السلام عليكم
صباح الخير
طبعا مافى نوم من الكوابيس للى اشوفها من جم يوم ولان وضعى مع ريلى حرج كما تعلمون وانا الزوجة الاولى للى طايح حظها
طاح اكثر ولله الحمد ونزلت الدورة قبل ما اسوى التحليل بيوم
صحيت من نومى فرعة وحسيت فى بلل بهدومى ولما شفت شى ما يفرح القلب
انا لله وانا اليه راجعون
افلست من كل شى
ريلى راح
جنينى راح
وحظى طاح
استغفر اللله
حتى ابى ابجى مو قادرة
قلبى يعورنى يا بنات والله قلبى يعورنى
يالله والله تعبانة نفسيتى ودى كلكم حوالى الحين ابى احد يواسينى
احس بصدمة كنت متاملة خير وقلبى معصوووووووووووووور وادعى كل يوم من زمااااااااااااااااااان وهالشهر كثفت بزود ….. كنت ابى اصير شى عند ريلى كان ودى احمل عشان يحس ان زواجته ما منها فايدة
الحين وجودى صار ما منه فايدة
امبيه اكيد بتطلق
مو بس هذا همى
انا كنت متاملة اشوف خطين فى الجهاز كنت ابجى واقول يارب متى اشوف خطين متى يارب متى يارب ودى اشوفهم
كان ودى احضن طفل والمهه واشمه وابوسه والبسه واستانس فيه كان ودى احطه بحضنى مثل كل الحريم بس واحد يارب مو طماعه استغفر الله واحد اسد فيه عين الناس واوقف كلامهم ولا احس انى اقل منهم …. واحد احقق فيه الشعور بالامومة للى ما جربتها بحياتى
عواطفى غزيرة ومشاعرى كثير
احس انى ما عاد لى وجود عند ريلى لانه اكيد هذا تفكيره وقلبى معورنى استغفرالله
راحت الفلوس على هالعمليات انا لله وانا اليه راجعون
حياتي والله لايضيق خلقج واستغفري ربج وربج كريم رحيم راح تحملين باذنه تعالى مره ثانيه وتزعلين واستغفري ربج
بس انتي ماسويتي تحليل تاكدتي ترى انا قبل تحليلي بيوم نزل علي دم وضاق خلقي انه خلاص العمليه افشلت واني مو حامل بس سبحان الله رحت حللت وطلعت حامل
لاتفقين الامل وكرري العمليه بعد مره ومرتين لين تضبطج معاج وتحملين
ياااااااارب يرزقج الذريه الصالحه ياقادر ياكريم
والله بجيتيني
ربي يعوضج خيرر يارب ما تدرين يمكن خيره لج
وعسى ان تكرهو شي وهو خير لكم
تفائلي وردي عيديها ولاتفكرين بالطلاق
انتي اول مره اتسوينها
اذا اول مره لا تسكتين روحي عيدها وتفائلي وكثري الدعاء بشهر رمضان
والله عن تجربه
انا شريتي بهالحيه مو زوجه ثانيه لا اهله
دايم ادعي ربي يسخره لج ويحنن قلبه عليج والله راح اتشوفين هالشي بعيونج وبعدين عاد لاننسين ادعيلي
انا والله كان يبونه كله عندهم وماايني لدرجه بطلوا دوانيه بيتهم بس عشان يحرموني منه وانا مع زوجي حيييل مع بعض لدرجه ما يطلع من البيت
بس ربي اقوى منهم
لدرجه قام يسكر جهازه عشان ما يبي احد يزعجه انا معاه
توكلي على الله وخلي امل بربج اقوى
الدعاء زين مافي اقوى منه راح يرده لج
انا مافيني شي بس زوجي فيه ضعف وعدد الحركه بطئ واااايد
وسويتها مره وفشلت والحين بسويها مره ثانيه
بس خلي شغلج بالكتمان
وانشاء الله اشوف خبر حملج قريب يارب
لا حول ولا قوة الابالله
ياحبيبتي لا تضيقين خلقج خلاص.. هذا الي الله كاتبه لج
ماتدرين ماتضيق الا تفرج يمكن ريلج يردلج ويمكن
تحملين طبيعي لا تفقدين الامل ماكو شي بعيد عن رب
العالمين واذا ريلج باعج لاتفكرين فيه خلاص الي يبيعج بيعيه
لاتشيلين همه اهو بعد والله يكون بعونج
