الوسم: التعيين

عفيه بنات بسألكم انا خريجه الجامعه فصل اول

والمفروض ان اسامينا نزلت بالديوان من شهر 3

والشهر خلص وماكو شي وسمعت ان التعيين موقف ؟؟؟
يعني شنو ننطر الي السنه الجايه شهر 9 ؟؟؟؟

صج او لأ انتو الحين بالمدرسه ماشفتوا مدرسات جدد توهم متعيين ؟؟

اللي عندها معلوومه تفيدني

الوزارة قدمت استقالتها 16-3
من هذا التاريخ توقف التعيينات والندب والنقل الا ان يشكل مجلس جديد وتتشكل الحكومة الجديده

يعني تنطرون بعد 16-5 (يوم الانتخابات) وتالي لمن تتشكل الوزارة
يعني اتوقع مو هالكورس الله يعينكم

صح كلام الخياله
يالنا تعميم من الديوان توقف التعيينات والندب والنقل الا ان يشكل مجلس جديد وتتشكل الحكومة الجديده
الله يعينكم لازم تنطرون حتي تتشكل الوزارة

ايه موقفين التعيين لان الحكومه استقالت

التعيين والنقل كله موقف من استقالة الحكومة ..

وكله يرجع بعد انتخابات مجلس الامه يعني هالحجي نص شهر 5 ..

كلام البنات صحيح بعد الانتخابات

صح كلامكم موقف الندب والتعيين الى مابعد الانتخابات…

اي حبيبتي..
مدام مافي وزاره يتوقف كل شي ..
بـ كل الوزارات ..

حاولي تستمتعـوون بالعطلـه .. واستغلووهـا بشغلات تنفعكم ..
والدوام لاحقين عليـه ان شاء الله ..

يعني ما فيه شي الا شهر 9 والله حرام عليهم انا متعينه بس بقالي مباشرة عمل الله يعين

إي ،، وقفـــوا التعينات ،،، لي بعد الإنتخابات …

اووووووووووووووووووووووووووف

انا بروحي زهقانه هالثلاث الشهور اللي طافو جنهم 3 سنين

الله يعينني على ضيقت الخلق ……………………………….):

اخذو دورات الاي سي دي أل

اخذي دورة اي سي دي ال
وشوفي اذا في دورات تطوير الذات ووو هالكلام
كلهم حلوين لج بعدين
وابدي جمعي دفاتر تحضير وشوفي طريقة التحضير وطبعيها بالكومبيوتر من الحين
يعني حوسي
لأن باجر بتتمنين اجازة ولو يومين

انا عندي اقتراح

ان نتصل ببرنامج الثانية على الخط ونقول لهم قضيتنا وهم دورهم يتصلون بالمسئول عن التعيين

موعد البرنامج يوميا من الساعه 11 -1 ظهرا على fm 97.5

الانتخابات تؤجل تعيين المعلمين إلى سبتمبر

كتب مسعود العنزي: اجلت الانتخابات النيابية المقبلة تعيين المعلمين في وزارة التربية حتى سبتمبر المقبل وقالت مصادر تربوية ان الوزارة لن تعين اي موظف لديها خلال الفترة التي حددها قرار مجلس الوزراء، مضيفة أن ادارة الموارد البشرية ستسمح للمعين ان يباشر اجراءاته كاملة عدا اوراق الفحص الطبي الذي ربما يسمح به في بداية شهر مايو ، وبينت ان جميع قرارات التعيين ومباشرة العمل ستكون بعد انتهاء فترة الانتخابات.

ولفتت المصادر الى ان الوزارة ستوقف تعيين المعلمين والمعلمات ولكنها ستباشر اجراءات التعيين على ان تتم مباشرة العمل مع بداية العام الدراسي المقبل وذلك لكون العام الدراسي مع انتهاء فترة الانتخابات يشرف على النهاية.

هذا وقد كثرت شكاوى خريجي وخريجات الفصل الدراسي الاول في كلية التربية في جامعة الكويت والتربية الاساسية في الهيئة العامة للتعليم التطبيقي الذين كان يحدوهم الامل بالتوظيف في سلك التعليم من خلال الفصل الدراسي الثاني قبل صدور القرار الذي ينتهي تأثيره بانتهاء انتخابات مجلس الامة في النصف الثاني من مايو المقبل أي قبل شهر تقريبا من انتهاء العام الدراسي الحالي ما يعني تأجيل توظيفهم الى العام الدراسي المقبل.

