السلام عليكم
خواتي انا يت فتره اعوذ بالله منها
كل ماخططت لشي يصير العكس
لدرجه عصبت عريلي وقلت انته نحس لان كل ما خططت اسويلك شي مايصير
تخيلو
قلت مدام بيخلص الدوري بحجز لنا يومين ف سبا نرتاح وهو يريح عمره
و قلت فلان هالمباراه اخر مباراه صح
قال هيه وعقبها اجازه لين المعسكر
قمت و عطيت اخوي فلوس عشان يحجز لي
وخذت قميص نوم و جهز كل شي
وكنت ب فاجأه لما يرجع من اخر مباراه
ورجع وصدمني ان باقي 3اسابيع بس تمرين بدون مباريات!
تميت اصيييييييييح طبعاً مب جدامه
و بعدها قلت له حبيبي ضايق خلقي خلنا نحجز ف فندق قال اوكي
قلنا بنتمشى ف دبي مول و بعدين بنحجز ف ذا ادرس او برج خليفه لانهم جريبين
دخلنا دبي مول (للعلم نحن من ابوظبي )
ف من دخلنا المول الا ريلي يقول يااافلانه الشنطه فالبيت! شنطه الملابس!!!
و من القهر نزلت الدوره و زعلت لكن قالي بنسهر فدبي
دخلنا السينما
و لما طلعنا قالي خلينا نتوضا ونصلي ونتمشى
توضينا و رحت المصلى
الا يقولي فلانه ايدي خفيفه
قلت مادري
قالي الساااااااااااعه نسيتها فالحمام
عاد ليما نوصل حمام السينما الا هي انسرقت كانت ساعه ماركه حوالي 500 دينار اظن
وانا وايد احبها قلت انته نحيس و قلت له اني كنت حاجزه فالسبا و ان الموضوع كنسلته
المهم رجعنا بوظبي
و صارت 4 اسابيع قررنا نسافر بنفس اليوم الي بسوي لي فيزا شنغن لان جوازي جددته اتصلو اداراه النادي فلان هات جوازك عشان المعسكر
قمه القهر يالله لك الحمدوالشكر
كل ما اذكر هذيج الفتره اقول الحمدالله ع كل حال
عاد انتو خبروني قد مره صارت معاكم سالفه جذي؟
هههههههههههههههع الحمدالله ماصارلي وان شاء الله مايصير
خوش موضوع
بالنسبه لي ياكثرررر ماتصير ومادري من النحيس انا ولا اهو لانه مانخطط انسوي شي الا يصير العكس او شي يخرب علينا واخر شي الخميس الي طاف مخططين نطلع وصار الجو برد ومطر قلت امر الله وقلت خلاص الاربعاء اقصد اليوم واخربت سيارته
بس تعودت هههههههههههههههههههههه
ههههههه
مره ريلي قال بيوديني البر بنتعشى و بنشوي.
وليش مو يصير الجو غبارررر بالقو
وانا دموعي ف عيني اقوله صدقني بينزل مطر يهدي الجو ههههه و اذن العشا
ونزل مطر
قالي خلينا نروح لو الجو تم حلو بنشوي
والحمدالله اعتدل الجو ههههه
و للنحاسه بقيه اللهم لا اعتراض
هههه ياحلاتج
مسكين ريلج ماله ذنب .. كل مافي الموضوع الله ماكان كاتب لكم هالشي
واذا على ساعة زوجج .. اتصيير وايد احيانا الوحده تدخل الحمام عزج الله وتنسى الساعه او الخاتم
يعني لاتتضايقين وزوجج ماله ذنب .. السالفه انه رب مو كاتب لكم تروحون بهالمره
اليايات اكثر ان شاء الله
هههههههههههههههههههههههه لبا والله عربكم
لا تتضايقون حبايبي الموضوع كله قضاء و قدر مو نحس ولا غيره
وما تدرين يمكن تصير لكم هالاشياء خيره من الله
قدر الله و ما شاء فعل، و عسى الله يعوضج بالأيام اليايه ��
انا عني باخر سفره تعذذذذذذذذذذذذذذذذذبت
مره الفيزا ومرا مافيه حجز
ومرا خفنا الميزانيه ماتكفي
شهرين وانا على اعصابي
والحمدالله اني ماحجزت وصح كانت خيره
لان لو كنت مسافره كان انهبلت وخربت السفره
لان جدتي الحنونه الله يرحمها تعبت يومين ودخلت العنايه وبعدها توفت عساها بجنة النعيم
والحمدالله على كل حال
وبعد عيد الاضحى سافرت وانبسطت الحمدالله والشكر
الله يرحم يدتج
خواتي انا مؤمنه بالله وان هالشي خيره
وعسى ان تحبوا شيئاً وهو شراً لكم
بس انا قلت نحطي سوالفنا ونفرفش و نتذكر هالايام لانها صج مضحكه
يعني انا لما اتذكر هالمواقف صج اضحك واحسب حسابي عدل للمره اليايه
النحس وايد شغاااال عندي هالايااام.
وتجري الرياح بما لاتشتهي السفن ههههه
بذكر وارجع
وترا علي فكره لاعب الكره كله نظامهم مفاجآت الله يعينج
لازم تتكيفين عل النحس خخخخخ
سبحان الله وبحمده
سبحان الله العظيم
هههه صح كلامج ملوع جبدي
لان المدرب ع كيفه يعطيهم الاجازه مرات بعد المباراه يكون يوم اجازه
ويتم شهرين جذي نظامه
من اخطط لطلعه قبل لا افتح حلجي
يطرشون له مسج
فلان ترى باجر تمرين الساعه٥ و اليوم الي بعده اجازه وشكراً
وااااااي اموت قهر يعني ليش غيروا ليش ههههههه
بس الحمدالله ع كل حال الواحد يسعى للرزق ولا محد يبغي التعب
يالله تذكرو مواقف وتعالو حطوهاط
وعسى ان تكرهو شيا وهو خير لكم