خريجه علمي ثانويه عامه عام 2024 ونسبتي كانت 87,7% علـــمي
من مواليد 1988 شهر 2 عمري حاليا 25
نسبتي دخلتني كليه احلامي الحمدلله ( الحقوق بجامعه الكويت ) لدراستها والحمدلله وفقت فيها وتخرجت منها بمعدل 80,8 %
(جيد جدا) ( لان الحقوق نظام سنوات – فالمعدل مئوي )بعد دراسه اربع سنوات ( ما تاخرت الحمدلله )
لكن انصدمت بعدها بالواقع المرير لشهاده الحقوق اللي اعتبرتها شهاده متوفاه ووافتها الاجل من زمان
( النيابه العامه – التحقيقات : لازم انتي واسطتج )
( البترول – ديوان المحاسبه – الهيئه العامه للصناعه ,, الخ : يبون واحد ولا اثنين فقطط )
اكتشفت ان ديرتنا تبي ثلاث تخصصات فقط ( يا تكونين عسكريه او مدرسه او مهندسه او تشتغلين عند المكان اللي تحبه قلوبنا النفط : مكان ناس وناس ونحط فيه اهلنا وربعنا بس)
فقررت و كلي اسف والحمدلله على كل حال اني اتخلى عن شهادتي اللي احبها عشان شهاده اعيش فيها بهالديره
ضحكت صج عالمعلومه ( روح التخصص اللي تحبه ) طلعت جذبه
لان بديرتنا لازم تصير ( روح للتخصص اللي يخليك تعيش هني ) وهذي الحقيقه
بتقولون ليش تهدين شهادتج الحقوق عشان الهندسه بالذات , وبذكرلكم شويه من اسبابي :
1- راتب المهندسه المبتدئه ( بدون خبره ) حاليا مع البدلات 1375 ,, وراتبي ك باحثه قانونيه ( ترى مو مبتدئ : خبره سنتين وتغير مسماي من باحثه قانونيه مبتدئه الى باحثه قانونيه ) 955
الفرق 400 دينار و تدرج كادر المهندسات اقوى بمراحل من كادر القانونيات
2- المهندسه افضل من راتب المدرسه + انها ما تداوم , بينما المدرسه ملزومه تداوم ( اذا بتقولون لي صيري مدرسه يعني + الحين حطوا معلمه هاء يعني المدرسات الحين يبلشون براتب 950 دينار وتدرج كادر المعلمات مو قووي مثل كادر المهندسات )
3-اللي راح اقطها بالاستراليه شهريا 400 دينار لمده اربع سنين , وهال400 راح تردلي بالاربع سنين اللي بعدها لما اكون مهندسه مبتدئ وراتبي من 955 يصير 1375 ( قفزه ما تحلمين فيها ب شهاده الحقوق )
4- الاستراليه اسهل من جامعه الكويت ,, لان الهندسه التكنولوجيه اسهل من الهندسه الاكاديميه
بس بالاول والاخير قاعدين نتكلم عن ديرتنا ,, ف الكويت ما تفرق بين هندسه تكنولوجيه ولا هندسه اكاديميه ,, كلهم مهندسين وكلهم ياخذون كادر المهندسيين ,, نفس عندنا مافرقوا بين تخصص الحقوق و اصول فقه بالشريعه حطتنا كلنا باحثيين قانونيين و كلنا ناخذ الكادر القانوني
5- خبرتي القانونيه بوقت دراستي ماتروح علي و راح افتح فيها مكتب محاماه بعد التقاعد ك مهندسه لان بوقت دراستي للهندسه انا موظفه في الشئون القانونيه ورحت سالت جمعيه المجامين وقالولي اذا تشتغلين بالشئون القانونيه نحسبلج المده وماتكونين محاميه تحت التدريب ,, بل تصيرين محاميه أ وتقدرين تفتحين مكتب
ف نصايحكم ؟
ما عندج سالفه .. انا تخصصي حاسب الي ومتخرجه من جامعة الكويت … وابي ادرس حقوق بس ماكو فلوس
اختي انتي حقوق حرام تدرسين شي 2 احنا عندنا بسعوديه يقبلونك تدرين ايش موظفه بنك او سكرتيره مساعده مدير بمستشقئ خاص
حبيبتي انتي قدمتي في بنوك بيت التمويل عندكم حلو ويمدحوه بنك الخليج
والله محد حاصله شهادتج
بس أذا عندج طموح وعندج وقت درسي اللي تبينه وبالتوفيق انشالله
