الوسم: الاخر

شسوي انا الحين في الشهر الثالث والشهيه حدها فتوحه بس افكر بالاكل وشنو ابي اكل ابي حل ابي امسك نفسي لي الولاده راح اصير فيل منو اللي اقدرت تتحكم بنفسها تفيدني الله يجزاها خير

شكرا

لووووووووووووووووووووووووووووووووووووووول والف مبروك والله يتمم عليج يافيله من الحين

كثري سلطات وفواكه

شربي ماي
مفيد حق الحامل خصوصا حق الإمساك
وبنفس الوقت يسد الشهية

ونسيت اقولج الف مبرووووووووك

ونسيت اقولج الف مبرووووووووك الحمال

ههههههههه مبروك انتي نفسيي ولا انا ماجاني وحام اببببببببببببد ولا لوعه ولا هم يحزنون وزدت حيل كان وزني قبل الحمل 65 والحين بالسادس76 ههههه بالتاسع شكلي بطق ا100 الله يستر بس

مبروووك الحمال والله يتمم عليج
بس على طاري الشهيه المفتوحه ترا طبيعي وعادي
زيدي هالكيلوات وبعد الولادة راح يروح لا تحاتين
انا بولدي زدت 22 كيلو وبالنفاس رديت وزني مثل اول ماحملت

لووووووووووول اول شي مبروك الحمل واهم شي صحه النونو اذا مشتهي لا تردينه

عليج بالف عافيه صحه وهنا ومن الحين اقولج الف مبروك البنوته

ههههههههه راح تجيبى بنت انشاء الله

الله يتمم لج
اذا ماتبين تاكلين شربي ماي وايييييييييد يسدج عن الاكل وهم مفيد للحامل وغير الحامل

اول شي الف مبروك الحمال و الله يتمم عليج و تولدين بالسلامة و البيبي بصحة و عافية يارب
ثاني شي حبيبتي لا تحاتين الوزن اكلي اللي تشتهينه بس الخرابيط وخري عنها و الدهون و المقالي و الخبز و العيش و المكرونة خلج عالمشاوي و السلطات و العصائر الطبيعية ترى وااايد مفيدة و سويلج شوربة في خضار و حطي حيلج فيها منها تشبعين و منها فيتامينات
و علييييييج بالف الف عافية

مبروك الحمل وقولي الحمدلله على الصحه والعافيه والله يباركلج

الايمان باليوم الاخر

اليو الاخر هو يوم القبامة وهو الركن الخامس من اركان الايمان فيبدأ من الموت وينتهي الى اخر مايقع يوم القيامه , وتنوعت ادلة البعث في القران الكريم منها : تارة يخبر عمن اماتهم ثم احياهم في الدنيا , وتارة يستدل على ذالك بالنشاة الاولى , وتارة يستدل على ذلك بخلق السموات والارض , وتارة يستدل سبحانه على البعث بتنزيه نفسه المقدسة عن العبث

الايمان باشراط الساعة

اشراط الساعة هي علاماتها التي تدل على اقترابها وتنقسم الى : اشراط صغرى وهي التي تتقدم الساعة بازمان متطاولة مثل شرب الخمر, والقس الثاني : اشراط كبرى وهي التي تظهر قرب قيام الساعة مثل طلوع الشمس من المغرب ,واشراط الساعة لها ثلاث اقسام هي : قسم ظهر وانقضى مثل بعثة النبي , وقسم ظهر ومازالت تقع مثل كثرة الفواحش وضياع الامانة , وقسم لم يظهر حتى الان مثل خروج الدجال . فمن العلامات الكبرى : ظهور المهدي ويكون اسمه مثل اسم نبينا محمد صلى الله عليه وسلم وهو من اهل بيت صلى الله عليه وسلم ويملك سبع سنين ويملا الارض بالعدل ويظهر من بلاد المشرق ويبايع له عند الكعبة وينقسم الناس في امر المهدي الى : من ينكر خروج المهدي مثل بعض الكتاب المعاصرين الذين ليس لهم خبرة بالنصوص , وقسم من يغالي في امر المهدي من الطوائف الضالة , واما القسم الثالث فهم اهل السنة والجماعة الذين يثبتون خروج المهدي . ثانيا : خروج الدجال فقد بين لنا الرسول صلى الله عليه وسلم اوصافه انه يخرج في اخر الزمان وخرج من خراسان ويظهر على صورة ملك الجبابرة ثم يدعي النبوة ثم يدعي الربوبية فيتبعه الجهلة ويخالفة من هداه الله فياخذ البلاد الا مكة والمدينة ويكون وفاة الدجال امام عيسى عليه السلام ثالثا : نزول عيسى وخروج ياجوج وماجوج فينزل عيسى عند المنارة البيضاء شرقي دمشق بين مهرودتين , وياجوج وماجوج ينزلون في بحيرة طبرية وهم ياكلون مافي الارض جميعا , رابعا : خروج الدابة وهذه الدابة ايه من ايات الله تخرج عندما يكثر الشر وهي تكلم الناس وتخاطبهم , خامسا : الخسوفات الثلاثة وهم خسف بالمشرق وخسف بالمغرب وخسف بجزيرة العرب , سادسا : طلوع الشمس من مغربها , سابعا : النار التي تحشر الناس وهي نار تخرج من قعر عدن والارض التي تحشر النار الناس اليها هي بلاد الشام

