والله يابنات رفيجتي هذي مافيه مثلها ثنتين !!
انسانه حبوبه وطيبه حيييل << والطيب مايعيش في هالزمن
تزوجت انسان مافيه مثله اهم شي انهم حبوا بعض حب جنوني
حياتهم كلها رومانسيه !!
عندهم عيال اربعه … يوم من الايام مجهزين الجنط بيسافر وياها يتمشون في دبي لان كانت نفسبنها تعبانه من بعض الامور وفي الساعه اللي كانت حزة سفرتهم صارله حادث ومااات!!
كلنا تفاجئنا بالخبر
كانت وقت العزا ساكته ومنصدمه ..
عددت الايام والشهور والكل لها ونسى !!
هي انسانه من دون شي حساااسه عمرها الحين 36 وكانها 24 تهبل لااله الا الله
وكل من جاب لها طاري العرس تزعل تخيلوا ليما الحين تلفونها اللي تستعمله هو تلفونه الله يرحمه
السالفه ياخواتي ان علاقتها كانت حلوه مع حريم حموانها فجأه كل وحده انسحبت وماصارت تزورها
ليش شالسالفه ؟؟ حتى وحده كنت انا وياها ورفيجتي هذي من اعز الاصدقاء
انسحبت شنو شالسالفه طلعوا خايفين ان ازواجهم ياخذونها علشان العيال ؟؟
بحثت بالامر درت ان عمها اقترح على الشباب ان واحد ياخذها
لما درت راحت لعمها وبجت وقالت بالصوت العااالي لا والف لا ولا واحد يجي محل ابو فلااان!!
والحريم دروا بالسالفه هذي
المشكله الحين موبالحريم .. كيفهم
المشكله العمام وينهم ماصاروا يجون ياخذون العيال والحين هم بسن المراااهقه ومحتاجين لعمامهم
مايدرون الا ولد عمهم داق ابوي جمعنا مع عيال عمي فلان ورحنا وسوينا !! زين عيال المرحوم ليش ماتاخذهم ؟؟؟
الى هذي الدرجه أثروا عليكم حريمكم ؟؟
مع ان السالفه لها الحين صارلها 6 سنوات ورفيجتي مو طاري عليها الزواااج كلش والله تزعل حتى من الغشمره
بس اللي حارها العمام مايقعدون مع عيال اخوهم وهم الحين مراهقين وتعبوها الله يهديهم ؟؟
سألتني شسوي اقول لعمي ؟؟ قلت اخذ رايكم وارد عليها
الله يصبرها يارب ويعوضها بعيالها
صج تنقهرين لما العم إلي حسبه أبو يتصرف جذي
خل تكلم عمها تقوله ابي تاخذون عيالي يطلعون ويردون ضايق خلقهم
على طول بروحهم
وبس اهي اكيد ماراح تتزوج مدام رافضة الفكره فـ أكيد ماراح يصير شي ان شاءالله
اقتباس:
المشاركة الأصلية كتبت بواسطة أسطورة الحب  الله يصبرها يارب ويعوضها بعيالها
صج تنقهرين لما العم إلي حسبه أبو يتصرف جذي
|
معاج حق حدهم طناااش
وادعوا لعيالها حدهم متعبينها
اخت خالتهم انا قلتلها لازم تقعدين مع عمج وتشكيله منهم
تخيلي واحد من عمامهم ماجا الا بنهاية العام الدراسي ولما شاف الكبير سقط
طقه طق اليهود قدام اخوانه اللي يعتبرونه اخوهم الكبير
حسبي الله عليه وينك عنهم طول السنه ؟؟
الله يرحمه برحمته
مافي الا تجمع اهل المرحوم حموينها وحريمهم وخالتها وتسوي اجتماع مغلق >> جد والله اتكلم
وتوجه كلام موزون واكيــــــــــــد بأن مالها اي رغبه بتاتا بالزواج منهم او من غيرهم……… وانها ماتفكر بأي انسان عقبه……..
وان عياله لازم يتربون بين عمامهم وعيال عمهم ومايتخلون عنهم خصوصا هالفتره اللي اهي فتره نشأتهم وتكون شخصيتهم وتفكيرهم……….فلازم يكونون تحت عينهم وبين عيالهم
الشي اذا ما جا من طيب نفس وخاطر ماله حلاة
الله يهدي لها عوالها ويصبر قلبها على فقد زوجها ويجمعهم بجنه عرضها السموات والارض
طقه العمى………!!