ليش التشاؤم
الوظيفه إنتي وجهدج
عندي بالدوام محاميه ست سنوات للحين باحث قانوني صحيح الراتب 900 وشي
ومحاميه بإدارة ثانيه عشر سنوات مسماها مستشار قانوني وراتبها راهي مو واسطه لأ لان تداوم ومجابله شغلها وتجتهد بدورات الخدمه المدنيه كل دوره للقانونيين تقدم عليها وماتخلي اوراقها بالبريد تخاف احد يوقفها فتروح وتباشر شغلها
امشي بالطريق اللي تشوفينه مناسب لج لأن تخطيطج حلو وكلامج سليم
ماعدا خريج الحقوق وتخصص أصول الفقه مو متساوين لا بالمسمى ولا بالكادر
خبرج قديم يمكن كوني خريجة شريعة ومسماي باحث مبتدئ دراسات إسلامية
اللي اعرفه إن انلغى بعد ما احتجوا القانونيين وكسبوا القضية غيروا المسميات ::*_*::
والكلية الاسترالية ممتازة
موفقه خير
ربي يوفقج لي فيه خير لج وانتي تستخيري وان شالله تختارين صح
أشجعج وأدعمج بقوه ، توكلي على الله
موفقه حبيبتي
صدقتي
الكويت عندها اكتفاء بالحقوقيين
وصاروا يفاضلون بينهم والبقاء فقط للاكثر خبره بهالمجال حتى لو كان مصري
الحقوق درب طويل
لازم تدريب عند محامي سنتين ومشوار
الكفاح بتخصص الحقوق يكون بعد التخرج من الكليه لاثبات الوجود
والله تبين الصج حتى الهندسه مكتفين
بنت خالي كويتيه 7 سنين بالجامعه وقعدت 3 سنين بالبيت تنطر وظيفه
ومو بس هي واجد كويتيين ومهندسين وشهايدهم من بره واقعدوا سنه وسنتين مع ديوان الخدمه ينطرون وظيفه
الدكتور جاسم الكندري من كلية التربيه
اول ما دخلنا الكلية قالنا
الكويت مكتفيه من الحقوقيين والمهندسين
ومحتاجين مدرسين واطباء
مو بس الكويت فيها تخصصات تعيش وتخصصات تموت اتوقع بجميع دول العالم المفروض يوعون خريجين الثانويه للتخصصات الي تحتاجها سوق العمل عشان بالنهاية اي انسان بالدنيا وده يدش تخصص يفيده ماديا ويحسن حياته
انا اشوف اما تكافحين في مجالج حتى لو بقطاع خاص مع دعم العماله والخبره
او انج تدورين مثل ما قالوا بالبنوك
وبالنهاية ترا كل شي ارزاق وحظ
والله يرزقج راحة البال
اختي قاهره عذالي
مو كل تخصصات الهندسه تم الاكتفاء عنها ,, يمكن اللي اكتفوا منها ( – هندسه صناعيه – هندسه الكيميائيه – هندسه الكترونيه ,, هالتخصصات يمكن صح يكتفون منها لان مجالاتها مو كثيره )
بينما في تخصصات الى الان قله قليله من الكويتيين خصوصا يتوظفون عليها مثل ( تخصص هندسه الميكانيكيه – الهندسه الكهربائيه – الهندسه المدنيه – هندسه الكمبيوتر )
رفيجتي مثلي خريجه حقوق ومعدلها كان جيد جدا وقدمت عالتحقيقات والبترول وهيئه الصناعه و و ,, و ماقبلوها عشان سالفه الواسطه ,, ومن سنه 2024 شهر1 بلشت تدرس والحين توها متخرجه هندسه ميكانيكيه من الاستراليه واهيا كانت الدافع لي بهالموضوع ,, والله ماصارلها 3 اسابيع على بعض وعلى طول رشحوها ل وزاره الكهرباء ,, و رفضت عشان تبي الهيئه العامه للبيئه
الهندسه مثل الحقوق لا تغلطين الغلطه و تدخلين تخصص مو مطلوب بالسوق بس عشانه سهل ,,
درسي تخصص حتى لو صعب , بس تدرين بس تتخرجين كل مكان يبيج تتوظفين عندهم
لا تنسين انج عايشه بديره نفطيه يعني الهندسه بالمرتبه الاولى هني اكثر من الطب والحقوق نفسهم حتى
