التصنيف: الحياة الزوجية

تقبل الله طاعتكم وعساكم من عواده

اختكم ام عمران

بنآت طفشششت من وضععي لي يووومين مااكلم زوجي ولايكلمني
يقط علي حجي يقههر بقولكم شي بصراحه انا فيني كسل بالتنظيف مو ماانظف الا انظف بالاسبوع مره كل شي الحمامات والغرف بس الملابس كل اسبوع مرتين وطبعا المطبخ كل يومم تنظيف زوجي مره دقيق بالنظافه متعععبني وايد يفتح الثلاجخ لقى كوسى لينان قال هذا خربان ورماه زهره مافيها شششي راح رماها ويقط علي حججي موطبيعي انتي ببيت هلج عادي كذا امج الثلاجه انا ماتوقع انه عادي وغير كذا زوجي عععصبي اقوله شي يترجمه شي ثاني ويزعل علي ولين يين ابي اتفاهم معاه بموضوع بكل هدوء يقولي انتي ماعندك اسلوب واسلوبك هذا المعفن ! على طووول يجرحني ابجي قدامه يقولي ابجي انتي ماعندج الا النكد
والله يابنات جم مره تحملت تتخيلو ان حتى بشهر العسل يهاوشني على ترتيب شنطتي يقولي موجذيه ! طيب كل شخص برتبها على مايحب ليه لهواش صار عندي مره نكد هالشهر العسل انطر متى ارد بسس
زوجي جاف عاطفيا يعني ابدا انا موحاسه اني زوجه ولها احترام من كثر الحجي الي يقوله انا ماصارلي سنه من تزوجت وجذيه فكرت حتى بالطلاق من كثر مايجرحني انا طالبه وادرس ومااطبخ ايام الاسبوع نتغدا من المطعم اليوم ياييني بدون غدا انا صحيح غبت مادومت اليوم من نفسيتي الزفته بس مادق حتى علي سألني شناخد غذاء
والله ماكذب عليكمم صالتي مرتبه المطبخ مرتب مافيه شي ولا مواعين حتى متجمعه ماكو غرفه نومنا مافيها شي مومرتب اللهم انها بسرعه يبين فيها الغبار اهي ومكتبه الصاله
بنات والحل مع الزوج العصبي الي يقط كلام والله انا حاسه نفسي محتاجه الحححب موقادره احس فيه
زوجي مايعبر عن مشاعره عنده الحياه يالله نسافر بس وان اهًو يصير مومقصر اذا عطاني فلوس وطلعني ! طيب حبني خاف على زعلي والدمعه من عيوني ماكووووو
والله حرام انا عمري 19سنه بس حاسه ظلمت نفسي

طولي بالج و تعوذي من ابليس

حاولي بس تكونين مهتمه زياده بوجوده

دايما اول سنه صعبه ع الزوجه من ناحية المسؤوليه و التنظيف وانتي طالبه الله يعينج

عندي جم ملاحظه اتمنا تاخذينها بعين الاعتبار

انا والله كنت اعاني من التنظيف خاصتا واني طالبه نفسج
حاولي اول بأول تنظفين لا تخلين اي شي يتراكم

ترا الريال دقيق بطبعه

سوي لج جدول : غسيل الملابس اووول باول و طبعا المطبخ و المواعين

تنظيف الثلاجه كل ٣ ايام جيكي و مسحيها و اي شي مفتوح صار له مده قطييه

مسح الشقه و تنظيفها يوم وترك خاصتا انتي تقولين يبين الغبار بسرعه

كل يووووم بخري و عطري الشقه واهم شي الرييييييحه

و غرفة نومج لا تطلعين قبل لا ترتبين الفراش ،، و تشيلين الملابس اذا كان في ملابس ع الارض

ونصيحه مو على اي شي تبجين
ترا كثرة البجي تعدم احساس الزوج
لا نحاولين تكسرين خاطره او تستعطفينه
قومي بواجباتج ع اكمل وجه و خلي الباجي ع ربج

هاذي الفتره غالبا الزوج يبي يفرض شخصيته

تسلمين حبيبتي ع الرد ريحتيني انا على بالي ان هذي مشكله اواجهها لحالي
ونصيحتك بقوم فيها ان شاء الله
كيف لاكن الين قلبه ماادري نفسيتي تعبت من كذا

قومي بواجباتج كامله

واذا عطاج ملاحظات سمعي لي الاخر و قولي انشالله ولا يهمك بغير طريقتي عشانك

يعني قصي عليه بالكلام الطيب

هذا الي يلين قلبه

ومع الايام و العيال راح يتغير

اي عدل كلام أختي
أنا بعد في بدايه زواجي ولي الحين مرات أتهتوش مع ريلي بسبب مشكله التنظيف

يعني مرات ماألحق أعدل غرفتي وخاصة لفراش نتهاوش على هالسبب
الريال يحب الترتيب وريلد مثل ريلي حييل دقيق ويححب الترتيب

وصج لاتبجين وايد بعدين دمعتج تصير رخيصة
ودايما قوليله كلام حلو وخليه يبادر معاج بالكلام الحلو

تدلعي عليه وتغنجي

وأنشائالله الله يهديه لج

فعلا حسيت من كلامج ان مابينكم حب، خليه يحبج !
هاي اشطر شي تسويه البنت ومافي اسهل منه
وصدقيني بيتغير360 درجه
مشاكلكم عاديه بس بدون حب تحسين بالنكد لان مافي شي يغطي ع شي
ريلج شكله زين بس عصبيته ودقته مخربه عليه
هالنوع لين حبج يصير حنوووون
هدي الصياح خلاص عرفتي نوعه يعتبر هالشي نكد، لما يهاوشج تمي هاديه واطلبي منه بهدوء مايصرخ عليج ويقصر صوته
بس طبعا بدون استفزاز عشان مايذبحج ، وقومي بواجباتج !
بنفسج قايله انج كسوله ، كان ودي اقولج ايبي خدامه بس الصراحه دام ماعندكم بيبي من حقكم اتعيشون مع بعض بروحكم بدون خدم وحد معاكم، ع الاقل 3 ايام بالاسبوع لما يروح الدوام ايبي خدامه الي تشتغل كم ساعه وقبل مايرجع من دوامه رجعيها
الله يسخره لج ويسعدكم

وانسي الطلااااااااااااق مشاكلكم تصير بكل بيت ، يلا هدي الحساسيه الزايده

انا موقصدي انه مايحبني انا اقصد انه مايعبر عن الي بداخله صحيح انه مدللني ومايقصر علي ابدا لي بغيت شي
يعني تعبيره بالفعل انه يعطيني شي ابيه
اما انا من ناحيتي ايه اححبه بس لاعصب تفلت اعصابه وانا ادري ان. من عصبيته يقط كلام لانه يرجع طبيعي وينسى حتى وش صار مثلا هاوشني وبجيت مايدق لي خبر هذا قصدي
وع سالفه الخدامه هذا الي فكرت فيه

حبيبتي مدام عرفتي بعض صفاة زوجج ( عدم التعبير عن مشاعره – دقيق – منظم – نظيف )

اول شي في أزواج صامتين يعبرون عن حبهم بمساعدة الزوجه ، اعطائها فلوس ، بالسفر معاها الخ

وفي أزواج العكس يعبرون بالكلام لكن بالفعل خرطي ، وهالنوعيه بياعة الكلام ينخاف منها ، ف الحمدلله زوجج من النوع الأول

اول شي حاولي تمشين امورج ، يعني زوجج دقيق ومنظم ، شي طبيعي الفوضا راح تضايقه ، بعدين بيتج مملكتچ وانعكاس لشخصيتچ وذوقچ

فأنتبهي ، حاولي تاخذين فره بقسم الترتيب والتنظيف في افكار راح تفيدچ ، دايماً كوني حريصه انه زوجج يأخذ انطباع عنج بأنج نضيفه وسنعه

اعرف واحد متزوج وعنده ٣ اطفال ، زوجته فوضويه حياتها ما فيها تنظيم ، مع الوقت من كثر مايكلمها ويعلمها مل منها ، وبدا يقل تواجده بالبيت

لانه من يقعد يشتغل النكد انت ما تهتم إلا بنفسك ، انت ناسيني وناسي عيالك ، انت ما تحبني ، يقول مليت طقت چبدي من تصرفاتها هذا واحنا ساكنين بشقه

ماعرفة تديرها ، هذا شلون لو نسكن في بيت أتوقع اخيس معاها ، عطيه اللي يبيه وحسسيه انچ زوجه نظيفه وراقيه وتعرف تدير بيتها وتدبر امورها

لاتضغطين عليه بطلب الحب عشان ماتطلعين بصورة مو حلوه چنچ تطرين الحب منه ، نظمي نفسچ ترى مافي ريال يحب المره الكسولة البارده

لاتخسرين زوجج بتصرفاتچ ، انتي تقولين انچ تفكرين بالطلاق ، انا أقول تعوذي من إبليس لانه يمكن حتى زوجج يفكر مثل تفكيرچ ولكن صابر علي تصرفاتك

لاتهدمين بيتچ بسبة الكسل

لا ياقلبي تعوذي من إبليس وهدي
موضوعك ما يستأهل كل هالانفعال وزوجك اغلب الرجا جيل مثله
ودامه مايرفض لك طلب يعني يحبك بس طبيعة اغلب الرجال وبالذات رجالنا يكونون جافين شوي بالأسلوب وما يعرفون يعبرون
البيئه تحكم هالشي
وسعي صدرك وحاولي تركزين شوي على نظافة البيت شوي شوي وبتتعودين ويصير عادي
موفقه ان شاء الله

جنج قعد اتكلمين عني انا نفس حالتج كنت ازعل و اهو يعصب و يصارخ و اوقات توصل له الطلاق على صحنين بالمغسله بعدها صرت احقره يعني هم انا ادميه اتعب و لي مزاج و ماتنقلب الدنيا ولا بينفجر البيت اذا في صحنين او كلنكس طايح عل ارض بدون قصد صار كل مايقول لي غسليهم اقول له حاضر و ان شاء الله و احقر متى ماطق مزاجي اغسلهم و اذا شي طايح عل ارض اقوله انته شيله و حتى ترتيب الفراش على دلع اقوله تكفا تعال ساعدني ليمه عودته اهو الي يرتبه مرتين بالاسبوع من نفسه حتى خليته يخم البيت (:

