|
|
ولادتي كانت بمستشفى دار الشفا والحمدلله الله سهل ولدت طبيعي , ولادتي الأولى كانت قيصرية , وانا اراجع عند الدكتورة ماجدة اليتامى
المهم تاريخ 20-2 كان عندي موعد مراجعة مع الدكتورة وكنت بالاسبوع 38 فحصت قالت كل شي اوكي الحمدلله تمام وقالت مابي افحصج من تحت بخليج ليه الاسبوع الياي جان اقولها لا دكتورة عفية ابي اولد , ولما فحصتني عاد قالت كل شي اوكي وانتي مفتوحة 3 سم الحين 
عاد انا قلت لا عيل باجر انا والدة جان اروح البيت اتغدى وبليل امشي مشي
وثاني يوم كان فيني عوار خفيف يروح ويرد وكان ينزل علي دم خفيف وتكرمون شويه وصخ وكل شوي اقول الحين ايي العوار القوي وبروح المستشفى , الله وكيلكم صار بليل وماكو العوار خفيفف لا يذكر ووقف الدم وماكو شي جني جذابة
واليوم الثالث اللي اهوا بتاريخ 22-2 الصبح عوار خفيف رد ورد ينزل دم عاد اهني خفت قلت بروح المستشفى بشوف صارلي يومين على نفس الحالة عوار خفيف حيل مو عوار طلق يعني وكلا دم عاد لما رحت قالتلي الدكتورة انتي ولادة مفتوحة 4 ونص -5 سم !! اقولها ما فيني شي ماكو عوار ودقت على دكتورتي قالتلها دخليها الولادة
تخيلو داشة غرفة الولادة بريولي واضحك واسولف مع ريلي هذا الحجي الساعة 11 ونص الصبح
عطوني ابره الظهر الساعة 1 تقريبا وانا ما فيني شي للحين لا عوار ولا شي بس اخذتها لأني وصلت 5 ونص سانتي وانا مافيني شي لأن بعدين ما اقدر اخذها .
المهم طولت بغرفة الولادة عطوني طلق صناعي والدكتورة كانت صابرة علي ماشالله عليها كانت تبي تولدني طبيعي تخيلو من 11ونص انا بالولادة ما ولدت الا الساعة 9 بليل والحمدلله كانت الولادة حلوة بالنسبة لي لأني اول مرة اشوف لما يطلع البيبي والحمدلله الله سهل .
والصراحة الدكتورة ما قصرت كانت قاعدة معاي ومع امي تسولف وتضحك معاهم من الساعة 6 لين ولدت
والفال للي تتامل هذاك اليوم مثلي
الله يطمنج بالخير ..
والفال لنا إن شاء الله
حدي خايفه من هاليوم ومبروووووووك البيبي
مبروك مايبتي..والله يكتب لنا السهاله
ومبروك ما يبتي ويتربى بعزكم
انا الحين وايد تفاءلت لان ولادتي الاولى قيصرية و انشالله بعد ما سمعت قصة ولادتج صار عندي امل اولد طبيعي
والحمدلله على سلامتج