|
|
شلونكم بنات
تكفون بنات ابى فزعتكم ونصايحكم تكفون لاتكشتون فينى
مثل منتوا شايفين من العنوان ولدى اسم الله عليه عمره 3 سنوات و8 شهور كل يوم اكتشف فيه طبع جديد والله كان هادى وخواف وماله حس تقريبا من كمل 3 سنوات واهو مطلعلى قرون لسانه طويل واذا طلعنا اى مكان يتحرش بالجهال ويطق المشكله اهو اللى يتحرش واذا كلمته مايفهم وطبعا بالبيت معزر بخوانه طق وتكفخ وحتى الخدامات مايسلمون منه والمصيبه قاعد يتسمع للحجى اى احد كبير يتكلم يلقط الحجى ويجى يقولى واللى مجننى قام يتغافلنا ويطلع بروحه لشارع يتمشي ويتعرف على اى احد واخوفه اقول فى حرامى الجلب الكبير بيجيك يقولى انا رجال والحين طايح بطبع جديد يقط نفسه على اى سياره تمر بالشارع والله قلبى بيوقف بسبته جننى لدرجه هذام اليوم بغى الغاز يطيح عليه بس الله حماه وكان عنده ابوى وامسكه والله ستر عليهجربت معاه كل انواع العقاب بس ماكو فايده
بذمتكم شل حل والله تعبت
اغلب الصبيان جذي
انا عندي اسم الله عليهم 3 صبيان اثنين توام عمرهم 3 سنوات والكبير اربع ونص
مطلعين لي قروووووووووووووووووووووووووووووووووووووون
بس انتي دايما حطي بالج عليهم ووسعي صدرج
ترا اهمه يهال ما يعرفون انه هذا خطر او لأ
علميهم باسلوب حلو من غير تخويف بس بنبرة حاده شوي يعني مو صراخ
وانه يطلع بروحه قفلي الباب عنه الحل الوحيد
الله يكون بالعون
ذاك اليوم مسكر خشم اخوه الصغير وثمه اقوله لا يموت لاتسوي جذيه
يقولي عادي يروح الجنه انتي قلتي الجنه فيها حلويات واجد خل يستانس
بالله شرد عليه سكتني والله
بس على طول اراقبه اخاف عليه لانه حرج اسم الله عليهم بهالعمر يتعبون
و بكل مكان مفشلني
اذا لقيتي الحل قولي لي
مع العلم اني جربت كل انواع العقاب
انا ولدي عمره 6 سنين وبلش بهالسوالف من عمر ولدج تقريبا
يعظ وايده طويله وما يحترم الكبار ولسانه طويل يتكلم اكبر من عمره اسم الله عليه وعنيييييييييييييييد
ذابحني وورم قلبي منه اسم الله عليه
والله ان يوم زوارتي احط ايدي على قلبي معن الكل يبيه وينطره بس بعض المرات يسوي اشياء يفشلني يقولون لي لا تييبينه خليه مع ابوه 
كل يكبر يزيد لالا لا :"(
يمكن يسمع منه
عاد اهو ولد اختى اكبر منه بسنه
يارحنا الزواره وتجابلوا طقنى واطقك ولا انت جاهل وانا رجال 24 ساعه طق جننونا الله يهديهم
انا قالتلى اختى اخيس عمر اللى ب 3 سنوات
بس ماقول الا الله يهديهم على قوله امى عيال الحين سكانوه ماينقدر عليهم ههههههههههه
ماكو الا ندعيله بالهدايه وان الله يحفظهم
|
المشاركة الأصلية كتبت بواسطة أم زايد ويزن
 خلي ابوه يحاتشيه ويخوفه
يمكن يسمع منه |
انا زوجى من النوع عيالى لحد يقولهم شي
باسه قوى عيالى يطقون بس ماينطقون
عيالى يخافون منى اكثر من ابوهم
وكذا مره اكلم زوجى بس ماكو فايده
نصيحتي لج:
1) حاولي تعطينه واجبات داخل البيت وأعمال مفيدة يسويها مثل تكرمين ترتيب الجواتي أو ترتيب السرير أو تنظيف غرفته
2) وديه حضانة أو روضة ممكن يفرغ طاقته أكثر
3) شركيه بنادي كراتيه للاطفال أو سباحة أو رياضة معينة للاطفال الحين في لتل جيم مثلا بالجابرية ياخذون بعمر ولدج عندهم سباحة ورياضة وغيرها
4) إهملي السولك السيء يعني لو بدأ يستثيرج ببعض الحركات للفت الانتباه سوي نفسج ولا دارية عشان ما يحس إن لفت انتباهج بهالحركات وشجعيه دايما على السوك الإيجابي وكافئيه على السلوك الإيجابي
5) حطيله في المطبخ جدول الثواب والعقاب أنا استفدت منه وايد مع ولدي يعني ممكن تحطين له في المطبخ على الثلاجة جدول أسبوعي فيه عدد المرات اللي عمل فيها أشياء زينة وكافئيه في الويك إند عليها.
6) لا تضربي لا تضربي لا تضربي فأسوأ عقاب يولد العدوانية هو الضرب
7) لا تقارنيه بغيره فالطفل يكره المقارنة بالىخرين
8) لا تقولين له إنه مو حلو أو موشاطر أو تطيه كلمات سلبية كثري من الإيجابيات معاه
والله يوفقج
وبيكبر اشوي وبيعقل >>> عن تجربة اعيال اخوي العن منه
ويستر عليه ان شاءالله لا يأذي نفسه
انا من العنوان فهمتج شي ثاني
لان مارين علي يهال يتخيلون نفسهم سوبر مان وجذي
واحد ابوه مستانس يايب له لبس باتمان من كثر ما يقول انا باتمان
ابوه عطاه اللبس هني والحبيب لبسه وصعد فوق الكبت ونط حسباله بيطير وطاح وتكسر
الله ستر مو ناط من الدريشة
