|
|
مساء الخير للحلوين
طرى في بالي سؤال ( هل انتي من النوع اللي من اول ما ينزل المعاش أو ريلج يعطيج مصروف تطيرين السوق 
) يعني مو تشترين هدايا واشياء لعيالج وما ادري شنو ,,, لا تشترين لج بروحج
يعني بالنسبه لي في السنه حسنه أروح السوق لان أنا ظهري يعورني وما يساعد كل يوم والثاني رازه الويه ,,, ومن اروح لا ارادي أدخل محلات ثياب يهال اي ليش ما ادري !!! .gif "Eh S(1)")
وعقب لي خلصت من اليهال اشتري لي بس لاحظنت شي ترا انا ما اشتري لزوجي @@
يعني بس في المناسبات اذا كانت الظروف تسمح أما اني اتذكره !!! ما ادري ترى توني الحين مكتشفه هالشي ومتفشله من نفسي
يعني حلوو أدخل وفي يدي شي دام هو عارف وين بروح !!
بس فالحه اني أراويه شنو شريت وشنو شريت لعيالي @@
اي بس شاسوي ساعات ميزانية السوق تطيييييييييييير في يوم 
ما ادري أحس ما في كنترول .gif "Eh S(14)")
لا وطالعه بحركه يديده آخذ الشي ما شوف سعره يا زعم اني مستعيله
انزين شلون الحين !!! شلون أرقع الموقف !!!
انتوا شتسوون !!
أنا صح والا وشو يعني لازم اشتري له !!! 
لكن اذا رحت السوق لازم اشتري لعيالي و زوجي
خلاص تعودت اذا رحت لازم اشتريله
لو تيشيرت المهم ما ادش البيت ايدي خاليه حقه
ادهن سيره عشان لو طولت بالسوق مايقول شي 
اي عاد ليش أنسى اشتريله ما ادري !!!
يمكن لان يعني ادخل السوق بس اذا احتجته ويكون في بالي اشياء معينه !!!
صج فشله …
انا اول ما ينزل المعاش ارتب ميزانياتي على الشهر ..
و اخصص ميزانية للتسوق حسب الحاجة طبعاً .. و غالباً اتسوق معاه ما اتسوق بروحي !
اما بالمناسبات حلو انج تهدينه شي . .
شوفي اذا زوجج من النوع اللي يتذكرج وييبلج شي بطريجه .. حلو انج تذكرينه بشي مرة بالشهر مثلا
وبالنسبة لي انا من النوع اللي اول ماينزل المعاش اروح طيراان السوق اييب اللي ناقصني .. واذا في مناسبة معينة احب اتذكر زوجي بشي مثلا عطر او تيشيرت .. او حتى نوع حلو يحبه او اي شي .
|
المشاركة الأصلية كتبت بواسطة Princess Lady
 أمواج البحر ( أدري شكلي مب ذربه )
اي عاد ليش أنسى اشتريله ما ادري !!! يمكن لان يعني ادخل السوق بس اذا احتجته ويكون في بالي اشياء معينه !!! صج فشله … |
لا لا حبيبتي ماله دخل بالذرابه
انتي ذربه لا تحاتين ^_^
اهي مسألة تعود … يعني شوفي انا ريلي من النوع اللي يذكرني لا طلع
بس شنو يشتريلي … اكل هههههههههههه
يعني اييب لي شيز كيك … ورق عنب … كب كيك … عصير … دونات
هالسوالف يعني
وحتى اذا طلب شي لدوانيته لازم يتنقصلي
اهو جذي عودني ما يدش الا بايده شي يزيد الوزن 5 كيلو
اشوا اني ضعيفه والا جان علوم
مو فشله حبيبتي ما تشتريله لانه مو شي الزامي
بس قلت لج اهي مسألة تعود
كنت اييب بين فترة وفترة بس اهوة لأ، بس بالمناسبات مايقصر
ونصيحة تركي عنج محلات اليهال
انا كنت نفسج فلوس كله رايحة على هدوم اليهال وبعدين ليمتى فلوسنا مولنا وبس نشتري بلا تفكير!!
ابو العيال مايقصر كل دخلة موسم يشتري لعياله وبصراحة كافي
صرت ماادش محلات اليهال كلش الا اللهم كليرز حق اكسسوارات بنتي انا اشتريها واستانس اتنقى معاهاااا
وباجي فلوسي لمشترياتي انا وبس
بالنسبة للزوج مو دايما اذكره وعادة عطور اشتريله
والفترة الاخيرة قمت احاول اخلي روحة السوق خاصة لعيالي او لي
لأن محلاتي مو مثل محلاتهم
وغالبا معاي ورقة الطلبات
وغالبا ارد ماشريتها!!
بس خلاص من اهني ورايح حطي ابالج هالشي بس ترى مو الزامي
لا لقيت شي حلو ويحبه زوجج اشتريه وخليه من فترة لفتره مو كل ما رحتي شريتي
عشان يتفاجأ كل مره
بس اذا طالعة مع زوجى ابدى بعيالى واشتريلة من حساابة طبعا يعنى انقى معاة وقلبى يقرررصنى لازم اطلع وانا ماارة محل حقى اشترى اى شغلة اهم شى ماااطلع من غير مااشترى لنفسى شغلة وحدة وينتهى الشوبنق
بس عادي حبيبتي حلوة تذكرينه مرة مو كل روحه للسوق تشترين لانه بيتعود بس هم حلو لو تعود يعني كييييييييفج حبيبتي
الحين لا يعني اهتماماتي البيبي وبعدين انا وريلي بين فتره وفتره اشتري شي
بس مره امبلا اتذكره يوم رحت القرشي شريتلي بخور على دهن عود على عطر ومسكين اهو كان معطيني الفلوس عاد صاحب المحل قال بعطيج هديه لان كنت شاريه بمبلغ موشويه .. عاد يوم قالي نقي من الدهونات قلت بنقي شي حق ريلي واخترتله دهن عود رجالي وايد حلو .. يوم رحت البيت قتله حبيبي شريتلك دهن عود ان شاء الله يعجبك < الف خط تحت شريتلك ههههههههه حده استانس فقييييييييير
هاذي المره الوحيده اللي ذكرته فيها .. بس الباجي بالمناسبااات .. لازم هاذا شي ظروري عندنا .. بس غيره لا مو بخل بس انسى واللله
و رايحه مخصوص ابي شغله ضروري
تلقيني افر اروح القسم الرجالي اشتريله اهو و انسى نفسي
زين نبهتييني . لو بشتري وقت عيد ميلاده عطر ـ ساعه ـ قلم ـ يعني الاشياء هذه
