الوسم: البيبسي

السلام عليكم بنات

اولدي اذاني مع هالبيبسي

وابي اعوده ما يشربه اشلووون؟؟؟؟؟؟ظ

ساعدوني

تحياتي

الحال من بعضه

اول شي منعي البيبسي يدخل البيت نهائيا يعني لا تشترونه وان حصل وطلعتي برة وشاف البيبسي وتتح وبجى الا يبيه رجعي البيت وخلي يبجي لحد ما يشبع – لازم تكونين شديدة وسامحيني عالكلمة بس انتو عودتوه لازم تتحملون

يا حبيتتي اول شي ولدج جم عمره؟

مشكلته سهلة باذن الله

منعي البيبسي يدخل البيت او اذا كنتي تحبين البيبسي خليه بعيد عن عينه

وحاولي تستبدلينه بالعصير و حليب الككاو والفراولة و الموز

اذا كان يفهم قوليله البيبسي موزين اما اذا لا توه صغير فمثل ما قلت لج استبدلينه بشغلات ثانيه

واذا طلبتي وجبة طفل مثلا حقه دايم طلبي معاه حليب ككاو او عصير

واذا بجى كلميه بهدوء من غير عصبيه قوليله ماما هذا مو حلو و فهميه بطريقة يقتنع فيها

وصدقيني مع الوقت ماراح يأذيج

وبين فترة و فترة عن خاطره خليه يشرب بس هااااا مو يشرب البيبسي كله لاا صبي له استكانه >>>>> تعذيب خخخخخخ

ترى هالطريقة مجربتها مع عيالي والحين البيبسي ما يغريهم

وان شاء الله بيوخر عن البيسبي <<<< واوي مو بيبسي لووووووووووووول

امبيييييييييييييييييييييييييييه انا اللي يبيلي احد يشيل البيبسي عنني
و الله اشربه بدال الماي 3 4 بطول الجزاز باليوم
حتى و انا حامل اشرب هاهاااهاهاها حتى قبل ولادتي شاربه بيبسي

يا جماعه ادمان

انتو عودتوه بتتعبون شوي …

لا تحطونه بالبيت جدام عينه ..
ولي طلعتو لا يشرب بيبسي اسود وايد مضر خل يشرب ميرندا فانتا سفن اب وايد اخف ..
او عصير ..
واذا تنحر ويبس راسه لا تشترون له وجبة بدون صراخ وعصبية وخلكم قد كلمتكم ..
بيبجي مرة مرتين تالي بيعرف ان الله حق ماراح يحن علشان لا يفلس من الوجبة بعد ..

نفس مشكلتي مع بنتي
بس عاد بنتي تحب السفن آب
قطعته من البيت مره وحده
واذا رحنا مطعم اقولها الريال يقول مخلص مافي
بس في عصير
مالج الا ان ما يشوف بيبسي
او اذا صغير كلش صبي فيه ملح عشان يكره طعمه
وقولي لنا شيصير معاج

والله انا اعاني من المشكله وبقولج خطتي اللي ماشيه عليها عشان اخليه يقلع عن البيبسي لوووووول زقاير مو بيبسي ….ومشكلتي اذا راح بيت يدي اهم يعطونه بالبيت امسويه كنترول واهناك ايخربون السالفه

خطتي بالإتفاق مع الخدامه بالبيتين اذا بيشرب بيبسي بالقلاص نتفه بيبسي والباجي ماي (يعني بيبسي مخفف )

واذا بنشرب احنا ما نطلب جدامه احاول ما ايشوفنه نشربه كثر ما نقدر …وطبعا عندي مشكله ثانيه واهي الكاكاو والله يعين

راح اجرب نصايحكم وبالاخص الملح

مشكورات ياقلبي

المشكلة اخواني مخربينه واستحي ازفهم؟؟؟

وساعات يروح للجمعية مع الهنديه ويشربه اهنااك وبس يدش يقول يمه شربت بيبسي

الحليب كاره بالمره اغصبه ياكل كاكاو كت كات معاه بالغصب

امس طالبه وجبه لي وله حطيت البيبسي بالثلاجه قعد من نومه ويشربه لما شفته رحت وغطيطه
قعد مره ثانيه دوره ما لقاه قام يبجي انتي ماتحبيني ليـــــــــــــــش قطع قلبي جان اطلب له بيبسي الساعه 4 الفجر بس والله تعبت معاه