حاولي تكونين بااارده كثر ماتقدرين لاتبجين و لا تزعلين و عودي يساعدج مثل ترتيب الاغراض او ينشر الملابس معاج على منشر الملابس و شغلات بسيطه طلبيها منه ب دلع ان شاءالله اكون افدج و الله يهدي زوجج و زوجي

و على فكره زوجج نفس زوجي ماييييعرف يعبر عن حبه يعني مستحيل يقول حبيبتي او كلممه حلوه الى بحالات نادره او مصلحه و كلمه احبج ولااااامره سمعتها منه يعبر عن حبه ب غيييييره معتبرني شي ملكه بروووحه يغار حتى من اهلي عاد غيره الريال مو نفس المره اااااافففف غيرة الريال تقث تلوع الجبد بس يلا الله كريم و الحمدلله على كل حال

و انتي لازم تعرفين شلون يعبر عن حبه كل ريال و له طريقته

والله اذا تبين الصج اهوا صعبة انج تصيرين سوبرمان وتنظفين 24 ساعة بس خليني اعطيج حلول

ااذا غسالتج اوتوماتيك خير وبركة اذا عادية حاولي تغسلين الملابس وعلى ماتفر انتي قعدي شوفي التلفزيون وكل ربع ساعة لفيها،، واذا خلصتي خليهم بالنشافة على ماتنظفين اقرب شي لج يعني اذا الغسالة بغرفة يم الصالة اخذي فرة واذا يم المطبخ هم بطلي الثلاجة جيكي
انتي حاولي تتذكرين شنو اكثر شي ريلج انتقده فيج تالي طبقيه جدامه.. يعني لما يكون موجود وقاعد روحي جدامه وسوي هالشي.. والاشياء الثانية ييبي الخدمة اللي تنظيف نص دوام يسوونهم مثلا يطلعون كل اللي بالكبت وينظفونه واذا تبين يعطرونه تالي يردون يرتبون الملابس جدامج.. ويبطلون الدرايش يمسحونها عدل

شوفي قلبي انت مثل اختي كسو وله وتكره التنظيف وزوجها دقققيق

اتبعي هالطريقه مريحه وماتضغطين على نفسك

طبعا المطبخ مثل ماقلتي كل يوم تنظيف

باقي الشغل قسميه على الايام
يعني السبت اكنسي البيت كله
الاحد تمسيح الاثاااث
الاثنين تمسيح الارضيه والثلاجه
الثلاثاء غسيل الحمامات
الاربعاء غسيل الملابس البيضاء
الخميس غسيل الملابس الملونه
الجمعه مره ثانيه غسيل الحمامات وتغيير مفرش نومكم

وكل يوووم الفواحه على طول شغاله وبخوور بعد الغدا

وبكذا البيت على طول نظيف ومافي تعب ابدا ومجهود كبير

ومايمنع بالاسبوع مره تسوين كيكه او حلا او اي طبق تحبوونه

واحب اقولك اشتغلي بوجوووده لان هالنوعيه لازم يشوفك وانت متعبه عمرك وتنظفين

موفقه ياحلوه

حبيبتي اتووقع زوجك طلع من بيئة جااافه يعني مابحياته الا امه اخته بس والباقي
عايش حياته مع الرياجيل سواء فالعمل او برا البيت
فما تعوود على الحب او الدلع او الاهتمام
هالنووع يتعبك شووي بالبدايه بس مع التعوود يجيك تمام لانك تكونين اول وحده بحياته
انتي تعطينه هالشي

هاي بنات

بنات في خاطري سؤال ابي اسأله ابي اعرف بس انا و لا لاء

انا ما اسوي شيره الا بالشهر مره و طبعا بعد مرور اسبوعين من النظافه و النعومه يبدا الشعر يطلع .. بهالوقت ما احب البس شي يديد او شي يكشف الجسم باستثناء الحفر يعني عادي ايدي تطلع من غير شيره اما ريلي نو ويييييييييييييييي مستحيل البس قصير

و انتو شنو نظامكم باللبس اذا ما سويتي شيره ؟؟ عادي و لا تخشين البلاوي لوووووووووووووول

خخخخخخخخخخخخخخخخ

انه اول اسبوعين ابدع باللبس
بعدين كل مالها والهدوم اطوووول
لين ما اخلي كل شي بالظلمه

ههههههههههههههه

قبل كنت اقول ريلي ما يشوف و بعدها انتبهت على نفسي قمت البس المشخل عشان لا يبين الشعر

و على قولة ام فطوم كل ماله يطووووول

لووووول ام فطـــــــــــــــوم ظحكتيني

لا انا كل اسبوع اجيك على الشعر لأن الحبيب يدقققق واايد .. الله يقطع ابليييييييييسه ((نظيف زيادة عن اللزوم يتعب وايد )) مع انه مايبينلي بس احس فيه .. حتى مرة قالي انتي مسويه ليزر حق جسمج كله شنو !!!

طبعا حدي كيييفت من سؤاله لانه يدل على انه تعبي ماراح هدرررررررررر

فتلاقوني كله كاشخة وقاعدة

حطو اكسجين زين حق الشعر اللي توه قصير..

حبيبتىom_BaRRakكل كم اسبوع تشيلين وبشنو يعنى بالشمع او الشيره العاديه وبمشغل او انتى بروحج ياليت تفيدينا

انا بصراحه ماجربت ليمالحين انه احد يدقق بجسمي<<قريب بتعانين

شوفي خواتي بصراحه يشيلون بالشهر مره بس اذا طلع الشعر يشيلونه بآلة براون البنفسجيه اللي بالغانم اللي ايي معاها قالب ثلج حلوه حتى للمناطق الحساسه .. فانتي جذي تنظفين نفسج اول باول

او يشقرون باكسجين ومع اللوشنات دايم والاهتمام فـ ماراح تتغير النعومه وااايد

وااااااااااي الله يعينا

ودي اسوي ليزر وافتك

دام في رياييل دعلللللللللله

يبونا قطن مو بنات

لوووووووووووول اثاري كلنة جذي هههههههه اول اسبوعين انهبل بعدين كل لبسنة يطووول

والله بنات انا كنت مثلكم اول الحين بس شريت ماكينة براون اللي شكلها جنه مثلث وكل اسبوع او 10 ايام اشيل ايدي وريلي والحمدلله تشيل حتى الصغار وماتعور نفس المستطيلة جربوا هالطريقة وادعولي

واللة انا جذية بعد بالشهر مرة اشيل بعد الدورةسواء جسمي او المنطقة الحساسة
بس شريت ماكينة براون على اساس انظف كل اسبوعين بس واللة ماارتحت بنات من اشيل فيها 3 ايام ولاطالع الشعر وخشن شوية مونفس شعري الطبيعي فقمت واللة اخليها مااشيل فيها وعادي البس برمودات وقصير ليش احكر عمري عشان تناتيف شعر يعني موحيل طويل يدوب يبين…

وانا مثلج وافيه
المكينه من اشيل فيها يومين والثالثه بدا يطلع الشر
لا ويفشل يطلع يقزز

وحسره علي اشيله بشيره لانه صغير فأضطر اشيله بمكينه من يديد

بس عادي والله البس قصير وشورتات

اذا كلش استعمل هالي هانسر

واي عاد امس على بالي اسئل هالسؤال

بنات شنو الحل يعني
والله انا اشيل مره بالشيره
واذا طلع شلته بالمكينه
الحين قام يطلع صوب وصوب مايطلع شالحل؟
وجذي يتأخر علي مايطلع يعني حتى عقب الدوره مااروح الصالون لانه موطلع كله

بس اذا على اذا على البس واكشخ وقصير
لانه مايبين علي اذا طلع الشعر

والله انا ايدي وريولي ايهونون!! وريلي حمدالله ما ايعلق علي لووووول وابدع على كيفي في شعر مافي عادي عندي ما ابيه ايدقق وايد لازم ايشوفني اب كل الاشكال عشان لمن اصير على سنقه عشره!! ينبهر لوووووووووووووول

بس اخر مره انصدمت لأنه اول مره ايعلق على ظهري ايقولي فيه شعر ما يصير تشيلينه؟؟ لووووووووووووووول قممممممممممممممه الدقره!!!

B]انا اول سنه من زواجي كنت اشيل اول باول بمكينه براون حتى زوجي قالي انتوا يا الحريم ما يطلع فيكم شعر ؟
ويطول ما يطلع بس مره ما شلت بمكينه قلت ابي شيره علشان يشيل الجلد الخفيف ونطرت قتره ورحت الصالون قالت لي انتي تشيلين بمكينه قلت صح شدراج ؟قالت شوفي واجد اكياس شعر داخل جلد وصايره كنها حبوب والله انها صاجه
هالاكياس ماطلعت فيني الا عقب هالمكينه وعقبها تبت !بس ارجع لها في حاله الطوارئ]

بــ،،،ــم الله الــرحــمــن الــرحــيــم

مذكراتي الكتاب مبين من عنوانة راح تكون فيا مواضيع مهمة وشيقة ومفيدة

تفيدنا وتعلمنا لمستقبل مشرق في عالم الحياة الزوجية

وشــكــرا

أختكم د.حنان أم علي

موفقه اختي بالموضوع

وان شا الله
نستفيد
معاج
من خبرة الحياة

اإن الزوجة الذكية هي التي تستطيع أن تتعامل مع زوجها بمهارة وفن ، فكلنا نعلم أنه لا يوجد هناك زوج يتصف بالكمال لذالك نجد في شخصياتهم بعض العيوب ولذالك يجب علينا مراعاة ذالك عند التعامل معهم وهنا يأتي السؤال كيف يكون ذلــــك ؟
وباختصار فإن الإجابة تكون معرفة الزوج ، أي من الأزواج هو ؟؟ ومن ثم تحديد طريقة التعامل التي تناسب نوعية الزوج وطبيعتــــــه …. ولذلك فإننا سنقوم بتقسيم الرجال على حسب صفاتهم وسنحدد كيفية التعامل مع كل صفة :

الزوج ذو الطبع الحاد ( العصبي ) :

إن هذا النوع من الرجال هم الذين تتنرفز أعصابهم ويغضبون لأتفه الأسباب ولذالك يصعب علينا التعامل معهم بيسر وسهولة ولكن لا مستحيل في سبيل تحقيق السعادة الزوجية !

