الوسم: الانتحاريه

استفسار عاجل

بنات انا دشيت شهري و قدر الله ان الراس ثابت فوق والرحم مصكر اللي بعرفه ينفع بهالحاله اني اشرب دارسين وعشبه مريم وغيره من الامور لان قريت كذا مره ان مع الطلق يفتر البيبي واذا انفتح الرحم يمكن يساعد على نزوله
والا هذي تعتبر مجازفه وبالنهايه قيصري

الله يعينج حبيبتي
روحي لمحسن طلبه يمدحونه البنات
يقدر يلف البيبي وان شاء الله ينزل تحت

ما يصير تلفه الحين خلاص تلبيبي كبير و ماخذ وضعيته و المكان ضيج عليه

لااااااااااااااااا تشربين ولاااااا شي
لا دارسين و لا خروع و كف مريم

هالسوالف تشربينها اذا ياج طلق و الم وانتي بالطريج للمستشفى

قبله ابداااا لا تفكرين

انا بحملاتي الاثنين ما تبت اخذت دارسين وانا توني بدايه شهري و طولت
و طلقي باااارد الاشياء هاذي تبرد الطلق اذا ما كان حامي

والله نصيحه لا تشربين شي راح تتعبين خاصتا البيبي راسه فوق خاف مو زين عليه

اخذي شجره مريم بس لنها سنه النبي

ولا اتحاتين الرحم بروحه يتبطل حزه الولاده مو من اول التاسع

نفس الكلام قالولي واسبوعين من التاسع كل يوم حاطتلي بمج شجرة مريم وكل شي سهاله صار الحمدالله

لا حبيبتي لاتاخذين شي

انا خذيت وسويت كل شي وانا كان وياي طلق بارد لمن رحت المستشفى جان يقولي عمليه انصدمت ليش جان يقول راسي البيبي فوق الحوض ومعاج طلق ونبض البيبي قام يقل لازم عمليه

لاتجازفين وخليج متى ما الله كتب تولدين راح تولدين بدون شي

ماقصرتوا بنات مو انا هذا اللي احاتيه اني اجازف بشي مايفيدني بشي بهالحاله
جزاكم الله خير

لا تاخذين شي اتكلي على ربج وبس وحزت طلعته بيطلع سواء طبيعي او عمليه و نصيحه روحي الحكومه دام هذا وضعج مهما كان مستشفياتهم لوعه بس في حالات لازم تروح للحكومه اضمن لها

نصيحه لا تشربين شي لان راس البيبي مو بالحوض والرحم مو مفتوح عندج شي سويهم

1- روحي لدكتور شاطر يفر البيبي

2- صكري عليج دار واحبي ع ركبج

والله يسهل عليج

اللــــه يـــســــهــــل عـــلـــيـــج وتــــولــــديـــن طــبــيــعــــــي

نفس حالة حماتي توها والده شهر 11

راحة طيبه كلينك قالولها راس البيبي فوق يالله عمليه

طلعت بسرعه راحة العدان (( حكومي )) والله صبروا عليها والدكتور فر لها البيبي ونزل راسه لي تحت وجابته طبيعي الحمدلله

يعني قصدي بعض الخاص يهمهم الفلوس جربي حكومي يمكن ينفعونج والله بينطرون عليج

والله نقلت لج تجربتها مثل ماصار معاها بالضبط

وعسى الله يهون عليج وتولدين طبيعي يارب

روحي يالغاليه عند الدكتور محسن طلبه خوش دكتور اختي فر لها البيبي واهي في التاسع عادي انشالله والله يهون عليج ويرزقج البيبي المعافي انشالله

السلام عليكم

بنات انا مليت و زهقت و طفرت ما احس ببوادر الطلق نهااائيااا

ودي اولد بس لاني بجر اخاف اجرب اي شي و اهول بعمري

ابي اعرف شنو العمليات الانتحاريه (شغلات جربتوها عشان تسهل الولاده)

غير المشي و الجماع

وانشاء الله بجرب و اقولكم شيصير معاي لاني فعلا فعلا فعلا ملييييييييييييييييييييييييييييييتتتتتتتت

ناطرين تفاعلكم اوكيك

انتي بجريه ؟؟

ترا طبيعي طولين

انا فبجري ياااااااااااااو ماخليت شي ماسويته قالتلي امشي مشيت
قالت خروع شربت اثنين خروع حطيتهم بعصير وماصار شي
قالو زعفران وشربت ماكو فايده
دارسين اعشاب كل شي

كنت اركض فحوش بيتنا ابي يصير شي وماكو فااااااايده

وماولدت الا ع الطلق الصناعي

ماعندي فكره

الي اعرفه الاناناس والمشي ..

جواهر مو هذا الي انا خايفه منه ان اخرتها طلق صناعي انا معاج البجريه تطول بس مافي بوادر للطلق نهائياااا

كثري من المشي عالرمل صج يتعب بس شتسوين

انا راح ابدي امشي بالممشى عقب عالرمل .. بالتاسع مو الحين لووول

وآكل اناناس

وان شاءالله ايلي طلق طبيعي يارب

والله يسهل عليج

مشكوره عالرد خيتو

اجمعين يا رب

طبيعي البجر تطول .. انا يوم حملت بجري كليت شهري كله وماياني الطلق وعطووني طلق صناعي ..

مع اني كنت امشي وشربت خروع ودارسين بس ماكو فايده صدقيني مايجي الا بوقته (:

والله يسهل عليج ..

بلى كانت الدكتوره تسويلي تخطيط للطلق تقول فيج طلوق خفيفه ..