القيامة الصغرى والكبرى

القيامة الصغرى

اولا الموت : وهي وفاة كل شخص عند انتهاء اجله وبها ينتقل من الدنيا الى الاخرة وذكر الله الموت ليستعدوا الناس بالتوبة والعمل الصالح والموت هي القيامة الصغرى وملك الموت هو الذي يتولى قبضها واستخراجها من البدن ث تاخذها منه ملائكة الرحمة او ملائكة العذاب .
فاهل السنة والجماعة يتفقون على ان النفس تنعم وتعذب منفردة عن البدن وتنعم وتعذب متصلة بالبدن ,ادلة عذاب القبر ونعيمه من القران الكريم والسنة النبوية :اولا من القران الكري ان في القران الكريم ذكر الله العذاب في القبر للظالم وكذلك ورد العذاب في القبر في احاديث الرسول صلى الله عليه وسلم , المنكرون لعذاب القبر ونعيمة وشبهتهم والرد عليهم : فقد انكرت الملاحدة والزنادقة عذاب القبر ونعيمة وان حال البرزخ من الغيوب التي اخبرت بها الانبياء عليهم السلام , ثانيا: هي من نار الاخرة وهي من اشد نار الدنيا .
القيامة الكبرى:
اولا: البعث والنشور والمراد بالبعث: المعاد الجسماني والروحاني واحياء العباد
في يوم المعاد والنشور : مرادف البعث في معنى مثل نشر الميت نشورا اذا عاش بعد الموت وانشره الله تعالى احياء . فبعد النفخة الثانية في الصور تمطر السماء وتنبت منه اجساد العباد , وهناك المماثلة والمتشابهة بين الاعادة الاجسام بانباتها من التراب بعد انزال الماء قبيل النفخ في الصور وبين انبات النبات بعد نزول الماء من السماء , ادلة البعث والنشور قد دل عليه الكتاب والسنة والعقل والفطرة السليمة فقد اخبر الله تعالى عنه في كتابه العزيز ,وليوم القيامة أهوال عظيمه و بعد بعث الخلائق أحياء يجمعون في ساحة واحده تدعى عرصات القيامة .
ثانيا: الحساب و هو تعريف الله سبحانه الخلائق مقاديرالجزاء على أعمالهم ,و من الحساب اجراء القصاص بين العباء فيقتص للمظلوم من الظالم,و للحساب منه العسير و اليسير و التكريم فهنالك فرق في حساب المسلم و حساب الكافر أن المؤمن يقرره بذنوبه و الكافر لا يحاسبون محاسبه من توازن حسناته و سيئاته فانهم لا حسنات لهم و بكن تعد أعمالهم فتحصى , و أول ما يحاسب العبد صلاته .
ثالثا: اعطاء الصحائف و هي الكتب التي كتبتها الملائكة و أحصوا فيها ما فعله كل انسان في الحياة الدنيا , فمنهم من يعطي كتابه بيمينه و هو المؤمن و منهم من يعطي كتابه بشماله و هو كافر.
التوفي بالنوم و التوفي بالموت :
أن التوفي بالنوم هي الموت الصغرى و التوفي بالموت هي الموته الأولى و الكبرى, فإن أمسك الله الروح لا يردها وهي الممسكه و المرسله من توفيت وفاة النوم .
ثانيا: أ- الروح و النفس حقيقة الروح مذهب أهل السنه أن الروح عين قائمه بنفسها تفارق البدن و تنعم و تعذب وأما الأشارة إليها فإنها يشار إليها و تصعد و تنزل , ب-كيفية قبض روح المتوفي و مألها بعد و فاته : أن يأتي الملائكه إلى العبد و يأتي ملك الموت و يأخذ روح إن مسلم تخرج روحه المسلم تسيل كما يسيل القطره ن في السقاء , والكافر تخرج روحه فينتزعها كما ينتزع السفود من الصوف المبلول , ج-هل الروح والنفس شئ واحد او شيئان متغايران : تختلف لفظ الروح والنفس فالنفس تطلق على امور : منها الروح خرجت نفسه أي روحه , نها الذات رايت زيدا نفسه وعينه , ومنها الدم سالت نفسه . والروح تطلق على معان منها : القران الذي اوحاه الله على نبيه سمي روحا لما يحصل به من الحياة النافعة فان الحياة بدونه لا تنفع صاحبها البتة وسميت الروح لانها حياة البدن , وتطلق الروح ايضا على الهواء الخارج من البدن وتطلق ايضا على مايحصل بفراقة الموت , وان النفس تطلق على البدن والدم والروح لا تطلق عليهما .

ثالثا : فتنة القبر وعذابه ونعيمه :

بمعنى ان الموت بين القيامة الصغرى والقيامة الكبرى وسميت في القران بالبرزخ وهي الحاجز بين الشيئين وفي هذا البرزخ نموذج من العذاب او النعيم الاخروي اولا سؤال الملكين : ويسمى بفتنة القبر وهي الاختبار للميت , وصفة سؤال الملكين ان السؤال يحصل حين يوضع الميت في قبره , وتسميت الملكين منكر ونكير , وان روح الميت ترد اليه في قبره حين السؤال , وللروح خمسة انواع : احدهما تعلقها به بطن الام جنينا والثاني تعلقها به بعد خروجه الى وجه الارض والثالث تعلقها به حال النوم والرابع تعلقها به في البرزخ والخامس تعلقها به يوم يبعث الاجساد . ثانيا عذاب القبر ونعيه : فمذهب اهل السنه والجماعة ان الميت اذا مات يكون في نعيم او عذاب والروح تبقى بعد مفارقة البدن منعمه او معذبة .

رابعا : وزن الاعمال :

فالاعمال توزن بميزان حقيقي له لسان وكفتان خامسا : الحوض وهو مما يكرم الله تعالى به عبده ورسوله محمد صلى الله عليه وسلم في ذلك الموقف العظيم فقد اختلف اهل العلم في موضعه والراجح انه يكون قبل المرور على الصراط في عرصات القيامه , سادسا : الصراط والمرور عليه وهو جسر ممدود على متن جهنم يرده الاولون والاخرون وهو ادق من الشعر واحد من السيف فمنهم من يمر كالبرق ومنهم كالريح ومنهم من يخطف فيلقى في جهنم ويكون المرور الصراط بعد مفارقة موقف الحساب ووزن الاعمال . سابعا : الشفاعة وهي في اللغه : الوسيلة والطلب وعرفا : سؤال الخير للغير وقيل هو من الشفع الذي هو ضد الوتر , والشفاعة حق اذا تحققت شروطها ومن شروطها : الاول اذن الله تعالى للشافع ان يشفع , والثاني رضاه عن المشفوع فيه بان يكون من اهل التوحيد , وانواع ال شفاعات : شفاعته صلى الله عليه وسلم لاهل الموقف حتى يقضى بينهم بعد ان يتراجع الانبياء الشفاعة حتى تنتهي اليه , ومنها شفاعة الرسول على اهل الجنة ان يدخلوا الجنة وهاتان الشفاعتان خاصتان للرسول , ومنهاالشفاعة في تخفيف العذاب عمن يستحقه , ومنها شفاعة الرسول فيمن استحق النا , والشفاعة احدهما لا تنفع المشركين , والثاني : انه يرد بذلك الشفاعة التي يثبتها اهل الشرك ومن شابههم من اهل الكتاب والمتبعه . ثامنا الجنة والنار : بعد ماينتهي الحساب في موقف فينتهي امر الناس اما الى الجنة ان كان من اهلها واما في النار ان كان من اهلها فالجنة والنار هما الداران العظيمتان اللتان لا تفنيان فالجنة دار المتقين والنار دار الكافرين.