وحتى لا تخسري زوجك العصبي لا تدخلي معه في مناقشات حادة , وإذا وجدته ثائرا يجب عليك أن تتركيه حتى يهدأ وبعدها تأتـــي ردة فعلك المملوءة بالعطف والهدوء بعيداً عن العصبية والانفعال الزائد وبعدها ستلاحظين أنك قد سيطرت على الموقف واستطعت امتصاص غضب زوجك وكسبت وده.

الزوج الذكي :

هذا النوع من الرجال الذين يحبون القراءة والكتابة والإبحار في العلم والعلوم , ومن أجمل صفاته هي أنه يأخذ الأمور بمنطق العقل . وأنا استغرب من بعض النساء الذين لا يحبون هذا النوع من الرجال ؟؟ لا أعلم لماذا !!

الحل عزيزتي هو أن تظهري حبك لذكائه بأن تسئليه أي سؤال يجول في خاطرك .. أي أن تكوني تلميذته في الصف ، كي يجيب على أسئلتك ويستعرض عضلات عقله وقدراته ومعلوماته أمامك ، وعليك في كل مرة أن تشكريه وتمتدحي معلوماته وذكائه ..

الزوج البارد :

يتصف هذا النوع من الرجال بصفة تلخصها الكثير من الزوجات بعبارة هي ( عدم الإحساس بالعاطفة ) .. باردون كقطع الثلج ، صامتون كالأحجار .. يتميزون بالغموض الدائم .. ويفضلون الصمت دائماً على الإفصاح عن مشاعرهم ؟

الحل هو أن تعامليه بهدوء وتحفظ ولا تحاولي أن تفتحي معه أي موضوع أو نقاش بل اتركي له الأولوية دائماً في فتح المواضيع والنقاش فيها لأنـــك لو حاولتي الدخول معه في مواضيع ومناقشات فبالتأكيد أنه من الممكن أن تسمعي منه رداً لا يعجبك وخاصة إذا لم ينال الموضوع رضاه .. وحاولي أن يكون ردك دوما مختصرا و موجزا ، وكي تنالي عطفه عبري عن حبك له وقابليه دوما بوجه مليء بالحب والحنان .

الزوج الغير حضاري ( الزوج الدهري ) :

هو الزوج الذي لا يحب التطور ويتمسك بعادات وتقاليد أجداده .. ويظهر هذا في طريقة لبسه للملابس العادية .. وهاتفه المحمول قديم .. فهذا الصنف قنوع بنفسه ، وكثيرا ما نجد من النساء لا يحبون هذا الصنف من الرجال والسبب أنهم لا يجدون الحرية معهم ؟؟ والحرية التي يقصدونها قد تكون يف رغبتهم ( مثلاً ) في لبس العباية المخصرة والمزركشة .. وغيرها من الملابس العصرية ..! الحل عزيزتي هو أن تكوني كابنته الصغيرة التي تطيع أباها وتأكدي أن هذا النوع من الرجال يخاف عليك من الفتن في زمن انتشر فيها الفتن فأطيعيه ولا تعانديه وإذا فكرت قليلا ستجدي انه لا يريد إلا مصلحتك وستكونين معه أنت الرابحة في الدنيا والآخرة بإذن الله تعالى ..

وبالنسبة لمظهره فحاولي بأسلوب لبق ولا يجرح مشاعره أن تشجعيه على لبس كل ما هو جديد كأن تشتري له ملابس كهدية أو تمتدحي نوعية معينة من الملابس أو الألوان حتى يرتدي مثلها دون أن تؤذي مشاعره أو تسببي له الإهانــــة .

ويتبع. . .

الزوج الأنيق ( عاشق المظاهر ) :

هذا الصنف من الرجال هو الذي يعشق المظاهر ويظهر هذا في ملبسهم ومسكنهم .. فهذا الصنف يحب شراء الأشياء الفخمة والثمينة والتفاخر بها أمام الناس. والطريقة للوصول إلى قلبه هو معدته وأيضا اهتمامك بان يعيش في جو جميل مزين بالورود والإكسسوارات المختلفة واهم من ذالك هو اهتمامك أنت بمظهرك وان تطلي عليه كل يوم بثوب جميل وأنيق فهذا الصنف من الرجال يعشقون الجمال ويجدون المتعة في النظر إلى الأشياء الجميلة لذالك أحسني في اختيار لبسك وترتيب منزلك ، ولكن تذكري أن هذا لا يعني الذهاب إلى البنوك والاقتراض منها من أجل ( المظاهر الكاذبة ) أو حتى تبديد المال والثروة في هذه الكماليات فحاولي دائماً نصحه وتوجيهه إلى الاقتصاد وعدم الاقتراض والحياة على قدر الدخل الموضوع لأن الله سبحانه وتعالى قال ( إن المبذرين كانوا إخوان الشياطين ) .

الزوج الهمجي :

هو الزوج الذي لا يحسن التصرف مع زوجته بمعنى ليس لديه أسلوب لبق في التعامل معها ويعتبر زوجته كعاملة لديه تطيع أوامره وتنفذها من دون اعتراض .. الحل هو مهما كان طبع زوجك فكلنا نعلم أن الزوج يصبح طفلا إذا استطاعت الزوجة أن تكسبه بطريقة ذكية وأما عن أسلوبه فحاولي أن تجلسي معه جلسة مصارحة وتحاولي أن تصارحيه بطريقة حنونة ولبقة أن يغير أسلوبه معك ، فكوني دائماً كالمياه الباردة التي تطفئ النار المشتعلة وتذكري قول الله تعالى : ( إنما يوفى الصابرون أجرهم بغير حساب ) .. لذلك تقربي منه وأظهري حبك وحنانك واهتمامك والأهم من هذا ( طاعتـــــــــــــــــك ) فكوني دائماً الزوجة المطيعة الخادمة لزوجها ولكن هذا لا يعني قهرك وإذلالك ولكن من أجل الحفاظ على بيتك وأسرتك سارعي إلى إجابة مطالبه دون تسويف أو تفويت وإذا قال لك شيئاً أو أمرك بأمر وبطريقة استفزازية أو بلهجة صارمة وقاسية حاولي أن تطفئي غضبه بقولك على سبيل المثال ( من عيوني يالغالي ) ( أنت تآمــــــر أمــــــر ) ( حاضرين للحلوين ) وهكذا … وبهذه الطريقة تطفئي غضبه وتنالي محبته وتحافظي عليه .. ولا تقولي له أبداً العبارات التي تخلق المشاكل أكثر وأكثر مثل ( أنــــــا لست خادمتك ) ، ( لست عبدة عندك اشتريتها بمالك ) ، ( لا لــــــن أفعــــل ) … كوني يا عزيزتي المرأة الذكية العاقلة ، المطيعـــة الصابرة .. ألا تعلمين أن الصابـــــرة والشاكــــــرة في جنة عرضها كعرض السموات والأرض ؟!؟!

الزوج الحنون :

هو الزوج الذي يحب إسعاد زوجته ويحزن عند حزنها ويتألم لألمها وتراه دائماً يحب مساعدتها في الأعمال المنزلية لكي ينال رضاها .. وللأسف فإن الكثير من النساء يعتقدون بأن هذا يدل على ضعف في شخصيتهم .. (لا يعجبهم العجب ولا الصيام في رجب ) ومهما كان حنيته فإنه إذا ثار فانه سيثور كالبركان عليك ، والحل هو أن تتعاملي معه مثلما يعاملك بل وأحسن مما يعاملك ( هل جزاء الإحسان إلا الإحسان ؟! ) ..

الزوج العنيد:

هذا الصنف من الرجال هو الذي يعشق النظام والانتظام .. ويصعب علينا التعامل معهم إلا إذا تعاملنا معهم بمهارة وفن ، والحل هو عدم خروجك من نظامهم وتعليماتهم وعبيره عن حبك .. وامدحيه حتى تكسبي ثقته وحبه .. وانتبهي بان لا تدخلي معه في نقاش حاد لأنك في الآخر ستكونين أنت الخاسرة الوحيدة ! … لذلك حاولي مناقشته بأسلوب هادئ ورزين ، واعرضي نصيحتك بطيبة وعفوية دون محاولة إجباره على أخذها ، وإذا رأيته يحاول أن يفعل أمراً خاطئاًَ ولا يريد الأخذ بنصيحتك فانصحيه بالذهاب إلى أصدقائه وأقربائه والناس الطيبين لسؤالهم وأخذ مشورتهم حتى يقتنع لما هو خير لكم إن شاء الله ..

ويتبع. . .

الزوج المراهق :

هو الذي لا يكتفي بالنظر إلي زوجته بل تراه ينظر إلي النساء الأخريات ، ربما لديه مغامرات نسائية تسمعين عنها ولا تدرين ، ربما تجدين أدلة في ثيابه أو بين أغراضه على مغامراته فنصيحتي إليك تكمن في عدم البحث والتلصص لأن البحث والتصلل وتفتيش الجيوب يؤدي إلى مصائب أدهى وأعظم ، فهذا النوع من الرجال يعاني من ( نقص ) يراه فيك ولذلك سعى إلى البحث عنه عند الأخريات ولذلك حاولي الاهتمام بنفسك وبمظهرك وغيري من أسلوبك في الكلام معه واجعليه يحس بمحبتك إليه وشوقك له وسارعي دائماً إلى السؤال عنه وإرسال الرسائل القصيرة التي تذكره بحبك له وإعجابك به وتقدمي منه عندما يعود إلى البيت وقبليه بين عينيه وأظهري له محبتك وحنانك وكوني كل يوم امرأة جديدة حتى يعود إلى بيته وأسرته وهذا أفضل بكثير من البحث عن ( البلاوي ) وتضخيمها وخلق المشاكل حولها ، وتذكري عزيزتي بأنك زوجته الأولى وأنه مهما ابتعد سيعود إليك طالما يجد عندك الحضن الدافىء والسكن المريح والمحبة التي لا نهاية لها !!

الزوج الرومانسي :

للأسف هذا الصنف من الرجال قليلون .. فهذا الصنف يجيد ممارسة الحب والكلام المعسول .. ويعبر عما في داخله بسهولة .. فهذا هدية عمرك فحاولي الحفاظ عليه وكوني دائماً أكثر رومانسية منه وكوني له مثلما يريد حتى تحققي معه السعادة الزوجية بإذن الله تعالـــــى ..

