من أسراري تفيد المتزوجات و غير المتزوجات

قوه كويتيات

من زمان كان ودي اكتب الموضوع بس كل مره اقول برتبه عدل و انزله لاني بصراحه ما احب احط مواضيع اي شي.. طبعا لا تستانسون وايد لاني لما الحين ما رتبته هههههههههههههه

بس مليت من نفسي و قلت بختبر شطارتي الارتجاليه

طبعا موضوعي يخص الجمال و النظافة واتمني من المشرفات حبيباتي * ام ضاري و دانسينق كوين وحبيبتي بتبوته* اتمنى ما تنقلون موضوعي لانه راح يفيد المتزوجات خاصه

———————————–

امممممممم مادري اشلون ابدأ الموضوع

لآنه انا يهمني انكم تقتنعون باللي راح اقوله و ابيكم كلكم اطبقونه ..فاهمين !!

ولا ترى يا ويلكم

وي وي خلاص خلاص ادري عصبتوا علي…. دايما اتبع هذا الاسلوب مع خواتي وبالنهايه اتفنقر هههههههههههه

شوفوا حبايبي

اولا صلوا على النبي

موضوعي عن نظافة الاسنان و بياضها وحمايتها من التسوس و البكتيريا اللي تسوي ريحه مو حلوه في الفم.. طبعا عنايتي كلها متوفره بالاسواق و الجمعيات و فوق هذا سعرها مو غالي لكن عمايلها تساوي مئات الدنانير

يعني اللي بطبق معاي ان شا الله ماراح تحتاج تروح حق طبيب الاسنان علشان يبييضهم بالاضافه انها وقاية و حماية للأسنان ضد التسوس وراح تستغتون عن غسول الفم المطهر (المضمضة اللي يبيعونها بالجمعيات و الصيدليات)

زيت المسمار المركز Essential Clove oil

راح اتكلم عن فوايده

* له خاصية مضادة للبكتيريا وللفطريات و الفيروسات و مطهر

*غني بالمعادن مثل الكالسيوم والحديد و الفسفور و البوتاسيوم بالاضافه انه فيه فيتامين أ Vitamin A و فيتامين سي Vitamin C

*يقتل الجراثيم في الفم اللي تسبب التهابات اللثه والقرحه واللي تسبب الروائح الكريهه و التسوس

*مهدئ للآلام الأسنان

*وترى وايد في مكونات المنتجات مالت العناية بالاسنان من ضمنها غسول الفم و معاجين الاسنان

*** نقطة مهمه جدا: زيت المسمار مركز جدا اذا استخدمتوه بدون تخفيف ممكن انه يحرقكم

و عقب ما شرحت لكم فوايدة راح اقول لكم شتسوون

1- تييبين فرشاتج و معجونج اللي ترتاحين لهم و تحطين بس نقطه معجون بسيطة على فرشاتج

2- تحطين مقدار نص ملعقة وسط من بيكاربونات الصوديوم (انابالنسبة لي احط ملعقة كاملة) طبعا مو كله راح يثبت على الفرشاة الباجي حطيه بحلجج بس مو تبلعونه طبعا في ماركات وايد من البيكاربونات الصوديوم بس انا احب هذي الماركه *آرم اند هامر*

[IMG]https://www.vivawoman.net/wp-*******/uploads/2008/08/baking-soda-brush-teeth.jpg[/IMG]

3- تحطين قطره و حده بس يا بنات بس قطرة وحده من زيت المسمار على الفرشاة.. ماله داعي المبالغة لانه وايد مركز و حار .. قطرة وحده تكفي انها تنعش الفم كله و تطهره وراح تحسون في هالشي
بالنسبه لي انا استخدم ماركة بيلز Bell’s تلاقونه في لولو هايبر ماركت بقسم الأدوية و بعض الصيدليات وهذي صورته

الطريقة هذي انا اسويها بالاسبوع مرتين او 3 مرات و ترى ما تضر اذا استخدمتيها يوميا

راح تلاحظون اسنانكم صارت بيضه و الروائح الكريهه تروح و ريحة انفاسج حدها فريش

ومابي منكم غير دعواتكم لي بالتوفيج وان الله يسهل لي اموري كلها و يستر علي

وبلييييييز اللي بتنقل الموضوع تذكر المصدر

للرفع

فديتش ع الموضوع

مشكوره الله يعطيك العافيه

بس لازم نحط بيكاربونات الصوديوم

مشكوره حبيبتي نجرب

بيكاربونات الصوديوم اهي السر في تبييض الاسنان و ترى آمنه ما منها ضرر

بس اذا تبين تستغنين عنه عادي ما فيها شي بس ما اضمن لج نفس النتايج

مشكوووووووووووووووووووووووووووووووووووره حبيبتي

وان شاء الله نجرب

مشكورة حبيبتي
بس وين الاقي زيت المسمار

/

ثانكــــــــــــــــــــــس

يسلموووووووووووو

جزاج الله خير

بيكربونات الصوديوم شنو شكلها ياليت تنزلين لنا صوره منهم فديت عمرررج

وربي يسهل درووبج وويوفقج ويستر عليج وبنات المسلمين

يسلموووووووووو

[QUOTE=لميني ياضلوعه;25044019]بيكربونات الصوديوم شنو شكلها ياليت تنزلين لنا صوره منهم فديت عمرررج

وربي يسهل درووبج وويوفقج ويستر عليج وبنات المسلمين[/QUOTE

مشكووووره حبيبتي على الدعوه الحلوه

و بيكاربونات الصوديوم موجوده بالجمعيات مع البيكنغ بودر مال الكيك و في منه ماركات وايد بس انا احب استخدم هالمارلكه اللي بالصوره