الوسم: البجريات

شلونكم بنات
انا بالشهر الثامن وكل ما اقرب عالولاده اموت من الخوف
وابجي قبل ما انام شسوي …؟
انتو مثلي هالشي عادي تتوقعون

انا مو بجريه بس صدقيني هاذي اللحضه حلوه

ولا تحاتين لانه شي جديد عليج وراح تجربينه وتعرفينه

والله يهون عليج وتولدين بالسلامه

ما عليج خوف انشالله وسهالات انتي لا تحاتين ولا تفكرين وانشالله سهالات وتقومين بسلامه انتي والبيبي

حبوبه الله يهون عليج و علينا و شي طبيعي الخوف بس لا تخلين الام الطلق و الولادة اهي هاجس حياتج و تحاتين و تخافين لانه هذا كله يأثر عليج نفسيا و جسدياً حزة الولادة .. شلون لما كانوا يقولون لج لا تخافين و توترين في ليله الدخلة هني نفس الشي لان سبحان الله الخوف و التوتر يؤثر على انقباضات الجسم

انا نفسج بجر و اجذب عليج اذا قلت لج ما احاتي بس كل ما طرا على بالي الولادة احاول اشغل نفسي بشي ثاني .. ومن دخلت التاسع وانا قاعده اقوول تو الناس على ولادتي وما ادري متى الله يكتبها لي وبيني وبينج احاتي و اتمنى ما تصير الحين ودي اعدي على الاقل اسبوعين من شهري

ادري شنو كآبة الشهر الثامن و فجأه تصيرين ثقيله و تنتفخين وتحسين كأن نساتج ردة عليج بس حاولي تطلعين من هالجو و تقعدين مع اهلج حمولتج تطلعين اتمشين ترى الجو الحين واايد حلو ومنها تكونين تحركتي شوي … انصحج تاكلين تمر و تقرين المعوذات على بطنج و خواتم سوة البقرة و تدعين ان ربج يسهل عليج الولاده

ونصيحه لا تشوفين او تسمعين عن الولادة لان كل وحده تجربتها تختلف و من كثر ما راح تسمعين او حتى تشوفين يحوشج خوف ماله داعي

ونصيحه ثانيه ان شاء الله تكونين خالصه من ترتيب اغراضج و اغراض البيبي والنفاس .. جهزي جنطة المستشفى لج و للبيبي و اذا كنتي بتسوين استقبال تأكدي ان كل شي خلصتيه و طبعا ادوية النفاس تكونين مجهزتها والاوراق الي يبونها المستشفى " بطاقة مدنية وعقد الزواج وبعض المستشفيات تطلب الجنسية " و انا عن نفسي سويت نسختين وحده عند ريلي و وحده عند اهلي سبحان الله ما ادري شنو تكون الظروف ومنو يكون قريب منج حزة الطلق … ترى هذي الترتيبات جزء من الجوف و المحاتاة في الحمل وانا عن تجربة كنت واايد احاتي اكثر من الحين بس من خلصت شغلي ارتحت نوعا ما .

سوووري طولت عليج لاني حاسه فيج بس مو قادره اعبر اكثر يختج النووم سلطان

عسى الله يسهل علينا ويرزقنا بالذرية الصالحه التامة الخلق

الله يسهل علي وعليج نفس الشعووور احس صايره عصبيه من كثر ما افكر

واااااااااااااااااااااااي انا ما انااااااام والله وكل يوم افكر واقول متى اولد وارتااااااااااااااااح من التفكيرررررررررررر مادري شنو اعراض الولاده من جذي انا خاايفه وكل ماجاني الم قلت بس صاارت الله يسهل علي وعليج ياااااااااااارب

الله يهون علينا كلنا يا رب ويسهل علينا

لا تخرعوني عاد ناويه احمل
لاني ولا مره حملت وما عندي عيال بس عندي فوبيا خوف من الولاده

لا تفكرين ان شالله الله يسهل عليج يارب اقري سورة مريم ان شالله ترتاحين لا تفكرين فكري بحياتج ان راح يكون عندج بيبي حلوو يقولج ماما هل كلمة تبجي الله يسهل عليج يا رب

بنات لاتحاتون انا بجريه والحمد لله .. اجذب عليكم اذا قلت ما فيه عوارات .. هذي روح تطلع من روح

بس الحمد لله الحين احسن من قبل فيه ابره ظهر فيه كمام فيه مسكنات ..

