|
|
شلووونكم
شخباااركم ؟
الله يسلمكم بنااات بقول لكم سالفة
و قولولي شرايكم ؟
لاني مادري حدي مقفلة و ماني عارفة كلام امي صح ولا غلط
اول السالفة
انا عمري 22
و ليلحين ما تخرجت من الجامعة لان انا كليتي خمس سنين
يعني باقيلي سنة
و عندي اختين
و خواتي وحدة تزوجت و اهيا 26 و الثانية الجمعة ملجتها عمرها 25
المهم
الله يسلمكم مثل ما انتو تلاحظون بهالفترة البناات الي كبري و بعد وايد اصغر مني متزوجات و الي عندهم عيال و الي حامل
الله يهنيهم و يوفقهم
و هم في وايد كبري مو متزوجات
اليوم انا ويا امي تناقشنا بهالموضوع
انا من محيطي قاعدة اشوف رفيجاتي و البنات الي معاي بالجامعة واااايد كبري تزوجو و ياباو عياال و ماشين عادي
و امي تقولي لا
لازم تتخرجين و تشتغلين حالج حال خواتج اول !!
بس انا قلت لها احس غلط هالفكر
السالفة مو لازم تنربط باني اتخرج !!
انا اذا كليتي خمس سنين و اذا انا متاخرة عن دفعتي يعني يمكن اتخرج بستة سنين و على ما اشتغل
و على ما استقر بمكان شغلي !!
مممممممم
مادري حسيت راي امي مو مضبوط
قلت لها يمكن الحين و انا آخر سنة اييني نصيب زين حرام ما نشوفه ولا شي بس عشان انا ما تخرجت !!
جان تقولي اذا زين بنشوفه ..
انزين
شلون بتدرين انه زين اذا من الاول اول ما تدق الام بتقولين لها انه البنية تدرس و مابي ازوجها الحين !! ؟؟
قالت لي وييييه مادري يصير خير !! (( تعرفون ترقيعات الامهات لما ما يدرون شيقولون !! ))
…
بنات انتو شرايكم ؟؟
انا صايرة حساااسة لان رفيجاتي و خواتي تزوجوا والوضع طبيعي اني لازم اتخرج اول ولا انا صح ؟؟ !!
والله اوفقج ويرزقج بالزوج الصالح اللي يسعدج واهنيج
حبيبتي انا اشتغل العصر ببنك
و معاي واحد بالدوام سائل عني و مكلم رفيجتي الي بالدوام و قايل لها اتجس نبضي بس ما تقولي شي
و بعدين زلت بلسانها و انا سحبت منها الحجي
و عرفت منها انه امه بتدق على امي عقب امتحاناتي الفاينل
يعني شهر 6
مممممم
و انا مابي اطوفه و مادري شلون اقول حق امي
كل ما اكلمها من صوب تطلع لي بشي من الصوب الثاني
وآخرتها قالت انها ما تعرف احد من اهله و ما تدري اهما زينين ولالا
( عياااارة امهات لانه عايلته تصير حق عايلة ابوي !! الحين صرتي ما تعرفينهم !! ))
المهم
آخر شي قالته اني لازم اتخرج و اشتغل حالي حال خواتي !!
ممممممممممم
المشكلة انه اول ما سال عني كان يبي ينطرني اتخرج و انا قلت هالكلام حق امي و اختي و قالولي هذا يبي يلعب
و يبي يقص عليج و مالج شغل فيه لو يبيج جان يالج الحين !!
و الحين لما اهوا صار يبي اييني و رفيجتي سالتني انا قلت لها تقوله عادي امه تدق لاني مشيت على كلام امي و اختي الي قالوووه حقي اول السالفة ..
و الحين امي تقول العكس
تقولي تخرجي اول !!
انا مخي افتر !! بنات شرايكم ؟
انا اقول لازم تقنعين امج .. اذا اهوا ريال زين و يبيج ..
قولي حق خواتج السالفه .. اتوقع اهم يفهمونج اكثر و عارفين اللي صاير هالايام
عادي اي واحد يشوف وحده وياه بالدرام و لا بالكليه تدش باله و يخطبها
خل يحاولون يقنعون امج .. ما فيها شي اذا يه و خطبج و قعدتي وياه و شقتي اسلوبه و طريقة تفكيره
ما يمنع .. و امج و ابوج يسألون عنه
حرام يوقف نصيبج على الدراسه ..