•همسة : عزيزتي اعلمي أن داخل قلب كل زوج كنز من العاطفة والرومانسية وهذا لن يظهر إلا إذا اجتهدت في تحسين معاملتك مع زوجك .. فلا تحاولي أن تحولي حياتك إلى جحيم فالرجل يتحول إلى طفل صغير إذا استقبلته بعد عودته من عمله بمظهر لائق وكلام رقيق ومعسول مهما كان طبعه أو كان مرهق بعد عودته من العمل أو واقع تحت أزمة مالية . فلا تشتكي دوما من طبعه الحاد وخروجه دوما من المنزل ولكن اسألي نفسك وراجعيها .. ستجدي أنك قد قصرت معه في شيء ..

فاجئيه دوما بالهدايا والكلمات الجميلة فالمرأة قلبها مملوء بالعواطف والمشاعر وتجيد استخدامه أكثر من الرجل فاستغليه حتى يتعلم هو كيف يحب مثلك وتكسبينه في النهاية

وشــكــرا

أختكم د.حنان أم علي

ماشاء الله عليك

متابعه

والله يجزاج الف خير يا الغاليه

ما شا الله
خوووووش موضوع

صج استفدت

رفع

يعطيج العافيه

متابعيييينج اتمني يتبثت الموضوع لانه بيكون فيه فايده للكل

يعطيج الف عافية

بــســم الله الــرحــمــن الــرحــيــم

الموضوع الثاني: ( فيتامينات أسرية )

إلى كل أسرة حريصة على السعادة الحقيقية، أقدم لكم
مجموعة جديدة ومتميزة من … الفيتامينات الضرورية
لصحة أسرتك النفسية

فيتامين (ر)روحانيات
يوجد في: جلسة إيمانية من ذكر أو تدارس علم نافع يرقق القلوب أو تفكر، أو الاتفاق على طاعة تقومان بها مع الأولاد، ويكفي تناول هذه الجرعة مرة واحدة أسبوعيا على الأقل.
أهميته: ضروري جدا لتجديد كرات الدم الإيمانية، وإزالة الصدأ الناتج عن ملوثات الحياة، كما أنه يقي القلب من الفتور الإيماني الذي يعكر صفو الحياة.

فيتامين (ت) تسامح وتغافر
يوجد في: لحظات صفاء، تتعاتبان فيها برقة وبصوت هادئ يملؤه الود والحب الحاوي بقلبكما، وتتصارحا بكل ما يجيش في صدركما.
أهميته: يحمي الحياة الزوجية من تراكم الهموم والضيق الذي يؤدي إلى انفجار شرايين الحياة الزوجية.

فيتامين (م) مشاركة
يوجد في: تعاون كل منكما في كل قرار يخصكما معا أو يخص أولادكما ، حتى وإن لم يأخذ الزوج برأي زوجه ، فيكفي أن يستمع إليها ويشعرها بأهمية مشاركتها له.
أهميته: للوقاية من حمي الأنانية أو التفرد.

فيتامين (هـ) هدية يوجد في:
هدية رمزية غير مكلفة يقدمها كل منكما للآخر أو على الأقل رسالة معبرة يعبر فيها كل منكما عن مشاعره الطيبة تجاه الآخر.
أهميته: يقي من نزلة البرد العاطفية، والروتين والملل الذي يصيب الحياة الزوجية، كما إنه يجدد دماء الحب.

فيتامين (ح) حب
يوجد في: كل نظرة ولمسة أو لفتة وهمسة، أو كل قول وفعل يعبر عن حب كل منكما للآخر وحبكم للبيت والأولاد.
أهميتة: يكسب البيت مضادات حيوية ضد عدوي الهم ، ويشيع جوا من الصفاء والالفه في البيت.

وشــكــرا
أختكم د.حنان أم علي

بــســم الله الــرحمــن الــرحــيــم

الموضوع الثالث: (كوني زوجته الثانية قبل ان يأتي بها….!!!!)

ولكن كيف ؟؟

انتِ تخافين من مجرد ذكر إسم الزوجة الثانية ، فما بالك لودخلت عليك ؟

انتبهي لزوجك وخاصة عندما يذكرها أو يجيب طاريها ، ولا تكوني جاهلة مثل غيرك بحيث تجادلينه وتتمنين عليه بقولك

له : انا مافيه مثلي وشوف الحريم الثانيات وش مسويين برجالهم ، وأحمد ربك انك اخذت زوجة فيها كذا وكذا

وكذا …………………..الخ …الخ ….الخ …..

لا ثم لا ثم لا ..!!!

وإنما يجب عليك ان تكوني ذكية وتكسبي المعركة منه !!

ولكن كيف ؟؟؟

اعلمي اولاً أن كل علاقة زوجية وجب عليها ان تمر بفترة من الفتور ، وهذا شيء طبيعي وليس عيباً ، لأنه حافز الى

التجديد ، وليس هذا عيباً بل العيب ان يستمر الفتور ، ولهذا يجب اتجددي في حياتك وتدخلي اشياء جديدة !! ولا أقصد

من هذا ان تخرجي عن حدود المشروع ! لا …. ولكن اعرفي منه ماذا يريد !! وهاك الطريقة :

1- بمجرد مايذكر اسم الزوجة الثانية ، قولي له : ثق تماما ان ماعندي هو نفسه اللي عندها ، وإذا ما عندي انا مستعدة

اعطيك اياه بس انت اطلب واتمنى ياحبيبي .( وبها الطريقة تكوني سدستي الباب عليه في الجولة الأولى ) .

2- يمكن يطلع ذكي ويقول : بس انت ماتعرفي الشيء الفلاني والشيء الفلاني ووووو…………………..

عندها قولي له : انا مستعدة اتعلم اي شيء ، جيب لي كتب جيب لي اشرطة جيب وجيب وجيب وووووووووو

وها انت كسبت الجوله الثانية .

3- وإذا قال : انا ما اشوف فيك عيب بس مافيهاشيء لو أخذت ثانيه ، وانت تعرفين انه حلال ، وانه ، وانه ……………

والصحابه سووا والتابعين وقبلهم الرسول الآمين ….ويصير عليك فقيه زمانه ويجيب لك كل الأدله اللي ماتخليك تحوسين

طيب كيف تكسبين هالجولة ؟؟؟؟؟

كي تكسبي هذه الجوله الأخيرة ، لا تخلينه يوصل لهذه المرحلة ، وصدقيني لو كسبت او ل جولتين ما حايفكر بالجولة

الثالثة ( إذا براسه عقل ) ، لأن الحريم مثل بعض بس يختلفون في حسن التصرف مع زوج ، وحسن التصرف يدور على ثلاث

أمور لا رابع لها :

أ- إذا امرك تطيعينه

ب- وإذا نظر اليك اعجبتيه وسر منك

ج- وإذا غاب عنك كنت خير خليفة له في بيته

وهنا امثله عملية سريعة …..

اعملي مفاجآت له ، في الملبس والمأكل والمفرش والزينة وات بالجديد

لا تنتظري منه ان يطلب اي شيء بل بادري بالعمل .

تحيني فرص اسداء المعروف له وابذليها لأنه إن رأى ذلك منك كافأك بأضعاف ماتحبين.

الزوج يعود طفلا إذا صار مريضا أو متعبا عندها ابذلي له من الحب والحنان وكلمات الحب الشيء الكثير لأن هذا الشيء

لايجده في العمل.

افتحي معه مواضيع حوار هو يجيد الحديث فيها ولا تختلفي انت معه عليها وكوني مستفيدة إن كا ن عالما .

الأزواج يأتون متعبين من العمل كلهم ، وهذه فرصة رائعة لك كي تقتربي منه اكثر وهو بأن تعملي له مساج بسيط لا

يتعدي عشر دقائق يستعيد فيها نشاطه ، وهناك كتب متخصصة في هذا الشيء ، كما انه فن من الفنون التي يتقنها

النساء الآسيويات ، ولن تصدقي مدى العائد النفسي على الزوج من جراء ذلك ، ولن تصدقي حتى تجربي !!!!

إني اعرف اناسا كانو يشترون باقات الورد الفواح وينثرونها في كل ارجاء البيت وخاصة على سرير النوم ، وهذا فيه

شيء من التجديد للزوج ، وإن لم يكن زوجك يعرف بعض اهذه الأمور فعلميه ، لأنه سيعجب بك اكثر وخاصة إذا علم انك

تفعلينها من أجله .

وهناك من الزوجات من اقترحت على زوجها فصل جميع خطوط الهاتف لمدة يومين كي تنعم معة بخلوة ليلة عرس !!!!!!!!!

ولو ان كل واحدة منكن فكرت لأتت باشياء جميلة بل رائعة وكثيرة ، والنساء افضل بكثير من الرجال في عناصر

المفاجآت

وشــكــرا
أختكم د.حنان أم علي

ممتاز ام على كملى ننتظرج

بــســم الله الــرحــمــن الــرحــيــم

الموضوع الرابع: ( زوجك أولى بعفوك )

كثير من الزوجات يبحثن عن سر السعادة الزوجية .. ويتمنين رغد الحياة وطيب العيش مع أزواجهن بلا منغصات ، لكنهن لا يبذلن شيئا لتحقيق ذلك ، ويعتقدن أن تلك مسؤولية الزوج ، فهو الذي يجب أن يبتسم ويلاطف ويداعب ويتسامح ويقدر الجهد التي تقوم به الزوجة في تربية الأولاد وترتيب البيت وتجهيز الطعام وغير ذلك من الأمور المرهقة !!!

إذا كان بيت الزوجية ميدانا تتصارع فيه الأفراح والأتراح … فإن هناك سراً عجيبا وبلسماً شافي إن اكتشفته سيضفي على حياتك مزيدا من السعادة والسرور وراحة البال ..
إنه العفو والتسامح والتجاوز وكظم الغيظ …. فقبل أن تكوني زوجة .. فأنت إنسان تحبين من يتجاوز عن زلاتك .. وتقصيرك .. وأخطائك ..

