ملل الأزواج من الزوجات

شنو الطريقة اللى اتبعها مع ملل زوجي يقول اذا انتى برا اشتاقلج بس اذا انتى عندي امل منج ويقول نامي اطلعى يشغلنى عشان مايقابلنى والله مضايقنى حيل وتبعانه نفسيتى منه انا اشتاق له بكل الاحوال وهو لا وياريت تساعدونى

غيروي بشكلك بأسلوبج او حتى بنبرة صوتج

غيري من طريقة لبسج

اتوقع بهالشغلات يروح الملل

انا ريلي امس قالي روحي نامي بيت اهلج ابي اشتاقلج وما ابي اشوف رقمج باجر بطرشلج مسج علشان تجهزين اغراضج واخذج انا زعلت بصراحه لان اول مرة يسويها

بس والله اول مانزلت مامداني اسلم على امي وخواتي الا دق علي قالي بعد ساعتين بيي اخذج

مع اني والله كل يوم شكل وكل يوم لبس ما اكرر اللي البسه وعلى طول اعدل بشعري واقصه وارتبه

بس انا ريلي ماكان يفارقني بالمرة يمكن علشان جذي

فأنتي روحيلج يوم بيت اهلج مو اكثر وانشاء الله بيشتاقلج

والله احنا يالمتزوجات نكسر الخاطر كل شى نسوى عشان أزواجنا .. يعنى انا وااايد أعرف متزوجات عشان يكسرون الملل يحجزون غرف بفنادق ولا منتجعات .. ويغيرووون باللوك .. لا ويحجزون حق السفر , وكله على حسابهم بس عشان يكسرون الروتين يعنى ليش الزوج مو اهو اللى يكسر الروتين ؟؟؟ ليش كله احنا ؟؟؟ المسأله مو مسألة فلوووس لا المسأله تقدير وحب >>> دشيت عرض .. ما عليه بس والله منقهره

والله مرات يحوش الازواج ملل من زوجاتهم

يعني اذا انتي معودتة على طول بالبيت يدش ويطلع وانتي بس قاعدو ومنجرة مع اليهال …..

حاولي مرة تروحين بيت اهلج تنامين عندهم …

او تزورين صديقاتج

اوتطلعين مع عيالج طلعة

المهم خليه لمن ايي البيت يدورج

ولا تعودينه انج كله اللي تدقين تسألين عنه …..

خله اهو اللي يدق

ولا دق وسألج ليش ما تدقين علي

قوليله هاا اشتقتلي ؟؟؟؟
جذي عوديه انه يشتاقلج

يعني عوديه على شي وفجأة بطلي هالشغلة وشوفي اييلج ركض

ماتقصرون بس أنا تونى عروس ما صارلى 5 شهور وزوجى سعودى يعنى يشتغل في السعودية بس الاثنين والاربعاء وخميس وجمعه يكون عندي يعنى السبت والاحد والثلاثاء موعندى بس عشان ألحين إجازة السعودية موجود في الكويت واعنا ماعندى أعيال بس تعبت من أنى أغيرؤ في شكل وحتا في البيت وحتى في الاكل بس على قولتكم كل شى من المرا لازم تغير والله تعب

اختي اشغلى نفسج بشي مفيد انا بقولج الحل المضمون باذن الله

ولا تخلينه اهو همج الشاغل

الجئي لله وخصصي لج جزء من القران كل يوم تقرئينه ولا تتنازلين عن هالجزء صومي اثنين وخميس وشوفي شلون حالج بعدين واكثري من الاذكار
وعليج بالدعاء ولا تعاتبين زوجج وبعدين شوفي شلون الله يسخره لج ويركض وراج

نفس الحالة

الله يعينج ويسخره لج

سويله ليالي رومانسيه مو الغرض منها ….؟؟

القرض تغيير جو المنزل و تغيير النفسيه..

شوفيها موضوع نبيها زوجيه وان شاءالله تستفيدين