ادعووووا الله سبحانه هو اللي اذا اراد سهل عليكم ..

ولاتحاتون

ياحيااااتي حتى انا مييييييييته من الخووووووووووف

واحاول ما أفكر بهالموضووووع

توكلي على الله و لا تخافين
كلها ابرة مخدر و تغوصين بالاحلام

واااي ان امس اول زياره لي حق الدكتور ومت من الخووف فشلون الولاده
الله اسهل علينا يارب

الله يسهل عليج حبيبتي و انا مثلج بجريه بس مافكرت بالولاده لاني قاعده استمتع بالحمل كثر ماقدر مع البيبي و استانس لما يتحرك و نااااااسيه سالفة الولاده و كل شي على الله و الله كريم لاتحاتين و تخلين الشيطان يوسوسلج لان الخوف بزيد كل شي عليج فكري انج راح تيبين احلى بيبي و راح تستمتعين فيه عقب الولاده لاتفكرين بلحظتها

انا بعد صرت ما انااااام بالكثير انام ساعتين او ثلاث ..

الله يسهل ويهون على الجمييييييع

السلام عليكم
اخباركم ويا الحمال
انا اعرفكم في نفسي شكو مدري بس حبيت اقولك اني بجر والبجر في شغلات واجد ماتعرفها لانها ماجربت الحمل والاسئله كتالي
هل تحس البجر ان في رحمها شئ؟
هل طبيعي انه تحس في شئ ينغزها في جه اليسار والا هذا موشر ان فيها امساك الله يسهل عليها ؟
متي تحس الحامل في الجنين ؟
في اسأله واجد بس انا الحين عندي محاضره واذا خلصت او بالصح تذكرت راح اكمل اسئله
ووووومباااااااااااااااارك عليكمممم الشهرررررر

والله انا مو بجريه
بس بقولج احساسي باول حمل
كان في نغزات بالرحم …….. بس ما احس كلش ان فبطني شي
وحسيت باول حركه بنص الشهر الرابع
والله يتمم لج على خير

انا بجر و انا مثلج نغزات بالرحم يسار

وناطرين أسئلتج

انا بجريه والصراحه مو حاسه ان ببطني شخص بس بطني ينغزني جهة اليسار اكثر شي .. وقبل فتره حسيت بحركة خفييفه .. والله ماحس في عاطفه بيني وبين اللي ببطني خخخ .

اممممم. انا بديت احس ان في شيء من الشهر الرابع

واحساسي بحركه البيبي بنهاية الثالث ماكان لي بطن بس كنت احس برفرفه خفيفه

ولمن سألت الدكتوره قالتلي هذي حركة البيبي

امن احساسي بالجنين بالخامس لان يتحرك فديته حيييل وحركته واضحه حتن من ورا الملابس لووووول

فدييت عمره ~

يعطيكم العافيه حبيباتي

واذا عندكم اسئله سالوا عشان يكون مرجع لنا

انا الحين اخر الخامس وماحسيت بحركة البيبي الا بنص الرابع ماغير يرفس فديته والله ويارب يقر عيني بشوفته

مساااااء .. صباااااح الخيييير …

اشلونكم اممهاات . وبالاخص الخبيرات …..

هني بنتجمع ونعلم بعض بكل وجميييييع الطرق اللي نعلم فيها

اعيالنا يتركون الحفاظ ويدخلون الحمام ..

صراحه بنتي وهي .. بجري جريب تدخل ال 3 سنين .. …..

بررررب

وحيااااكم ……

مع وحده بالداوم ما شاء الله تعلم عيالها من أعمارهم سنتين
تقول بوقت يكون في أجازه عشان أجابلهم صح
ما تلبس وهم إلا بوقت النوم

ياربي يبلغني جنيني وتقر عيني فيه يارب واربيه تربيه صالحه

وجزاج الله خير على هالموضوع الطيب

يلا وين الحلوين اللي بيساعدونا؟!!!