وتتمنين أن يحلم الناس عليك ، ويتسامحون معك.. وها أنت الآن قد أصبحت أميرة في مملكتك الصغرى فعفوك نافذ .. وصفحك مؤثر ..
فما ظنك بإساءة وجهها إليك زوجك قوبلت منك بكظم الغيظ والصبر ثم العفو والتسامح !! وبعدها لا تسألي كيف نفذت إلى قلبه وتملكته ؟!.. بل وألجمت حتى لسانه فما عاد قادرا على التعبير عما بداخله لماذا ؟!.. لأنه علم أنه أخطأ في حقك أو جرح مشاعرك أو تعدى عليك .. في الوقت الذي وقفت أمامه طودا شامخا بالعفو والتجاوز!!

قد تقولين : إن ظلم هذا الرجل لا يطاق .. أو أن مشاكله لا تحتمل , أو .. أو .. لكن رويدك .. ألا تحوي حياتك معه ذكريات جميلة بينكما حتى وإن كانت قليلة ؟؟! فلماذا النسيان عند لحظات الشدائد والمنغصات ؟!
من الإنصاف أن لا تنسي معروفه مهما تبدلت عليك الأيام ومهما تغيرت الأحوال .. وألا تجحدي خيره ولو كان قليلا .. ولا تكوني ممن يكفرن العشير ويرفعن شعار "لم أر منه خيرا قط" !!
إن الزوج مهما كان عظيم الكيد والبطش والظلم إلا أنه يظل محتاجا إلى زوجة يأوي إليها طالبا ودها ورحمتها فلا تقفي أمامه دائما مطالبة بحقك بل اكظمي غيظك وانسي أحيانا أن لك حقا عنده وتجاوزي عن زلله طمعا في كسب وده وحبه واحترامه ، وطمعا فيما عند الله للصابرين..

وإن جالت بك نزوات الشيطان وأيقظت في نفسك محبة الانتصار فاستحضري ثواب كاظم الغيظ ، وتذكري المواقف الطيبة والذكريات الجميلة التي جمعت بينكما والتي كان الود والألفة فيها طيورا تغرد في جنباتها ، وبعد ذلك فقط ستعلمين أن لزوجك حقا عظيما لا تفي السطور بذكره .. فارجعي إليه واكتنفيه بعظيم عفوك ورحمتك .. وحينها سترين كيف أصبحت حياتك أكثر سعادة

وشــكرا
أختكم د.حنان أم علي

الجنس صيدلية كاملة

مارس الجنس كل يوم يغنيك عن زيارة الطبيب

فوائد ممارسة الجنس

1. في مقال بجريدة الرياض للدكتور احمد حنش رئيس قسم المسالك البولية في المستشفى التخصصي بالرياض أوضح أن الإكثار من الجنس ليس مضرا كما هو الحال في العادة السرية لان الجوانب النفسية والفسيولوجية المصاحبة لجماع الرجل للمرأة تختلف عن تلك المصاحبة للعادة السرية. بل أن الجنس مثل اللياقة البدنية ,تزداد قوتك الجنسية كلما أكثرت من ممارسة الجنس وتضعف كلما قللت من الجنس والاحتفاظ بهذه اللياقة يؤدي إلى عدم الإصابة بالعجز الجنسي عند التقدم في السن .ولكن يجب مراعاة ظروف الطرف الأخر عند الإكثار من الجنس .
2. ممارسة الجنس بانتظام يقي من الاكتئاب ويخفف حدته بالنسبة للمصابين به ويحسن الحالة النفسية عموما للجنسين .
3. ماء الرجل له دور في حفظ المهبل والرحم من الالتهابات والإفرازات والجفاف.بث مركز أسيا للشئون الأسرية بالرياض رسالة لمشتركيه عبر الجوال ( علما أن غالبيتهم من النساء ) إن هناك دراسة أوضحت أن مني الرجل يلتصق بجدار رحم المرأة ولا يزول إلا بعد ثلاث حيض وهو يعمل بذلك كمضاد حيوي يحافظ على الرحم من الالتهابات والبكتيريا .
4. وجد أن الرجال الذين يقومون بالعزل ( القذف خارج الرحم ) تصاب زوجاتهم بصداع ويزول هذا الصداع عند القذف داخل الرحم.
5.خلاف قوي يؤدي إلى الخصام والتجافي بين الطرفين قد يزول بعد عملية جنسيه رومانسيه في عتمة الظلام.
6. المرآة قويه في منطقة الحوض وممارسة الجنس تزيدها قوه لأنها تتحمل ثقل جسم الرجل عليها وضربه القوي لهذه المنطقة وتزداد قوة الضرب كلما قربت لحظة الاورقزم (القذف) مما يشكل تمرين رياضي جيد ومتدرج للمرأة أما استفادة الرجل البدنية فواضحة ولا تحتاج إلى شرح .
7. الجنس هو عنوان الحب تأكد أو تأكدي انه عندما يكثر الطرف الأخر من طلبك إلى الفراش انه يحبك ويزداد وله و ولع كل طرف بالأخر أثناء العملية الجنسية ولا يتوانى عن الإفصاح له أو لها عن ذلك بقوة.
8. الجنس يقلل من الخيانة الزوجية وخاصة عندما يتجاوب كل طرف مع أحلام ورغبات الطرف الأخر في الجنس وان كانت غريبة مثل الرغبة في تقبيل الفرج أو لعقه أو مص الذكر ( وهناك فتوى بجواز ذلك )أو الرغبة في تغيير المكان أو الزمان كاستئجار غرفة في فندق للساعات فقط لمجرد ممارسة الجنس أو الرغبة في ممارسة الجنس في أوقات غريبة مثل الصباح الباكر . إشباع هذه الرغبات يصرف النظر لأي طرف في التفكير في شخص أخر.
9. كشفت الاختبارات العلمية إنه عندما تمارس المرأة الجنس ينتج جسمهن كمية مضاعفة من هرمون الأستروجين و الذي يجعل شعرهن لامعا براق و جلدهن ناعم.
10. ممارسة الجنس بطريقة هادئة مسترخية يقلل من نسبة التعرض إلى الأمراض الجلدية عموماً و الالتهابات الجلدية و النمش خاصة.
العرق المنتج في عملية الجنس ينظف فتحات الغدد العرقية و يجعل الجلد لامعا.
11. عملية الجنس تحرق السعرات الحرارية التي تجمعت من جراء تناول عشاء دسم
12. الجنس هو اسلم رياضة من الممكن ممارستها.
هذه الرياضة تمدد و تضبط عمل كل عضلة في الجسم تقريباً.
إن ممارستها أكثر إمتاعاً من ممارسة سباحة 20 شوطاً جيئة و ذهاباً في البركة بالإضافة إلى ذلك فأنت لا تحتاج إلى حذاء خاص بها

احنا حاصلنا وقايلين لا ..؟

يعطيج العافيه عالموضوع ..

اييي عفيه علينا نحن الاناث

يعطيج العافية

يعطيج العافيه عالمعلومه

في معلومات أول مرة أسمع عنها

شكرا

مشكووره حبيبت اي هذا الصج بعد انشالله الكل يطبق العلم بحذافيره ههههههههههههه

هههههه عجيبة ردودج اشتياق تهبلين … و مشكورة اختي صاحبة الموضوع على هالمعلومات الحلوة

سبحان الله

مو احنا دايما نروح الصيدليه حق الالتهابات والسوالف

هههههه الله يعين يارب وسبحان الله انه حط هالفوايد فيه
تسلمين اختي لا خلا ولا عدم

لوووول اشتياااق

مشكوره صاحبه الموضوع

تسلمييين حبوبه خوش موضوع

السلام عليكم

يامتزوجات ساعدوني

انا مملكه وببيت اهلي
واكلم زوجي تلفون وعادي نتكلم بالماسنجر

طبعا انا خايفه موووووووووووووووووووووووووووووووووووووووووووووووت من يوم الدخله
طبعا كاي بنت بتخاف

هو بعا يحاول يهديني والى الان ماوصلنا للكلام الصريحه يادوب يقولي كل شي بالهداوه واهم شي تكوني راضيه

ولاتخافي كل شي بيعدي وكده

المهم بنات قبل يومين
كنت ادور بالنت
لقيت كتاب رومنسيات وكتاب تاني اسمه الابداع في فن الاستمتاع

رحت حملته
وكنت اكلمه مايك
وقلت له لقيت كتاب اسمه رومنسيات
قال يالله اقري وخلينا نثقف وقعدنا نقرا
والكتاب مررررررره عادي ومافيه كلام جرئ ولاشي
المهم انا الهبله
احسب الكتاب التاني مثله رحت ارسلت له كتال الابداع وقلت له
بس نخلص من اول كتاب نقرا التاني وبكره نتناقش باللي فيه لانه الوقت تاخر
قالت طيب
وحمل الكتاب وقريت اول سطر وقلت له نعست بروح انام وبكره بكمل الكتاب قال خلاص وانا كمان بقرا شوي وبروح انام

والاخ قعد يقرا ومن كثر الحماس راح اخذ الاب توب معه الشغل وكمل قراءه

اتصل عليه الصبح
قال ايش هذا الكتاب قلت شفيه حلو والا لا
قال يؤيؤيؤؤؤؤ جرئ مره
لاتقريه وامسحيه من جهازك قلت له طيب
بس بعدين لاتقولي انا هبله وماافهم

لانه بصراحه بنات مااعرف شي بالزواج وهو كان يقولي تعلمي واسالي خواتك وهيك
المهم قلت له مسحته بصراحه كذبت عليه وخليت الكتاب
ولما قفلت رحت فتحته ولقيته جرئئئئئئئئئئئئئئئئئ حييييييييييييييييييييييييييييييييييييييييل
كل شي مكتوب عن الزواج انا انصدمت اشياء اول مره اعرفها

دق عليه قلت شنو تسوي قال اقرا بالكتاب قلت له
امسحه دام خليتني امسحه قال بشوف قال والله انا خايف عليكي عشان كده قلت لك امسحيه لانه اعرفج خوافه

بصراحه بنات هو لو قال لي ببوسج انا انتفض هذا وهو بالتلفون عشان هيك خايف عليه من الكتاب وانا فاهمه وجهه نظره
المهمقلت بعدين بصير هبله ومااعرف شي
قال انا ابيج هبله قلت خلاص علمني قال لما ندخل نتعلم سوا مانبي لاكتب ولاشي تعلمنا