تاريخ النشر 31/03/2009
منقول من جريدة الوطن

سلام عليكم ابلات
بغيت اسأل التعيين اليديد من متى يقيمونهم اول جم شهر لهم تقييم ولا لا وشكرا وكل عام وانتو بخير والله يوفق اللي ترد علي

الله يوفقج بس اب

/

سبحان الله وبحمده

سبحان الله العظيم

أكيد في وحده تعرف ؟!

اب اب

اب اب

اذا تعيينج كورس اول لج تقييم في نهاية العام

اما اذا كورس ثاني فـ مالج تقييم

مشكورة حبيبتي عالرد بس بعرف جم شهر من الكورس الاول مالي تقييم في شي جذي ومشكورة

upp

ردوا علينا ياابلات ياحلوين عشان كل بنات تعيين يديد يستفيدون انشاءالله وشكرا ادري ماتقصرون

على ما أظن و إلي أعرفه المعلمة إلي تدام 90 يوم لها تقييم

مشكورة حبيبتي بعد منو تعرف ياريت تفيدونا

لا 100 يوم عمل لها تقييم

التقييم يبدي عقب ال 100 يوم ولا قبل ؟

أتوقع لو داومتي 100 يوم لوقت التقارير

السلام عليكم ورحمة الله وبركاته

بنات أنا توني متخرجة الحمدلله بالفصل الصيفي ..

وحبيت أستفسر :

هل التربية تعين المدرسة الحامل ؟؟ و بأي شهر ؟؟

اذا أنا بطاقتي المدنية على منطقة تعليمية ، وأبي اتعين بمنطقة تعليمية ثانية شنو لازم أسوي ؟؟ أنا أبي منطقة الاحمدي التعليمية وبطاقتي مبارك الكبير !!

انا خريجة تربية أساسية حاسوب والتعيين ان شاء الله بيكون متوسط

وجزاكم الله خير

وينكم بنات ؟؟

اولا انا نفسج خريجة حاسب الي بس الجامعة العربية المفتوحة وحامل بالسادس تقريبا وباجر باذن الله مقابلتي وكل شي يبين باجر واتمنى البنات يردون عليج

اي عادي حبيبتي يعينونج بس ماياخذون لج اشاعه الابعد الولاده ان شاءالله
وعلى اساس البطاقه لأ مايصيرانتي تبع المنطقه التعليميه اللي بالبطاقه المدنية والله يوفقج ويسهل عليج ولادتج واتمنى اني فدتج ….

مشكوووورين بنات ….

انا سمعت اذا تبين منطقة تعليمية غير بطاقتج لازم تحطين واسطة !!! ما ادري انا كلش مو متقبلة منطقتي

بنات انا الحين خلصت اوراقي كلها ووديتها الوزاره وخذوها وقالوا ندق عليج اذا وصل قرار التعيين ….
سؤال الحين لي اكثر من اسبوع بعرف اهم عادي يطولون بسالفه قرار التعيين وجم المده اللي لازم انتظرها ؟؟؟؟!!
وماادري صج بيدقون علي ولا لازم انا اللي ادقدق عليهم !!!

وينكم يانوظفاات ؟؟؟
مافيه احد !!!!!

اللي اعررفه انهم يطولوووون
سويتي فحوصات الوظيفه

انا توظفت تقريبا 11/6 وبالواسطة

الي اعرفه انه اطولون يعتمد على الادارة واعتقد بدقون عليكم يا شهر 7 او بعد رمضان

اهاااا
غريبه انا قالوا لي انه مايطول اسبوع او ١٠ ايام بالكثير !!!!

انا خلصت الفحوصات والاوراق كلها بس باقي ورقه مباشره العمل ،،، يعني اذا مافيه الا عقب رمضان شحقى معطلين الاودام يقولون بعد شهر شهرين وانتهى الموضوع،،

انا والله لو الواسطة مو مكلمينهم ولا نايمين بالعسل
لان اغلب المدرا والوكلاء يطلعون اجازة فما يتوقع ملفج

طبعا يعتمد على الوزارة نفسها يمكن انا وزارتي غير عنكم التربية غير مافيها تدريب انا تدربت حوالي 3 ايام وبعدين سويت الفحص نطرت اسبوع بعدين استلمت اوراق الفحص ووديتها ونطرت بعدها 10 ايام حركت الواسطة علشان يفهمون شسالفة بعدها دقوا علي

التربيه اكيد غير عنا
بالتوفيق ان شاء الله

هالرمضان مسوي قلق للشعب من الحين للحين ماشرف و اهم بعد رمضان وبعد رمضان بعد العيد وبعد العيد عيني من الله خير

حبيبتي انا مو تربيه !!
انا بشؤون وسويت تدريب ثلاث ايام وبعدها سويت الفحص ،،،،
وقبل شوي كلمتهم وقالوا تو ماوصلنا قرار التعيين !!!

