التصنيف: الحياة الزوجية

السلام عليكم ورحمة الله وبركاته ..

اخباااركم ..

بنات انا جديده بالمشاركات بـــــس ماتابعتكم من زماااان واحبكم

سااااعدووني في مشكلتي لانـــــي تعباااانه حيـــــل من هــالسالفه

سالفتي اني احب واحد من 8 سنين مستوعبيـــــن كم سنـــــه

بـــــس من طرف واحد نفسيتي تعباانه احسه موولي بتااخذه غيري

ودي اصرخ ودي العاالم تدري اني احبه تكفوووون ( لولا الظروف ماقلت تكفووون ) ساعدوني شسوووي

ادق عليه واقووله احبك …؟ بس خااايفه

هو صديق اخوواني … وربي تعبت تعبت

تدرون لو ادري ان خطب يمكن يمكن 99 % استخف

مدري والله مدري شسوووي ساااااعدووني اعتبروني اختكم وساعدووني وجهووووني

يـــــارب ياكريم ترزقني الشخص الي اتمناه .. اللهم امين

بنات اعذرووني يمكن كلامي ملخبط مممادري يمكن مووضووعي مو بمكانه ..)

احــــــــــــــب الكوويت واهلهــــــــا ..)~

الله يكتب لج اللي فيه خير جم عمرج ؟؟

تروالي بحكم مجتمعكم وانه منغلق نوعا ما
مو بصالحج كلش انج تدقين عليه وتقولين له يافلان احبك

حتى لو حاطج في باله للزواج
اتوقع عقب هالحركة بيشيلج من باله وبيقول فلانة ما تستحي

ادعي ربج يكون من نصيبج اذا فيه خير لج

وبالنهاية مهما سويتي ،، اذا ربج كاتبه من نصيبج بيكون لج
واذا مو مقسوم لج ،، فماراح يكون لج

8
88
888

مع مي ديري بالج ادقين مو زين يقول لاخوانج تروحين فيها

صح كلامها لادقين ترا بيشيلج من باله اذا اصلا حاطج اباله

اشهالبزاعه محد يحب البنيه الي جذي تحبينه وعايشه الدور اذا لج بتاخذينه واذا مو لج بعد هذا امر الله

ديري بالج تدقين

عمري بالعــــشرينااات

كــــــلامج صحيح 100 % مدري شسوووي

ويه اعرف وحده نفس حالتج بس خذته من اهلهم عليها حظ صاروخي على شنو مادري حقوده ونحيسه بس عليها حظ متوفقه عدل
كانت تقول لي انا لو ماخذيت ريلي كنت راح انتحر يمكن لانه من اول ابيه عاد لو تشوفينها مافيها ذره جمال وهو مملوح وطويل واخلاق بس كانت طويله وضعيفه والحين مع العيال جسمها جنها مصارع تخرع من المتن
واختها هم خذت الي تبيه حتى عشتوا يوم تزوجته حطت رنه تلفونها اذا اتصل عليها والله وتحقق منايا
وتعالي شوفيهم كل وحده ريلها خاتم بصبعها
اكره ماعندي لما النحيسه يقعد حظها وتتوفق والطيبه ااااه خليها على الله
ورجاءا الي بتهاجمني توفر ردها لنفسها
حبيبتي ادعي بصلاه الليل واستغفري ادعي انه يكون من نصيبج
عسى الله ينولج مرادج
انا عانيت من نفس مشكلتج حبيت واحد من الاهل من طرف واحد بس ماكان داير لي بال وانا تزوجت قبله اهو بعد تزوج عقبي بثلاث سنين ومرته حليوه تستاهل كل خير الله يهنيها

والله معذبه حالج

ع الفاضي

عايشه اوهام براسج

اللي يبيج يجيج

وبالاخير

ترا الزواج قسمه ونصيب

وماتدرين الخيره وين

وربي يجعل الخيره فيما يختاره

يالله تكتبه من نصيبج يارب

وضعج صعب الله يكون بعونج ):

واللي تقول بزاعه واوهام وعالفاضي .. البنت تحب .. ومن طرف واحد
وهالشي حيل صعب .. لانها ما تقدر تتكلم ولا تعبر عاللي بداخلها ..
ولو هالشي مو معذبها ومتعب نفسيتها ما تكلمت عنه هني و شكت لنا ..