اصلا البيبسي يسوي هشاشه بالعظام

تحياتي

نفس الكلام

احنا ابوي كان يشتري لنا البيبسي الصغار بعدين منع عنا البيبسي

شوفي احنا الحين شكبرنا ممنوع البيبسي يدش بيته .. هذا كلامه البيبسي ممنوع في بيتي

بس يخلينا مثلا اذا طلبنا وجبه

و خلج شديدة لا تستسلمين بسرعة لان ماراح يطيع مره ثانيه

و الحمدلله الحين احنا عادي عندنا شربنا بيبسي او لا

و بالمقابل اي نوع عصير نطلبه اييبه لنا

الله يعينج كلنا نعاني من هالمشكله شوفي بالنسبه حقي انا من يومنهم صغار اقولهم البيبسي يكسر العظام ومره طاح ضرس واحد منهم وحطيته بيبسي وخليته يشوف شلون فتفته البيبسي ومره قايهم المدرس انه البيبسي الي يشربونه مواد كيماويه وجربو تغسلون سيايركم فيه وشوفوا شلون تلمع
انا ادري مقتنعين بس ساعات يبون يشربون واخليهم صراحه بس هم ارد واقول مومنع تام يعني لو بالاسبوع مره لان خاصه عيالنا عندهم كل ممنوع مرغوب
وتخيلي بعد كل هالحجي للحين يحبونه ولي صاروا مع غيري يشربونه خاصه الجهال حولهم عادي موممنوع عندهم
والله يعين

عمان 25 رجب 1445هـ الموافق 19 اغسطس 2024م واس

اكدت الابحاث العلمية والطبية ان شرب البيبسى والكولا يؤدى للاصابه بالسرطان لان العنصر الاساسى فيهما ماخوذ من امعاء الخنازير ..علما بان الكتب السماوية /القران الكريم والانجيل والتورات حرمت اكل لحم الخنزير كونه الحيوان الوحيد الذى ياكل القاذورات والروث والبراز الامر الذى يجعل لحمه ملوثا بالجراثيم والميكروبات المميته والقاتله.

وجاء فى تقرير نشرته المجله الاردنية ان رئيس جامعة نيودلهى للعلوم والتكنولوجيا د.مانغوشادا اصدر بحثا علميا اثبت بموجبه ان العنصر الرئيسي للبيبسى والكولا ماخوذه من امعاء ودم الخنازير..وان مادة البيبسي تسبب السرطان للمعدة والقولون والبروستات والمرارة والبنكرياس والفم والبلعوم والكلى والمثانه وهذا هو التفسير العلمى لارتفاع اعداد الوفيات بامراض السرطان فى العالم.

فقد اجرت الجامعة الهندية اختبارات علمية حول اثر شرب البيبسى والكولا واثبتت ان شربهما يؤدي الى زيادة سرعة ضربات القلب وهبوط الضغط وان شرب ست زجاجات منها يؤدي للوفاة فورا كونهما مصنعان من مياه معالجة كيميائيا تحوى ثانى اكسيد الكربون وحامض الفوسفوريك وحامض السيتريك والكربونيك ومادة الكافيين التى تؤذى الاسنان وتسبب الاصابة بمرض هشاشة العظام ذلك ان التجارب اثبتت ان وضع سن مخلوع فى كاس من البيبسى يؤدى الى ذوبانه خلال اسبوع علما ان عظام الميت تبقى فى القبر ثلاثين عاما ..الابحاث نفسها اكدت ان الكالسيوم المذاب فى البيبسي يضعف نشاطات المثانة والكلى ويميت البنكرياس ويؤدي للاصابه بمرض السكري.