مهرره حياج

انتي مثل حالتي

جم عمر ولدج او بنتج

انووقه احب التجمعات اللي جذي شي جديد وحلووو

انا ودي اعلم ولدي واهوا صغير بصراحه احسسس احسن شي

ولدي عمره سنه وشهر لحد يستغررب مااحب الحفاظه واهوا مايحبها بعدددد

وانا اعرف ناس من يبدأ عيالها يمشون تعلمهم على الحمام

ولدي لي الحين مامشي بس شكلي من الحين بخفف عليه الحفاظه لان يقعد ٤ ساعات وحفاظته نظيفه اذا ماكان شارب حليب وموعدد ككته معروفه

عشان جذي اذا حصلتلي فرصه ورحت للسوق بشتريله. الصراويل النايلون

واذا انا فاضيه ومجابلته بلبسه هالصروال واقعد معاه خصوصا الحين الصيف وان سواها بهالصروال عادي

اهم شي اخفف عنه لبس الحفاظه

ودي اعلم بنتي تهدها بس ما رضت كلش

وانشالله بحاول معاها انا حتى مو قادره اقطعها من حليب العلب >_< والمميه

بالنسبه للحفاظه حضانتها حاطين شي حلووو انج تدفعين زياده ويعلمونها

30 دك اعتقد فودي اجرب يمكن يساعدها هالشي

انا وياكم عمر بنتي سنتين و٧ شهور قعد احاول فيها من شهرين نمبر ون مرات لما تكون عالبانيو تتسبح ماتسويها تناديني بس عالبامبرز تسويها

نمبر تو. كانت تقولي اذا فيها واوديها الحمام وتسويها واشجعها بس صار لها فتره تسويها بالبامرز وصراحه عصبت عليها حيل ماتبي تقول تنخش تحت الطاوله او داخل الكبت وسكاتي واقولها سويتي تقول لا

شريت البامبرز اللي على شكل اندروير اقولها هذا مو بامبرز لاتسوين وستيل تسوي

شريت ملوت ستتر بوينت وهمن تسوي عليهم

وصعبه اخليها مو لابسه شي تحت لاني معلمتها عيب

ومشكلتي اللي مصعبه الامور ريلي وسواس نظافه ولما اقوله احتمال توصخ او شي مايبي تتعلم واقوله كل هاليهال جذي يوصخون وننظف معاهم ويتعلمون

عطوني حلا

اهلييين ام مبارك هلا وغلا

صاجه موضوع ان شاااءاللع بساعدنا

حيل تعبت نع بنتي وموراضيه تقتنع انها كبرت

خلاص تعودت ع الحفاظه

وابي احاول اعلمها شوي والله يعينا

شدي حييلج معني ولدج توه وصعب يتعلم يس حاولي

عشان ماتتعبين بعدين .. خاصه الطفل لين يوصل سنه ونص ويفهم شوي ودج تعلمينه

غلطتي تاخرت عليها معنى بنتي من النوع اللي تستوعب الحمدلله

حياج الله

انتي نفسي بالضبط

وحلو ان بنتج بحضانه جربي زيدي 30 خل يعلمونهااااا وبالحضانه بتشوف غيرها

وراح تتعلم …. وانتي بالبيت علميها بعد

هلااا استرالياااا منوووووره يخليلج الكتكوووووته ويهونرعلييييج

دام بنتج تعلمت .. شي طيب .. بس شوي يمكن انتي اهملتيها مده ورجعت تسويها بحفاظه

فماعليج شوي شوي راح ترجع

والله يعينج زوجج حساس .. عودييييه ان هذول الجهال والله يعينارع تربيتهم

علا حبيبتي انوقه ومشكوره عالدعوه ويارب نفرح فيج باللي يسر خاطرج الللهم امين

وعن بنتي انا اعتقد مره عصبت عليها حيل بالحمام طلعت من طوري ومن عقبها الظاهر خافت بس رديت اعلمها عالخفيف بدون عصبيه واشجعهابس ماكو تدري غلط وتسويها مشكله مالها وقت محدد واكلها خفيف مو يوميا تسويها

هلا استراليا

اللهم امييييين ..

الله يخليها لج
صاجه الخوف يكره الجاهل بالشي

والله يعينا ونعلمهم ونستفيد من الامهات الخبره

وبنتي مثل بنتج ..اكلها شووي

مره باليوم تسويها ويمر يوم ماتسوي …

وين الامهاااات …..

انا ببدي اعلمه من باجر ان شاء الله
باندر وير سنتر بوينت كل ساعه بوديه الحمام مع ان في قالوا لي كل ربع ساعه او كل نص ساعه بس انا بودي كل ساعه

السلااااااااااااام

يعطيكم الف عافيه بنوتات

بليييييييييز جاوبوني على السؤال اللي امس شغلني لدرجه حلمت فيه واني اساله حق ولدي اللي ببطني !