بس بمجتمعنا .. للاسف مافي حل
حاولي تشغلين بالج عنه كثر ما تقدرين ..وتفائلي بكل خير
و اذا تقدرين تلمحين حق احد من خواته .. لمحي
وحطي ببالج ان الله اذا كاتب لج نصيب معاه راح تاخذينه ان شاء الله (:

كلامج يريح عسى ربي يريحج دنيـــا واخره

وانا والله ماكتبت الا اني طفشت وزهقت من هـــ الموووضوع

بعد عمري 8 سنين وايد

بعد شتسوين مالج الا الصبر وكلام مي صح
والله بتطيحين من عينه اذا قلتيله حرف واحد

ادعي ادعي ادعي انه يكون من نصيبج

واذا كان زين وانسان خير لج بتاخذينه انشالله

السلام عليكم
شلونكم بنات ….

بدخل على طول بالموضوع

كلنا نعرف ماباقي شي على السنة الجديده , وان شاء الله يارب تكون سنة خير علينا كلنا
ويتحقق فيها كل شي نتمناه

بس انا عندي ملاحظه صغيرة , كثير اسمع وخاصة هني بالمنتدى بره مااسمع مثل هالسوالف
شنو استعداداتج لراس السنة ؟ وشنو بتلبسين لريلج براس السنة ؟
وشنو الهدية اللي بتشترينها براس السنه ؟ ووين بتقضينها ؟ بمطعم ولا بفندق ولا ولا ولا …. الخ

بنات ترى احنا مسلمين وهالعادات هذي دخيله علينا , يعني من متى احنا نحتفل براس السنة !!
هذا بدل مانقرا قرأن وندعي انها تكون سنة خير علينا وان الله يغفر لنا ذنوبنا اللي عملناها
نقعد نحتفل ونستانس !!!
علىشنو نحتفل ؟؟ على سنة مرت من عمرنا ؟
على سنة اخطينا فيها او كنا مقصرين فيها بطاعة ربنا ؟
بنات استغفروا ربكم واتركو عادات المسيح واليهود وخلي ليلة راس السنة بينج وبين ربج ادعي فيها واقري قران وسبحي
احسن من هالخرابيط

وبس الله يهديكم ان شاء الله
واسفه على الإطاله

الحمدالله ياقلبي كلنا مسلمين ونعرف ربنا ونصلي ونقرا قران
واحنا نستانس انها صفحه يديده بعمرنا نهدف فيها ان نحقق الي ماحققناه من انجازات ومشاريع ودراسات وزواجات وغيره للاحسن
ويعطييج العافيه ياقلبي

امممم كل واحد حر بلي يسوييه

والله يهدي الجميع

مافيها شي احنا مانحتفل عشان نقلد اليهود بس سوالف الهدايا والمفاجئات ترا تهادو تحابوووو
والسنا اليديدا تستاهل يمعات وطلعات ووناسااا مو شرط تقولين احتفال قولي سميها اسم ثاني

عدل كلامج بس حبيتي احنا مانقصد بهالشي انقلد المسيحين بس نستانس يعني لمن نيمع الأهل بهاليوم وونطر اندش السنه اليديده او نطلع انتعشى بمطعم يعني كل واحد ونيته

الرسول عليه الصلاة والسلام يوم قال صومو عاشور يومين قبله او بعده والسبب عشان مانتشبه باليهود يصومون بهاليوم

نجي احنا يالمسلمات ونحتفل براس السنه ونتشبه فيهم ؟ عيد المسلمين معروف الفطر والاضحى فقط

واذا كل هذا عشان ترضين زوجج بلعنته عنه مارضى اهم شي رضى الله سبحانه وتعالى بدخل القبر بروحي مو مع زوجي

عموما كل وحده عقلها براسها وباجر نتحاسب على افعالنا

رايي من رايهاااااااا

السلام عليكم حبيايبي

ادري الموضوع مو مكانه اهنيه
بس بما ان القسم المفضل لي وما اعرف الاقسام الثانيه كتبتبه

