الوسم: الاطفال؟؟

السلام عليكم

شلونكم خواتي وشخباركم

عفية اللي تعرف مركز تعليم الاطفال مال الدكتور حمزة الخياط

تدليني عليه

وفي وحده قالت انه بالخالدية بس ماتعرف العنوان

عفيه اذ صحيح بالخالدية وين بالضبظ ؟؟

ومشكورين وعساكم عالقوة

انا هم ادري بالخالديه بس ما ادري وين بالضبط بس رقم تلفونه 66228353

بجانب الجامعة داخل مركز تنمية المجتمع

مشكورين خواتي مااقصرتوااااااااااااااااااااااااااااااااا

يعطيكم العافية

ودقيت عليه شكثر ماايرد

أبي وصف دقيق للمكان

وشكرا مقدما

حتى انا عيزت ادق عليهم محد يرد علي

شيعلمون الاطفال؟

شنو بالضبط يستقبلون طلاب باي عمر

انا حجزت من سنين وما ية دورى يوم كان ولدى بالروضة الله يسامحه واسطات

66228353

الأستاذ حمزة عنده مثل مركز يعلم الأطفال القراءة والكتابة ويأسسهم عدل ماشاء الله

قالولي المركز بالخالدية بس وين بالخالدية ؟؟

أتمنى تفيدوني خواتي أبي العنوان

لان رقمه أدق مايرد من شهووور

أبي العنوان المركززززززززززززززززززززززززززززززززز ضروري

واكون شاكرة لكم

ياليت اللي عندها العنوان تفيدنا

ياليت اللي عندها العنوان تفيدنا

عيل انا رئيسه قسم العربي بمدرستي قالتلي اهوا بالجابرية

اول مرة اسمع فيه
عفيه نبي تفاصيل اكثر وجم الاعمار اللي ياخذها؟؟

السلام عليكم,,

حكمة الله تعالى في كثرة بكاء الأطفال وتاثيرة علي المخ
كتاب مفتاح دار السعادة للعلامة ابن القيم – رحمه الله تعالى
تأمل حكمة الله تعالى في كثرة بكاء الأطفال وما لهم فيه من المنفعة
الأطباء والطبائعيين بأنهم شهدوا منفعة بكاء الأطفال وحكمته وقالوا في أدمغة الاطفال رطوبة لو بقيت في أدمغتهم لأحدثت أحداثا عظيمة فالبكاء يسيل ذلك ويحدره من أدمغتهم فتقوى ادمغتهم وتصح وأيضا فإن البكاء يوسع عليه مجاري النفس ويفتح العروق ويقوى الأعصاب وكم للطفل من منفعة ومصلحة فيما تسمعه من بكائه وصراخه فإذا كانت هذه الحكمة في البكاء الذي سببه ورود الألم المؤذي وأنت لا تعرفها ولا تكاد تخطر ببالك فهكذا إيلام الأطفال فيه وفي أسبابه وعواقبه الحميدة من الحكم ما قد خفي على أكثر الناس واضطرب عليهم الكلام في حكمه اضطراب الأرشية وسلكوا في هذا الباب مسالك …إلخ

ثمّ تأملت حرص الناس على إسكات الطفل إن هو بكى ,
فكلما بكى طفل من حولهم كلما سارعوا إلى إسكاته بأيّ وسيلة وبأيّ أسلوب حتى وإن لم يكن تربوياً !! ولذا نرى الأطفال يستخدمون هذا السلاح للضغط على من حولهم وخصوصاً الأمّ لتلبي كل متطلباتهم ,
وقد أعجبتني إحدى الأمهات بكى طفلها بين يديها في إحدى المناسبات ولم تلتفت إلى بكائه فلما زاد بكاؤه أشارت عليها النساء من جليساتها بالالتفات إليه فأجابتهنّ بأسلوب لبق بأن طفلها لايشكو من جوع أو عطش فقد تعاهدته بذلك قريباً , كما لايشكو من ألم لأنني أميّز أسلوب بكائه إذا أصابه ذلك , أيضاً تمّ تبديل مايلزم من ملابسه الداخلية قبل قليل , فبادرتها النساء : مم يشكو إذاً ؟؟ قالت : يريدني أكون على ما تهواه نفسه , ما به إلا دلال زائد , وأنا دون ذلك , أنا في مجال تربية لهذا الطفل فلن أدعه يفرض عليّ مايريد كما يريد , أخواتي – ولازال الكلام لها – إنّ أيّ أم ستقفز عند أدنى صوت بكاء تسمعه قد تتعب كثيراً ,
وتأمّلن حال الكثير من الأمهات اللاتي يلتفتن بزيادة مفرطة إلى هذا , قد مللن وسئمن , في ظلّ وجود طفل ذكيّ يختبر استجابة أمّه عند كل ملمّة , قالت النساء : متى سيتوقف طفلك عن بكائه ؟ قالت : بعد قليل , وستلاحظن ذلك جيّداً , وما هي إلا دقائق حتى عاد إلى وضعه الطبيعي من اللعب ونحوه , أختى الأم : مادمت مطمئنة على وضع طفلك من حيث عدم الجوع والعطش ومن حيث تبديل مايلزم تبديله من ملابسه الداخلية ولم تتغيّر طبقة صوت بكائه من ألم قد أصابه فما الذي يقلقك ويفزعك ويقيمك من مجلسك وهو أمام ناظريك ؟ لابأس دعيه يبكي قليلاً لتحققي ما أشار إليه ابن القيم – رحمه الله تعالى – في أدمغة الاطفال رطوبة لو بقيت في أدمغتهم لأحدثت أحداثا عظيمة فالبكاء يسيل ذلك ويحدره من أدمغتهم فتقوى ادمغتهم وتصح وأيضا فإن البكاء يوسع عليه مجاري النفس ويفتح العروق ويقوى الأعصاب وكم للطفل من منفعة ومصلحة فيما تسمعه من بكائه وصراخه ,,,,
سبحان الله العظيم

