الوسم: الاداب

السلام عليكم..

شلونكم بنات..

باجر ان شاءالله راح يكون بالاداب معرض للفرص الوظيفيه وراح يستمر لي 10-4..

ومن الساعه 9 الى 12..

وبصالة الالعاب الرياضيه..

وراح تشارك فيه جهات وايد مثل الهيكله وجامعه خاصه و جرايد وزين وبنك الوطني وغيره..

باجر بروحله ان شاءالله واعطيكم راي بجولتي المكوكيه ان شاءالله..

وبس

مشكوره حبيبتي على الخبر وأنتي شوفي وعطينا خبر (:

ان شاءالله..

العفو ولو ..

حياج الله..

عطونا خبر شيصير معاكم مصيبة شدعوة بس الصبح ماكو العصر

ماقدرت اروح له..

بس اعرف وحده راحت له..

تقول ماكو استمارات تقديم..

وفيه كونا و برقان مشاركين..

مشكوره عالخبريه

و شوفوا شيصير

اذا صج مافي ابلكيشن؟!!

ليش نروح؟؟؟؟

السلام عليكم بنات شخباركم

حبيت اسئل اللي خريجه اداب سوءا لغع عربيه او انجليزيه او تاريخ او فلسفه
شلون من ناحيه تعينهم بالتربيه كمدرسات ياخذون دورات او مرفوضين
ياليت توضحولي

وبنات اللى موخريجات تربيه ياليت يدشون ويفيدوني واكثر وهم بنات التربيه حياهم

اهلين حبيبتي

انا اداب عربي

وسويت مقابلة وتعينت

بس المقابلة ترى مو سهلة واي غلطة تنحسب عليج ويسقطونج عليها
يعني تجهزي لها عدل

بس ترى انا قديمة سنة 98

تاكدي من التعيين اليديد يمكن خففوا ولا صار للاداب شي ثاني

موفقة

17 وحده بس اللى ردت وحده مشكوره حبيبتي بس شلون مقابلتهم صعبه واذا يسقطونج مايصير تنعاد المقابله واللى يقابلونج منو مدرسات ولاناظرات ؟؟؟؟؟؟؟؟؟

هلا حبيبتي

لا اللي يقابلونج موجهين اللغة العربية

ويعطونج موعد مقابلة اذا لا سمح الله سقطتي

بس تاكدي يمكن هذا شي قديم على ايامنا يمكن الحين صار التعيين على اساس شي غير؟؟!!!!

وبالمقابلة لازم تتكلمين اللغة العربية شوي عدل وتحفظين لج ابيات شعر وتعرفين شرحها واعرابها

وتكتبينها ويشوفون خطج ههههههههههههه اشوة الحمدلله يمعودة اني خطي حلو وايد واحاول اعدله على طول اجدد فيه

وامور ثانية بس ترى مو وايد وايد صعبة لا اذا تجهزتي لها ودخلتي بثقة ان شاءالله تعدي على خير

الله يوفقج حبيبتي

للاسف ماعندي فكره انا خريجة تربيه

وزيتونه ما قصرت

أنا خريجة علوم
صار لي سنه في التربية
يسوون لج مقابلة و اختبار تحريري

الاختبار من منهج المرحلة تبينها

بس سهالات ان شاء الله و اهم شي الثقة في النفس و صوتج واضح
والله يوفقج حياتي

مشكورين حبيباتي ماقصروتو وربي يوفقكم ويعطيكم اللي في بالكم

لازم تجتازين المقابلة

والباجي سهالات

انا خريجة اداب .. وتعينت مدرسة شهر واحد اللي فات … هالسنه …

في مقابله اذا اجتزتيها يعني ارتاحي … في تحريري بس عليه درجات قليله ماتأثر حيل … كثر المقابله

المقابله لما تكونين برا ناططره من كثر توتر الموجودين على بالج بتدشين تحقيق والا قضية أمن دوله ….