جزاااااااااااااج الله خير

والله يسترج بالدنيا والاخره

رفع

نحن بالعادة نستخدم معجون خاص باللثة و ناخذ فيتامين سي يعني عصير برتقال

بس انتي وضعج مو سهل يعني التهاااب وسخوة وبلاعيم …انا اشووف انج لازم تروحين الطبيب عشان يوصفلج ادوية تخفف الالتهاب او مضادات حيوية…..

اتمنى لو كنت اعرف كيف اساعدج

ماتشوفين شر انقعي مرة وتمضمضي فيها بيروح الالتهاب

مشكورين على الرد ما قصرتوا
اخيرا احد رد علي
بجرب المره اشلون نسيتها
جربت امس زنجبيل سويته مثل الغسول
حرق شوي عقبها خدر المكان
بجرب اليوم المره حل اخيييييير

والله مادري بس اذا لقيتي شي ونفع علمينا لثتي ملتهبه ومادري شهبب فيها
بس مفروض تراجعين طبيب لثه عالاقل يسويلج تنظيف لثه شوي يخف الالتهاب
وفي مرهم بالصيدليه لم تحطينه يخدر المكان ويحرقج شوي نسيت اسمه بس حلو لتصلخات اللثه

تمضمضي بماي منقوع بمرررره
وماتشوفين شر

جربت المره ولا فاد
المشكله من الصخونه القوووويه طلع لي حبوب بيض حتى على البلعوم
حالتي يرثا لها حتى عدوي ما بي يشوف هاليوم اااااخ يااااااارب
رحت الميدان قالولي تعالي باجر احسن اختصاصي اللثه يكون موجود
اللثه الخلفيه مبططططه على الاخر من الحراره متشققه
حالتي كسيفه

انا نفس حالتج والله جنج تكلمين عني
بس انا رحت الطبيب الاسنان اللي بالمستوصف وقالت لازم مضاد حيوي
وحبوب اللثه…
لان عندي اسنان خربانه وراء وهي اللي مسببه هذا شي
تخيلي الدرجة انه وصل اليبرا الحلج تفخ

وان شاء الله ما تشوفين شر

اذا من الحراره عادي هذي ابواخ من المعده واحسن انها تطلع لاتحاتين
تعرفين الهرده ؟؟ اخذيها ودهني فيها حلجج راح ترتاحين وان شاءالله تروح
بس لاتنامين فيها

ماتشوفين شر حبيبتي ..

وماكو الا تروحين دكتور متخصص باللثه ..

والله يعينج ..

.
.

حتى انا لثتي رايح فيها من ضرس العقل جنني
احسن علاج للبلاعيم 7 حبات حبه البركه تطحنينهم باسنانج
على الخفيف وتبلعينهم مع ريقج وراااها على طول قفشه عسسل صغيره
وناامي والله وحده بوحده للبلاعيم

حبيبتي سوي ممضمضة بنقوع ماي القرنفل حطي كم حبة في غرشة ماي صحة صغيرة وخليها جنب المغسلة واعملي منها مضمضة كم مرة وراح تشوفين ممتازة حق التهابات اللثة بس اذا كان عندك التهابات في البلعوم لازم تاخذين لها مضاد حيوي وما عليك الا العافية اختي

مشكورين ما قصرتوا

لازم تنظيف لثه وراح ترتاحين بس الحبوب اللي بالحلج حاولي تدهنينهم بخوا جوا اذا تعرفينه و ماتشوفين شر يارب

السلام عليكم بنات شلونكم خواتي انا مشكلتي كارها االدوام صارلي 9 سنين بس بالثلاث اسنوات الاخيره اعتفس حالي لاحول ولاقوه الابالله انا من النوع اللي منتظم بدوامه لكن الحين كل شي تغير ما احب اداوم البنات تغيروا جاو بنات قال وقيل واشمعنا ومامعنا والمسؤل من النوع اللي ماله شخصيه وسفيه ومايستحي ولا يخاف الله حسبي الله ونعم الوكيل
والله الله شاهد على ما اقول حيل احس بالظلم والتفرقه العنصريه بدوامي شي ماتتخيلونه تعبانه
اتمنى يغيرون المسؤل السفيه بواحد متشدد ما يلقي للبنات وجه حريص على مصلحه الشغل يخصم اول باول انا راضيه لكن ارتاح من التفرقه وارتاح من التحيز ابي انجز شغلي واتوكل على الله دون اي مظايقه لكن حسبي الله ونعم الوكيل
حسبي الله ونعم الوكيل عدد خلقه وزنة عرشه الله كريم
الحين العطله ما خلصت وانا ايدي على قلبي لما اروح شنو راح يصير من تكبر البنات والله عالفاضي والا ظيم المسؤول
ساعدوني يابنات نوروني عطوني حل تكفون

عسى الله يكفيج شرهم

ممكن تقدمين على نقل
تروحين قسم ثاني

او تسوين انتداب اذا المكان بكبره مو عاجبج

وعسى ربي يسهل امووورج

up
up

عسى الله يريح قلبج ويفكج من شرهم يا رب

الله يعينج حبيبتي

ادعي رب العالمين

وعسى الله يفرجها عليج

الله يعينج قدمي نقل من قسمج الى قسم ثاني او وزاره ثانيه

حبيبتي صرفي النظر وسوي روحج مو شايفه وريحي عمرج ولا تغثين روحج
ترا ماكو شي يسوا
والله يكون بعون انشالله

احسن شي يا تنتقليين اداراه ثاينه او تغيرين مكان شغلج ابكبره

عزتي مالها حد جزاج الله خير عالدعاء والله انا بحاجة ربي شفتي القسم هذا اللي انا فيه ارحم من باقي الاقسام الاداره اللي انا فيها بكبرها عنصريه ونفاق وظلم زوجي لما اقوله ابي نقل يقولي ليش وماليش والمره احسن لها بيتها انا ماعندي نقل
وكلمت اخواني ابي واسطه تنقلني اهلي من النوع اللي مايعرف احد ولا عندنا واسطات واسطتنا ربي ان شاء الله
مشكوره جزاج الله خير والانتداب شنو طريقته؟شرفني وجودج

tahaniy89
ماقصرتي مشكوره الله يعطيج الف عافيه

عناقيد الجنه اختي يشرفني وجودج وجزاج الله خير حياتي والله اقرى ادعيتكم ارتاح واحس ابسكينه
الله يوفقج يارب

اختي غايضتهم يااااا حلوها لو انتقل وزاره ثانيه يا الله لان الاداره كلها ماطاح الااااا انبطح