مشكوووره إختي

انا ممكن اصدق إنه يسبب سرطان تكسر بالدم

اما سالفة امعاء الخنزير هههههههههههههههه قويه

ويييع ,, خنزير عاد لو قاز ابرك !

الله يفكنااا من هالبيبسي وربعه .. كافي انه تفخ بطونه نترست غازات

وااااااااااااى معقولة
ثانكيوووو حبيبتى

قبل 10 ايام كان هالموضوع في الصفحات الاولى بجرايد السعودية…

حسبي الله ونعم الوكيل فيهم

الاستخدامات هي:

1- في العديد من ولايات أمريكا الشمالية يحمل بوليس الطرق السريعة مقدار جالونين من المشروبات الغازية وذلك لغسل الطريق السريع من آثار الدماء بعد الحوادث.

2- لتنظيف المرحاض قم بصب علبة من المشروبات الغازية في المرحاض (البيدية) واترك المحلول يعمل لمدة ساعة ثم اسحب السيفون! فحامض الستريك (ألليمونيك) الموجود في المشروب الغازي يزيل البقع من أواني الصيني والسيراميك.
3- لإزالة الصدأ من صدام السيارة المصنوع من الكروم أغمس قطعة من ورق القصدير بمشروب غازي وافرك بها بقعة الصدأ.
4- لتنظيف مزلاج قفل من الصدأ افركه بقطعة قماش مشبعة بمشروب غازي.
5- لإزالة الصدأ من مكائن السيارات صب عليها مشروباً غازياً، وبالمناسبة فموزعو المشروبات الغازية في الغرب يستخدمونه لتنظيف مكائن شاحناتهم منذ 20 سنة!.
6- لإزالة الدهون من الملابس أضف مقدار علبة من المشروبات الغازية إلى الغسيل ثم أضف الصابون واغسل كالمعتاد. كما يمكن إزالة البقع من السجاد بصب مشروب غازي على البقعة وفركه بقطعة قماش.
7- عند وضع قطعة من هبر اللحم في وعاء فيه مشروب غازي ستذوب وتختفي قطعة اللحم بعد يومين، ولذلك للإسراع في طهي اللحم في الفرن وجعله طرياً يمكن إضافة علبة من مشروب غازي إلى الصينية.
8- ولأن المادة الفاعلة في بعض أنواع المشروبات الغازية هي حمض الفسفوريك فإن المشروب الغازي يذيب المسمار الذي ينقع فيه لمدة أربعة أيام. ولهذا فحمض الفسفوريك يرشح الكالسيوم من العظام، حيث يعتبر شرب المشروبات الغازية أحد الأسباب المهمة التي تؤدي إلى هشاشة العظام.

منقول

امبيييييييييييييييييه!!!! والله صدمتين جم معلومه توني ادري عنهم!!!1 كل هاذا ونشرب بعد!!!!

تسلمين بطوطه ويعطيج الف عافيه

يالهوتي طاطوطاطووطاطو

تسلميييييييييين يا الغلا

يعطيج العافية

مثل ما وعدتكم
وهذي معلومه يديده من الدكتور
Dr. Mark Leondires, M.D., Medical
Director at Reproductive Medicine Associates
of CT
الله يسلمكم
يقول كل شي في كافايين مثل
القهوه / المشروبات الغازيه
حتى لو كوب واحد باليوم ممكن يأخر الحمل
وهذي دراسه سووها على مجموعه من النساء لمدة سنه والنسبه كانت 50%

طبعا انا أول وحده بالدنيا ضاق خلقي من هالمعلومه لاني مدمنة قهوه
بس بحاول اخذ النوع الخالي من الكافايين
ومره بعد شفت بيبسي من غير كافايين

والمعلومه الثانية المهمه
اهيا المااااااااااااااااااااااااااااااااااااااااااااااا اااااااي
الماي يساعد على ان يهيء الرحم حق البيبي
وبعد يزيد من الخصوبه

ربي لا تذرني فردا وانت خير الوارثين
ربي ارزقنا الذريه الصالحه اجمعين

بنات انا حملت بعد ماتركت البيبسي 5 شهور
بس الكوفي ادمان ماقدر وخاصه القهوه العربيه وهم قهوه كرسبي