بس السالفه مايبيلها كل هالتوتر … صج اللي يقابلونج موجهين او مدرسين اوائل شوي يخرعون ومسوين جد أكثر من اللازم

بس ان شاءالله ان الله كاتبلج بتجتازينها …

على فكره في اعاده حق اللي يسقطون بالمقابله لاسمح الله يمكن مسموح لج غير المره الاولى مرتين بعد …

واذا عندج واسطه كلميهم قبل لاتدشين …

وقوي نفسج ولا توترين وتضيعين بالحجي ولاتلعثمين … وثقي بنفسج وبملعوماتج … وان ماعرفتي سؤال قولي ان شاءالله اذا تعينت راح اطلع عليها اكثر واقرا عنها من كتب خارجيه … لاتقولين ماعرف وتسكتين …

وفي بعد شغله راح يقوولون لج بما انج مو تربيه ماتعرفين شي بطرق التدريس قولي اي بس اكيد ان شاءالله اانا ناطره القبول واخذ دورات واقرا كتب متعلقه بطرق التدريس …

وبس هذاا كل اللي اتذكره ….

وعسى ربي يوفقج …

انزين بنات شلون اخليهم يسوون مقابله معاي
اذا اهم رافضين اني اصير مدرسه
انا تخصصي علم نفس ويبوني اصير اخصائيه وانا ابي اصير مدرسه

انا تخصص علم نفس علوم اجتماعيه

تخرجت من سنتين ومثل ما قالت زيتونه

نفس الاجراءات بالضبط لا تخافين التربيه مغبره اخر وزاره يصير فيها تطور

المهم ان المقابله لازم واذا سقطتي يعطونج موعد بعد شهر

انا سقطت بالمقابله الاولى ونجحت بالثانيه الحمدلله

والموجهات مسوين نفسهم كلش الله يهديهم حتى ابتسامه مافي

جنج جايه تطرين منهم يعني ماله داعي

وفعلا جنج داشه تحقيق

والسؤال الاكيد بيقولون لج ليش اخترتي التربيه وانتي آداب ؟؟

عاد انتي رقعي عمرج انا رديت رد وتوهقت خخخخخخخخ

الله يسلمج انا قبل سنتين خيروني قالوا تبين اخصائيه والا معلمه ؟

كان في نقص برياض الاطفال

بس الحين يبون اخصائيات نفسيات لان مافي

انا كلمت مراقبة الخدمه النفسيه حق رفيجتي على اساس تبي تحول من اخصائيه الى معلمه

قالتلي مستحيل تصير عندنا عجــز بالاخصائيات

عاد انتي وحظج اعتقد الواسطه تقدر تخليج مدرسه بس انتبهي لا تروحين اخصائيه وتالي تحولين ترى صعبه حيل

السلام عليكم

اشوة انكم قلتوا الطريقة انا على بالي خبط لزق اقدم و السلام

مشكورين وايد استفدت

والله جزاهـا الله خيـر اللي سألت (سوري ما انتبهت للنك)

وجزاهم الله خيـر اللي جاوبوا ..

أنا خريجة هالكورس ان شاء الله أدب انجليزي … وبصير مدرسة انجليزي ان شاء الله

المقابلة بتكون بالانجلش؟

قصب سكر مشكوره على المعلومه
عاد ديام يقولون ان التحويل بعدين اسهل
انا جب واسطه بس مانفعت وقدمت كتاب لوكيل الوزاره وعاد شوفي متى يردون علي

شوفي حبيبتي الكفتريا خليها على يسارج وكملي سيده شوي ودشي المبنى على يمينج ودوري قاعتج يا بالدور الاول او بالدور الثالث

وبالنسبه للدكتوره ماعرفها والله

موفقه يّ قلبي

اييييييييييييييوا عليج نور هذا اهو الي بالنص فيه حديقه دوري رقم القاعه تحت اذا مالقيتيه اصعدي الدور الثاني

الباصات تلقينها بالتربيه اسألي عن كفتريا التربيه قريب من عندها مكان الباصات ورقم بوابه الباصات والله ماعرفها

بس التربيه والاداب مفتوحين على بعض لاتخافين يعني لاخلصتي من محاظرتج روحي لكفتريا التربيه وتلقين وراها مكان للباصات

السلام عليكم

اشلونكم عساكم بخير

الحمدالله تخرجت من كلية الاداب بتخصص فلسفه ومساند تاريخ

وبصراحه ناويه اصير مدرسه

بس سمعت ان تخصص فلسفه مو مرغوب فيه فراح يقطوني تاريخ

بس اللي سمعته ان راح يودوني ثانوي

بغيت اعرف الحين بشهر 3 اقدم على الديوان صح؟

احط ارقامي ورغباتي صح؟

وبعدين يطلع قبولي وين اروح المنطقه التعليميه والا الوزاره نفسها؟

وبخصوص المقابله كوني اصير مدرسه اجتماعيات اشراح يسألوني فيه؟

سمعت ان بيقولون ليش اخترتي تربيه وانت اداب واشلون تعرفين حق طرق التدريس؟ وبعد بشنو يسألوني