MiSS B.K صح كلامج بس هذا دوام الرخص حق ناس وناس التقادير اللي مايشتغل ولا يداوم عدل ليش لما اغلط بتسجيل معامله ينخصم من راتبي ثلاث يوميات يعني 60 او 70 وهذي لها حسبه والمسؤول مثل الجاهل انتو كشخه مصدقين روحكم عالنقاب ويع وما ويع السفيه بس انا لاني بنت ناس من النوع اللي يسكت ولا ادخل معاه بنقاشات لاني ما ابيه ياخذ راحته معاي وابيه يعرف حدوده بس جاهل ما يخلص واتصير فيني مواقف منه ومن بناته اتباعه اتزهق اكتمها بقلبي وارجع البيت تعبانه منهد حيلي من سبت اعصابي تلفانه
جزاج الله خير عالدعاء ويشرفني والله وجودج

frawlah_83 ياااااارب اغير شغلي بكبره يارب مشكوره عن جد ما قصرتو

upp

والله مادري شقولج مو بس انتي تعبانه من الدوام كل البنات تعبانين من دواماتهم

البنت لما اداوم يدققون معاها على الدوام واللي يتفلس واللي يغار منج وعداوات بالدوام

الانانيه انتشرت بشكل فظيع كل وحده تبي كل شي حقها والباقي لا

انا مادري وين انتقل او استقيل محتاره حدي مليت

بنات بنسولف عن اول يوم زواج وانتو راجعين من الصاله طريجكم الي البيت شنو سوالفكم ويعطيكم العافيه: eh_s::08 0402ask_prv::080402a sk_prv::080402ask_pr v:

(( ملاحظة : هذا الموضوع يعالج واقع اجتماعي موجود لدينا .. تنتج عنه مشكلة يجب التطرق لها .. ولا يمس ولا يقلل من قدر اي طرف فالكل محل احترام .. يرجى مراعاة ذلك في الردود ))

سبب كتابتي لهذا الموضوع .. قضايا عرضت علي سابقا .. ورسائل خاصة وصلتني في المنتدى يكون فيها طرف بدوي وطرف حضري (سواء الزوج بدوي والزوجة حضرية او العكس )

لا شك اننا نعيش في مجتمع .. كأي مجتمع اخر .. يتكون من فئات .. ولا احد يستطيع ان ينكر ذلك

ولدينا هنا رجل (غالبا) اعجب في فتاة .. وقد يكون احبها بقصد شريف ..
يكون طرف منهما بدوي والاخر حضري ..

وسنتكلم عن اذا كان الزوج بدويا لان الزوج هو الطرف الاقوى في العلاقة …

البنت لما شافت الزوج رأت انه متحضر ( هكذا دائما تبدأ الزوجة حديثها عند وجود مشكله .. " شفت انه متحضر " )..
وعندما دخلت عش الزوجية .. وجدت الزوج واهلة متمسكين بعادات وتقاليد لا تستطيع ان تحتملها ..

عزيزتي …

اعلمي ان الحضر يختلفون من بيت لبيت اخر في نفس العائلة .. لان ابتعاد الناس عن بعضها والتهائهم بمشاغلهم جعل لكل بيت عاداته التي تختلف عن البيت الاخر .. فتجدين الاخ اصبحت عادات بيته تختلف عن عادات بيت اخيه وهما من اب واحد ..!!

ولاعطيك مثلا ..

تجديد احد الاخوين … يقبل بان تتغرب ابنته للدراسة في الخارج .. بينما يرفض الاخ الاخر ذلك بحجة تمسكة بالعادات السابقة في بيت ابيهم ..

…… او
يقبل احد الاخوين من باب التحضر .. ان تتزوج ابنته بشخص عربي او حتى اجنبي ليس كويتيا .. (مثلا)

اما في المجتمع البدوي .. فلا يزال الكثير منهم يتمسكون بالكثير من التقاليد التي لا يريدون التخلي عنها .. وقد يكون الكثير منها تقاليد جميلة ذات قيم عالية …(حتى لو لم يتقبلها المجتمع الحضري) ..

ولكن المشكلة تكمن في عدم تقبل الزوجة الحضرية لها ..!!!

فالزوجة الحضرية .. عندما تختلط مع اهل الزوج .. نفاجئ باختلاف في عادات لا تناسبها .. ولم تعتد عليها ..

فتظن .. ان الزوج (الذي وجدته قد تحضر .. ودرس في امريكا او اوربا) سيقف الى جانبها في الموقف الذي يقتضي تغلبيب موقف احد الطرفين .. زوجته .. واهله ..

لتأتي اول مفاجئة للزوجة … ان الزوج يقف الى جانب أهله .. لانه يقف في الحقيقة الى جانب عاداته وتقاليده.. التي هو اصلا مقتنع ومتمسك بها .. وليس الامر انه يقف مع اهله لمجرد الوقوف معهم … وهو مالم تظنه او تتصوره الزوجة ..

لتتسائل الزوجة .. اين تحضر زوجها ؟؟

وهي لن تصل للاجابة في يوم لان احدا لن يجيبها على ذلك .. وهي لا تستوعبه …

فالاجابة التي يجب ان تعييها الزوجة … ان زوجها ومهما بلغ من التحضر والتعلم وعيشة الغربة في الخارج .. ولوى لسانة بكلمات اجنبية .. الا انه يعتز في عادات وتقاليد مجتمعه البدوي .. وقد يكون محقا في الكثير منها .. لانها ذات قيم عربية اصيله .. وقد تكون اقرب للشرع في كثير من الاحيان …

اما ان تركها المجتمع الحضري .. او ان مجتمع الزوجة لا يستطيع ان يستمر على عادات يظن انها اصبحت من الماضي ..
فذلك امر اخر .. لا يدخل بحسبان الزوج ..

فهنا تبدأ المشكلة بين زوجين .. وبين طرفين من فئتين يتعايشان في مجتمع واحد .. دون ان يضعا في اعتبارها هذا الاختلاف قبل الزواج والاقدام عليه !! …

واذا جئنا لعكس القضية المطروحة … وجعلنا الزوج حضريا .. والزوجة بدوية ( وهي حالات اقل ) .. فسوف نجد نفس المشكلة .. ولكن بطريقة معاكسة .. وان كان موقف الزوجة سيكون اضعف هنا لانها قد تضطر لمسايرة الزوج في بعض متطلباته على خلاف قناعتها بها ….