المهم سكرت على الموضوع

بنات اللي بعرفه الحين انا غلطانه صح اني عطيته الكتاب
فتحت عيونه على اشياء كثير
شسوي اقوله يمسحه واصمم عليه وا اطنش

وربي بس قريت الكتاب خفت خوف شكلي بهون عن العرس معلومات اول مره اعرفها بجد انا هبله ومااعرف شي

والا اقرا الكتاب واثقف ولما يسالني اسوي هبله

انتي هبلة مع احترامي يعني :
اهو ريال عادي عنده لو عرف بهالاشياء بس انتي ماشوف ان له داعي تتعمقين بهالمعرفة اكثر من جذي !
و بعدين ترا الريال يحب زوجته قطة مغمضة عشان جذي يبيج تتعلمين على ايده
بطلي من هالهبال ومسحي الكتاب ولا عاد تجيبين طاريه ابدًا ~

وموفـــقين

انا لاتعمقت ولا ابي اتعمق والله

واصلا قريت كم سطر وجسيته جرئ وقفلته والله

ولا لي نيه اقراه

بس قلت لو كلكم شجعتوني انه اقراه واثقف بقرا علما اني زيروووووووو بامور الزواج

بروح اشوف شالكتاب هذا

من وين يحملونه هههههههههههههه

والزواج عاااااااااااادي مافيه شي يخوف والرجال بيعرف واصلا عارف بسوالف الحريم اكثر منا

طبقي اللي قالج عليه وبس .. اهو وجهة نظره صح

حبيبتي انسي الخوف ونصيحه انسي سالفه ليلة الدخلة والاحسن تتعلمين علي ايده

محشوومة حبيبتي لاتقولي عن نفسك كذا
امسحي الكتآب ولا عاد ادورين كتب الثقافة مطلوبة ايه بس دام قال انه بيعلمك
خلاص ماله داعي اهو بيثقفك بنفسه .. هالشغلة فيها متعة بالنسبة له ومافيه شيء يخوف
الخوف بس من الحياة الجديدة اللي راح تنتقلي لهاا ..
انتي اهم شيء تفهمينيه

وليش تهبلين يروحج كل اشوي لازم تتثقفين وتتعلمين بس يعني مو تبينين للريال انج عارفه كل شي خليج طبيعيه

والله انا اشوف عادي اقري تثقفي مو شرط تقولين له عن كل شي تتعلمينه بس يعني لازم تكون عندج خلفيه و مو شرط تورينه انج عارفه و فاهمه كل شي اذا اهوا يبيج تكونين صفحه بيضا مو فاهمه شي انتي عادي امشي وياه جنج مو عارفه و وقت الصجيه راح يكون في توتر يمكن خوف بس تكون عندج خلفيه مو خذوه فغلوه و بصراحه الله يخلي النت الحين يعلم يعني احراج انه اهلج امج اختج اييون يكلمونج مو شي صراحه الواحد يثقف نفسه بنفسه…

حبوبه مافي الحين بهآزمن اهبل الكل في ها الامور عارفها

حتى البنات الصغار الحين تستغربين من الاجراءه اللي اهم فيها

بس انتي شكلج خواافه وحيويه انسى الكتاب وخليج ع الفطنه لا تعمقين بها السولف

الثقافه الزوجيه تجي مع الزواج ومرور الايام

الحين هو شطب ع الكتاب وعرف كل شي مع انه عارفه هذا شي اكيد

يعني يحذفه والا يخليه راح يكون زي قلته بالجهاز عنده

انتي اللي عليج انسى سالفت الكتاب عشان مايقول للحين تسأل اكيد مو حذفته

وبالتوفيق ان شاء الله

مشكورين بنات
الله يسعدكم ويخليكم لي

خلاص بمسح الكتاب لانه بجددددددددد مو مقتنعه انه اقراه
ولو كنت ابي اثقف كنت قريت من زمان والا كنت سالت صديقات

انتي اقري و تعلمي لنفسج بس

بس لا اطبقين شي الحين خليه لبعدين

خليج هبله هبله هبله اول ايام بعدين مع الوقت طبقي اشوي اشوي من الكتاب

صدقتي خوووووووووووووووووووووووووووووووووووووووووووووافه موووووووووووووت
وخجووووووووووووووووووله جداااااااااااااااااااااااااااااااااااااااااااااااا ااااااااااااااااااااااااااااااااا

خلاص شورج وهداية الله
مسحته وربي شاهد علي اني ماقريت الا كم سطر

الله يوفقج ياقلبي

الأمر سهل هو راح يعلمج كل شئ

حبيبتي الايام راح تعلمج كل شي

السلاااااااااااام عليكم
شلووونكم
شخباااركم ؟

الله يسلمكم بنااات بقول لكم سالفة
و قولولي شرايكم ؟
لاني مادري حدي مقفلة و ماني عارفة كلام امي صح ولا غلط
اول السالفة
انا عمري 22
و ليلحين ما تخرجت من الجامعة لان انا كليتي خمس سنين
يعني باقيلي سنة

و عندي اختين
و خواتي وحدة تزوجت و اهيا 26 و الثانية الجمعة ملجتها عمرها 25

المهم
الله يسلمكم مثل ما انتو تلاحظون بهالفترة البناات الي كبري و بعد وايد اصغر مني متزوجات و الي عندهم عيال و الي حامل
الله يهنيهم و يوفقهم
و هم في وايد كبري مو متزوجات

اليوم انا ويا امي تناقشنا بهالموضوع
انا من محيطي قاعدة اشوف رفيجاتي و البنات الي معاي بالجامعة واااايد كبري تزوجو و ياباو عياال و ماشين عادي
و امي تقولي لا
لازم تتخرجين و تشتغلين حالج حال خواتج اول !!

بس انا قلت لها احس غلط هالفكر
السالفة مو لازم تنربط باني اتخرج !!
انا اذا كليتي خمس سنين و اذا انا متاخرة عن دفعتي يعني يمكن اتخرج بستة سنين و على ما اشتغل
و على ما استقر بمكان شغلي !!
مممممممم
مادري حسيت راي امي مو مضبوط
قلت لها يمكن الحين و انا آخر سنة اييني نصيب زين حرام ما نشوفه ولا شي بس عشان انا ما تخرجت !!
جان تقولي اذا زين بنشوفه ..
انزين
شلون بتدرين انه زين اذا من الاول اول ما تدق الام بتقولين لها انه البنية تدرس و مابي ازوجها الحين !! ؟؟
قالت لي وييييه مادري يصير خير !! (( تعرفون ترقيعات الامهات لما ما يدرون شيقولون !! ))
…

بنات انتو شرايكم ؟؟
انا صايرة حساااسة لان رفيجاتي و خواتي تزوجوا والوضع طبيعي اني لازم اتخرج اول ولا انا صح ؟؟ !!

هلا حبيبتي والله خليها على الظرووف ………. لا تشغلين بالج في شي ما صار ……….. حطي شي واحد في بالج اذا ياج نصيبج راح تاخذينه .

والله اوفقج ويرزقج بالزوج الصالح اللي يسعدج واهنيج

حبيبتي مشكووورة على الرد و الدعاء

حبيبتي انا اشتغل العصر ببنك
و معاي واحد بالدوام سائل عني و مكلم رفيجتي الي بالدوام و قايل لها اتجس نبضي بس ما تقولي شي
و بعدين زلت بلسانها و انا سحبت منها الحجي
و عرفت منها انه امه بتدق على امي عقب امتحاناتي الفاينل
يعني شهر 6
مممممم
و انا مابي اطوفه و مادري شلون اقول حق امي
كل ما اكلمها من صوب تطلع لي بشي من الصوب الثاني
وآخرتها قالت انها ما تعرف احد من اهله و ما تدري اهما زينين ولالا
( عياااارة امهات لانه عايلته تصير حق عايلة ابوي !! الحين صرتي ما تعرفينهم !! ))
المهم
آخر شي قالته اني لازم اتخرج و اشتغل حالي حال خواتي !!

ممممممممممم
المشكلة انه اول ما سال عني كان يبي ينطرني اتخرج و انا قلت هالكلام حق امي و اختي و قالولي هذا يبي يلعب
و يبي يقص عليج و مالج شغل فيه لو يبيج جان يالج الحين !!
و الحين لما اهوا صار يبي اييني و رفيجتي سالتني انا قلت لها تقوله عادي امه تدق لاني مشيت على كلام امي و اختي الي قالوووه حقي اول السالفة ..
و الحين امي تقول العكس
تقولي تخرجي اول !!

انا مخي افتر !! بنات شرايكم ؟

حبيبتي ..

انا اقول لازم تقنعين امج .. اذا اهوا ريال زين و يبيج ..

قولي حق خواتج السالفه .. اتوقع اهم يفهمونج اكثر و عارفين اللي صاير هالايام

عادي اي واحد يشوف وحده وياه بالدرام و لا بالكليه تدش باله و يخطبها

خل يحاولون يقنعون امج .. ما فيها شي اذا يه و خطبج و قعدتي وياه و شقتي اسلوبه و طريقة تفكيره

ما يمنع .. و امج و ابوج يسألون عنه

حرام يوقف نصيبج على الدراسه ..