الله يرزق كل بنات القسم يارب عاجل غير اجل

جزااااج الله خير حبيبتي ع هالمعلووومه
عااد انا مدمنه قهوه وبيبسي
الله يستر بستره

مشكوووره على المعلومات الحلوه
نحن ننتظر المزيد::::::::::::::::::::::::الله يعينج طماعه
انا مدمنة قهوه الله يستر اما البيبسى وربعه مقاطعتهم
جزاج الله خير

يسلمووووووووووووووووووووووووووو

الله يرزقنا ياااااااااااااااااااااارب

يعطيج العافيه ع المعلومه .~

جزااااج الله خير حبيبتي

يسلموووو عالمعلووومه

انا مدمنه نسكافيه وقهوه عربيه

انزين شنو تشربين اي نوع قهوه الي مافيها كافاييييييييين

مشكووووره غلااااتي

خبررر يضيق الخلـــــــــق
انا وحدة معروووووفة حيييييل مدمنة بيييبسي بشكل مو طبيييعي
عادي اشرب باليووم 3 او 4
واذا يوم واحد ما شربته ابجي :/ وازعل تعودت اشررربه كل يوووم

انا مدمنه نسكافيه وقهوه عربيه

انزين شنو تشربين اي نوع قهوه الي مافيها كافاييييييييين

مشكووووره غلااااتي

انا معاكم على الببسي

بس القهوه والله ما اظن لان اكثر البنات ادمان على الكووفي واختي وحده منهم ورفيجتي اذا باليوم ما شربت دله كامله بروحها ما ترتاح

وما شاء الله عيالها 6 طبيعي من غير علاج

ومشكووره حبيبتي على الموضووع وصح يا بنات ديروبالكم من الببسي لان صج يأثر والدكتوور قال حق وحده اعرفها اذا تبين تحملين اتركي الببسي وحملت سبحان الله

مشكوووره على الموضوع يا قلبي

حياكم الله حبيباتي
انا بعد مدمنة قهوه ونسكافيه وكولا
بس الحين خلاص
راح أغير

في بالجمعية نسكافيه بدون كافايين
وفي كولا من غير كافايين
وراح ادور الصور وانزلهم

حبيبتي مس بينك
صح كلامج في ناس واايد عادي يشربون قهوه وبيبسي وعادي ماشاالله يحملون
و الدراسه اثبتت ان هالشي أثر على 50% من النساء مو الكل
يعني في ناس يأثر فيهم وناس لأ
فالوحده تتجنب هالشي وتحتاط أحسن
يمكن نكون من 50% الي يأثر فيهم ؟؟؟؟؟

ربي هب لنا من لدنك ذرية طيبه انك سميع عليم

.
..
…
….
مرحبآ بنات شلونكم بنات أنا بصرااحه عندىى مشكله ومو عارفه أحلها مشكلتىى هىى (البيبسي) تخيلوا اشرب 2 باليووووم موقادره أقطعه تعبت حاولللت أقطعه وماقدرتـ وبعد ماسمعت ان فيه شحم الخنزير انقرفت منه ..وأقول حق أهلىى لا يشربونه ..وأحذرهم منه ويشربوووووونه شسوي سااااعدوووونىىىىىىى الله يخليكم

نفس الحاله والمشكله انا اشرب 4 باليوووم الله وكيلج وكل ما اقوول بقطعه اتعلق فيه واحبه زياده انشالله البنات يلقون لناااا حل

مشكوووره عالمروووور دلال والله نبي حمله لمقاطعه المشروبات الغازيه

انا ماقدر اقطع الدايت أشرب باليوم 3 وأحب الدايت بشكل رهيب وخصوصا اذا كان مطفوح ثلج
الطريقه انكم ماتنزلون بيبسي وتنزلون بداله عصيرات ولبن ياسلام شوقتيني

حولي حق الدايت وقطعية تدريجيا يعني يوم اربع علب يوم عقبة ثلاث عقبة اثنين لين يصير اسبوعيا عقب تقطعينة

موفقه

انتي وانتي تشربينه تخيلي شلون يخلي جسمج يتآكل والامعاء مع الوقت شوفي شيصير فيها خصوصا لما تشربينه بقوه ويكون بارد .. احنا نستانس ماندري ان هالشي يضرنا زياده !