وتكون النتيجة … كثير من حالات الانفصال وعدم استمرارية هذا النوع من الزواج !!!

ومن هنا .. نصيحتي لمن تريد القدوم على مثل هذا الزواج …

يجب ان تقدمي على هذا الزواج .. وانت لديك الاستعداد التام .. لتقبل التغير في عاداتك وتقاليدك الى ما يتناسب مع ما يطلبه زوجك … ولا تقولي في يوم ان عاداتكم افضل .. فهذا لن يحل المشكلة ..
واذا كنت لا تستطيعين تقبل التغير … فلا تقدمي على هذا الزواج ..

فكل طرف يتمسك بطريقته وعاداته وتقاليده ….. ويرى انها افضل

ولكن……….. اذا كانت المسألة تتعلق بنظرة مجتمع الطرف الاخر المحيط به .. فانه سيتمسك بعادات مجتمعه .. لان مجتمعه اكبر ومتجانس اكثر ولن يتقبل بدخول عادات يرى انها غير مقبوله لديه … ولن يغير مجتمع كامل عاداته من اجل شخص واحد دخل مجددا اليه …

فيجب مراعاة هذه الحقائق .. ليستمر الزواج .. ويكون زواجا ناجحا بكل المقاييس

(وبالتأكيد هناك زواجات تمت واستمرت بنجاح .. )

(( تأكيد الملاحظة : اكن كل احترام لجميع فئات المجتمع .. ولا اقصد هنا تغليب او تفضيل اي طرف على اخر .. فالكل ابناء بلدي .. وعلى راسي .. لكنها مشكلة موجودة تحتاج الى الحديث عنها بصراحة .. لنستطيع معالجتها .. وبدون الحديث عنها لن يكون هناك حل .. ولن نستطيع ان نوقف تعرض البعض لزواج فاشل في حال لم يتنبهوا الى ما هم مقدمين عليه .. وبخاصة البنات صغار السن الذين لن يفكروا في ما سيواجههم في هذا الزواج .. )

………… وتبقى مجرد وجهة نظر

كلمج صح 100%

اي والله كلامج صح مليون بالمية
في بنات عبالهم اذا قالو للزوج شي بيوافق وينصمون بعها بامور كثيره
بس لازم اذا البنت شاطره تكسب زوجها بالذكاء تقوله زين بداية الامر بعين توضح وجهت نظرها
يعطيج العافية

كلام صح 100%

ممكن بذكائها تكسب اهل الزوج بغض النظر عن عاداتها وتقاليدها عند اهلها

حاليا ؟ صار كل شي عادي مافي اختلاف الا باللبس فقط وقليل بعد

يسلم بؤك والله

مدندنه صااااااااااااااااااااااااااااااجه مليون الف %
صراحه طرحتي موضوع … عسل مثل صاحبته ..
انتي شنو اخصائيه نفسيه ولا محاميه ولالالالا .. مشااءالله عيني عليج باارده
لول طولتها

مودايما الحين مافي عادات وتقاليد كل الناس صارت متفتحه ع بعض
اللي صاير ان الناس موقادره تحمل بعض سواء كان بدو وحضر
فجأه صار الكل يشكي من الخاله
فجأه صار الكل مايتحمل يبي الطلاق عشان سبب تافه
فجاه الكل مايبي يعيش فبيت الحموله

الناس تغيروا حيل ونسوا العادات ولو يرجعون للعادات والتقاليد كان صرنا بخير

زمن اول حضر وبدو المره تتحمل كل شي الحضر كانو يروحون يغيبون شهور بالبحر وتقعد المره تشيل البيت ع راسها وتشيل عيالها …
والبدو كانو يشدون وينزلون بمكان والمره تتحمل كل شي …ولا تفتح حلجها …. وتتحمل كل شي … ولمن تطورا شوي ..

صارو ف بيت واحد وتصير مشاكل بس المره تسكت وتحمل كل شي ..

الحين لأ البنات مايتحملون الهوا اللي يمر عليهم ..
وحده تجيج تقولج خالتي تبي تجي تنام عندي يومين … بنات ساعدوني شسوي …!!!!!!!!!

هذا وانا اختج الزمن تغير حيل تغير وماعاد في عادات وتقاليد لا عند بدو ولا حضر

all in one

صح كلامج

صح كلامج وانا معاج 10000%
حلاة الثوب رقعته منه وفيه
كل بيت له عادات وتقاليده حتى لو كانوا اخوان
شلون لما يكونون مختلفين
مثلا بدو وحضر
سنة وشيعه

لازم يكون هناك نسبة وتناسب بالزواج علشان ينجح
انا ما اقول ان مافي زواجات ناجحه ولكن قليلة جدا

وهذا رايي في الموضوع

د. شريفه ……….انا مع رايج……………100 ميه

شكرا

الله يعطيج العافية
التكافؤ من عناصر نجاح الزواج
لان طبايع الناس مختلفة

كلام جميل …. مشكوووووورة حبيبتي

السلام عليكم ورحمة الله

شكواي لله ثم لكم خواتي الحبوبات

يعلم الله ان زوجي مافي مثله اخلاق وطيبه ووسامه وكرم وهدوء واخلاص

ومرت فتره كانت حلوه حيل

بس تعامله فجاه تغير معاي ,, مايحب يكلمني ,, واذا سالته قال سوالفج مو حلوه

مع اني اسمع سوالفه ويا حماواتي ولما اقوله نفس السالفه مايحب يسمع مني ويسمع منهم

كان يقولي احبج وبطل يقولها لي

واذا بجيت طنشني

والعلاقه الجنسيه ,, صارت بدون مقدمات ولا غزل ولا مداعبات

وبوقت معين ,, وشبه رسمي

اذا ناقشته تنرفز وزفني واذا لمسته وانا اناقشه واترجاه يسمعني يقوم يدزني

اساله اشفيك ؟ اتحبني ؟ يسكت

اقول ماتحبني صح ؟ يقول اي ظني على كيفج

اقوله مقصره ؟ يقول ايي كل شي فيج مو سنع

وماتصلحين زوجه ,, جرحني بالصميم يابنات والله دمرني كلامه

ولما اقوله بروح بيت اهلي ,, يقول لأ

ارد عليه : لا انت الي راضي تكلمني او تفهمني ليش تعاملني بجفا وجني اختك الا باخر الليل