ماتقول جذيه الا لانها خايفه علييج وتبي تحمييج بشهادتج وماتنلام لانه الريااييل يخوفون الحيين

بس انا تزوجت وانا عمري 20 والحمدالله تخرجت بس الصراحه انا اجلت حمالي علشان لا الهي عن دراستي وهذا الي ساعدني……فماادري اذا تزوجتي ريلج بيخليج تاجلين الحمال ويراعييج بالبيت ولا لا هذا الي يخوف من زواج طالبه

تبين الصج
ضمني شهاده
بس اذا ياتج فرصه ماتتطوف كلش كلش كلش ملجي واجلي العرس لين بعد التخرج
خوفج الريل يلهيج عن دراستج وتملين وتقعدين مع حمل وعيال ويروح تعب السنين
ليش
علي قوله ابوي الله يرحمه
شهادتج تصرف عليج دوم
وتغنيج عن طلب مصرف من ريل يوم يعطيج عشره يطنقر

انتي خلي خواتج يقنعونه اذارجال مافيه شي وبعدين صدقيني اذاالله كاتبه لج بتاخذينه
وباالنسبه لي انا تزوجت عمري 16 والحمدلله صارلي اربع سنين

حبيبتي
انا فاهمتج واي بنت بنفس عمرج وتشوف اللي حواليها
متزوجات وعندهم عيال تميل انها تكون نفسهم
وتعيش حالها من حالهم
وهذا تفكير طبيعي لا هو غلط ولا عيب ولا حرام

بس امج خاطرها تاخذين شهادتج قبل وتوقفين على ريولج بوظيفه
ويمكن تكون خايفه عليج لا تنشغلين بزواج وعيال وجذي

انا برايي اتفقي مع خواتج تكلمونها وحاولو تقنعونها
انه مثلا تتم الملجه والعرس وجذي عقب التخرج
اذا صج الريال ما ينتطوف واخلاق وخوش واحد

بس صدقيني بالنهايه ما تاخذين الا نصيبج
عليج بالدعاء بعد كل صلاة
والله يرزقج الزوج الصالح

حبيبتي والله انا امي كانت نفس امج عندها قاعدة البنت تتخرج يعدين تتزوج واخر كورس بالجامعة ياني نصيبي وزوجتني والله اذا يالج نصيبج بسكر حلج الكل وبتاخذينة

عادى حبوووبه قولى حق امج اتحط شرط بعقد الزواج تكملنى دراستج وتشتغلين تروالى هالحل يرضى الطرفين

تقريبا نفس مشكلتي

وااااااااااااااااااايد يخطبوني لما كنت أدرس بس أهلي كله يرفضون .. ليش ما أدري ؟؟؟

وألحين توظفت و وخلصت ولما ألحين ما تزوجت ..

وكل رفيجاتي واللي أصغر مني بسنييييييين تزوجوا ويابو يهال وآنا قاعده أطالع بعيوني ==> شنو استفدت ألحين ؟؟

بس كل شي قسمه ونصيب وراضيه باللي الله كاتبه لي ..

مادري عادي انا تزوجت وانا ادرس والحين عندي بنت وللحين ادرس صج حوسه بس الحمدالله الدنيا ماشيه

اهوا حلو انج تتزوجين عقب التخرج عشان تتفرغين حق بيتج وعيالج بس ما يمنع اذا يالج نصيب انج تردينه

واذا امج خايفه يخليج ما تكملين دراستج خل تقول الي بقلبها

حبيييبااااتي مشكووورين على مروووركم و على ردووودكم و آرااااءكم
مممممم
انا حاسة انه امي ما تبي تقعد بروحها لان اختي العودة ببيت ريلها و الحين اختي الثانية بتلحقها و ما بقالها غيرنا انا و ابوووي ممم يمكن عشان جذي مو راضية تقتنع بالموضوع ..
ممممم صراحة انا استحي اكلم خواتي يقنعونها انا امي يالله حاجيتها !!

يالله خنشوووف لي خلصنا امتحانات و دقووو اهله امي شبتقول
و على قولتكم اذا ياني نصيبي محد راح يقدر يوقفه
بس والله اخاف على سالفة الشهادة اضيعلي نصيب زين !!

يالله الله كريم و انشالله كل واحد بيحصل الي مكتوب له
مشكووورين حبيباتي على رايكم

اوووف والله نفس حالتي

كل ما احد دق تقول البنت تبي تكمل دراستها

احس حرام نصيب زين ليش ترده !! واايد من عمري قاعدين يدرسون و متزوجين و عندهم اعيال !!

ودي اكلم امي بس انا اسسسسسسسسسسسسسسسسسستحي حدي اموت من الحيا من سالفة الزواج والله

و الله ردود امج نفس رودو امي بالضبط و لي اللحين ماني عارفه شنو الحل معاها !

الله يوفقج و يسهل امرج يارب

عدل كلام اختي مريومه 100%

وموفقه ياقلبي

السلام عليكم

كيفكم خواتي

والله محتاره شلون ابدأ انا مختوبه وملكت من ثلاث اشهر خطيبي يجي يشوفني قبل لااشوفه حبيته بس لما شفته شوي واكرهه استغفر الله ياربي

بنات انصدمت اولا من ناحية الشكل هو حلو بس مشكلته الله يهديه مو مهتم باسنانه انا وحده اموت بالاسنان البيضه الكامله هو عادي عنده

ثاني شي انا لاحظته لما يجي بيتنا والله يده مو خاليه كل زياره في يده شي بس احنا نجهز لشقه واحسه بعد مو مقصر باني لي شقه وفي حي راقي بعد بس اذا قلت لها هذا الشي عاجبني يقولي بس عمري كذا بنخسر حيييييييييييييل انقهر اذا قالي هالكلمه حيييييل مع انه حنون وطيب واحسه يحبني بس بصراحه ماادري احسه بخيل

ثالث شي وبنات عذروني يمكن جريئه بس والله استحي من امي وحتى الي كبري استحي استشيرهم بصراحه خطيبي يبي بوسه على الشفه بنات والله اكتب وانا مستحيه يعني احس انا عادي اعطيه بوسه صغنونه مافيها تعمق بس اشوف بعض المواضيع انه لا لاتعطينه بعدين يقول عنك مو متربيه ومن هالكلام اخاف صج انه يآخذ عني فكره غلط ويقول عني جريئه عطوني رايكم

انا كتبت الموضوع هنا بحكم انكم متزوجات واخبر مني رجاءاَ عذروني على كلامي الكثير ويارب تفيدوني وترى حتى غيري يبي يستفيد

حييييييييييل احبكم

ههههههههه ياحلوج والله يتمم عليج
الاسنان بسيطه .. حجزي بعياده تنظيف اسنان بالليزر
وعطيه الكرت كهديه وقولي له هاك ياعمري لك
حجزت لي ولك وحدي مستانسه اول مره احجز لي ولزوجي

الثانيه
الريال مو مقصر لاتصيرين طماعه

الثالثه
عادي بوسيه

الاسناااان حثيه المسواك مثلآ على ابو انه سنه عن الرسول عليه الصلاة والسلام وللعلم ترى المسواااك يبيض وينظف الاسنان
وبالنسبه للشقه اذا اهو حنون وطيب ماااظن ان البخل يلااازم هالصفات
وبالنسبه للبووووسه ما انصح فيها اذا كانت مجرد خطبه اما اذا فيه ملكه عليه بالعافيه حبوووووووبه

اب لعيووونج ،، ونفس ماقالوآ الخوآآت الي قبلي،،~

–لا لا لاتبوسينه اثقلي بعد الملجه يصير خير

ماقصروا البنات فووووق

انتي شجعيه يهتم بنفسه
ومثل ما قالوا البنات اخذي موعد مشترك عند دكتور الاسنان وسوي روحج خايفة وانج ما بتروحين الا اذا اهو سوى تنظيف وتبيض قبلج
وبجذيه تستفدين من الصوبين

وعلى طاري الشقة يمكن اهو يبي يوفر حق مستقبلكم

اما البوسة اذا كنتوا مالجين عليكم بالعافيه ولا تكسرين بخاطر الريال

موفقة ان شاالله نفس ماقالوا البنات

نصيحه من قلب اخت لكي في الله لا تعطينه بوسه الا بعد الزواج
وصبر زين واشدرج انه عاقد يختبرك انتي تصلحيله او لا

هلا حبيبتي أنا مع كرامتها مناير بس من ناحية البوسه نصيحه لا الا بعد الزواج والله يوفقكم يارب

صح كلامش

لا الاسنان مهمه اشلون يبي بوسه واسنانه مو نظيفه :/ الله يعينج الصراحه باجي الاشياء اشوفها عاديه جدا

البنااات ماقصرووو

مثل ما قالو البنات
بس البوسه لا تعطينه الحين تصبرو
بعد العرس احلا
لها طعم ثاني
ثقلي عليه
واذا ملزم
حاولي لا تطلعين معاه وايد بروحكم
صدقيني
اجلو البوسه للعرس
وبلتوفيق

صباح الخير

بنات انا عندي سالفة ومضيقة خلقي شوي ….

رحت قبل فترة ماليزيا

وجبت هدايا حق خواتي وخوات زوجي ومرت حماي

انا جبت لخواتي ومرت حماي هدايا مثل بعض

وخوات زوجي جبت لهم غير المهم مرت حماي ماعجبها ومن وراي تقول لزوجي هذي مو هداياك !!!

ومنها تخيلوا اذا كنا بمجلس لاتكلمني ولا كأنها تشوفني!!

يعني بصراحة لو هي كلمتني صراحة كان رديت عليها وقلت لها الشرهه مو عليج الشرهه على يجيب لك وحاطتك بمقام خواتي

لكن ماتكلمت بالموضوع

ردودكم

طنشيها .. اللي يفهم يعرف ان الهديه مو بقيمتها ولا شكلها

المهم احد فكر فيك و تذكرت بشي حلو ..

خليك عادي و طنشي ,,

عامليها نفس ماتعاملج ولاتعورين قلبج معاها الى هذه عقليتها ماراح تفهم الكلام معاها ضايع

اصحاب العقول براحه

شوفي حبيبتي الظاهر لانج ما يبتي هدايا لها نفس حمواتج فحسبالها انج شاريتلها اشياء رخيصه و ما تسوى , شوفي انتي شنو اللي شريتيه حق

خواتج تسلفيه منهم ولبسيه او روحي فيه وقت لزواره عشان تعرف انج شاريتلها مثلج هني راح تحس على دمها وكلميها قولي لها فلانه انتي

ليش زعلانه انا شريتلج مثل ما شريت حق روحي وبعدين في مثل يقول ( من ذكرني بعظمه كنت عنده عظيم )

ما اتشوووووووف شر خليها على راحتها
وعامل كما تعاااااامل حبوبه
ولا اتضيقين روحج ولا شي عاااااااااادي

لينا
عيش ومرق
العاشقة
ام فطومه

من جد الله يجزاكم الف خير

والله ثم والله اني فرحت بردودكم

وخففتوا كثير عني

لاخلا ولاعدم

اسحبي عليها لا هدايا ولا عطايا بعد اليوم

يسلمواااااااا

مشكورين يابنات

بس من جد الواحد صار يحتار

كيف يعامل الناس!