انا قبل بعد نفسج بس قالولي ما وقعها الوكيل الخاص بالشؤون الاداريه
انتي وين تدربتي؟ اقصد المكان باي فرع للوزارة

تدربت بالمكان اللي راح اتوظف فيه >>> تنميه المجتمع بوزاره الشؤون ،،
بس انتي جم قعدتي على مال وقعها الوكيل ؟؟؟

انا خذت مني تقريبا ١٢ يوم

الله يخلي الواسطة وظفتني
بسررررررررعه
الحمدالله

عاد واللي ماعنده واسطه شيسوي؟؟؟
زوجي يقول ماله دخل قرارات التعيين تاخذ وقت ليما يوقعها الوكيل !!

والله ماتوقعت المسأله تطول جذيه ،، بس على قولتكم الي ماعنده واسطه >>>>> ينهضم حقه بالكويت

ابشركم ،،،،،، واخيراً صدر قرار التعيين

مبروك حبيبتي

السلام عليكم كوتيات يعطيكم العافيه عندي سؤال

الي يعينونها مدرسة انجليزي قالولي يسوون لها مقابلتين عملي وشفوي

من شنو تتكون المقابلة وشلون صاير الامتحان قواعد ولا شنوو

يعطيكم الف عافيه والله يوفق الجميع

يعطيج الف عافيه مشكوره حبيبتي

السلام عليكم
يا احلى بنات ومعلمات

انا ان شاء اللة راح اداوم الاحد توني تعيين يديد بس اللي ابعرفة

متى المعاش راح ينزل لنا ؟؟؟؟

لان في ناس تقول شهر ونص وناس تقول شهرين

وجم راح ينزل ؟؟؟؟؟؟؟؟؟؟؟؟؟

لان لستت الطلبات كل ما لها وتزيد ههههههههههههههه

وشكرا يا الغاليات

ينزلج اتوقع شهر 24 / 11
لان التعين اليديد ما ينزلهم المعاش من اول شهر ينزل باثر رجعي معاش كامل ونص يعني راح ينزلج تقريبا 1000 وشوي
والله اعلم

ومبرووك التعيين

سلام عليكم

كويتيات خواتي

انا طلع اسمي بالتربيه وكنت مو مقتنعه بالتربيه مو حابتها

وقلت خل اشوف حظي يمكن يحطوني بمكان زين

وحطوني بادراه التربيه للتعليم الخاص انا حسبالي بمدرسه من مدارس التربيه الخاصه
ولمه رحت عطوني بالاداره والمدير شيين ما عاجبني الوضع
رفضت
ورحت الوزاره وقلت سالفتي حق موظفه للي بالاستقبال
جان تقولي سووي كتاب اعاده توزيع
جان اقولها لا انا ماخذه قرار التعيين ومباشره العمل بس خلاص ما ابي برفض التربيه بكبرها
وقالتلي الموظفه روحي الديوان ورفضي
وبعدين تعالي الوزاره. مره ثانيه

ورحت الديوان رفضت
وبس ما قدرت اروح الوزاره مزه ثانيه

ورحت يوم ثاني
ولمه رحت قسم التعيين رحت عند رئيس قسم التعيين قالي ليش رحتي الديوان رفضتي
جان اقوله هذا للي قالتلي الموظفه
جان يقولي خلاص كتبي كتاب رفض وعطيته اوراق التعيين ومباشره العمل
وقالي جذي بس خلاص

بعد فتره طرشو لي مسج
السيد / ……………………الرجاء احضار المزاوله الاصليه ان وجدت من جهه العمل المزاوله الورديه هي الاصل الي وزاره التربيه مبني 2 قسم التعيين الدور الاول خلال اسبوع لصرف الراتب وشكرا