ياااااااجماعه خلو عيالكم يبجون لباجر هههههههه

والله كلام حلو,,,اتمنى الكل يستفيد..

منقول للفائده..

مشكووووووووووووووووووووووووووووووووووووووووووووووو وووووره

انا بجت بنتي لين تشنجت

مو بكل الحالات لازم نسكت عنهم \ومشكوره على النقل

نودا..
العفو..منوره..

روحي..اكيد مو بكل الحالات,, خليج وسطيه..
العفو..غاليتي..

معلومه حلووة بس ساعات البج يخليج تتنرفزين

يعطييج العافية

سبحان الله العظيم

بس احنا شيصبرنا!!!

سبحان الله العظيم

شكرا.. ع المرور..

الحمدلله اول يوم عدى على خير

بدون اصابات وبدون اعصاب

دشينا الروضه والا الاغاني شغاله لاستقبال الاطفال والامهات بيدهم الكاميرات

وراعي النفيش والذره قاعد يفرش فرشته استانسو عليه اليهال رايحين رادين عليه

وبالنسبه حق صفي

الحمدلله من فضل ربي صفي محد فيهم صاح ولا رافس << يمكن لاهم ثانيه

بس واحد تنحر علينا ما رضى يسوي شي تم واقف بمكانه من اول يوم ليما اخر يوم

بداية الدوام كنا كلنا انا والي معاي في استقبال اولياء الامور .. انا امسك الورعان والي معاي عليها اولياء الامور

بس لاحظت واايد واييد وااااييييددد

اكثر من طفل هدوهم اهاليهم عند الباب وراحو

يعني الابله الي تصادف طفل تعلمه وين صفه .. انزين والي يدش ولا في احد يستقبله شلووون ؟!؟!؟

ما عليه كلنا عندنا اشغال ولا نقدر نتاخر بس جان على الاقل استأذنت الام اول يوم تدخل ولدها بيدها

تعلمه وين صفه

تتعرف على ابلاته

توهقنا بولد .. مو عارف يقول اسمه

وفريناه على ابلات اوائل كلهم .. ليما وحده منهم عرفته وقالت لنا اسمه .. ومنها وصلنا حق صفه

بصراحه عفيه قلب هالامهات يقططون عيالهم ويمشون

بس الحمدلله كان يوم تمام وعدى على خير لولا الجو كان فطيس

نيرو الله يعطيج العافيه حبيبتي واقدر اهتمامج بالاطفال
قلبي يعورني على وليدي المفروض يكون معاهم
ادعي يقبلونه مع التسجيل المتأخر

الله يوفقكم
بس اليوم لاحظت بالدوام اغلب الامهات يايبين اعيالهم على الساعه 11 واللي 9
من الروضه يقولون مافي تكييف !!!!!!!!!!!!!!!!!!
واليهال ميتين حر عشان جذي طلعوهم ؟؟؟؟؟
استغربت والله المفروض يكونون مستعدين اكثر اهم شي المكيف تدرين جو الكويت مايتحمل يقعدون على هوا بره !!!!!!!!!