الموضوع يخص بنت خالتي

هي كانت تحب واحد لدرجة الجنون لأن الوحيد اللي عرفته بحياتها وهو الظاهر وبعد فتره اكتشفت ان مالج وانصدمت وصار يبرر لها ان مغصوب واهله ملزمين عليه علشان اخوانه الاصغر تزوجوا واهوا لا ومن هالكلام واصلا كان مالج قبل لا يعرفها وبين لها ان بيحل الموضوع

وبعدها بفتره جاها وقالها انا ما اقدر اغير شي ولازم نترك بعض وان خلاص والبنيه انهارت ومن مستشفى لمستشفى وكل مالها وحالتها تسوء وهو عارف بتعبها بس ما حاول يسوي شي

والمصيبه ان البنت حيل تعبانه لأن باجر زواجه وهي متحطمه

يعني ليش بنات الناس لعبه عندهم وليش مايخافون ربهم ما عندهم اهل ولا خوات !!

وشلون يدخل حياة ويبني سعادته على ضياع بنت مالها ذنب الا انها حبته !!

حسبي الله ونعم الوكيل وعسى حوبتها ما تتعداه ويعرف ان الله فوقه وان بنات الناس مو لعبه

سامحوني كلامي وايد بس من حرتي عليها سجلت وكتبت ادعولها الله ينصرها على من ظلمها ويرد لها حقها يارب

يرد لها حقها !!!!!!!!!

اهيا مالها حق عليه ولا له حق عليها .. لا هو زوجها ولا اخوها ولا خالها ولا عمها .. من وين لها حق عليه !!!!

اهوا قليل ادب وخااين … واهيا كانت تبي هلشي … ولا من تدري انه ملج ماتنطر تبريراته تخليه .. شلون تكلمه واهوا في مره بذمته … !!!!!!!

اعتقد ان هذا جزاها … لانها كانت تبي الريال يطلق الي ملج عليها علشانها هذا كان املها لمن كلمته واهيا درت انه مالج … حتى لو درت عقب ماحبته ماتبني سعاده على سعادة غيرها … وشنو الي صار؟ قزرها عليها لمن قبل العرس قالها بيباي يبي يتفرغ حق زوجته زين بالله جذي !!! .. اهيا الي رضت على نفسها

دررر ماشاااء الله علييج

الله لا يبارج في احد واحد يلعب ببنات الناس

والدنيا دوارة

بيي له اللي يقزرها على بنته

حسبي الله ونعم الوكيل

[size="5"]انا بس برد على كلامج هاذا ..!!

اذا الشباب مايخافون ربهم ترى ارفيجتج هم ماتخاف ربها وسوت علاقه مو شرعيه ويا انسان مو محرم عليها ..!!!!!
ولا حشمت اهلها ولا حطت لهم اعتبار اتخيلي ابوها ولا امها ولا اخوها طاحو عليها ..؟؟
شنو بتكون حالتهم ..!! هم من مستشفى لي مستشفى ورب الكعبه اعرف واحد حاشه شلل يوم طاح على بنته ..!!!!!
مثل ما اهي ماخافت ولا احترمت اهلها ربج مايطق بعضى وقلعتها اللي صار فيها جذي لان مابنى على باطل فهو باطل واللي سوته حرام ..!!! وذنب عظيم ..!!
اسفه ماقدر اتعاطف مع موضوعج لان الحرام حرام ..[ومافيها روح وتعال ../size]

حسبي الله ونعم الوكيل

لاتزعلين من كلمه الحق

اهي خانت اهلها وكلمته تبينه يثق فيها؟؟؟

وغير جذي مالها اي حق وماظن لها حوووبه عليه وبنت الناس الي صارت على ذمته هي الي لها كل الحق

خليها تستغفر ربها وتذكره والله يرزقها بالرجال الصالح

الله يهديهم

و الله يعوضها خير

اتمنى ما تزعلين

خرابيط

تدعين على شنو اهو خايس واهى شيطانه تعال طلق عشانى سورى حبوبه بس انا امشى سيده ماعرف الف وادور بلكلام

{{ذنباً لايغفرااان الشرك بالله والاضرار بالناااس}}

لاتخااافين ياااااقلبي الدنيااااا صغيره صارت ودواره بكرى يلقاها بنفسه وبعز مايملك ويمكنتدور الدنيا ويصير لاخته مثل ماااسوى

لبنت النااااس …حسبي الله على كل شاااب كان السبب في اضرار بنت وحسبي الله على كل شاب يخون وحسبي على طل بنت تخرب

بين علاقة ثنين…الله ينتقم منه يارب وعسى ماااايشوووف السعاااااده…

وانتم يااااااااااااااااابنااااااااااااااااات توووبو خلاص منتو شاااايفين وش يصير بهالدنيا متى تنقبل التوبه…؟!