سؤالي اهو كل اشكثر نرضع البيبي طبيعي؟ لانه مو معقوله كل ما بجى بطلع صدري وارضعه

وسؤالي الثاني يصير نرضع طبيعي وبنفس الوقت نشربه حليب قواطي ولا بس نختار واحد فيهم؟

بلييييييييييز لا تخلوني

الله يسهل علي وعليكم ويرزق كل محرومه الذريه الصالحه يارب

شوفي موضوع الاخت مراسي الحب

طبيعي كل ساعتيين ….و الصناعي يسوي غازات و لويه

يعني ما يصير ارضعه طبيعي واذا ما قدرت اعطيه حليب صناعي؟

حبيبتي الياهل يرضع كل ساعتين وتخلينة بكل صدر 6 دقايق يعني صدرج اليمين 6دقايق بعدين اليسار 6 دقايق واذا يبي بعد ترجعين على اليمين هم بالتساوي ….اي ولازم يتدشى بين الصدرين يعني بديتي باليمين 6 دقايق اتخلينة يتدشى عدل وتكملين اليسار وبعدها هم يتدشى عشان يشرب عدل وهم ماينمغص وينام نومة هنية ولو بجى قبل الساعتين لاترضعينة انتي اتنظمين اكلة عرفتي حبيبتي ؟؟؟؟
وطبعا من صدرج افضل لان الطفل راح يتعود الممية لانها اتطلع الحليب اسرع بس ممكن اتخلينة يرضع ممية بالليل بس يفضل انج تشفطين من صدرج الحليب وتحطينة بالثلاجة قبل رضعتة وسلامتج ياقلبي

بعد عمري كوالا مشكووووووره وايد

والله هالسؤال امس شغلني لدرجه حلمت اني شايله البيبي واهو يبجي اقوله شلون ارضعك :

امبلى ممكن بس اول فترة يفضل منج يرضع
لاني بصراحة عن تجربة شخصية ولدي ترك صدري بعد ماعطيتة رضعة اضافية ها ومن حليبي بس بالرضاعة فقام كل ما ارضعة يعصب لان الحليب مايدر مثل الممية بسرعة

حياتي في كتاب وايد حلووو حقج يعلمج شلون تتعاملين مع البيبي شنو توكلينة ومتى عجييييب اسمه
دكتور سبوك (موسوعة العناية بالطفل ) راح يفيدج وايد
انا لقيتة بجرير علية رسمة بنووتة صغيرونه

مشكوره واااااايد يا قلبي

عاد احتمال كبير اروح حولي اليوم وبروح اشتريه انشالله

وبحاول كثر ما اقدر كله ارضعه من صدري

توني ادري انه لازم ارضعه من الجهتين

عاد انا ليلحين ماجربت حليب الصناعي حق ولدي كله طبيعي بس ماا ارضعه دايما من صدري يعني وقت النهار من صدري وبعض المرات مميه اشفط له لان صدري يورم فلما يورم مايقدر يشرب الحلمه اتكون داخل فأطره اشفطله

أننا اعطيج جواب زيادة عن الامهات :

أنا اعطيها كله من صدري بس من دشيت ثاني عشرين يوم من نفاسي..قمت اروح الصالون وسوي مساج وحمام مغربي ،، فكنت اشفط حق بنتي..بس مسكينه ماكان يكفيها فاضطريت اعطيها مرة باليوم من القواطي.. طبعا كل يوم اتفعص حبيبتي بطنها يعورها واسهال وغازات

بس شسوي.. بعد والله يمكن ماتصدقون ..أن احطها على صدري قريب الساعة أو الساعة ونص واكثر ..وكله تبي صدري يعني انا بالنفاس ماعرفت ليلي من انهاري
كله منحكره ومطلعتلها الصدر.. والشفط يعورني يعني ما اقدر اشفط الا مرة باليوم،، واذا خذت حليب القواطي تبجي وايد فلمن ارد من الصالون واحطها على صدري خلاص تسكت…

يعني ا هم غلطت اني عودتها على صدري ماكنت انظم الوكت بين الصدرين،،

بعدين اكتشفت ليش بنتي اطول بالرضاعة وماتشبع ,, لمن اشفط الحليب يطلع من مسامات ضيجة .. يعني مايطلعلها الحليب ابكمية كافية.. فيمكن يكون هذا السبب..