وجنك تقول انا مو طايقتج ,, وماتقعد معاي وايد

وفوق هذا مو راضي اروح لبيت اهلي وارتاح

يعني لازم ابجي بروحي واطق راسي بالطوفه

ذبحبني باسلوبه وبديت اشك انه يعرف غيري ,, بس حاط لتلفونه حمايه و رمز قفل

وطلعاته بالاساس مو وايد واعرف وين يروح لان الي يروح وياهم من ربع زوج وحده اعرفها

والحمدلله مايحب الاماكن البايخه الي بالديره

مادري اشلون اتعامل وياه

واليوم قررت اقعد في بيت اهلي ,, بعد ماصدقت وافق اخيرا ازورهم

ماقلت لاحد اني زعلانه ,, قلت له هو بس ,, وطنش

تمنيت انه يراضيني لو بمسج وبرد له بنفسي

مابي اقعد عند اهلي ,, بس احترت شسوي بعد

حاولت قبل اعامله بالمثل بس شفت الوضع عنده عادي لا وزود باسلوبه شوي

واذا ناقشته صد ولا عصب

قلت ماكو الا هالطريقه ,, واشترطت عليه يتغير ولا ماراح ارد

وهم بعد طنش

شكله بيخليني انثبر في بيت اهلي لين يشيب راسي

المشكله لو ماعاد يبيني جان ابسط مافيها يوديني بيت اهلي من نفسه ,, بس ماصار هالشي

ويبيني بالبيت غصب مو طيب

والحين محتاره

وياليتني في بيت اهلي مرتاحه ,, ابجي واحاتي وانطر وماظنتي بقدر انام الليله

وصليت استخاره ولا ارتحت ولا رسيت على بر

ساعدوني بسرعه جزاكم الله كل خير

لان ماظنتي بدش يوم ثاني ,, علاقتي بالنت سطحيه

وداشه افضفض ,, وافرغ الي بقلبي

ويمكن القى وحده مثلي تحس فيني وتخفف عني

لاني ادري و لا طريقه او نصيحه بتفيدني ,, لان المشكله بقلبه

لي تغير ورد نفس اول يحبني ,, بيعاملني بطريقه يبين هالحب فيه

والحين شكله كرهني ,, وهذا اسلوبه الي يجبره عليه احساسه

ماعندي مبرر ثاني

ولا انا انا ,, ماتغيرت

احبه واوده واحترمه وارضيه

بس الله يسامحه

الله يصلحه لج و يهديكم قولي امين
والله كسرتي خاطري

لا حول و لا قوه الا بالله
مالج الا الدعاء و كثري من الاستغفار

الله يعيينج حبيبتيي
وييسر لج اموورج

حبيبتي كل شي بالتفاااهم يصيررر

انتي الحيين في بيت اهلج

وهذا مو حل للمشكله

لاتبجين جدامه

كلميه بجديه وبهدووء قوليله هذا مو حل
حقران وزف وتجريح ومااصير زوجتك إلا اذا بغيت حاجتك

انت شايف مني شي مايرضيك
ضايقتك بشي
اهلك متضايقين مني
انتوا شايفين علي شي
لازم اكوون بالصوورة

انا زوجتك ومن حقك علي وواجبتي انك ماتشوف مني إلا اللي يرضيك ويرضي ربي عليك

اذا فيني خطأ قولي اصلحه
أذا غلطت بشي وانا مو قاصده ولا قاصده أتأسف لك

ولا نعيشش بالحاااله هذي

ابي نرجع مثل أول وأحسن

واقري قرآن في بيتج وشغلي صورة البقرة

والله يوووفقج ان شاء الله

استغفر الله يارب
بس مو حل انج قاعده وساكته لازم احد يعرف
اهلج او اهله
الله يهديه انشالله

خلج قد الزعله وقعدي في بيت اهلج جم يوم تريحين واهو يريح بس ديري بالج تتصلين ولاتدزين مسج خليه اهو اللي يدق حتى لوبعد شهر مايمنع
خليه يعرف انه وقت الجد جد والله حق

اللة يعينج

الله يمسح على قلبج يا ربي و يهدي سركم انتو الاثنين

عورتي قلبي والله يفرج همج

حبيبيتي هاذي فتره انتقاليه بالحياة الزوجيه وعادي كلنا مرينا فيها ..تكون مابين فترة الخطوبه وباقي الحياة ..لازم تحاولين نفهمينه ..وششوفي واستنتجي انتي بشنو مو سنعه حاولي تطورين من نفسج ..القعده بيت اهلج مو الحل ..

الله يعينج

أتوقع إنه مو مايحبج مثل ما تظنين
بس هذا نوعيته شخصية ملولة
إذا مل من اللعبة طقها بالطوفة بس مستحيل يتنازل عنها
نفس الشي هو مايحب يخسر أي انسان كان له وجود مهم في حياته
و ماعنده كره لكن عنده استخفاف
إذا حس إن ماعندج أي جانب يثيره راح يطنش ويجرح

وأتوقع إنه من النوع اللي يكون في باله فكرة معينة لكن ما يطلعها ويتغير اسلوبه بسبب غلطة سويتيها لكن من غير ما يقولج يشيل عليج ويسكت

ماعلينا الحين من تحليل شخصيته بس أهم شي شلون تعاملين معاه

إنتي لا تناقشينه شفيك وما فيك
سوي اللي انتي تبينه والكلام اللي تحبينه يقوله لج قوليه انتي له واستمري جذي ولا تفكرين فيه
ولا تسئلينه انا مقصرة وما مقصرة لانه بصدق عمره وبيقول اي مقصرة

ورفعيه وبيني له انه احسن واحد على وجه الأرض من غير ما تنقصين من عمرج

هذا اللي في بالي الحين والله يعينج على نوعية هالشخصية الغامضة والمتقلبه المزاج

اشكي لرب العالمين وقيمي الليل وادعيله بصدق

والله بيحلج مشكلتج ان شاء الله

ولا تدخلين احد بلأول حليها بينكم

وريحي هل الويك اند وردي بيتج بعدها كأنا ماحصل شي

وقعدي معاه وناقشيه

بشنو انتي مقصرة؟؟

شيبي منج بالضبط ماسويتيه؟؟

واتفقي معاه انا اي مشكله تواجهج لازم تناقشونها … لأنا مافي شي ينحل لا بالحقران ولا بالزعل

واهم شي الأحترااااااااااااااااااام… لازم يحترمج فرضي عليه احترامج

والله المستعان وتأكدي ربي مارتح يخليج اذا طلبتيه صادقه النية

والله يوفقج وبشرينا عنج

ردي البيت وعامليه بالمثل

لوبعد شهر مايمنع,,,,,,,الله يهديج بعد شهر ….لا يمنع والله

مافي الا العافية انا اشوف ما في شي صااير يمكن سوء تفاهم ويمكن اهو مضااايق
يا اوخيتي الواحد اذا ماله خلق يكون ماله خلق حتى نفسه

اكبر غلط المره اللي تعود الريال انها تطلع من البيت البيت بيتج ومملكتج..يعني ما يحس بالزعل الا بشد الرحال..

