ما اقدر اطلع مكان والسبب اني احاتي وجبة الطفل

حبيبتي الله يخليه لج ويخليج له
بالطلعه أهم شي العربانه وحاولى انج توكلينه شي يحبه مثل الروب اللي على فواكه في نوع بالمشمش ونوع لونه وردي اتوقع بطعم التوت وعادي لا تلزمين عليه اذا ما بغى ترى البيبي بسرعه يشبع وبسرعه ييوع واخذي معاج حليب للمهامت الصعبة بدلي الحليب مكان الوجبه ويوم واحد ما يضر ومهما تكون الطلعه ما تطول أكثر من3 ساعات مع البيبي فبدلي شي مكان الوجبه خصوصا الخضار لأن صج لويه ومو كل اليهال يحبونه وحطي قرقاشه بالجنطه يلهى فيها على ما توكلينه
الله يرزق بره يا رب

ما قصرتي حبيبتي مسك

ويعطيج العافية 00 صح اللي قلتي

بس المشكلة ولدي عمره 7 شهور وما يشرب الحليب

الا وهو نايم 00 بس يالله مثل ماقلتي احط حيلي بالروب

مشكوووووووورة

أورااااد

روب .. أو جبن كيري
أ اكل البيبيات الجاهز ..
او انج تجهزين الاكل بعلب مسكرة عدل وتقعدين بكافيه او مكان وهو بالعربانة وتعطينه

في عربانات الي الياهل يقدر ينسدح فيها سدحيه و عطيه الرضعه و اذا خلص ردي عدل قعدته

انا عندي هالعربانه شحلوها شريتها من سنتر بوينت

انا عادي عندي آخذ بنتي اي مكان شنو بتنحكرين عشان هالطوطو

طلعي و لا يهمج

ههههههههه ضحكتيني رشيقة

ايه والله منحكرة بسبته

يعطيكم الف عافية 00 وبصراحة رفعتوا معنوياتي

يسلموووووووووووو

احسن شي للطلعه تاخذين حليب والاكل الجاهز مثل كريم كراميل او دانيت فيه نكهات .اسرع واسهل

لا يا اختي لازم تطلعين بالياهل علشان يتعود على الناس لا تقولين ياهل ما يفهم صدقيني يفهم وراح تتغير نفسيته

احتمال اول مره بتلاقينه يبجي ومتضايق بس ما عليج
طلعي معاه حتى لو ساعه روحي مجمع اي مكان وجربي بس على شرط تكونين مشبعته بالبيت يعني ما عطتيه وجبته وشبعان وحطي معاج روب او كريم كرمل او داينت اللي على كاكاو او اللي على فانيلا واذا صاح كان يعان عطيه ولا تضايقين عمرج وتحكرين عمرج انج ما تروحين ولا مكان

وربي يوفقج

البنات كفو ووفووو

انا اذا بطلع ولدي وياي اخذ روب بوفواكه وهم اخذ كتكو لان يحبه وشريت المميه بومصاصه مفيييييييييييييييييده جدا انصحكم فيها

حبيبتي اخذي معاج بسكوت او اكل الجاهز وقعدي بكافيه او مطعم ووكليه عادي

مع الايام راح تطلبين له وجبه مثلج

ههههههههههههههههه

الله يعينج

صحيح دانيت

يعطيج العافيه اضن كفوو البنات

يعطيكم العافية حبوباتي كوكو شانيل قصدي كويتيااات

ههههههه وحلوة المثلج

لا خلاص من اليوم ورايح لا للجلوس بالبيت

واخليه يفرفر معاي 00 حتى لو يصير عصقل عصاقل عصقول

هههههههه

شكررررررررررررررررررن

أورااااد