طق طق طيران طقاقه-صوت في الركبه والمفاصل

بصراحه بنات انا ماعاد فيني كلش اتفشل

من اقوم واقعد طق طق طق طق طق طق<<<<جنه طقاقه اطق الطيران
عندي مفاصل الركبة والقدم اتطقطق اتفشل والله اتفشل منهم
لاتقولين روحي الطبيب رحت وسويت تحاليل يقولون كل شي سليم من وانا اصغيرة اشتكي من الام في القدم نفس الشي (كل حاقه كويسه مفكيش حاقة<<<دكتوره مصريه)

اذا تعرقون اعلاج او دكتور خاص تكفون الحقوني برقمه باسمه عنوانه اي شي بلييييييييييييييييييييييييييييز

ماتشوفين شر وهذي واضحه خشونه خففي وزن اذا كان وياج وزن لاتقعدين على الارض وتربعين وايد حاولي تمشين وتصعدين وتنزلين سلالم راح تلقين اعراض الخشونه تخف وهم تقدرين تسالين طبيب عن العلاج الطبيعي الي ينفع حق الخشونه

انا نفس الطريقه ——الصوت وايد واضح خصوصا بالصلاه —عموما عند الفحص طلع فيني روماتيزم بالمفاصل وحاليا اخذ الدوا المناسب —و سلامتج ما تشوفين شر

ما تشوفين شر

مشكورين عالمرور يعطيكم العافيه

*بس اختي دارين انا جسمي حلو في نظري <<<غرور*_^
وفي نظر الناس ضعيفه يعني ماعندي وزن زايد

*اختي ردينه منو كتبلج على الدوا المناسب لحقيني اي دكتور او اسم الدوا

*تسلمين اختي غيداء

انا كنت راح اكتب عن نفس المشكلة لانها عندي وبعد كل مالها وتزيد0000وبصراحة ودي اعرف اذا لها حل بس مرة طلبت وحدة تسوي تدليك مع علاج بالكمبل الحراري وقالت هذى برودة مجمعه في الجسم ولازم تعالجينها ولا تتحول الى روماتزم

<< تعااني نفس المشكله ..

وأتمنى الدكتور المناسب أو الدوا المناسب للمشكله العويصه ..

لأنه صج فشلـه لووووووول

انا نفس الشي لمن اصعد الدرج او انزل طق طق طق
كلن درى فيني يعني مالي امل امشي من غير محد يحس فيني او ينتبهلي
انجك بسرعه هههههههه
ماني عارفه شنو سببها ؟ لاني صج احس انها اضايقني حيل
مع اني مو متينه جسمي زين واتحرك وايد ..

رفع

امبييه نفسي

انا اذكر مره لما كنت بالابتدائي رحنا العمره ومناك كنت اركض جان اطيح على السيرامييك وريولي وااايد عورتني ومن عقبها قام يطلع الصوت بركبتي رحت اكثر من مره اسوي اشعه يقولون ماكو شي وألحين عمري 17 وليلحينه !

الله يشفينا