………..شوفي الخاص………

عسى ربي يهديه لج انشالله ويصلحه

حبايبي شفت كذا وحده تسأل عن كريم حنان لتسمين الوجه انا قبل فتره كنت بحواي جمعيه بيان احوس واشوف شنو فيه شفت منتج مادري شنو اهو بالضبط بس عليه صورة خدود سألت الريال قلت له مضمون هذا جان يقولي تبين شي مضمون قلت له اي جان يطلع لي كريم حنان قالي مضمون وسألي عنه معروف ووايد بنات ياخذون منه وهذا اخر حبه خذيته وحتى للارداف اخر حبه وبقت حبه لتكبير الصدر الواحد على 5 دنانير الصراحه انا جربتهم مره وحده وايد دهني وتدرون بالكسل اللي فينه هههههههه مع انه عندي ارداف بس شسوي فيني طبع مو حلو اخذ اشياء انا ما ابيها اخذها احطها منظر يعني المهم عندي ياه وبس ^_^ حتى لو ما ابيه اشتريه واخليه ^_^ المهم شفت بنات يسألون عنه قلت اصوره واحطه لكم تستفيدون اخليكم مع الصور حبايبي

اول شي صورت لكم العلب من بره

وهذول من الداخل

والحين بحطه لكم كل واحد بروحه هذا لتسمين الوجه

وهذا لتسمين الارداف والفخذين

وان شاء الله اكون افدتكم ولو بجزء بسيط وموفقين حباااايبي واذا تبون اصورة من الداخل من عيوووووني

مشكورة يا الغالية عالفايده والصور ياقمر

مع تحياتي ياحياتي

مزيونه وشقره

بنات شلون طريقة استخدامة ؟؟؟

عندي الكريم من زمان برجع استخدمه عدل

قريت بموضوع يتكلم عن الكريم وحده تقول ينحط 3 دقايق ؟؟؟

انا اشوف شويه 3 دقايق لان اهو مو ماسك ولا قناع ؟؟؟

مشكـــــــــــــــــــــوره عالفايده

واي صج يكبر لخدود وناسه

بنات منو إستخدمته حق الخدود .. يكبر ولا لأ ؟؟ و في ضرر وله كله مواد طبيعيه ؟؟ و اشلون انحطه ؟؟ بس بالخدو؟؟

نفس سؤوال جنات

بليز وراى عرس

عاد دايما اشوفه بس مادري ليش اخاف اشتريه

ياليت اللي مجربته تعطينا النتايج …

تهقين مجازفه اذا استخدمت مال تكبير الصدر

مشكورة حبيبتي ..

العفو يا عمري تستاهلون انتي اللي قمر يا بعد قلبي

حياتي مكتوب على العلبه طريقة الاستعمال وانا بكتب لج شنو مكتوب عليه حرفيا

اللي حق الخدود مكتوب عليه :: دهان لمدة 3 دقائق بكمية قليله من الكريم 3 مرات يوميا .

اللي حق تسمين الارداف والفخذين :: دهان على هيئة مساج لمدة 3-5 دقائق 3 مرات يوميا .

واي سؤال انا حاضره يا عمري

العفو يا قلبي

هههههههه ان شاء الله تكبر خدودج وتستانسين اكثر واكثر مشكورة عالمرور حبيبتي

انا استخدمته يوم واحد والكسل ذابحني واهو دهني …

يا قلبي مكتوب عليه طبيعي 100% واذا حابه اصور الكتابه من عيوني عشان تتطمنين اكثر وبكتب لج مكونات اللي حق تسمين لخدود

يحتوي على زبدة الككاو – زبدة الضأن – زيوت نباتيه – غني بالبروتينات والفيتامينات

ومكتوب عليه :

– يعمل على زيادة حيوية الوجه وينشط الخلايا ويغذي الجلد بقوة .
– تعمل على نعومة وجمال الخدود وتجعل الوجه اكثر بياضا .

وطريقة استعماله : دهان لمدة 3 دقائق بكمية قليلة من الكريم 3 مرات يوميا

واي سؤال انا حاضره حبيبتي

بعد عمري جاوبت على الاسئله واذا عندج أي سؤال حاضر من عيوني وان شاء الله تطلع لج الخدود اللي تبينها وتصيرين احلى الموجودين بالعرس

يا عمري مادري والله مكتوب عليه طبيعي 100% والمكونات مكتوبه بعد اذا ودج تستخدمينه اخذيه وفحصيه عشان ترتاحين … وان شاء الله يطلع لج الصدر اللي تبينه وتستانسين

العفو يا قلبي

واااااااااااااااي ملاقه الله يعيييييييييييييينج

وانشالله البنات يفيدوووونج
بعد انتي كلمتيييه ومااااكو فايده !!!!

الله يعيييييييييييييييينج

حبيبتي عندنا وعندج خير

ممكن يتنازلون عن اي شي الا طلعات الربع

يعني يقولج بمووووت تعبان بس لايتصل واحد من ربعه يقول خلنا نتمشى < يطلع يركض مافيه الا العافيه <

حاولي تجيين بالمسايس مع اني مايينفع وياهم بس اسم ان احنا حاولنا

جربي انج تسسوين لييله رومنسسسسيه وتسوين الجو الرومنسسي وشوفي يمكن يفييد فيييه

الله يسسخرهم لنا

الله يعينج

عايش حياة العزابيه :/ الله يعينج

انتي مناشبته يعني تبينه 24 ساعه مجابلج ؟؟
يبه الرجال يبي يرتاح شوي معروف اصلا بالشتا مخيم وينام عند ربعه ليله ليلتين
لاتناشبين الرجال ، خليه يرتاح شوي ويريح مزاجه
لاتحسسينه انج معيشته بسجن ،
اما المباريات هاذي هوايته خليه يشوفها
والدوام امره لله مايقدر يسوي

دام راح ينام ليله خوش كلام ،
والليله الثانيه خلج معاه

بس صدقيني عطي مجال للرجال لاتكرهينه بطلعة المخيم لا يقعدلج قعده ويكرهج بطلعته معاج ،،
اذا يطلع مع ربعه ماعنده سالفه ومن حقج تزعلين
بس ترى المخيم حلو ومو بس زوجج اللي يروح كل الرياجيل يروحون لانه ويكند ،، وعطله
والدوام استغلي الوقت وجابليه وقعديه على صلاة الفجر عشان يدوخ زياده ويرد البيت مبجر بليل