احنا محافظه العاصمه
انتو اشلون الاستعدادات عندكم ؟

تسلمين يا نيرو عالموضوع الحلو والله يعطيكم العافيه عالمجهود اللي تبذلونه واحنا لولاكم جان نضيع والله يكثر من امثالج يا قلبي اما انا عن نفسي فكل طفل يدخل الروضه قبلها آخذ اجازة اسبوع عشان اباشر معاه دوامه باول اسبوع ما اخليه وامشي عشان لا يستاحش الطفل من الروضه وبعدها تدريجيا من يتأقلم أوصله لي باب الصف واصبح على ابلاته واشوف اذا في اي ملاحظه على طفلي أو أي طلبات يبونها من الطفل وأقوم فيها آنا دوم أحب أتعاون مع مدرسات عيالي لأنهم ابصراحه الله يآجرهم على عملهم والمفروض كل أم تتعاون مع مدرسات عيالها وعساكم القوة يا قلبي

الله يعطيكم الف عافية يا ابلات الروووووضة
انا ولية امر مو ابلة
الصراحة اليوم وديت بنتي ولقيت الابلات وايد حبوبين ويرحبون باليهال بطريقة حلوة
وفي ابلة ماشاءالله عليها مزهبة الهدايا لليهال جيس كشخة مربع صغير فيه ستيكر كبير وحلويات وااايد شكله حلو واليهال فرحانين فيه

على فكرة بنتي اولى روضة بس لان الابلات حبوبين الحمدلله ما بجت ولا تضايقت ولا شي لا وتسويلي باي بعد فديتها ههههههههههههه

الله يعينكم على اليهال والصوم والحر بس انتو قدها وقدود

ام كتكوت

والله المكيفات موجوده والروضه نظيفه والتجهيزات كامله بس الجووو ما يساعد

الله يعيننا المكيفات ما تلحق .. ترا عندنا ممنوع يتسكر الباب على الابله مع الاطفال

مسكينه الناظره تمشي وتسكر البيبان علينا تقول خل يتيمع لكم هوا بارد .. الله يبرد عليها دنيا واخره

ام حمودي

كلامج عين العقل

بس نادرين الي من نمونتج .. ونادرين اولياء الامور الي يتعاونون

والله في اولياء امور انحرج منهم من كثر تعاونهم .. بكل مناسبه تدز ولدها والا بنتها معاهم شي بسيط

يخدم المناسبه ..يساعد الابله والله هذيلا ما يقصرون رايتهم بيضه

زيتونه

والله التجهيزات كامله الحمدلله .. وكل شي مسوينه مو مخلين شي يحبب الطفل بالروضه

نحاول كثر ما نقدر نجذبه ولا يستعسر ولا يصيح يستاهلوووون عيالنا الحلوييين

والروضه احلى مرحله خل عيالنا يستانسون

وبوسيلي بنوتج البطله الي ما بجت ولا اذت امها وابلتها

الحمدالله عدى اليوم على خير ..

صج كان عندنا جم ياهل قعدوا يبجون بس بعدين اندمجوا معانا ..

انشاءالله باجر بعد يطخون عشان ما نعيد نفس الاسطوانه

وعلى قولتج لاحظت اليوم جم ولي امر قطوا عيالهم ومشوا .. واللي تستغربين منه ان عيالهم مستوى اول !!!!! عاد ناديته قتله لو سمحت اقعد مع ولدك على الاقل تتعرف على ابلاته وتتطمن عليه .. اقصاه ياهل بالروضه مو بالثانوي !!!

واللي مطرشه ولدها مع الخدامه واهيه حاطه راسها ونايمه .. حتى الخدامه عطتني التلفون عشان اكلم الام ولا كلش نايمه بالعسل مو فرحانه ان ولدها اول يوم له بالروضه .. امبييييييه الحمدالله والشكر الله يهديهم

شكرا نيرو عالموزوع

الحمد لله أول يوم عدا بدون اصابات

ولا طفل عندي بجا يمكن لانه ثانية كبار شوي

زلابيا

مادري لاقين عيالهم بالشارع .. والا طالعين لهم بسحب .. ربوهم عدل راقبوهم ونسوهم خل يحسون بوجودهم مساكين

عالي مستواها

اي ثانيه اسم الله عليهم كبار ما منهم خوف

يسلموو

انا عن نفسي مشتطه وحالتي حاله وقاعده من 5 ومسويه الريوق حق ولدي
وديته شفت اسمه باللوحه ورحت وديته الصف على طووووول تاقلم وقعد شاف بنات ولدي مغازلجي.
كنت حاطه ابالي اقعد معاه واشوف شيسوي واشلون يتصرف جان تقولي ابلته
ترى الجناط ممنوع كل شي موجود عندنا نعطيهم وجبه حتى كاكاو نعطي
اخذيها معاج او خليها عشان اول يوم
حياج الله
لووووووووول وانا ابي اقعد اشوف ولدي
شنو حياج الله
شفت باجي الاهالي يقطون ويمشون جان امشي
ركبت السياره ولا مطاره الماي
رديتله ابي اشوفه شيسوي مايسوي غصب طيب بدخل شفته يلعب جان اطلع
وبالطلعه رحتله ابجر وخذيت اخوانه الصغار
استانسسسسسسسسسسسسسسسسس وقام يوريهم المدرسه
لوول جنه قلت قصه حياتي وانا مو ابله انا وليه امر اسمحولي(يششششششششش ماقلتلي تفضلي قعدي)