وما رحت لهم قلت انا رفضت بعد ليش اروح

واليوم طرشو مسج
يرجي مراجعة قسم التعيين لتسليم اصل المباشرة لصرف الراتب عاجل

يعني ضروي اراجع واقولهم اني رفضت
ولا طااف اهيتهم

واخاف ما تدرون عن كتاب الرفض
وما ينزل اسمي مره ثانيه بديوان

اب
اب
اب



لا وحده بالمنتدى
موظفه بوزاره التربيه بقسم التعيين
او تعرف وحده هناك

هلا امري

دزيت لج عالخاص

مرحبا بنات حبيت اسال انا مدرسه متقاعده وحابه ارجع للتدريس ما ادري اتعين على نفس درجتي قبل التقاعد والراتب يكون نفسه بعد او لا يا ليت اللي تعرف تقولي او تعرف احد رجع بعد التقاعد اكون شاكره لها لاني راح اراجع الوزاره هاليومين فلا تتاخرون علي

من صجج ترجعين؟

ماعندي علم والله ياخيتي ان شالله يفيدونج البنات :>

ان شاءالله البنات يفيدونج

شاكره مروركم بس شسوي مليت من قعدة البيت

شدعوه بنات يعني ما في احد بالمنتدى تقاعد ورد للتدريس مره ثانيه !!!!

للرفع

الظاهر متقاعده مبجر ؟؟

عشان جذي زهقتي من قعده البيت

الله يوفقج

هلا والله مش مش ابد والله بس انا حل تقاعدي وتقاعدت قلت ابرتاح بس الصراحه زهق وملل قعدة البيت فقلت ارد احسن

اب لعيونج و الله مادرى

up up

ااااااب لعيونج

لا ماعتقد ينزل لنا معاش الحييييين الشهر الياي ان شالله

يعطيج العافية حياتي على الرد

شدعوووووووووووه بنات مارد على الا وحدة

وهج هلا فيج يا قلبي صراحه انا رفيجتي تعينت قبلي باسبوع يعني على نص شهر 3 ونزلها اليوم المعاش وانشالله ينزل لنا بعد

انا ورفيجتي تعيين جديد ونزل لنا اليوم

انا باشرت ٢٤-٣ ورفيجتي٢٨-٣

ونزل لنا معاش شهر كامل عن شهر ٤

اللي نزل لكم الله يهينكم فيه وتصرفووووونه بالف عافيه عوافي على قلووبكم والله يعطيكم خيره ويطرح فيه البركه
انا تعييني كان بتاريخ 28/3 بس للحين مانزل لي شي تهقون راح ينزل مع شهر خمسه او هالايام؟؟؟؟؟
في اجراءات اسويها عشان ينزل فيدوووني حبايبي

وهج الحنين انتي على اي بنك؟؟

في بعض البنوك تتأخر في صرف الرواتب

صباح الخير

شلونكم شخباركم
بغيت اسئل

عن امينات المكتبة لي خلصوا اوراقهم وفحوصاتهم

وقالوا لهم راجعوا

شنو صار ومعاهم

انا خلصت كل شيء

بعدين
راجعتهم على اخر سبعة قالوا تعالي اخر شهر ثمانة علشان يعطوني مباشرة عمل

ما ادري انتوا قالوا لكم نفس شيء او لا

شكرا

موفقه انشالله
و على البركه

upupupupup

لا اله الا الله عدد ما كان وعدد ما يكون وعدد الحركات والسكون

اي انا بعد قالولي تعالي نص 8 و نعينج…

موفقة واللة يعينج على الوظيفة اللى كلها احباط _______ موفقة انشالللة

اي اخر 8 عشان يعينونك باي منطقه وباي مدرسه عرفتي روحي لهم وسهالات ياقلبي انا قالوا لي نفسك وصار لي متعينه 6سنوات والله كريم

راجعيهم على نص ثمانية وشوفى شنو يقولون لج سويتى مقابلة ولا عشان يسون لج مقابلة ويحددون مكان تعينج بالتوفيق

مووووووووووووفقه عزيزتي…..

حبيبتي وانا وياج

نفس التخصص خلصت كل شي

واسبوع اللي طاف رحت لهم قالو تعالي نص 8

عشان يعطونا مباشرة العمل ..

انا توني مخلصه مقابله امس بس قالو لي راجعي الاسبوع الجاي

بس ما قالو لي متى مباشره العمل

عسل دوعان

عطوج اوراق الفحص الطبي ولا للحين ؟؟؟