والتحريري راح يكون عن شنو

وهل اقدر اتوظف على شهر 4 والا راح انطر السنه اليايه

بليز بليز قوليلي التفاصيل والله يعطيكم العافيه

بنات اشلون طريقه التسجيل بديوان الخدمه بالتفصيل بليز

up up up up up

up up up

/

/

ننطر الديوان شهر 3 .,
وعقب ما يحطون الاسماء بالجريدة نروح
للمنطقة التابعة لنا.,

وان شاء الله عـــاد نتوظف على 4 .,

بالتوفـــــــــيق يا جنان (:

منو قالج الفلسفة غير مرغوب فيه بالعكس فيه نقص راح يحطونج على طول فلسفة بس الله يعينج ما يفهمونها البنات بسرعة صعبة حيل

أب لعيونج

قبل لما كنت بأيام الثانويه ابله الاجتماعيات تدرس تاريخ وفلسفه من كثر ما اهوا فيه نقص بس سمعت ان بيشلون الفلسفه لان تخرب العقل وما ادري شنو يعني لما يحطون اسمي بالجرايد اروح المنطقه مو الوزاره صح

بيحطونج تربية حياتية ابتدائي أو وطنية او اجتماعيات .

ما يحطون خريجين لاداب ثانوي

بعدين في المقابلة ما يسالون ليش ما ليش
يعطونج جم حالة وتعطين لهم الحل من تصورج .؟.

بعدين قبل التدريس يعطونج دورة ب انتي نمي معلوماتج وطرق التدري من النت في وايد مواقع .,.

وبالتوفيق ,,

الله يوفقج يارب وترى اجتماعيات ابتدائي وايد حلووو
انتي روحي المنطقة التعليمة واسأليهم ؟

واي لا ليش يقطوني ابتدائي ما احب جذي ابي ثانويه بعدين تخصصي الرئيسي فلسفه اشحقا يقطوني ابتدائي شعرفني بتربيه حياتيه ووطنيه شكلي يبيلي واسطه قويه عشان اروح ثانويه

hunger artist

معناها بالعربي فنان جووع

بس مادري شسالفته صراحه =)

up up 4 ur eyes

loolz

مشكوورة حبوبه عالمرور و الرد

انا اللي اعرفه ان الـ hunger artist قصة حق Franz Kafka

وهي آآخر قصة كتبها قبل لا يموت ..

مافهمت سؤالج شنو تبين بالضبط ..؟؟

يعني ليش كان يصووم و يقعد داخل سجن و يخلي الناس تتطمش عليه مده طويله شنو قصته ليش كئيب ,,,

بنات خلاص مشكورين قريت بمواقع اجنبيه عنه فهمت الحين كلشي

بنات شرايكم بجواهر الدبوس عندي لها مادة الكورس الياي اساليب التفكير النقدي

والدكتور عندنان غزال مهارات اتصاااال شرايكم فيييه

اشفيكم ردوووووووووووووو

والله جواهر الدبوس ناس امدحوها وبنت اعرفها اخذت عندها تقول زينه والله اعلم وانا الصراحه ماادري عنهم وعسي ربي يوفقج يالغلا وانشاء الله الله كريم

عدنان غزال أنا أخذت عنده ما أذمه ولا أمدحه وايد اهو زين .. بالنسبة لي زين وفاهمة على شرحه والجريد كان حلو .. جواهر الدبوس ما عندي فكرة عنها ..

جواهر الدبووس تهببببل

بس بمواد تدريس الانجليزي وحلقة البحث

اما مادتج هذي مدري اساسا اول مره اسمع فيها

ترا الدكتور يختلف من ماده لي ثانية

بس بشكل عام تهبل جواهر اخلاق واسلوب راااقي

يعطيكم العافيه حبايبي

قوووه بنات

شلونكم…..؟

شخبااركم…؟

بنوتات كليه الاداب المستجدات والمستمرات
حبيباتي بسالكم متى التسجيل حق موااد الكورس الثاني لانه في بنت تقولي خلص من يوم 11 -11 وحده ثانيه تقولي لا تو الناس وانا اوخيتكم ما ادري شالطبخة ولا ادري وين الله قاطني
بللللللللللليزز الي تعرف تقووولي

اهلين حبوبه ..