لا يضيق خلقج حبيبتي صدقيني كلواحد والله شكاتبلج لايضيق خلقج تبين ترتاحين بالدنيا شوفي الي اردا منج شوفي الي ريلها كليوم طق ومخدرات وحشيش ويب البنات لي عندها بالفراش هذي شتسوي ولي الله رزقها بعيال معوقين مساكين ولا منغولين هذي شتقول حمدي ربج على كل حال انا طرحت مرتين بس اقول الف الحمدلله يمكن هذا الولد يطلع معوق او منغولي شسوي بعمري لج خلق اتجابلينه وتعتنين فيه بس الواحد يطالع الي اقل منه ويحمد ربه عشان يعيش وريلج لاتفكرين فيه بالطقاق الي باعج بيعيه وانسي ضيعي وقتج بشغلة انت تحبينها مثلن تسوين هدوم دراريع اي شي صدقيني ولاتستسلمين ويبين عليج انج ضايق خلق ترى هذا الي يونسه ويونس الي يكرهونج
حبيبتي لا تضيقين خلقج
احنا الحين بهالشهر الفضيل
ادعي للي عينه ما تنام … فرشي سيادتج وطلعي اللي بقلبج
لا تقولين حظي طاح اسم عليج
دام انج بصحتج وعافيتج كل شي يتعوض
خلج قويه و تذكري ان الله مع الصابرين
وحطي في بالج (ان الله اذا احب عبدا ابتلاه)
تقربي لربج اكثر والوحده منا ما تدري الخيره وين
سبحان الله كلللللل شي يصير لنا بهالدنيا له خيره لنا وربنا وحده اهو اللي عالم بهالشي
الله يمسح على قلبج و يفرح قلبج بهالشهر ياااااااااااااااااااااااااااااااااااارب
الله يهون عليج يارب ..
يا حبيبتي الله يعينج
صدقيني ان الله يحبج وانه قدر لج الخير
وانا اقول لا تطلبين الطلاق
لا بالعكس اعتبريها بداية جديده في حياتج
حااااااااااولي
وقوليله اهي للعيال وانا لك انت
لراحتك
وانسي شوي التفكير بالحمل
واستغفري وادعي
ان الله يسخرة لج
والبسي واكشخي وعيشي حياتج يا قلبي
والله معاج وقلبي وياااااااااااااااج
امونة الحلوة
صحيت من النوم لقيت بقعتين كبار دم انا اشوفها دم حيض
بس ممكن يكون فى امل؟ انا من صحيت للحين صارلى ساعتين بس ما نزل دم مرة ثانية
بس خايف من الامل الغريق يتعلق بقشة
بس حرام مابى اتحطم اكثر
الله يعين قاعدة افكر بردة فعل ريلى
انا طرشتله رسالة
اتوقع يرد
انتى طالق
فراشة الكويت
تدرين والله مو راضية الدمعة تنزل احس بصدمة وتعب والله لو ابجى ارتاح استغفرالله
ما اقول الا انا لله وانا اليه راجعون
اصلا لهفتى عالطفل تفوق اى احساس اكتبه والله من متى وانا كل يوم ادعى اشوف هالخطين فى الجهاز
كنت اقول حتى لو سويت تحليل دم وطلع فى حمل لازم اشترى ذاك الجهاز عشان اشوف الخطين لان هذا حلم وامنيييييييييييييييية غالية
بس ما كتب لها تحقق يمكن ما يصير الحلم حقيقة
most7eel
اسفه اذا كتبت الاسم غلط بس اتعبرونى بغيبوبة نفسية
شكرا على ردج وانشالله يستجيب ربى منج ويرزقنا كلنا
نونة 2
امواجالبحر
فتاة استرالية شكرا ادعولى ربى يعوضنى
عسى الله يرزقكم
روح حبيبى:
شلون انسى موضوع الحمل واهو السبب فى تعاستى وزواج زوجى على الحين صارت مقاسمتنى فحياتى
وما اشوفه ولا يشوفنى لانى فبيت اهلى
يعنى المصايب تتحذف بكل صوب
الحمدلله والشكر
اهى بتييبله الطفل وتصير توب ووقته كله بيصير عندها وانا ولا شى
لا طفل يسلينى ولا زوج يحبنى
والدنيا كلها ضدج ياللى ما تحملين كانى سويت جريمة
استغفري ربج
اذا مرضت فهو يشفين
مالج الا ربج
و انا بدعيلج و ان شاءالله كل البنات يدعون لج
و ياارب ياارب هالنقطتين الي نزلوا تثبيت حمل يااارب
قالي الدكتور عيدي التحليل بعد 72 ساعه والنتيجه يقولي 13 من25 وأنا محتااااااااااره يعني في أمل حمل ولا لأ علما بأن موعد الورة يوم الخميس12 -2 أمانه ردوا علي وأدعولي أكون حامل 