بس انا تزوجت وانا عمري 20 والحمدالله تخرجت بس الصراحه انا اجلت حمالي علشان لا الهي عن دراستي وهذا الي ساعدني……فماادري اذا تزوجتي ريلج بيخليج تاجلين الحمال ويراعييج بالبيت ولا لا هذا الي يخوف من زواج طالبه
ضمني شهاده
بس اذا ياتج فرصه ماتتطوف كلش كلش كلش ملجي واجلي العرس لين بعد التخرج
خوفج الريل يلهيج عن دراستج وتملين وتقعدين مع حمل وعيال ويروح تعب السنين
ليش
علي قوله ابوي الله يرحمه
شهادتج تصرف عليج دوم
وتغنيج عن طلب مصرف من ريل يوم يعطيج عشره يطنقر
وباالنسبه لي انا تزوجت عمري 16 والحمدلله صارلي اربع سنين
انا فاهمتج واي بنت بنفس عمرج وتشوف اللي حواليها
متزوجات وعندهم عيال تميل انها تكون نفسهم
وتعيش حالها من حالهم
وهذا تفكير طبيعي لا هو غلط ولا عيب ولا حرام
بس امج خاطرها تاخذين شهادتج قبل وتوقفين على ريولج بوظيفه
ويمكن تكون خايفه عليج لا تنشغلين بزواج وعيال وجذي
انا برايي اتفقي مع خواتج تكلمونها وحاولو تقنعونها
انه مثلا تتم الملجه والعرس وجذي عقب التخرج
اذا صج الريال ما ينتطوف واخلاق وخوش واحد
بس صدقيني بالنهايه ما تاخذين الا نصيبج
عليج بالدعاء بعد كل صلاة
والله يرزقج الزوج الصالح
وااااااااااااااااااايد يخطبوني لما كنت أدرس بس أهلي كله يرفضون .. ليش ما أدري ؟؟؟
وألحين توظفت و وخلصت ولما ألحين ما تزوجت ..
وكل رفيجاتي واللي أصغر مني بسنييييييين تزوجوا ويابو يهال وآنا قاعده أطالع بعيوني ==> شنو استفدت ألحين ؟؟
بس كل شي قسمه ونصيب وراضيه باللي الله كاتبه لي ..
اهوا حلو انج تتزوجين عقب التخرج عشان تتفرغين حق بيتج وعيالج بس ما يمنع اذا يالج نصيب انج تردينه
واذا امج خايفه يخليج ما تكملين دراستج خل تقول الي بقلبها
مممممم
انا حاسة انه امي ما تبي تقعد بروحها لان اختي العودة ببيت ريلها و الحين اختي الثانية بتلحقها و ما بقالها غيرنا انا و ابوووي ممم يمكن عشان جذي مو راضية تقتنع بالموضوع ..
ممممم صراحة انا استحي اكلم خواتي يقنعونها انا امي يالله حاجيتها !!
يالله خنشوووف لي خلصنا امتحانات و دقووو اهله امي شبتقول
و على قولتكم اذا ياني نصيبي محد راح يقدر يوقفه
بس والله اخاف على سالفة الشهادة اضيعلي نصيب زين !!
يالله الله كريم و انشالله كل واحد بيحصل الي مكتوب له 
مشكووورين حبيباتي على رايكم
كل ما احد دق تقول البنت تبي تكمل دراستها
احس حرام نصيب زين ليش ترده !! واايد من عمري قاعدين يدرسون و متزوجين و عندهم اعيال !!
ودي اكلم امي بس انا اسسسسسسسسسسسسسسسسسستحي حدي اموت من الحيا من سالفة الزواج والله
و الله ردود امج نفس رودو امي بالضبط و لي اللحين ماني عارفه شنو الحل معاها !
الله يوفقج و يسهل امرج يارب
|
المشاركة الأصلية كتبت بواسطة مريومه 🙂
 هلا حبيبتي والله خليها على الظرووف ………. لا تشغلين بالج في شي ما صار ……….. حطي شي واحد في بالج اذا ياج نصيبج راح تاخذينه .
والله اوفقج ويرزقج بالزوج الصالح اللي يسعدج واهنيج |
عدل كلام اختي مريومه 100%
وموفقه ياقلبي