تخيلي ان هالشي يستخدمونه حق عزج الله البواليع لأن ينظفها ؟ جربي حطي بالتويلت وشوفي !!!!!

عقب كل هالتجارب وكل هالكلام راح نكون ظالمين حق انفسنا اذا شربنا هالزحير –> صيغة تكريه

وكل ماييتي بتشربينه قولي إن لبدنك عليك حقاً ! وآنا قاعده اضر نفسي بنفسي

تم تعديل العنوان بواسطة المشرفه
[ تفـضــلي هــنا لتعرفي سبب حذف أو اغلاق موضوعك]

تدرين اختي شنو الوولبيبر مالها ع الديسك توب بيبسي وعليع علامة المنع الحمرا ….

وملزقه اوراق ع الثلاجه لا للبيبسي ومسويه حمله لأنها متيته حيل زتبي تضعف …

وانا عموما البيبسي ما استسيغه والمشروبات الغازيه بشكل عام….

وموضوعج يبيله اراده بس..

حبوبة شي سهل

البيبسي مضر بشكل كبير على كل شي بجسمج <<< هذا سبب يخليج تقطعينه

عوضي البيبسي بالماي و بالعصاير يعني لا حسيتي انج تبينه لا تاخذينه اخذي بديل عنه

و معلوومة ان فيه شحم الخنزير اعتقد انها خاااطئة لاني قريتها من زمااان و قالوا انها مو صحيحة بس للأسف ماذكر ويين ! ! !

شي سهل حبوبة انج تقطعينه — الحمدلله تغلبت عليه و صرت الحين ما اشربه كلش ما اتحمل احس مترووووس شكر يعني جني اشرب ماي و شكر و الوان و ان شاء الله الفال لج يااا رب

بس عزمي انج تقطعيييينه و كل شي يكووووون سهالات

على فكرة كثرته تسوي ترقق العظام ، وترقق طبقة المينا في الضروس،غير انه من قوته يستخدمونه في البواليع المنسده، فايش تتوقعين هذا يسوي في المعدة؟اتقي الله في نفسج، وانا اقول لج طريقة تخليج تتركينه، مارسي الرياضة يوميا ، بتخليج تكرهينه ولا جسمج يطلبة

مشكوووورين ياحبايبي… لا للبيبسيييييييييييييييييييييييييييييي بعد اليوووم

انا قاطعه البيبسي من زمااااااااااان
واشرب فانتا احمر بين فتره وفتره

وكانت الفكره انه البيبسي يقزز المعده وكان فعلا يقززها ومع الرجيم قطعته لين هديته

وبالوجبات كله استبدله بعصير او ماي

بنات اللي تبي تتخلص من ادمان أي نوع من أنواع الأكل كاكاو ، بيبسي ، معجنات ……الخ تراسلني على الخاص

والله انا تاركه البيبسي من اربع سنين تقريبا

وتركته لانه سبب لي الم بمعدتي

والحين مااشربه

وكل المساله يبيلها ارداه

بنااااات ساعدوني

انا اليوم اول مره اتجيني الدوره في حياتي

عااادي اشرب بيبسي

ساااااعدوني

عا البركه حبيبيتي
با الايام الولى ما يصير تشربينه

مبروك حبووبة

لا ما يصير تشربينه كلش ..وقت الدورة قطعي كل المشروبات الغازية ..سفن ميراندا فانتا كولا .. و لا تاكلين او تشربين اي شي بارد و مثلج مثل البريد …

و شربي شغلات دافية مثل جاي دارسين او زعتر او حليب حار …

لا مايصير بعدين المره اليايه لمن تيلج تعورج بطنج وماتيي على وقتها عاد انتي نظمي دورتج عشان تيي بوقتها