و بعدين اذا عالطموح عندج القطاع النفطي مثلا اتييلينها خبره بعدين ,, او عقود المقاولين لانهم قاعدين يسوون تكويت الحين عليها وقاعدين يدخلون اللي صارلهم بعقود المقاولين سنتين ثلاث يحولونهم لعقود دائمه بالشركه
ولا تنسين الهندسه تدرين ليش فتره الخمس السنين اللي طافوا صار عندهم اكتفاء ( لان قبـــل كانوا الادبــي يطيرون ويدرسون هندسه ) بس من سنه 2024 منـــعوا الادبي يروحون يدرسون هندسه
ف صدقيني كلها سنتين و بتلاقينهم يردون ويبون مهندسات كويتيين لان صارت حكر لخريجي العلمي بعد سنه 2024 ف تطمني
وبعدين شهاده الحقوق ,, شهاده الواسطات _ شهاده ناس وناس ,, يعني بعد الزيادات الاخيره ,,بتعرفين ان مو معطين ل شهادتج اعتبار ,, و اللي بمثل شهادتج ربعهم موظفينهم بالتحقيقات والنيابه ,, يعني شهاده واسطات
بينما الهندسه ,, تدرين انها شهاده مرغوبه والدليل حتى اماكن الواسطات المتمثل بالبترول ,, راضووهم ب كادر قوي ,, طبعا انتي ك باحثا قانونيا او موثقا بالعدل او حتى لو ضابطه دعاوي ,, بالوزاره يبلش راتبج على الف بالكثير ,, بينما ماشاءالللله المهندسات يبلشون مع البدلات مو اقل من 1300 ,, فرق ال300 دينار مو شويه
هذي البدايه ,, لو تروحون ل تدرج الكادر الوظيفي للمهندسيين مقارنه بشهاده الحقوق ,, يطلع الدبل بكل مسمى ,, بمعنى لو تقعدين سنتين بالحقوق واتييلج زياده 60 دينار ,, بالهندسه بنفس السنتين اتييلهم زياده 130 تغيير المسمى
اتوقع من الناحيه الماديه ,, والمسمى حتى ألمعنويه ,, اللي للحين شهادتها حقوق او محاسبه و كانت علمي بالثانويه ,, خل تلحق عمرها وتغير هالشهاده اذا للحينها بالعشرينات ( عمري 25 ) مثلي وصغيراا
الله يوفقج ياااااااااااااارب
بس خساره السنين اللي راحت
وقرار شجاااااااااع منج انج ناويه تعيدين البكالوريوس
بس لو مكانج يمكن افكر اتوظف واكمل ماجستير ودكتوراه يمكن ترفعني لوظيفة احسن مالي خلق اعيد بكالوريوس
بس صراحه افدتيني بالتخصصات اللي يبون من الهندسه لان اخوي اول سنه هندسه ومحتار بالتخصص بروح اقوله التخصصات الي ذكرتيها
وفعلا بنت خالي كانت هندسة كيميائيه
انتي استخيري ولا تستعجلين على شي فكري .. قرارج صعب
على فكره بس اضافه
انا خريجة تربيه انجليزي ومالي بالحقوق كلش
بس اعرف ناس من قرايبي حقوق وبعض رفيجاتي
تبهذلوا بسالفة التوظيف وانطروا واجد
قاهره عذالي
والله تو رافضا قبولي ( وظيفه ب جامعه الكويت ) ك باحثه قانونيا عندهم عشان سالفه اغير مستقبلي ب ايدي
و فكرت فيها الماجستير بس يزيد 70 دينار ,الدكتوراه 150 دينار على بعضهم بس 200 دينار ودراسه الماجستير والدكتوراه مع بعض يساوي دراستي للهندسه كلهم راح تاخذ مني اربع سنين على حد سواء
يعني اكون مهندسه ,, وراتبي وقتها تخــــيلي ,, بيكون اعلى من راتبي ك دكتوره بالحقوق ( مهزله صح ؟ )
لكنها حقيقه ,,, يعني دكتوره بالهندسه وايد افضل ككادر وظيفي مستقبلا من دكتوره بالحقوق ولا تنسين كلنا بديره نفطيه بمعنى اغلب الوظايف اللي بتلاقينها اهيا وظايفه هندسيه لا غير
الحقوق تكاد تكون معدومه حتى لو عندج الدكتوراه مالج الا مجال المحاماه
والفكره اساسا كانت براسي من سنتين ,, بس ان شاءالله عندي ايلز ماخذه فيها 7 و قالولي الكليه الاستراليه اني راح ادخل البرنامج دايركت بدون فاونديشين
ادري في بنات شكثر يقرووون موضوعي سواء محاسبه او حقوق او غيره من التخصصات
