|
السلام عليكم
طفلة عمرها سنة و5 اشهر ,, تعاني من ان الراس صغير عندها مايكبر عرفتوا ,, اهيا اول ماولدت راسها صلب مافيه ماي, تعرفون الاطفال اول مايولدون راسهم ماي فوق ينضغط عليه هذه كان صلب
يعني المخ يكبر والعظمة او الجمجمة صغيرة ماتكبر ضاغطة ع المخ
منو تعرف حق هالحاله او مارة عليها ؟
او تعرف دكتور زين او استشاري مخ واعصاب , أهيا تقريبا مارة اكثر من دكتور محد يعطيها علاج ..؟
ويسوولها اشعة رنين يقولون ان النقط بيضاء مفروض تكون سوداء مادري العكس ..؟؟
بنات الله يعافيكم لاتطنشون عطوني جواب
ويصبر قلب امها يارب
بعد بنات منو تعرف
بس اتصلي تاكدي اذا لازم موعد او عادي
اهو دكتور أطفال بس كلمة ممتاز شويه عليه
١٨٨٥٥٤٤
الله يشافيها يارب
عسى ربي يشافيها و يعافيها و يسخر لها الدكتور الصالح الماهر اللي يعرف لحالتها ….
افضل تعالج برا اذا حالتها جذي مااعتقد بيرفضون
لانه اهنيه موشي علاجهم
بس شخصي الحاله واخذي تقرير من الدكتور عن حالتها
مستشفي ابن سينا
وعندج عبدالعزيز عطيه بعنايه كلينيك بالسالميه شاطر متخرج من جامعة دوسلدورف بالمانيا دكتور اطفال شاااطر
وفي دكتور الشرقاوي بالجهراء للاطفال بس شااااطر
انصحج اخذي استشاره من هالدكاتره
وسوي لها اشعات وتخطيط عالراس واعطيج رقم مترجم سوداني او فلسطيني باخن بالمانيا دزيلهم فحوصات البيبي عالايميل او بالدي اج ال
وياخذون لج استشاره من استشاري دكتور اطفال ودكتور مخ واعصاب ويردون لج خبر بالتشخيص وطريقة العلاج
واذا بتروحين تعالجين عندهم يحسبون لج الاسعار اذا على حسابج ارخص من لو تروحين على حساب الحكومه
يعني لاسمح الله ماعندكم موافقه للعلاج بالخارج روحوا على حسابكم ويراعونكم بالاسعار
اهم شي صحة البيبي
على فكره افضل مستشفى مستشفى اخن الجامعي باخن بالمانيا كلهم دكاتره بروفوساريه وعلى مستوى وشطار
الله يكتب لكم الشفاء وماتشوفون شر
روحيله نصيحه توه مسوي عملية حق خالتي بالمخ واايد صعبه والحمد الله نجحت
نصيحه روحيله