بس لين خلااااااااااص استسلمت البيبي وصل وزنه 4 الا غرامين وراسه كان نازل ماكنت اقدر امشي كلللللش

رحت باخر يوم من التاسع قلت ولديني خلاص تعبت قالت لو اوسعج بأصبعي ترا راح تطلقين طبيعي قلت يالله

وسعي اهي بس دخلت ايدها يماااااااا بغيت اموووت بغيت ارفسها قالت ماسويت شي بس سانتي واحد خليني اكمل

قلت لا الله يخليج ماابي .. ولديني تحميله .. عطتني تحميله وصلت الطلوق ل 100 ونزلوني ولاده ..

بس صج الطلق الصناعي يتعب يتعب حييييل مو مثل الطبيعي …

انا ماجربت المشي ع الرمل بحملي هذا بمشي بمشي لان المشي يقولون ينفع .. ويقولون الجماع بس ديري بالج انا

عبالي الجماع العادي اهو يفتح الرحم طلع ان المني اهو اللي ينفع ان بعد الجماع ماتقومين لان المني فيه ماده تحمي الطق

مرت اخوي اجهظت ب الشهر الثالث قالت للدكتوره مابي تنظيفات لانها تعبت ثالث مره تجهض وتسوي تنظيفات

قالت لها عيل اذا تبينه ينزل امشي وخلي زوجج يجامعج .. والله تقول وع الله وع المشي والجماع .. لين جاتها طلووق

قويه ونزل الجنين ونظف رحمها …

روحي خليها توسع لج لو سانتي واحد او اثنين تحملي .. وامشي وااااجد ..

الله يسهل علينا …

انا بعد جم يوم ادش التاسع … ومن الحين زهقانه أبي أولد ..

وريلي يقولي قومي خل أمشيج …

فيدونا من خبرتكم … خل نولد ونرتاح …

والله ع حمالي الاول والحين الثاني مافي شي ما سويته مشي ومشيت وخروع وشربت ودارسين وشربت واشياء ثقيله قمت اشيل .. الخ

موشرط الاول اتطولين وثاني ماتطولين انا ع حمالي اول مره نطرت نطرت طلق طبيعي واخرتها طلق صناعي والحين ع الثاني باخذ طلق صناعي بعد جم يوم

الله يسهل ع الجميع

انا خذيت بحمالي الاول والثاني طلق صناعي الصراحه

طبعا من بعد الجماع والمشي على تراب البحر وانفتح سانتين ورحت ولدت بطلق صناعي صج عواااااااااااااااااااااااااااااااااااااااااااااااا اااااار وتعب بس مالي خلق انطر

شكله ماكو غير الطلق الصناعي

الله لا يقوله

والله بنات لا تسوون شئ
لان تره الرحم من التجارب يصير فيه مثل المناعه مايتقبل ويظل متسكر ماينفتح
واللي ربج كاتبه بيصير
امشي على رمل البحر وكثري الاستغفار والدعاء والله يسهل عليج

الله يستر انا خااايفه من الطلق الصناعي حدييي

مرحبا حبايبي

الكل اذا دش الشهر التاااسع يحس بظيقه وهم والم وثقل

بس يابنااات الرحم هو افضل مكاان لببيبي ولاتستعجلوون بطلعته خلوو الشيخ والشيخه يطلعون متى مابغووو

هذي قصه قريتهااا بمنتدى ثاني اقروهاا معااااي

تقووول الاخت:

لاتغلطوون غلطتي بس طاف اسبوعين على شهري قلت للدكتور ابي طريقه تولدني بسرعه مع انه اول جنين

قالي الدكتور راح اسوي لك توسعه وعملهاا مرتين الصبح والمساااا

يوم رديت البيت حسيت بألم فضيع

رديت للدكتور قاال هذي ولاده راح اندخلك

وقعدت من 12 بليل لين وحده الظهر اخر شي طلع الراس لكن الجسم ماسك حاولو يشفطون بس الحوض مسكر عليه

حاولو فيها ماقدروو حولوها عمستشفى حكووومه وولدوها قيصري

بنااات طلبتكم لاتستعجلوون بالولاده الا بمشورة دكتور فاااهم

والجنين مكتوب له متى يطلع للدنيااااااااا

ادعولي تكفوون بولاده ميسره انا لي اسبوعين بالتاااسع

يارب يهون عليج انشالله

الله يهون طلقج وولادتج

الله يسهل علييييييييييييييييييييييييييييج انشاءالله

الله يهون عليج يارب
لا تلومينهم من الثقل والتعب يبون بسرعه يولدووون انا اشوف اختي مسكينه تعبت وايد يبون الراحه خصوصا الشهر التااسع متعب
وان شالله كله بأجره يارب
,,,

الله يسهل عليك يارررررررررررررررررررررررررب

الله يسهل عليج. وان شالله توولدين بالسلامة. وووالفال لي اولد مبجر تدرين اليوم بروح اشتري كف مريم بس غيرت رايي

اخر شهر يضيق الخلق لانوم ولا راحه وشكل غلط الحمدلله يارب

كلامج عيييين العقل
انا بقول للبنات شي يساعد عالولاده من بعد الله

التمر بنات عليكم فيه

من تدخلون شهركم اكلوا 7 تمرات باليوم

الله يسهل عليج وتولدين احلى واسهل ولااااااادة

وتضمين البيبي لصدرج بكل صحة وعافية

الله يهون عليج وعلى يارب انا بعد صارلى اسبوعين داشه التاسع ,,,, وكنت ناويه اشرب دارسين بس شكلى بهون ,,,, وخليها على الله متى ما الله مكتبله ينزل بينزل

يعطيك العافيه …وعليكم بالرطب يسهل الولاده انشاءالله

تسلمين يا الغلا

جزاج الله خير حبيبتي

تسلمين ياقلبي