ترى الدنياااااااااا ماتوقف على رجال طز فيه الله يعووووضها بووواحد احسن منه يارب ويهدي قلبها وبالها خليها تصلي وتستغفر كثير ووتتحسب عليه…صدقيني صدقيني ربك مياخلي احد…

كلامج كلش مو منطقي

اهم شي تدعين على اللي ظلمها ههههههههههههههه

لما درت مالج ليش مانفصلت عنه وبعدت

الحين الكلام ماينفع الله يهديها

واهو راح بسبيله وتزوج

اهم الاثنين غلطانين والله يهديهم

سبحان الله كلكم الحين صرتوا ضد الحب وصار باطل

واظن قلت ان اهوا قال ان رافض هالزواج ويبي يعدل وضعه

اعتقد اللي مو عاجبها الموضوع تقدر ما ترد مو شرط ابد ولا اجباري تغلط وتستهزأ

حسبي الله ونعم الوكيل والله مقسم الارزاق مو انتوا

خليكم على الرياجيل اللي جدامكم اسكت واهوا لا عب لعب بس اسمكم متزوجات

هااي بناات ,,

شلونكم شخباركم حبايبي ؟..

.

.

بدش بالموضوع على طول .. أبي كل وحده تقول المواقف الي صارت لها أول يوم عرسج او اول ليله ..

يعني شصار فييج من الخوف او صار شي يضحك جذي لانه في ناس من الخوف تضحك و في ناس العكس لوول == )

يالله ناطره ردودكم الحلوه :$ ~

شددعوه وين الردود =@ !

موضوع متكرر بس اب لعيونج

بنات ،،

ليش اللي حامل وفيها ولد ما تعلّم ؟؟ واللي فيها بنت تعلّم ؟؟ اشمعنى؟؟؟؟؟؟؟؟

وليش لما يقولون في فلانه بنت يصير عادي ولما يقولون فلانه سوت سونار وفيها ولد ناس تستانس وناس تقول ياحظها وناس ووووو

وبعدين اذا وحده ماتبي تعلّم او حابه تخليها مفاجأه تشافحوها الناس وقالوا اكييييييييييد فيها ولد واهي ماتدري شنو فيها بالاساس تبي تخليها مفاجأه ….. والناس تمشي وتقول ولد ولد ولد …

وبس

لان الولد يونس اكثر من البنت و الناس خاصه الاغلبيه يحبون يكون عيالههم صبيان اكثر من البنات

مادري بعد كل واحد وتفكيرة

ليش الولد يونس اكثر من البنت؟؟
ترا نفس الشي و انا بالنسبه لي امووووووووووووت عالبنات اشحلاتهم ايننون ..
و اللي ايي من الله حياه الله

كل واااااااااااااااااااااااااحد و مخة و تفكييييييييييييييييييييييييييرة

انا ما تفرق عندي اذا بنت ولا ولد
الي ايي من الله حياه الله
اهم شي يكون سليم
البنوتة حلوة باللبس و الشبابيص و التراجي و التنانير و النفانيف الروعة و الذهب
بس ممكن الناس يستانسون على الولد اكثر يمكن عشانه اهو الي راح يكمل باسم ابوه, يعني الابو الي خلفته كلهم بنات لي تزوجوا عيالهم شالو اسم الريل و اسم البو يروح معاه
بس

لانهم متخلفين

حبيبتي اقولج شي اقثج ؟؟
انا يوم كنت حامل في بنتي الثالثه و حده كل ماتشوفني تقولي شنو فيييييييج اقولها مفاجأه

و يوم ولدت و درت اني يبت البنت الثالثه جان تدقلي و تقولي هذي مفاجأتيج !!!