يطق يتيم!!
وينه عنه كل هالفتره……….
يبى سمعي …… خل يولون شكلهم سكانه مرته كل واحد تارسه راسه مرته…….
خل هي تربي عيالها تربيه رجال
واذا عندها اخوان خل يساعدونها………… وتدعي ربها يقويها على تربيه هالايتام
ياااقلبي
ربي يعووضهم خير
انا افضل تقوول لعمهاا ابو ريلهاا
اد معمامهم ماحسووا الحين متى بيحسوون؟؟؟
خل تقووله
انها ماتبي من احد شي
بس مالهم ذنب العيال ينحرمون من اهلهم وعيال عمهم
الله يصبرها يارب
الله يصبر قلبها ويرحم حالها والله قلبي يعورني فاما اليتيم فلا تقهر حسبي الله على عمه بدال مايفكر الولد ليش سقط يطقه ترى سبحان الله سالفه انه حريم الحموان كل وحده تخاف على ريلها هذا من زمان امي قبل تاخذ ابوي كانت ارمله صارت لها نفس الشي شافت الويل من غيره الحريم بس هي دام عمها عايش الله يطول بعمره هو يكفي عيالها عن عمامهم مومحتاجه لهم الشي يا يجي من الخاطر يا بلاش منه جدهم يروحون له يقعدون معاه يواصلونه هذا كافي
مشكورين خواتي الله يعينها
وهي ماتبي تدخل اخوانها لانها ساكنها في بيتها وبعيده عن اهلها واذا بتقولهم بيقولون احنا قلنا تسكنين عندنا وما رضيتي
وهي ماتبي تسكن عند اخوانها تستقل في بيتها هي وعيالها بروحهم احسن
وبيتها اقرب مالها عمام عيالها!!
اقتباس:
المشاركة الأصلية كتبت بواسطة غزالي وبس@@ الله يصبر قلبها ويرحم حالها والله قلبي يعورني فاما اليتيم فلا تقهر حسبي الله على عمه بدال مايفكر الولد ليش سقط يطقه ترى سبحان الله سالفه انه حريم الحموان كل وحده تخاف على ريلها هذا من زمان امي قبل تاخذ ابوي كانت ارمله صارت لها نفس الشي شافت الويل من غيره الحريم بس هي دام عمها عايش الله يطول بعمره هو يكفي عيالها عن عمامهم مومحتاجه لهم الشي يا يجي من الخاطر يا بلاش منه جدهم يروحون له يقعدون معاه يواصلونه هذا كافي
|
ياحياتي ماتتخيلين هي بنفسها تودي عيالها للجد وخاصة كل جمعه بس هو شايب
اللي يحرها العمام كل سنه بديره ولاردوا الجهال يسولفون لهم عن المغامرات اللي صارت لهم بالسفر
زين فكروا تاخذون العيال مره بالسنه وتسفرونهم وبدون امهم بس عيالكم ونسوهم لاتخلونهم يحسون بالنقص
انا الجمعه مانمت من كثر بجيها وحرتها على عيالها
لاحول ولاقوة الا بالله
مايدر عنه وطقه يعني خايف عليه مالت عليه
قوليلها الي مايعدني راس مال ماعده فايده
السالفه مو سالفه خايفين على رياييلهم اهمه الي متزوجينهم مو رياييل ومايشرفها انها تناسبهم مره ثانيه
ياماما
الله الغني عنهم ادا هدي سوالفهم
خليها تجابل عيالها وتحسن تربيتهم وتصبر عليهم وربي راح يعوضها خير بعيالها غير الاجر الكبير عند ربها
بالنسبه لهم خل توصل الجد والجده والعمات وبس
الله يعينها وبعض الحريم تفكيرهم دايم سلبي حرام هي شذنبها
انزين دام العيال عاقلين وفاهمين ليش ما يروحون بنفسهم من غير عزيمه يروحون يسلمون على عمامهم يتواصلون مع عيال عمهم
بعد مو حلوه ان العم الكبير هو يروح دايم يسال عن الولد
يعني مره جذي ومره جذي
خلي العيال يبادرون يمكن يحسون العمام شوي وخل العيسال يزورون جدهم وجدتهم اسبوعيا