اقولهم هالخطوه جريئه ,, و بما اني خريجه علمي ,, ادري شنو نظام دراسه المواد العلميه مو مثل الادبيه
بس الوقت يطير وما نغمض عين و نفتح عين الا ونلاقي روحنا مخلصين ,,
الطموح ماله وقت وحدود ,, ندب الحظ و التشاؤم ما راح يقدمج و لا ياخرج ,, بتظلين بمكانج والناس كلها تمشي
اتخاذ القرار الجرئ يحدد مراسم مستقبلج
واذا شفتي غلطه بحياتج وحاسه انج لازم تعدلينها ,, لا تتاخرين فيها و لحقي روحج
اهم شي االمحاوله ,,, عشان مو تعيشين بعدين وتندمين انج ما اتخذتي هالخطوه
الواحد ما يدري راح يتوفق بهالخطوه او لا ,, اهم شي انه يرضي نفسه ويقول من داخله ( انا حاولـــــــــــت ) ومن صجه حاول مو يلعب فيها لان فيها فلوس ووقت
بالنسبه لي ( الماجستير والدكتوراه مو طايرين ) ,, بس دراسه الهندسه اشوفها تغيير ل مستقبلي ,, خطوه جريئه اي نعم ,, بس منها بعرف اذا كنت كملت فيها ووصلت او وقفت فيها وعرفت روحي اني مو مال هالمجال ,, بالحالتين نفسيا بكون مرتاحا ,, صج وقت وفلوس بس على شي انا جربته وعرفت نفسي فيها
بالاول والاخير التوفيق من رب العالمين ,, واللي علينا بذل الاسباب لها
بصراحه انا مو شايفه انه حل صح انا خريجة حقوق بعد مثلج
انتي قاعده تنزلين السلم وبالعكس مو قاعده تصعدينه…دامج وصلتي مرحلة حلوة واهيه انج خريجة حقوق وماسكه شهادتج بيدج انا ارتقي بنفسي وبشهادتي واكمل السلم واكمل الدرب اللي ماشيه فيه مو حل اني انزل من حيث ما وصلت واقع دربي عشان موضوع معاش وموضوع مادي انا ما انكر ان الماديات الحين شي اساسي بالحياة وشي الواحد من خلاله يغير نظرته كليا من …الى
ولكن انا افكر بعقل وافكر صح
اولا دولتنا دولة نفطية فاحنا نغير تخصصاتنا تماشيا مع دولتنا شنو؟ لا هذا تفكير خاطيء الدولة خليه متكاملة محد يقدر يستغى عن خدمات احد ووكلنا واقفين على بعض وكلنا نكمل بعض بالاحرى
ثانيا مو شرط لما تكون شهادتج هندسه يعني بتتوظفين على طول وبالمكان اللي انتي تبينه حطي فبالج ان الاولوية لخريجي جامعه الكويت وانتي شهادتج لو بتكملين بتكون من الاستراليه
ثالثا مهندسين متخرجين ومولاقين وظائف خصوصا بالتخصصات الهندسية اللي كنتي ذاكرتها
رابعا الموضوع مو موضوع ماكو وظائف لا الموضوع موظوع شواغر في وظائف بس مافي شواغر يعني هالتخصصات الديررة لا يمكن تستغنى عنها بس مشكلتنا مو راضين يشيلون الاوادم اللي صارلها 40 سنة عالكرسي والمنصاب عشان نقدر احنا نتسلسل بالسلم الوظيفي
خامسا كملي ماجستير ودكتوراه واختصري الطريق ولا اطولينه على نفسج بدال لا تعيدين سنين زيادة عليج وانا ااحسها عالفاضي للاسف
سادسا واخيرا اذا كنتي تبين معاش الموضوع سهل دوريلج واسطة وروحي الفتوى والتشريع او البلدية وابشري بمعاش يصك على معاش الهندسه
انا برايي تفكيرج مو سليم فكري بعقل كتبي السلبيات والايجابيات والاحتمالات وبتلاحظين ان اغلب نقاطج بتكون واردة تحت الاحتمالات …. احتمال يقبلونج الهيئة العامة للصناعه …. احتمال تتوظفين بسرعه …احتمال تحصلين المعاش اللي تبينه على حسب المكان اللي بيقبلج
تقبلي مروري
.gif "Eh S(6)")
؟؟؟؟؟؟؟؟؟؟؟؟ 
.gif "Eh S(1)")
الحل شنوو؟.gif "Eh S(11)")
.gif "Eh S(10)")
.gif "Eh S(12)")