لول عبالها مثلها فيني و لد ماتبيني اقول قلتل لها اي نعمه تييني من ربي حلوه و فاجأه بالنسبه لي

بالنسبه لي احب البنات اكثر

وكل وحده وتفكيرها

الحمدالله والشكر انا مااحب هالنوعيه كلششششش يعني نفس ولد خالتي الحمدالله والشكر كاان يبي يطلق مرته لما دراا
ان بالطريج البنت الراابعه الله يعينهاا على تخلف وعقل زوجهاا
بس يمكن لانه الولد يشيل اسم ابووه والبنت لا
بس عن نفسي البنت احلى وتونس اكثر

لان هالايام اغلب المواليد بنات .. البنات زايدين .. فا صارو الناس يتمنون الولد ..

والله الصراحه بنت ولد نعمه من الله انا اهم شي عندي القومه بالسلامه للام والبيبي

وانا الحين حامل الصراحه عادي ولد ولا بنت لان الياهل يونس وسواء بنت ولا ولد وانا بجر يعني اللي من الله حياه الله اهم شي الصحه والعافيه

بنت و لا ولد المهم طبيعي معافى و صالح !!

واي في ناس ليلحين تفكر جذي
الحمدلله و الشكر

كله رزق من الله ياقلبي انا عن نفسي مااعلم لانه اصلا انا نفسي مو متأكده شلي فيني هذا سونار مو100%اكيد

ماودج تقولين ويطلع العكس وتالي يقولون جذابه وماتعلم<<

وبالنسبه ليش الحريم يبون ولد<<عشان الرجال اهو اللي يبي وكل وحده تمنى عشان ترضي زوجها

لانهم الحمدالله والشكر تخلف يبون يتزوجون الثانيه عشان الولد

على قولة وحده من الردود تخلـــــــــــــــــــــــــــــــــــف

العيال الحين صاروا يربطون المره =امهم
الريـال للأسف صار مايربطه شي

شوفي في مثل

اللي ما يغلي جبينج ما يغلي جنينج

فهمتيني يعني الموضوع مترابط كلن يوثق الثاني الحب بدون اطفال صعب اشوي بتحسين في فراغ وخصوصن لو كان العيب بواحد منهم باب للمشاكل ما يسكر

اما الجهال فانا اعتبره شي يدعم هالحب ويزيده انا اقولج قبل مو حيل احب زوجي يعني زواج تقليدي

فبعد الطفل الثالث خلاص بدا الهيام والخبال يزيد

فهذي نظرتي عن الموضوع كلن يكمل الثاني

ماادري بس العيال عزوه لج مو للريل
حلو انج تتحققين حلم الامومه والاحلي تربينهم وتشوفينهم يكبروون قدامج ممو مهم امسك الريال بالعيال لان هالكلام مااظن انه صح انا ابي احقق سعادتي واشبع امومتي بعيالي اذا كنت حاطه بالج انج تمسكين الريل بالعيال فهذا مفهوم مااحبه العيال نعمه من رب العالمين موقادره تربين اوماتحبين المسيوليه لاتجيبين عيال اولا تكثرين علي غير صنع اتمني الفكره وصلت وهو العيال عزوه وسند واشباع واحساس عظيم لج انتي مو عشان خاطر الريل

شوفي الريال مايمسكه شي بس محد ينكر ان وجود اطفال بين الزوجين يخليهم يتنازلون علشان المركب تمشي ولايعيشون العيال مشتتين

لا اذا الريال عوي بتم عوي ماراح يتعدل و انا اشوف اذا الوحده تزوجت واحد الله بلاها فيه ما تقوم تترس البيت كوكش يهال خل تعرف ارضها من سماها وياه يتعدل يتسنع كفو يصير ابو مو تدبس روحها وياه و عقب تاكلها تقعد غصبن عليها وياه عشان العيال

الرجال مايمسكون الرجال بس لهم دور مهم حييييل يعني الرجال بينشغل باله بعياله بيفكر يجمع لهم فلوس حق المستقبل ويشتغل وظيفه زينه علشان مايقصر فيهم أما الرجال اللي ماعنده عيال طبعا البعض مو الكل يكون باله فاضي وفلوسه زايده فيفكر بالخربطه أو زواج ثاني يعني ماعنده مسأوليه والعيال بعد يحننون قلب الأبو وبعضهم ينصلح حالهم علشان يكونون قدوه زينه لعيالهم ومايقربون من الحرام او الغلط–وطبعا فيه رجال ماااهمهم العيال اهم شي عندهم وناستهم