يعطييج العافية

الله يبعدنا عن هالمشروبات الضاره ولازم نستبدلها بالعصاير و الماء

ترا الصور ماطلعت

اييييييييييييييييييييييي
وين الصوووووووووووووووووووووووووور ؟؟ @@
وخلااااص بقطعهم :@ :@ :@ :@
مشكووره

البيبسي

ما يبيله كلام

خخخخخخخخخخخخخخخخخ

ترى ما فيه مشتقات خنزير اشاعااااااااااات

الف شكر ^^بنت الكويت^^

والحمدلله انا ما اواطن المشروبات الغازية كلش

والله انا مدمنه بيبسي..وطبعا اشرب حليب

والبيبسي يعطي انتعاش غريب

عاااااااااااااااااااد انا ما احب البيبسي كلش ملش والحليب بس وقت الحمااااااااااااااااااال
مشكورة بنت الكويت

مشكورين على المرور

سمعت ان البيبسي يسبب هشاشة العظام .. وأكبر دليل ضروس عيالنا من يوصل أولى ابتدائي ضروسه الامامية متآكلة .. حتى الهنود بديارهم ما يشربونه .. ساعات الهنود يفكرون احسن منا ..!!!!

صح كلامج بريق

لانه في ماده تسحب الكالسيوم من الاكل

صج اني ما اواطن البيبسي بس ما اظن فيه مشتقات الخنزير انا ما اصدق هالشي

حياج الله بريتي

^^بنت الكويت^^

مشكوره بنوته

وأنا اشرب الأثنين مو مشكله

وأحب البيبسي أكثر

كلنا نحبه >>

مشكورة على المشاركة جارة القمر

والله انا لا حليب ولا بيبسي مااقولج يابنوته مااشرب حليب اشرب بس اكثر شي السفن ماادري جان السفن نفس البيبسي

يعطيج العافيه بنت الكويت بس لا حياة بدون بيبسي ….

يسلمووووووو ,,,,,,

اي والله البيبسي يتفخ على الفاضي
بس منعش وحلو وحتى الحليب نشتهيه مراااااااااااااااااات

السلام عليكم اخواتي

امرأة ماتت بسبب علبة بيبسي

نقلتها لكم حتى ننشر الخير للجميع

فالدال على الخير كفاعله

ذهبت امرأة في نزهة بالقارب يوم الأحد و أخذت معها علب شراب الكولا

ووضعتها في ثلاجة القارب.

وفي يوم الاثنين, أدخلت في وحدة العناية المركزة, و توفيت يوم الأربعاء.

أظهر تشريح الجثة أن المرأة ماتت بسبب إصابتها بنوع من داء

اللولبية الدقيقة بعد أن شربت علبة الكولا مباشرة دون استخدام كأس.

و أثبت الفحص وجود بول جرذ جاف على العلبة و هذا ما سبب إصابتها بالمرض.

يحتوي بول الجرذ على عناصر سامة و مميتة, لهذا فمن الضروري جدا غسل

الجزءالعلوي من علب المشروبات قبل الشرب منها

لانها تُنقل من المصانع مباشرة الى الأسواق دون تنظيفها.

أظهرت دراسة في أسبانيا بأن الأجزاء العليا من علب المشروبات تحمل أوساخا

أكثر من دورات المياه العامة, وذلك بأنها مليئة بالجراثيم والبكتيريا.

لهذا ينصح بغسلها قبل وضعها في الفم, لتجنب أي اصابات مميتة.

بصراحة أنا عن نفسي لازم أنظف العلبة قبل البدء بالشرب وخاصة الأوساخ والأتربة التي تكون متواجدة في التجويف لأطراف العلبة.

