|
ويعطيكم العافية..
|
|
السلام عليكم بنات
الله يخليكم بغيت من خبرتكم او تجاربكم او معارفكم باي دولة الاحسن من ناحية عمليات الديسك او العلاج الطبيعي لانه زوجي صار له سنة وشي يعاني من الام الظهر من الديسك رغم انه سوا وايد جلسات علاج طبيعي بالمواساة عند الدكتور سامي عبدالله بس ماكو فايدة يروح ويرد
وقالوله في ابرة تريحك مدة سنة كاملة بس هني بالكويت غالية وبري ارخص
انا ماادري اذا تشخصية يحتاج عملية او علاجات طبيعية او سباحة او شغلات ثانية
طمنوني بنات ولي يعافيكم
التشيك شطار بسوالف العلاج الطبيعي
ألمانيا شطار بالعمليات
خلي يستخير بين ألمانيا والتشيك ويشوف
والله يشافيه لج ان شاء الله
التشيك شطار بسوالف العلاج الطبيعي
ألمانيا شطار بالعمليات
خلي يستخير بين ألمانيا والتشيك ويشوف
والله يشافيه لج ان شاء الله
وين باقي الصبايا
خله يستخير وان شاء الله يختار اللي يريحه
|
يعطيكم العافية خواتي
حبيت اساألكم عن أحسن المستشفيات في التشيك ..؟؟
مباركية شلونك
في منطقة بالتشيك اسمها تبليسة
فيها مصحات كثيرة للأطفال والكبار
منها ""نوفي لازني "" لللأطفال
"""بتهوفن"" و"""قيصر """ و"الحجري """ للكبار
وهم في منطقة اسمها دوبي فيها مصحات بس صراحة ماني عارفة شنو اسمها
أنا كنت أعالج بنتي في تبليسة في مصح نوفي لازني
أتمنى أكون أفدتك وان شاء الله بعد أسبوعين بسافر التشيك اذا تامرين بشي
السلام عليكم
مباركية شلونك في منطقة بالتشيك اسمها تبليسة فيها مصحات كثيرة للأطفال والكبار وهم في منطقة اسمها دوبي فيها مصحات بس صراحة ماني عارفة شنو اسمها أنا كنت أعالج بنتي في تبليسة في مصح نوفي لازني أتمنى أكون أفدتك وان شاء الله بعد أسبوعين بسافر التشيك اذا تامرين بشي |
مشكورة ياالرهييفة انا احلى دولة زرتها وتعالجت فيها التشك وقعدت فيها تقريبا سنتين عمري ما انساها ودي ارجع لها
تصدقين عبالي انت اللي تسألين؟
مباركية أكثر شي عالق في بالي من التشيك الصبح عندهم أحس له هواء جميل
ويعطيكم الف عافيه وان شاء الله ما ثقلت عليكم بالأسئله
الله يعطيكم العافية على الافادة والمشاركة ….أنا خلال اسبوعين بروح مع ولدي المريض للتشيك ومحتارة ماعرف الديرة . اللي عندها خبره عن أحسن المصحات في التشيك للأطفال للعلاج الطبيعي تفيدني الله يعافيها ويجعلها في ميزان حسناتها
اول شي :- شلون احجز هذي المصحات من السفريات او من وين ؟؟ احسن هذي المصحات لمرض ارتخاء العضلات ؟؟ احسن مكتب لأستخراج الفيز وعمل التأمين الصحي ؟؟ والافضل السكن في المصح او في الشقق ؟؟ وشنو طريقة الحجز ؟؟ وتنصحوني آخذ عيالي معاي لان مالي قلب اخليهم هني ؟؟ حبيت اسال عن الاكل الحلال وين الاماكن اللي الموجودة فيه ؟؟ وشولون الجو في التشيك ؟؟ تنصحوني اخذ معاي ملابس شتوية وجاكيتات؟؟ ويعطيكم الف عافيه وان شاء الله ما ثقلت عليكم بالأسئله |
شوفي يا الحبيبة الحجز عن طريق السفريات من وجهة نظري احسن لج واذا بتروحين بيشتني عندج كذا مصح والأحسن تسكنين بامصح نفسه وهو نفس الفندق والعلاج فيه أريحلج وبالنسبة للبس أخذي معاج الشتوي والصيفي لأن جوهم مشكل والباجي يفيدونج فيه خواتنا الطيبات 00لأني بصراحة صار لي سنين ما رحت هناك والله يسر أمركم ويسهل طريجكم ويعافي وليدج اللهم امين
ويعطيكم الف عافيه وان شاء الله ما ثقلت عليكم بالأسئله
ولاتنسين الأشياء اللي مو موجودة عندهم مثل القهوة والهيل والتمر وبهاراتك الخاصة
وذا تبين رقم أحد
أحد يحجزلكم قوليلي