اهم شي تفكير الريال ومحبته لزوجته

الحب اللي يمسكه
مو العيال

مع شواقه

في هالزمن الرجال مايمسكه الا الله سبحانه وتعالى
لا عيال ولا يحزنون

حياكم الله ردودكم وايد اثرت موضوعي

الريال ما يمسكه العيال

اول السنوات مفروض يا خذون راحتهم وبعد 3 او اقل بجيبوا اولاد والذي يمسك الرجل دين المراة واخلاقها

السلاااااااااااام

بنات في شي يقرقع بقلبي وودي اسالكم ياه

دايما نشوف في حريم ينقهرون من رياييلهم اللي يحرونهم بتعليقات مثلا او اللي يقولها زوجها بتزوج عليج عشان يطفرها وجذي

وفي النوع الثاني .. اللي مايعلق خير شر ومايحب يحر زوجته ويعلق على بنات غيرها او يهددها بالزواج

تهقون هالنوع ^^^^^ اهو اللي ينخاف منهم ؟؟وتكون نيتهم غير واللي بقلبهم شي ثاني ؟؟

وايد اسمع يقولون (يا خووفج من السكوتي)

هل انتو تايدون هالشي ولا لا ؟؟

انا احس مو شرط اذا الريال يسكت يعني (ياما تحت السواهي دواهي) ..يعني يمكن يخاف يجرح مشاعر واحاسيس زوجته المرهفة ؟ … ويمكن اهو نوعه مو جذي اصلا ؟؟

شرايكم

لا طبعا مو كل سكوتي لوتي

بس اصدقين اللي وايد يتحجى مايسويها بس يستانس يشوف غيرة زوجته عشان جذي انا دايما انصح الحريم اللي رياييلهم هالنوع انهم يعطونهم على مايتهم

يعني تقوله ياويلك _ ترى اذبحك انت وياها _ راح تشوفه عقبها يطقها ضحكة مابعدها ضحكة

ياللا نونسهم اشورانا

ههههههههههههههههه ام مريوم يا حلوو مواضيعج 00
حبوبه اهم كلهم ينخاف منهم السكوتي والقراق لووووووووول 00
بس سالفة التطفير حلوه ومو حلوه مرات احس اني صج انقهر واغار ومرات اقول لالا يبني ادلعه عاد تشتغل ردود الافعال الدلوعيه المليقه لين يكره اليوم الي طفرني فيه ههههههههه
تبين تضحكين مره قاعد يطفرني بالاخير لما زعلت 00 جان يقولي اهو انا عندي عيونج بالدنيا ولي فيها 00 جان اسوي حركة الدلع حق زوجة بباي وارمش بعيوني وقعدة اتلوى 00 جان يقول شفيج تعوقتي هههههههههههههههههههههههههه وهدني ومشى

مشكورين

*جوري*

لوووووووووووول مو انا عقب ماقريت سالفة رز باللبن طرى في بالي هالسؤال .. قلت انا زوجي مايحرني جذي اخاف اهو من هالنوووع اللي ينقال(السكوتي لوتي) لووووول

وصج ظحكتيني على حركة مرت بباي خخخخخخخخخخخ .. الله يخليه لج ويسخره لج ياقلبي

حبيبتي ام مريوم تسلمين 00 ويوفقج بحياتج حبوبه ويهنيج
تدرين من قهري بسوي نك نيم رز بلبن ههههههه

والله على حسب الريال
في ريال ما يخاف ولا يحسب حساب اللي جدامه ويقطها بالويه
وفي ريال يخاف و يسويها من تحت لي تحت
وانواع كثيره
تعتمد على شخصيه الريال

أنا أخاف من الرياجيل بكل أنواعهم !!
وفعلا أنا أأيد إن الرجال اللي دايم يقول بتزوج ماعنده إالا الكلام !
أما الرجال اللي ساكت ينخاف منه !

