منو المستشفى ولا العياده اللى يعطينى طبيه بالتلفون بدون لا اروح لهم

السلام عليكم

بنات انا تعبانه وحامل

ابى اعرف

1- العيادات اللى اتصل عليهم ويسون لى طبيه بالتلفون ولا المستشفيات الخاصه ؟

2- المستشفى الخاص جم يعطونى طبيه اطول مده جم ( شهر ولا اسبوعين ) ؟

3- الحكومه ( مستوسف جم يعطونى طبيه اسبوع ولا بس 3 ايام ) فيدونى

وضعى حرج وحدى متوهقه

ومقدمه مجلس طبيى بس على ماى مجلسى بخذ طبيات تقريب شهر ونص

ما عندي فكره ان شاء الله البنات يفيدونج

ما تشوفين شر حبوبه

المستوصف 3ايام
المستشفى الخاص اسبوع بس تروحين لهم من الاحد

وماتوقع احد يعطي شي بتلفون وليش ماتروحين كلها طبيه وتردين

حماتى قالت لى فيه مستشفيات يعطون اسبوعين – وبعضهم شهر لو دخول مستشفى

انا ما اقدر اروح والوى لانه عندى نزيف ومو زين الحركه كله نايمه على ظهري والسياره ممنوعه منها

اذا عندج نزيف المفروض الدكتوره الللي شاف حالتج يعطيج طبيه

اى بس انا محتاجه تقريبا شهر ونص ودكتورتى تقول احنا العيادات الخاصه ما نعطى الا اسبوع او 3 ايام

روحى شوفى المستشفيات وعيادات ثانيه ما يصير من عياده وحدة

اب اب

اب اب

خل اقولج اخذي اسبوع من خاص
واسبوع من حكومه

ترا اذا اسبوعين من خاص ورا بعض راح تحولين مجلس طبي وراح يقولوج شنو سبب الغياب مرضيه اسبوعين من خاص
فا انتي لازم يكون عندج تقرير من مستشفي او دكتورج يشرح ان حايشج نزيف ولا راح يكون خصم علي معاشج اذا ماكو سبب مقنع مثلاا لا ان اهم يشكون من إجازات الخاص بس حكومه ما راح تحولين

و حاليا في طريقه ثانيه طبعا صرت خبره في المرضيات و اذا طبعا ما قدرتي تاخذين مثل اول طريقه قتلج عنها
سمعي بما ان احنا اول السنه وعندج رصيد إجازات اخذي اول يوم من مستوسف وكملي باجي الاسبوع من خاص
و نفس الشي ثاني اسبوع اول يوم من مستوصف و الباجي خاص جذي ما راح تحولين مجلس

و ايي اذا ريلج عسكري خير وبركه اخذي من مستشفي العكسري مرضيه و كنت اقزرها علي هالمنوال

وهذي خبرتي بين يديك

ندا الله يسهل عليج يالغلا

بالعكس ودى االيوم قبل باجر اروح المجلسالطبي بس عطونى شهر ونص موعدى

اب اب

اب لعيووونج

مستشفى الهادى يعطون بس لازم ملف عندج اروح اى احد وقص كرت ويقول ابى مرضيه
وانا دكتورتى ليلى اشكنانى اذا بغيت مرضيه بتلفون اطلبها واى احد يمر ياخذها منهم

بعد الطبيات تبونها هوم دليفري؟؟ هههههههههههههههههههههههههههههه

انا اقووولج فتحي ملف بعيادة خاصه جذي تقدرين تتصلين بدكتورتج او دكتورج وتطلبين الطبيه وتخلين زوجج يمرهم ياخذها ويروح يصدقها لج !

والهادي يعطووون اسبوعييييين اكثر شي… اما اذا لج واسطه بالمستشفيات سووي دخوول مشتفى جذي تقدرين تاخذين شهر والي سمعته يقولوون ما ينحسن من رصيد الطبيه مو متاكده ..

واخر الحلووول اذا كلش كلش.. قزريها اسبوع ولما يخلص سوي اسبوع ثاني ولا خلص روحي صكيها اسبوع ثالث خربيها طال عمرررررررررررررررج ههههههههههه

والله انج فله

طيب الخاص اذا دخول مستشفى يعطونى شهر

يعنى اذا دشيت يوم يعطونى شهر

؟؟؟

فديتج والله ما قصرتى