بس ماحبيت ادش وما ارد

قمر انتي وين تشتغلين؟ يمكن يختلف من مكان لثاني ؟ بس مو معقوله عيل منو الجامعي الي بيرضى بشغلة معاشها 400وشي وبيترك ال500 ؟؟؟

تكفون ابي جواب

انا جامعيه ومعاشي 470 وما حاشتني الزياده لان مو كل التخصصات حاشتهم

و من ضمن معاشي 50 دينار لموضظفي وزاره التربيه فقط اللي بتخصصي ( يعني داعمينا ومشجعينا لا اله الا الله ) …. كنت بحول اوقاف ودريت انهم بيشيلون مني هالخمسين ويصير معاشي 420 !!! وانا جاااامعيه قلت خلوني عالتربيه بغثاها وبهمها عالاقل تواسيني هالخمسين لو انها ما تسوي شي بس احسن من قولة معاشي 420 جني دبلوم

والزيادات ما حاشت الا المدرسات والخمسين جتهم مع انهم نفس الشهاده مثلنا بس ظلمممم وربي ومعاشاتهم ماشاءالله ما تحتاج زيادات …شيقولون عن معاشاتنا احنا نكرف ونتعب و بنص الشهر ( بالنسبه لي بعد المعاش باربع ايام ) ما يصفى لنا دينار من هالمعاش اللي يطقطق

شلون جامعيه 420؟

انا اعرف الدبلوم معاشهم اول ما يتعينونو مع الخمسين 400 ؟؟

في شئ غلط

أنا جامعية معاشي 520 _ 30 التأمينات يعني 490 الأساسي 470 وعندي بدل شاشه 20

نوسه مع الزياده 50؟

مع الزيادة وراح يصرفون لنا كادر الجامعين 100 بس مآدري متى إحتمال شهر 4

نوسه انتِ بأي وزاره تشتغلين؟؟

وكنتِ خريجه شنوبالجامعه؟؟

<<< المحقق كونان خخخخخخخ

على حسب المكان في هيئات حكوميه خاصه ومستقله وفيه شركات حكوميه معاشاتها اعلى

صح كلامج ورد وردي .. انه موظفه بهيئه حكوميه و معاشي 430 اول ما تعينت … وانه جامعيه و تخصص نادر ..!! و بعد زياده ال50 وعلاوه صرت 480 …الله يرضى بس الحمدلله على كل حال ..

معقوله

انا م.مهندس معاشي 500 وشي !!!!!!!!!!!!!!

الجامعيات اقل منا ؟؟؟؟؟ مو معقوله

السلام عليكم …..

كلووووووووووووووولوووووووووووووووووووووش

البشاره يابنات ياجامعيات ابشركم غيروا موااااااعيد التسجيل

كلووووووووووولووووووووووووووووووش

انا قبل حاطيني 1/1 وانا خريجه صيفي والحين جيكت مره ثاانيه حاطيني 15/12 الحمدلله الحمدلله يارب

كلوووووووووووووولووووووووووووووووووووووووش

جيكوووووا لحق ماتلحق

يالله عطووووووووووووني البشاره

عقبالكم

ههههههههههههههههههههههههههههههه ( انهبلت البنت ) هههههههههههههههههههههههههههههههه

هههههههههههههههههههههههههههههه

عالبركة

يرحم امج وين شفتيهم ؟!

ابي اتخرج

مووووووووفقه قلبوو .؟

بس شلون اصلا التسجيل بيتدي 14 الشهر .. حق بقايا 2024

ومن زمان دفعت2007

شلون حاذفين 1 / 1 ..

تراا كان فيه غلط انا مره يطلع لي 16 و مرة مايطلع لي وقت تسجيل كلش ..

يعني اكييد الحين الموعد الصجي ..

بروح اجييك ..

موووووفقه آبلة

عل البركه شنو تخصصج

الله يبشرج بالخيير

نقزوني .. صرت 15 / 12

يااااااااااااااارب خرجنااااااا هالسنه

الله يبارك فيج

دشي على السستم وشوفي التاريخ الجديد وبشريني

صح حبيبتي بس الظاهر غيروووه لاني توني مجيكه واانا دفعه 2024 وكلمت نص رفيجاتي وكلهم نفسي تغير الموعد

عقبالج

اب اب اب

الله يبشرج بالخير

<< تركض للسستم لوووول

الله يبارك فيج حبيبتي

رياااض اطفال

لوول ,, عالبركة

وانشاء الله تسجلين كل المواد اللي تبين

يالله ريووووومه ننطر موعدج

بشرينا متى

الظاهر اني انهبلت من الوناااااااسه

هههههههههههههههههههههههههههههههههههههههههههههه

الله يسلمج يالغلااا وعقبالج انشالله

لالالا حاطيلي فترة التسجيل مفتوحه
شهالسستم مخرف على صغر

بموت من القهر والسبه هوو

لالالا حاطيلي فترة التسجيل مفتوحه
شهالسستم مخرف على صغر

بموت من القهر والسبه هوو

بسم الله الرحمن الرحيم .

الحمدلله الذي بنعمته تتم الصالحات

بخوووش دوغري بالسؤال لاني مو مستانسه بالوظيفه عشان اوصف لكم شعوري

انا معلمة لغة عربيه ابتدائي ( نصابي صفين = 18 حصه بالأسبوع )

ويعطوني مناوبات ( ثنتين بالشهر ) وحده الصبح ووحده بالهده !

كرررراف صراحه

السؤال : انا اعرف اللي نصابها 18 ماتاخذ مناوبات !

افيدوني الله يجزانا ويجزاكم الجنه

يااااحياااتي انا نفس تخصصج كرفوني مثلج لما كنت صغيره بس الحين كبرت وخبرتي ١٣ سنه تو ارتاح ويعطوني صف واحد شوفي المناوبه تعتمد ع ادارة المدرسه نفسها يعني معلمة العربي مو المفروص يساوونها بغيرها من المواد الثانية لان مادة العربي اعلا نصاب بوزارة التربية طبعا هذا كله من توجيه العربي حسبي الله عليهم مايطالبون بحقوق المعلم بس ربج كريم اذا انتي مرتاحه بمدرستج انا اقول اخذي مناوبة واحتسبي الشي هذا عند ربج واذا مو مرتاحه نقلي لان اغلب ادارات المدارس ماتكلف مدرسات العربي اللي نصابها كامل باي عمل ثاني غير حصصها باستثناء مناوبة آخر الدوام وطبعا تمر عليج مرتين بالسنة بالكثير وبامكانج رفضها ع حسب ظروفج لان لها مردود مادي والله يوفقج ويسخر لج جميع خلقه وتقبلي مروري

^

فدييييييييييييييييييييييتج
الله يعينا وينصفونا
جزاج الله خير