من 7 نوفمبر إلى 11 نوفمبر كان تسجيل المواد بالمفضله … حق كل الكلياات …

والتسجيل الفعلي راح يكون في تاريخ 14 ديسمبر إلى 10 يناير 2024

بعد قلبي يزاااااج الله خيرر ومشكووورة

امبيه بنات انا ماسجلت للمفضله شلون

سوري صاحبة الموضوع على اللقافه

بس بغيت اسأل

كلية الاداب شنو مستقبلها يعني وين نشتغل ؟

وجم نسبة القبول ؟

وعساج عالقوة

موفقة يارب

___________________________

لاتحاتين .. التسجيل للمفضله لحد الحين مبطل … فترة التسجيل مفتوحه …

فتقدرين تسجلين موادج في المفضله ….

بنات انا اصلا وحدة ما اتعرف شنو يعني مفضلة؟؟ علمووني

المفضلة هذي المواد اللي تبين تسجلينهم الكوس الثاني

دشي واختاري شنو تبين تسجلين

بهالطريقة يشوفون رغبات الطلبة و عدد الطلبة المحتاجين كل مادة على هالاساس يبطلون الشعب

وبعد تسهل لج التسجيل لي بطل

:d

يابنات الاداب ساعدوني ابي احسن دكتور يدرس الثقافه والادب في الكويت ابي دكتور زين مايطلب برزنتيش سهله الماده ولا صعبه

ابي منو اتعرف الدكتور سعود العصفور يطلب برزنتيش ولا لا ومنو اتعرف الدكتور مهزع الديحاني يطلب برزنتيش ولا لا

^^^^^^^^^^^^^^^^^^^^^^^^^

مهزع انا ماخذه عنده تاريح حضاره يهبببل وامتحانه سهل بعد بس كله شررح

اما الريزينتيشن ماطلب منه لحد الآن وماتوقع انه بيطلب منه بيخلص الكورس وللحين ماقال يبي بريزينتيشن !

مهزع مايطلب بريزينتيشنات

موفقااااااااااااااااااااااااااات

up
up
up

هلا حبيبتي بكليه الاداب نسبه القبول كانت 78 اقل شي حق الادبي
اما مستقبلها ووضايفهاوحسب التخصص الي انتي تختارينه -تاريخ -فلسفه- عربي- انجليزي-اعلام-فرنسي

تقدرين تشتغلين بوازرة التربيه -معلمه-
بس هذا الي اعرفه لاني مو مهتمه وااايد لاني باذن الله ناويه احول تربيه

مشكوره نوره مشكوره والي ردوا علي

بنات لحقوا التسجيل بيسكر الساعه 12 بليل … تم بحمد الله فتح ماده الاحوال الشخصيه 0930232

ونزلت بالسستم قلت افيدكم الي تبي ترفع معدلها تاخذها والدكتور ناصر الشمري اهي الماده مساند الزامي

قلت اقولكم للفايده ..
وشكرا

السلام عليكم حبايبي انا الحين مستجدة قبلوني بالاداب بس بحول علوم اجتماعية شنو الطريقة يايليت تفهموني احس اني ظايعة وموعارفة شي

شدعوة بنات٧ مشاهدات ولا وحدة ردت حدي محتاسة يليت تفهموني الطريقة

اخذي المواد المشتركه
علشان ماتتاخرين
ولازم الدكاتره زينين علشان تاخذين قريد حلو
انتي اي دفعه ؟؟؟لوحابه اساعدج بلمواد والدكاتره دزيلي عالخاص لان انا مااقرا المواضيع الي ادخلها مره ثانيه

مرحبآآآآآآ {

بنات شرايكم بالدكتور محمد سعد فهيد العجمي
ما لقيت له تقييم .. >> اصول تربية

والدكتوره سعاد عبد الوهاب منو ماخذه عندهاآآآ >> آداب

ضروري :/

.

.

محمد العجمي دكتور جديد ..

رفيجتي كانت ماخذه اعلام تربوي عند حمد الرشيد والدكتور محمد العجمي كان ع ما اعتقد منتدب .. اذا هو البطه

اممممم اللي سمعته من رفيجتي انه يغشش ف الامتحانات ..بس وان شالله البنات يفيدونج اكثرر

بس اعتقد ان هالكورس اول كورس له لانه جديد

للاسف ما اعرفهم وماحبيت اطلع بدون رد
واب لعيونج