اذا طلع عادي يخليج بالبيت بروحج …؟

زين هالوضع راضين فيه اهله.؟ بيني وبينج اغلب شباب هالوقت قعدات وسهرات بالمخيمات لانه بشهر 3 خلاص ماكو مخيمات بالكثير شهر 4 ازاله لهم .. عاد الله يعينج على الدواوين … بس مسألة ينام برا البيت هذا اكبر غلط شنو ربعه كلهم مهيتين اهلهم ونايمين بالمخيم .. ما ينام الا اللي فيه شي .. وانا ما ابي اشككج بزوجج بس كل ازواجنا يسهرون لكن مستحيل ينامون برا البيت … الا اذا اهل المقانيص هم اللي يباتون بالبر

روحي نامي ف بيت اهلج اذا راح المخيم مافيها شي اغلب البدويات يسوي جذي ،
واتوقع من تصرفاتج انج حامل لوول لاتضحكين علي لآن تفسيري ادري ماله علاقه
المهم اعذريني علا كلامي حسيت انه كلامي قوي فـ سامحيني والله ماقصد شي ولاتاخذين بخآطرج مني بلييز

ياعمري حاسه فيييج عالاقل انتي صارلج مده متزووجه انا عروووووووس وهادني وكله مع ربعه مخيم وديوانيه ومباريات شقوول

بس انتي خليه لاتضغطين عليه لان هالشي مو من صالحج اهو راح يقلب السسالفه على راسج ويقولج ماتقدرين وحنه ومادري شنوو

وانشالله يرد نفس ماكان اول

يا بنات عادي يروح المخيم البنيه مو مانعته عن ربعه حتى انا ريلي كل اسبوع يروح المخيم وديوانيته بالشتى بالبر بس مايبات الساعه 1 الفير بالكثير اهوا بالبيت ويوم واحد بالاسبوع
يمكن يسويها مره بالشهر يبات بالمخيم وانا اروح بيت اهلي بس مو كل اسبوع ويومين شالسالفه مهيت البيت والمره بروحها معاج حق لاتصيرين سايبه ويتعود

انا اشوف انه غلط الريال ينام بره البيت إلا حق شغل يعني خفاره مثلا
ولا مسافر ولامره بالشهر مع ربعه ماضر

المشكله شنو الحل عشان تمنعينه انتي ماخليتي شي ماسويتيه

مافي شي يخلي الريال مايبات بره
إلا اذا كان خايف يخلي مرته بروحها

انتي سوي اي شي عشان يحاتيج ومايخليج تباتين بروحج

عاد فكري بسالفه مقنعه انتي وذكائج

شوفي الرجال لما يحس انج بتوتين عليه ولازقه فيه يستانس ويزود طلعاته بس اذا كشتي فيه والله بيركض وراج انا ما اقولج بكل شي لا يعني ريوقه وشغله الصبح سويه له وبس اسحبي عليه لا اتصال لا شي وغيري سياستج شوي معاه يعني فتره جذي شوفي بتغير معاج ولا لا وطمنينا عنج

الله يهديه
بس انتي خفي عليه
ومرده بيخلص من البر والمخيم
لاتنكدين عليه وعلى نفسج

الله يهديه
بس انتي خفي عليه
ومرده بيخلص من البر والمخيم
لاتنكدين عليه وعلى نفسج

الحل ادعي ربج
ادري انج تعبانه بس الدعاء والاستغفار اهما الحل ان شاء الله

ماعليه حبيبتي تحملي والله يهديه لج

مرحبا بنوتات

اذا انتي متكشخه ومتزينة عالاخر ورجلش ماجاش ..حتى مايعلق بكلمة
وش يكون شعورش ؟؟
مع العلم انه مو المرة الاولى كل مرة

والله لو اناا يصير فيني الموقف اقووول بطقاااق مو لازم اقعد اطالع التلفزيون او انشغل بأيشي المهم ماأبينله اني ميته عليه

عادي اكشخ لنفسي

شبسوي يعني ،، اكيد بقعد بكشختي وبط جبدة وسوي الهوايل
عشان احرة ههههههههههههههه:d

صج بنقهر بس كيفه وعلى قولتهم بطقاق الي يطقه خخخخخخخخخخخخخخخخ اهوه الي خسران

عادي حبيبتي حطي فبالج الكشخه لج مو له
ويمكن يكون تعبان ولا ماله خلق عااااادي لاتحطين فبالج

بطقااق اللي يطقه
عااادي اطنشه وانام واذا مافيني نوووم اطالع التلفزيووون
الدنيا مو وواقفه عنده

خخخخخخخخخ … بالطقاق اللي يطقه …>>استنفرت ..

برووووووووووووح بدق تلفوووني على وحده من خواااتي وبسووولف معااها وأضحك بصووت عالي …وبرفع على صوووت التلفزيوووووون وأحط على قناة نجوووم وأقعد أرقص يوووووله ههههههههههههههه… >>واذا جا بطرده …

اممم والله ماصار فيني جذي اسم الله عليه دوم يمدحني ومثلا لو ما مدح كيفه ههه أنا عاجبني شكلي ولا جان ماقعدت بكشختي بس مثلا اذا يهمش ^_^ رأيه غيري اللووك يمكن ماجاز له او مكرر مادري حبيبتي يمكن حاولي انج ماتكشخين وتجين ترتزين جدامه هههه لا طننننننشيه انشغلي بمجله حاولي توقفين جدامه اذا يطالع التي في ادورين شي ورا الشاشه حاولي ااتقربين منه جنج ادورين شي بس لاطلعينه خل يحس بحرارة جلدج ريحتج بخورج عرفتي وامشي وخلييه شرط يلحقج

والله يسحره لج يااارب*

صاجه الاخت اللى قالت يمكن يكون تعبان وتحصل هالمواقف بالحياه الزوجيه

عادي

طناش

اصلا الزوج الكويتي اذا شاف زوجته مومهتمه بنفسها مالها خلق يبيها واذا شافها كاشخه انحاش ههههههههههههههههه الحمدلله والشكر مجانين

راح اقلبها على راسه
واطلعه بارد واقارنه برياييل عشان يحتر

فوووووووووووووق

عادي يعني اعذره حتى انا تيني الدوره ولا يجيني واهو يبيني