تسلمييييييييييييين حياتي

ويعطيج الف عافيه

خلاص هونت عيل ماراح اشرب البيبي من القواطي انشالله

تسلمون لي حبايبي

انا بجر بعد واستفدت منكم ماقصرتوا ..

انا ناويه ان شاء الله قد ما اقدر طبيعي بس انا طالبه هذي المشكله يعني لازم لازم قواطي بس راح اعوض طول اليوم لان الطبيعي احسن شي للياهل

السلام عليكم

ماشاء الله كل شوي نسمع ان وحده من خواتنا ولدت بالسلامه ووايد نفرحلها وندعي ان الله يجعل المولود من مواليد السعاده

اللي نتمناه من كل خواتي اللي ولدوا انهم يشاركونا تجربتهم احنا البجريات لان حدنا متوهقين وكل يوم نسمع راي يعني مايمدينا نختار دكتوره الا ثاني يوم نسمع عنها ذم موطبيعي

وهذا اللي خلانا نتوهق ونحتار وبسبب انها اول تجربه لنا مانبي نجازف ونخاطر ومانبي نتعرض للقيصريات وغيرها من مشاكل الولاده

فاتمنى منكم ان كل وحده تدخل تذكر اسم المستشفى والدكتوره والتجربه هل كانت ايجابيه ام سلبيه

اسم المستشفى:

اسم الدكتوره:

شلون كانت تجربتج:

مانبي بلييز وحده تدخل تقول سمعت عن الدكتوره الفلانيه انها موزينه او كله تولد قيصري مو لان مو واثقين بكلامكم لكن احنا اول تجربه لنا ومانبي نجازف نبي تجربه شخصيه من العضوه نفسها

اتمنى اتمنى من كل الوالدات المشاركه معانا ماتتخيلون شكثر تجربتكم راح تفيدنا وتساعدنا ومن فرج عن مسلم كربه فرج الله عنه كربه من كرب يوم القيامه

وماتدرين يمكن بنصيحتج لوحده من الخوات تمنعين عنها سوء الولاده او تعرضها لتجربه مريره ومضاعفات خطره

والله يسهل على الكل الحمال والولاده يارب

انا قبل 7 سنوات ولدت في المواساه عند جمال الدين الافغاني و لحد الحين ادعي عليه لعب بحسبتي تعبني و تعب ولدي معاي

و الحين انا اراجع عند ماجده اليتامى لان ما حملت الا عقب علاج و حقن مجهري بس راح اولد ان شاء الله بالعدان

يعطيج الف عافيه ايمانوفا على طرح تجربتج القيمة جدا

بانتضار باجي الوالدات

هلا والله ..

انا ولدت 2024 شهر 9 بمستشفى دار الشفاء عند الدكتور حسام .

انا ولدت بالسلام عند نجمه 2024 الصراحة هادكتووورة تموت على القيصرية ما انصح فيها بس السلام روعه الصراحة اذا نويت احمل المره الياية بولد بالسلام بس عند منال زهدي بعيادة جنين بالسلام روووعه هالدكتورة وحيل حبوبه وبالها طويل ومتستعيل وتولدج قيصري والله يسهل على الكل ياااارب

اختي توها طلعت من الــ 40

دكتورتها : ليلى ابو الليل – مستشفى انترناشينول اكلينك

وخيرتها بأي مستشفى تولد بس امدحت لها سسترات ( السلام )

وفعلاً كانوا حيل مهتمين عكس الشفا

واما عن تجربتها حيل تمدحا وتقول بالها وسيع

عكس البعض لط فلوس وماكو اهتمام

ويوم جربت ولادتها دقت عليها تقول دشت وياي من اول مادخلت

وجابلتني لين الولاده وبشرت زوجها وعقب اسبوع مراجعه

والله يسهل عليكم يارب

انا ولدت برويال حياة عند امل عبالعزيز انا ماشفت منها شي بنت الحلال والحين اراجع عندها بس الولادة مادري اخليها تولدني او لأ

اما بالنسبة لرويال حياة اهو حلوووو ومعاملتهم حلوة والسسترات حليوات بس للاسف كل شي بحسابة ويموتون بالفلوس موووووت
طلعت علي الولادة 1400 !!!!
مع اني لا استقبال ولاشي

مع اني طبيعي بس جننوني بولدي شاكين فيه وشاكين يه وتعبت نفسيتي والحمدالله طلع مافيه شي