طوفييييي
انت اللي عليج سويتيه

صج سخيفه هذي بدال لاتقول الله يغنيج من خيره

لو منج مره ثانية ماييب لها شي خل تتادب واذا تكلمت مره ثانية قوليلها ذوقي مايعجبج ويوم يبت لج المره اللي طافت تحلطمتي

اسحبي عليها لا تجيبين لها شي بعد

من ها الموقف خلاص انسى تجيبين لها شي

تحمد ربها انج ذكرتها

حبيبتي حتى انتي سوي روحج ماتشوفينها حتى لونها قدامج طنشي دام اهي بدات جذي

اللي عليج سويتيه

[b[/b]] السلام حبيبات قلبي يا عسل انتوا عندي سالفه بقولها لكم و ابيكم تعطوني رايكم و لا تبخلون علي بحلولكم العجيبه
انا مادري ليش حمولتي عادين ريلي سايق العايله بصراحه جنه سايق كل شي يبون يطلبون منه اهوا و اي مكان يبون يروحون يبونه يوديهم و المشكله ان خواته المتزوجات اهما اكثر شي يعني عمي اللي اهوا ابوه ما عنده لا شغل ولا مشغله من دوانيه لي دوانيه و رياييل خواته نفس الشي يعني شمعنه اهوا مادري هالشي قام يخرب علينا وناستنا و طلعاتنا
بقولكم بعض المواقف و انتوا حكموا
حماتي شاريه ارض اهيا و زوجها من شركه تخيلوا تعطي ريلي المستندات المطلوبه و اهوا يروح يسويلهم كلشي و فوق كل هذا خدمة منازل يعني ماتييبله المستندات او تخلي زوجها اييبهم لا ريلي يروح بيتهم و ياخذهم و على ما خلصت الاجراءات يمكن صارله 6 او 7 مرات يروح و يرد و مره انقهرت كنه بنطلع حجزنا سينما واحنا بالطريج جان يقولي ترا بس يخلص الفلم بردج البيت لأن اختي تبيني اسويلها اوراق الأرض باقي جم شغله وانا كنت حاطه في بالي نطلع من الفلم و نروح مطعم المهم بلعتها موس و سكت
و لا بغوا يروحون عرسو لا عزيمه اهوا اللي يوديهم و يردهم و يمر على بيوتهم وحده وحده و مره كان موديهم عرس و بيردهم اذا خلصوا قالي لازم نرد مبجر عشان اردج البيت و اروحلهم اخذهم و لمن رديت البيت لقيت عمي قاعد ما عنده شغل يعني ليش مو اهوا اللي يوديهم ليييييشششش
و وصلت بوحده من حماتي لي درجة انها مسويه حفله حق بناتها و تدرون اكيد الحفله كلها يهال و حريم قالتله اقعد معاي بالحفله عشان اذا احتجت شي اطرشك
هذا غير المرات اللي يخلونه اييب عيالهم من المدارس
و اخرتها امس قاعجين يساحلونه عشان نسافر وياهم يقولونله انت محرمنا مع العلم ان يداوم و ماعنده اجازات و عمي اللي اهوا ابوه متقاعد

قولولي شالحل مع هالنمونه انا ولا مره اشتكيتله من هالناحيه لان ادريفيه ما يرضا عليهم

افاا والله ليش للحين محد رد علييييييي

حبيبتي هذي اشياء دايم تصير
وانتي بعقل وحكمه لازم تغيرين اللي يصير
لانه يضايقك
اختاري يوم يكون زوجك فيه مرتاح
وافتحي معاه الموضوع
قولي له انا احس هالشي يخرب اشياء حلوه بينا
بس كلميه بهدوء
قولي له انا اغار ابيك لي بروحي ومن هالكلام وطلعي اللي بقلبك
اوحددي ايام
تكونوا انتوا فيه مع بعض ولااحد يقطع عليكم
واذا احد منهم اتصل لازم يعتذر له لانه يومك
وبكذا بيبدى زوجك يتغير
الله يفرج همك ويسعدك يارب

يعطيج الف عافيه علىردج انا اخاف اقوله يسويلي سالفه ويحسب اني ماابيه يساعدهم لان اهوا عندا اهله ملائكه اوكي انا ارظا يساعدهم بس مو لي هالدرحه و فكره ان يخصصلي يوم وايد عجبتني انشالله اسويها يعطيج الف عافيه عمري

اذا هذي مشكلتج الوحيده مع ريلج فانتي محظوظه ..طالعي المنتدي عدل وشوفي مشاكل البنات
اشفيها يعني لما يكون ريلج يساعد خواته ولا حتي بخدمتهم هذا دليل ان خدوم وحتي انتي لا بغيتي يخدمج بعيونه شوفي بنات المنتدي رياييلهم اشلاهين فيه ؟؟؟؟
اوكي ادري بتقولين يعني يااما ريلي يلها بلخرابيط ولا يشتغل سايق !!بقولج هالموضوع عاجبه ومحسسه باهميته وهذي شخصيته وانتي لازم تتقبلينها خلينا نعكس الوضع لو ان انتي جذي مع اهلج ترضين ريلج يقولج وين اخوانج وين خواتج ليش مايساعدون بدالج ؟بتقوليله اهلي تعودو علي والباقي مافيهم خير ترا هذا الرد الي بيرده عليج ريلج لو فتحتي الموضوع معاه لا وبيزيد اكثر بمساعدته لهم علشان مايقولوله المره غيرتك علينا والموضوع موماثر عليج يعني مابداهم عليج يعني لو قايلج كنسلي الفلم ولا اروح اخلص اوراق اختي قبل الفلم جان شسويتي ..وان فسرتيله تصرفاته علي ان سايق ومستغلينه راح يكرهج لان واضح ان هالشي مخليه يحس باهميته مع اهله ويزاه الله خير علي مجابلهم لان واضح ان رياييلهم مافيهم خير كلش وهالشي ترا بيرجع بالخير عليج وعلي حياتج الله يباركله بمعاشه ورزقه وانشالله بعياله لاني احس ان توج متزوجه وماعندج عيال باجر العيال والمسئوليه بتخليه يتفرغ لج انتي وعيالج غصبن عليه والاعذار بتكون جاهزه ماله داعي ان يتصنعها
بس هم مااقولج سكتي قوليله كان ودي نطلع نتعشا بره بعد السينما وشوفي رده يمكن جان قالج تعالي معاي نخلص الاوراق وبعدين اعشيج او قوليله بروح معاك مدام اهو حاب ايسوي هالشي حق خواته شاركيه ..
ونصيحه تكلمي وقوليله اذا بغيتي شي تدرين ليش عشان تعرفين حقيقه شعورج من شنو انتي زعلانه عشان ودج تستمتعين بوقتج مع ريلج ولا غيرانه علشان اهو نافع اهله والسلام

الحمدلله قولي ..
واللي مافيه خير باهله مافيه خير بالناس .

الله بسعدج والمفروض تستانسين اختي لانه ريلج يحب اهله ويساعدهم

لا حبيبتي كلهم رياييلهم سنعين و فيهم خير و يحبون حريمهم و عمس نفس الشي و خالتي كل طلعاتها مع عمي و نفس الشي خواته و كل وحده ريلها مومقصر عليها بشي و هذا اللي حارني انهم قاعدين يخربون علينا شغلات و اهما عندهم اللي غانيهم و فوق كل هذا عندهم 3 خوان غيره و هم خوانه ما يقصرون لو يطلبون منهم و واخوانه مومقصرين مع حريمهم و حريمهم زينين مادري ليش ما يتعدون الا علي و على ريلي
ومشكوره حياتي

انا معاج بهالشغله بس اهما قاعدين يتعدون المعقول
و مشكوره على مرورج

شوفي حبوبة زوجج بدال لايقعد فاضي وينحرف خليه ينكد بالمطاريش خواتة ربما شيء حسبيتة ضار وهو نافع لج
بدال لا يجي عندة فراغ ويغازل ويناجر وووووو خلية ينشغل بشيء مايضرة
وثانيا رتبي وقتج معاة مو معقولة طولة السنة مافية يوم راحة اكيد تلقيين لج وقت لج وله
وثالثا مبين على زوجج محل ثقة وعلى قولتهم جيد فهم معتبرينة افضل من ازواجهم في تدبير الامور
ماتدريين ازواجهم اكيد عاليين بجبودهم
فلاتقطعيين رحمة الله عليهم

وترى مشكلتج اسمحي لي من غير زعل تبين على انانيتج ياحلات ا لخوان كل واحد يكون سند للثاني
كما تدين تدان
باجر يكون عندج اطفال ومنهم بنات يمكن مومتزوجات او مطلقات او متزوجات مو مرتاحات
ترضين مرت اخوهم تتمنن على اخوهم فيهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله العظيم انج مو فاهمتني
اللي قاعد يصير فوق المعدل و يخرب علينا وايد و اهما محد مقصر عليهم بشي يعني انا ما عندي مانع بس خل يوزعون هاشي بين رياييلهم و اخوانهم و ابوهم و كلهم زينين محد بيقصر بس احسهم قاصديني بهالحركات

الله يعينج ياربي وان شاء الله في ميزان اعماله يارب اللي قاعد يسويه فيه خير لاهله
صج انه شي يحر وخاصه انه خواته متزوجات وعندهم ريايلهم يقومون فيهم وفي عيالهم اهو مومجبور بس ماقول الا الله ياجرج

يزاج الله خير

عوديه ان اذا احنا طالعين نستانس ماله داعي نقطع وناستنا عشان نخلص شغل خواتك
بس طبعا مو بالويه
لأ
اذا قالج الحين بوديج البيت عشان بخلص شغل اختي .. قوليله خل ريل اختك يسويه الحين احنا طالعين و اهوا اكيد ما عنده شي .. اتصل قوله … يعني مو معقوله انا ارد البيت عشان اخته ما ادري شقصتها
مع ان هالصفة حدها تهبلللللللل بس مو بكل الاوقات …

بالعكس المفروض تستانسين انه اهو خدوم الي مافيه خير لاهله مافيه خير لحد .. صج السالفه لا مصخت تصير مو شي بس بعد شتسوين حاولي تصيرين زينه وياهم وتتقبلين هالشي لانه احتمال ضعيف ان يتغير

المشكله ان يرد و يقولهم اوكي بدون لا يتناقش معاي يعني اذا قتله لا راح يقولي انا عطيتهم كلمه