ودمتم سالمين معافين

يرجى نشرها للأهمية و الفائدة

جزاج الله خير حبيبتي

وييييييييع
مشكووورة حبوببه على الموضوع صج خطييير

السلام عليكم

شلونكم خواتي مساكم الله با الخير

خواتي طبعا انتو عارفين انا قلت لكم انا حامل في الشهر الخامس الحين

والله وكل مافي الموضوع طبعا سؤال هل يصلح ليه شرب البيبسي

وانا حامل وشنهو اعراض البيسي يعني خطورة على الحمل

ياريت خواتي تفيدوني لو سمحتو والله يعطيكم الصحه والعافيه

انا اسمع انه موزين للحامل ……….بس صراحه انا اشرب بس عاد مو ادمان .هه كل اسبوع واحد
لان انا موحيل ويا البيبسي

الله يعطيج الف عافيه وخيتي

اي مو زين كلش .. لالج ولا للبيبي .. لانه يؤثر في بنية العظام خصوصا الشهور الاولى المفروض نتجنبه .. انا كنت مثلج ادمان .. وكلش مااكل فذبحني حيل مع الحارج .. شسويت .. قمت اعوضه بغازيات ثانيه ادري نفس الشي بس قمت اشرب ميرندا .. شاني .. شغلات ثانيه وشوي شوي حاولت ابدلهم بالعصاير .. والحين صرت اشرب عصير برتقال-مانجا-ليمون- لا وفريش بعد
يعني شوي شوي قصي على روحج ينفع والله .. نفع معاي @@

حبيبتي اول شي يسبب لج وللبيبي هشاشة عظام ونقص في كريات الدم البيضاء وانتي عارفه شنوو علاجها ……؟؟
والبيبسي يسوي جروح وخدوش في جدار الكلى وعوارها لا ينوصف وهم مالها علاج ويادى هذا الى فشل كلوي وكل اللي قاعده اقوله لج شي من لا شي والله يعينج
انا ما ادري شلون تشربونه هذا اول ما صنعوه كان منظف عزكم الله للحمامات اهوى قاتل للصدى والبكتيريا الله يعين اجسامكم

يسبب هشاشه بالعظام وانتي بروحج تبين شي يقوي العظام

بس انا بروحي نفس حالتج

صرت ادماااااااااااااان بيبسي

باول فتره من حملي ريلي منع البيبسي بالبيت كله

وكنت اشربه خشاشي بالدوام هههههههههههههههههههه

لا حبيبتي مو زين للبيبي حاولي تقليلين واحد بس والسفن احسن لج لان مافيه الوان والله يسهل عليج

البيبسي مو زين للحامل ولا لغيرها
وسمعت انه يسبب هشاشة عظام يعني لا تكثري منه
وان شاء الله تولدي بالسلامة

حاولي تخففين منه لا تشربين بكثرة
والتزمي بالفيتامينات والكالسيوم علشان ما يصير عندج نقص بجسمج

والله آنا مثلج وااااااااااااايد أشرب مشروبات غازية وبنفس الوقت مهملة بأكل الكالسيوم ……..
بس تلاحقت على عمري وقمت أشرب عصاير مثل ماقالت الاخت سلايل عبس بس عصاير باااااااااااااااااااردة
نص الكلاس ثلج وأصب فوقه العصير يممممممممممممممممممم ……..

البيبسي مضر للانسان العادي للرجل والبنت والطفل
عيل فمابالج للحامل شلون الضرر
انا مادري شلون تشربونه
اوكي اذا تحبينه لامانع من علبه او 2 بالاسبوع وعوضي باقي الايام بالسفن اب لانه يفيد مايضر

وييييه انا مثلج حملت وتعلقت بالبيسي بس مو وايد

يعني اذا عيني شافته جدامه !!! ما اشتهي اشرب ولااااااااا شي ثاني

بيبسي يعني بيبسي

اما اذا ما شفته عادي اشرب اي شي

مرات قاعدين نشرب عصاير او ماي ويمر ياهل او اخوي وماسك بيبسي
اسحب منه البيبسي ههههههههههههه

مثل ماقالوو البنات حاولي تخففين وقصي على رووحج اشوي اشوي لييين بسفن وحطي معاه ليمون وبعدهاا شربي ليمون فرش

والله المستعان

انا الحمدلله قاطعته ماله فايد واضراااره وااايد واشلون وانتي حامل ؟؟؟؟؟

لا تشربينه وصلني ايميل يخرع عن البيبسي ومواده

عوضي عنه بالسفن اب

حاولي تخففين اول عقب قطعييه