الولاده الاولى بالسلام عند نجمه حسبى الله عليها طبعا ماانطرت على وولدتنى قصريه

والولاده الثانيه هم بالسلام لانى مااقدر استغنى عنها وعن المعامله الحلوه مالتهم واسعارهم المعقوله

بس يبت دكتوره معصومه مخصيد ولدتنى والحمدالله ولدت طبعى

ولو افكر احمل هم بولد بالسلام الصراحه عنايه ونظافه والسترات يهبلون بس حسافه معصومه وقفت اتولد بالسلام يعنى بدور غيرها يولدنى

انا ولدت بدار الشفا عند ناهده العلي
خوش دكتورة تهبل
اول مره طبيعي وثاني مره قيصري لانه كانو توام مستعرضين

ولدت بتاريخ 3-2008 بدار الشفا عند ناهده العلي
وحمدالله لك الحمد ولدت بنتي طبيعي

انا بدش عرض
اول ولاده بالفروانيه
عند دكتور اسمه جمال
وكانت من اروع لحظات حياتى لانه كان حيل مراعينى ويهبل بمراعاته
وكانو السسترات 4معاى
مع انى موواسطه

بس ربي سهل لى ولادتى وجبت احلى ولد
وكانت ولادتى قبل 7سنوات
وبنات قبل لاتطلبون الدكتوره وتحاتونها
ادعو ربي يسهل ولادتكم
لا
لا الدكتورة ولا المستشفى والطاقم اهو اللى بيسهلها
وعسى ربي يسهل لكم ولادتكم
ويوصلنى ويفرحنى
اميييييييييييييييييييييييييييين يارب العالمين

انا ولدت ب٢٠٠٨ عند د. محمود مطاوعه في مستشفى رويال حياة كانت وولادتي متعسره بس الحمدالله تم بنتي بصحه والحين انا حامل واراجع عند نفس الدكتور بس ولادتي ما راح اتكون بالكويت (( الله يستر )) بامريكا (( ادعولي بالسهاله ))

د. دلال السالم
دايما في مستشفى هادي
الدكتولره تينن و حبوبه و تريحج نفسيا اذا راجعتي عندها
والمستشفى انا وايد ارتاح وتعجبني خدمتهم خاصه ان دكتوره دلال عندها ستاف سسترات خاص

يعطكم العافيه بنات على طرح تجاربكم القيمة جدا جدا

بانتضار البقيه

خوووش موضوع بصراااحة انا بعد بجريه واحب استفيد من تجارب البنات

مشكوووورة عالطرح الراااائع

السلام كروشات ؛**

حبيت اسوي هالتجمع للبجريات عامه .. و لعرايس 2024 الي حملوا ..

ربي يهون على كل الكروشات و يقر عينهم بشوفه ضناهم و يجعلهم من الذريه الصالحه ..

اهني تفصفضون و تتبادلون المعلومات و الأشياء إلي تمرون فيها .. تفيدون بعض و تواسون بعض بفترة حملكم ♡

و سلامتكم حبيباتي و خواتي ..

بعد عمري لولو اييي والله يبيله انتجمع اهني عقب ما صرنا حريم هههههههههه

لولو بشريني عنج ?

اخيررا هالتجمع يه بوقته
الله يرزقج لولو

انا معاكم تزوجت شهر 6 وحملت شهر 9 انا بالرابع الحين وعسى الله يهون علي وعليكم

مبروك عليكم عرايس

و الله يرزقنا انا و لولو و كل من يتمنى

اهلين بنااات مبرووك التجمع انا بجرية و الاسبوع الياي داشة شهري التاسع ادعوولي

انا بجريه

ربي يتمم علينا
ويرزق الجميع

الله يتمم حملكم على خييييييير

ويرزق اللي ماحملت عن قريب

حياتي حلا بخير انتي شخبارج

آمين حبيباتي و يرزق الجميع .. و يهون عليكم فديتكم

بنات شتنسيتو فيه ؟؟ او شلون عرفتو انكم حوامل .. خل نسولف

انا سبحان الله ياني احساس اني حامل حسيت بشعور غريب في بطني وصدري قام يعورني وظهري ومن تأخرت الدورة يوم واحد حللت بالبيت وطلعلي خطين ووقفت مصدومة مصدقه و مو مصدقه وماقلت حق ريلي وثاني يوم الصبح رحت بروحي المستشفى وسويت الهرموني وقالتلي تعالي بعد ساعه وماااا اطولك يا ليل اطول ساعه في حياتي كانت ههههه