نايس

اي احسن لج تقطينه وتمشين عشان ما يتعود على وجودج معاه

وان شاء الله بيوم اجتماع الامهات تشوفينه وتشبعين منه

وابلات روضة ولدج تراااا يهبلووون فيهم الخير والبركه لا تحاتين شي

ودام ولدج مستانس بعد الحمدلله احسن من الي يستعسرون ويصرخووون

وتشوفينه معرس يارررب

اييييييييي هذا اللي اسويه يوم انا ويوم لبوووه عشان لا يتعود كله انا
ان شاء الله اشوووفه واصوووره
اي صاجه حليوييييييييييييييين
اي الحمدلله مشكووورة حبيتي

كل وحده تكتب اسم السايت اللي مجربته عشان الكل يستفيد بس يكون حلو ومضمون مو اي شي

gymboree.com
childrensalon.co.uk

مشكوره حبيبتي جربت الاول عجيييييييييب

وينكمممممممم اربوووووووووووووووو

قوووووووووة بنات
ابي ماركة موجودة بالكويت؟؟وعلى كم اسعارها؟؟؟؟

وشرايكم بهذا اللون

موجودة انا شريتها حق بنتي من فانتاستين وورلد بشرق وسعرها حلو

وفي منها اب لاند مارك بعد

انا شايفه منها بلاند مارك

موجوده الماركه انا شايفتها بلاند مارك ومدكير

ناعمه بس نصيحه أخذي اللي تصير 180 درجه عشان يرتاح البيبي بالنومه

اتصدقين نسيت من وين
مممممممممممم
انشالله يفيدونج البنات

موجوده بلاند مارك اللي هو سنتر بوينت .
و هم في فانتسي وورلد و مذر كير .. بس لاند مارك ارخص .
و سعرها معقول اذا معاها كرسي السياره تقريبا من 60-80 دينار على حسب النوع و المواصفات .. بس قويه و زينه .

الي بمذكير مو اهي ماركتها مذر كير وغاليين بس عجيبييين حدهم

في لاند مارك اللي اهو سنتر بوينت و اسعارهم حلوة و ارخص من مذركير .. و اللون اللي انتي مختارته حلو بس انا الثلاثاء اللي فات رحت لهم و ماشفت هاللون ..

خذيت نفسها حق بنتي من لاند مارك ب 110 شافتها وحده قالت حق حماتي اي كله يشترون حق بنتهم ماركات اول طلعه لها انكسرت العربانه اشلون مادري
مت قهر عليها

انا حق عيالي كله اخذ من مذر كير وانشا الله البنات ما يقصرون

عشق::اعوذ بالله عينها حارة هالمرة ديري بالج منها
مشكورين بناااااااات بس لونها يهبل صراحة

البنات ماشاء الله ماقصروا..

اي والله رغد ماشاء الله لونها حلو

على فكرة في بعد غير مذركير و لاند مارك فوق بمجمع البستان محل فيه وايد عربانات بس ما ادري شسمه والله..

تلاقين عنده اللي بثلاث تواير بعد.. احسها عمليه و تمشي بسرعه اكثر من اللي باربع تواير..

عشق والله قهر شاريتها بهالقيمه و من اول طلعه انكسرت..

اخاف العيب فالعربانه نفسها المفروض تردينها و دايما اقري المعوذات الله يكافيكم و يكافينا شر العين ان شاء الله

السلام عليكم ورحمة الله وبركاته

ولاعليكم امر بغيت أعرف حاجز السرير مال الأطفال اللي يتركب على السرير العادي
ويييييييييييييين أحصله؟؟

نفس هذا تقريبا شكله
بالمرفقات صورته

والله يوفقكم أبيه ضروري

ومشكورين

تلاقينه في سنتر بوينت

وجنه ان ماكنت غلطانه في مذركير

الله يجزاج خير
ويشافي ولدج
برووح بكرا أدوره عندهم

اي حبيبتي انا شايفته في سنتر بوينت بــ 9 دنانير

سنتربوينت موجود لونه ابيض ومذركير

الله يجزاكم الف خير إن شاء الله
مشكوورين وماقصرتواااا حبايبي

بعد قلبي اللهم امين ان شاء الله تحصلييينه لاني انا ماخذته من جم سنه لو ازرق باخضر
وااايد فادني حق ولدي