كل الريااايييل يخوفوووون ومافيه ثقه

بهالزمن كلهم نفس الشي

كلهم يخرعووووووووووووووون @@

لوووووووووووول اي والله ينخاف من الرياييل كلهم!! بس عدل والله السكوتي تطلع منه بلاوي الدنيا

ياحليلج جوريه ليما الحين منقهره منه
عيل لو انتي مكاني وتسمعين زوجي شيقول<يوميا>
جان صار فيج انهيار عصبي اوتنجلطين بعيد الشر عنج

ام مريوم اتمنى تكون نظرية السكوتي لوتي
لان اللي عندي من ايام الملجه لي هالحظه ماله سالفه الا بيتزوج
كل يوم قبل النوم وع الريج و ع الوجبات الثلاث والسناك بعد
يعطيج العافيه مواضيعج تخبل تهبل تينن

وااااي خرعتوني من السكوتي

انا كله احاتي انه عقب اذا صارلي سنييييييين مع ريلي وكبرت وصار شكلي كبير

انه يتزوج علي ويخليني

واي صج الزمن غدااار

ما ندري شنو الي خاشلنه الزمن

بس الله يخليلنا رياييلنا ويحفظهم يا رب

ويعمي عيونهم عن اي بنيه غيرنا

مشكورين على تفاعلكم الحلو ..

شيخة الزين

واااي نفس تفكيري .. المشكلة لو اهما كبرو وشابو ماعندنا مشاكل … المصيبة لو احنا اللي نكبر شلون بيصير شكلنا واااي قهر

صباح الخير
اعتقد ان الرياييل مو نفس الشي وعندي قاعده اللي يهدد ما ينفذ تهديداته
واللي يسكت يمكن طبعه هادي ومايعلق يراعي مشاعرج وهالشي حلو بس اللي يعلق ودفاشة ما ادري شقولج

كان هناك رجل تـعـب من الذهاب للعمل كل يوم
بينما زوجته تبقى في البيت

وعند المساء بدأ الصلاة وطلب من الله أن يستبدل
جسده مع زوجته ليومين فقط لتعرف زوجته بماذا يشعر.

فجأة ظهر له مارد ولبى له طلبه

وفي اليوم التالي استيقظ
وقد تبدل جسده من رجل الى كأمرأة.

حضر الفطور
أيقظ الأولاد
حضرهم للمدرسة
ناول الأولاد فطورهم
حضر سندويتشات المدرسة

أخذ الأولاد للمدرسة
عاد للبيت وغسل الغسيل
ذهب ليتسوق ..
ثم عاد للبيت وكانت الساعة الواحدة ظهرا

طبخ الغدا
مسح الأراضي
نفض الغبار
ذهب سريعا للمدرسة ليأتي بالأولاد
أطعم الأولاد وجلس يساعدهم في وظائفهم

طوى الغسيل
كوى الملابس
في السادسه والنصف أخد يحضر طعام العشاء
بعد العشاء جلى الصحون ونظف المطبخ
حمم الأولاد وأخدهم للنوم
أصبحت الساعة التاسعة وعمله لا ينتهي ….

في صباح اليوم الثالث استيقظ وفي الحال ركع
وقال : يارب لم أكن أعرف حقيقة ما أفكر به ,
كنت مخطئا عندما فكرت أن البقاء في البيت مريح أكثر
أرجوك ……أرجوك ………أعدنا كما كنا !!!!

ظهر له المارد وقال : يا ولدي ,أظن بأنك تعلمت الدرس
وأنا سعيد كي ترجع الأشياء كما كانت

ولــــــــكــــــــــن ..

عليك الانتظار تسعة أشهر لأنك الآن …….. حـــــــامـل !!!
_03ba:_03ba:_03ba:

هههههههههههههههههههههههههههههه امبيه لا حدها نكته,,,,

هههههههههههههههههههههههههههههههههههههههههه
هذا شغل البيت تعبه عيل شلون النساااه وللولاده والطامه اللكبري الحباس يوووه قصدي النفاس

ههههههههههههههههههههههه قويه

هههههههههههههههههههههههه قويه

هههههههههههههههههههاهاهاهاهاهي جاان زين يجربوووووووووووون

هههههههههههههههههههههههههههههههههههااااااااااااااا ااااااااااااااااااااي

لووووووووووووول

حدج منقهرة منهم لووووووووووووووووووووووووووووول

يستاهل عساه من هالحالة واردى

والفال لرجاجيلنا

واحنا نقعد بالدواوين للفجر لوووووووووووووووووووووووووووووول

مشكورين حبيباتي على الردود

تقبل الله طاعتكم وعساكم من عواده

اختكم ام عمران