وبس رحت والا اتقولي مبروك حامل وانا بس اطالع الورقه متنحه واقولها اكيد يعني ؟؟ اتقولي اكييد يالله رووحي .. جان ابلغ زوجي واهوا مو مصدق يقولي صوريلي التحليل هههه والحمدلله على كل حال الله يرزقكم كلكم ولا يحرم احد من هالشعور الجميل

واذا عالنساة تنسيت في اللبن والورق عنب هههه

عاد في موضوع تجمع بجريات

يا حلوج توشا .. الله يهون عليج حبي

أم هوبي والله ما شفته .. بس كان ودي أخصصه لعرايس 2024 أكثر .. لأنه واسينا بعض و احنا عرايس و أغلبهم حملو .. ولا إهانة بصاحبه هذاك الموضوع و كل الحوامل .. حياهم الله أكيد

عليييكم السلام والرحمه

انا بجريه :$

وبالسابع الحين الله يسهل يارب على كل وحده ولادتها ويرزق كل محرومه يارب

بغيت اسالكم ابي دراريع للنفاس وين احسن شي ولادتي شتوي

جهزت للبيبي وخلصته

وابي افكار حلوه للاستقبال

< ياكثر اسالتج

حبيبتي لغموضي الله يهون عليج .. و يا رب البنات يفيدونج ..

يالله كروشات قصصكم شحسيتو قبل لا تعرفون أنكم حوامل و شتنسيتو ؟؟

انا بجريه بعد ومن عرايس هالسنه
انا طال عمرج ماحسيت بشي بس كنت كله اناااااااام وتاخرت الدوره يوم وسويت تحليل منزلي طلع بوزيتيف وعقبه سويت دم ونفس الشي
والحين نساتي بشقتي وريلي وماحب اشم عطوووور كلش
والله يتمم علينا يارب ويرزق كل من تتمنى

قوه

بنات ماقصد الخياط من برى

اقصد من داخل تسون تجميلي ولا لا

لان قالولي عمليه تجميليه للي وقفو انجاب والخياط التجميلي عادي يسونه للبجريات

جاوبوني عفيا لاني خايفه اتغير بعد الولاده

وايد قالو ترجعين مثل قبل بس ماتوقع الرحم يرجع لوضعه الطبيعي

انتظركم

ليش تجميلي خلج عالخياط العادي

التجميلي حق ايللي يايبه أربع يهال أكثر أو إيللي بتحدد النسل

والخياط على شطارة الدكتور أو الدكتورة أما عن الرحم يرجع مكانه بس ياخذ لس 6 أشهر على ما يرد مكانه الطبيعي و الرضاعة الطبيعية ترده أسرع وهم لا تشيلين شي ثقيل ينزل الرحم

تجميلي طبعا بدون كلام ولا تفكرين تسوين خياط عادي حتى لو بكريه

مشكورين بنات بس نا ماقصد العمليه اللي تكون بالعميق وتحدد النسل

انا اقصد الخياط التجميلي اللي الناس يسونه من بعد الثاني

ابي تجارب بعد

سألي الدكتوره تفيدج اكثر

مرحبـــــــــاا وانا بعد بجريه ودي اسوي بس خايفه ياليت اللي عندها فكره عن الموضوع اتفاعل معناا
منوافضل دكتوره بدار الشفاء تسوي خياط تجميلي

انا ماسويت ابجري لانه ماكنت ناويه اطول بالحمال وانا الحين حامل وراح اسوي هالمره لانه برتاح سنتين او ٣ من الحمال

بس اللي مو ناويه تحمل على طول تسوي لانه تختلف المنطقه عقب الولاده حتى لو بجر واول ولاده

ماانصح فيها دام انج بجر باجر وراج ولاده ثانيه عشان ماتتعذبين فيها

اب اب اب

نشوف تجارب البكريات

انا ماراح اسوي تجميلي الخياط العادي اذا مضبوط خلاص

لان التجميلي مو زين حق البجريه وقت الجماع يطلع دم هذا حجي البنات

اصلا الحسو بروحه يضيج تنفسي عدل ومع التحاميل تصيرين ضيجه

انا بسوي خياط عادي من قلب حرام اول ياهل لاحقه عالتجميل

وموناقصه عوار :/

بيان تفصيلي في الخياط التجميلي