ضيقة صدر العروس

بنات مابقى شي على عرسي وحايشتني ضيجة صدر مثل ما يحوش اغلب البنات قبل عروسهم حدي ضايق خلقي ما احس اني مستانسه ولا قاعده اهتم بنفسي كلش مادري شسوي اللي عندها اية او دعاء حق هالاشياء لا تبخل علي وانشاء الله يارب الله لا يوري هالشي لاحد لاني وايد تعبت وحاشتني اشياء وكنت صامده بس الحين مادري شصار فيني فجاة

يالغاليه هذي اشياء عادية انتي الحين تفكرين بأهلج وغرفتج وانه مافيه احد يتحكم فيج ترى الامور هذي كلها طبيعيه

اول شىء الف مبروك والله يتمم لك على خير
واسال الله انه يمسح على قلبك بالطمانينه والهدوء والسكينه ويبعد عنك الحزن والضيق وكل شر
يا حبيبة قلبى عااااااااااااااااااااادى هالشىء طبيعى اغلب خواتى ورفيجاتى حسوا جذيه بس انتى
لا تقعدين بروحك خليك مع اللمه
اشغلى عمرك يا حبيبتى
اقرى الاذكار والبقره وتوضى وبالسجود
ادعى ربك بكل مافى خاطرك وباذن الله الله يخفف عنك ما حبيت ادخل وما ادعيلك
بالتوفيق والسعاده باذن الله استودعك الله

سمالله عليش حبيبتي مافيج الا العافيه تعوذي من الشيطان قومي غسلي وجهش وصلي ركعتين وادعي ربج اوفقش وتمم امورش علا خير عادي حبيبتي الي تمرين فيه انا مريت فيه عاااادي جدان شي جديد ودنيا جديده بتدشين فيها لازم الربكه والخوف سبحان الله بس بسرعه راح اتأقليمين عأأأدي بس كثري الدعاء وارقي نفسج ولا علج الا كل خير انشالله قولي وراي اعوذ بكلمات الله التامه من كل شيطان وهامه ومن كل عين لامه 7 مرات والمعوذتين والفاتحهه وايه الكرسي >>> مبروك مقدمن منج العيال منه المال

عسى الله يفرج همج ويشرح صدرج

حاشتني قبل عرسي والحمدلله على الاذكار والمطاوعه راحت

يارب تتيسر أمورج ويعدي زواجج على خير وتتوفقين بحياتج حبيبتي كثري من الإستغفار وإقري قرآن ترى هالشي يصيب كل عروس مقبله على حياة جديده ماتعرف شنو فيها وعسى حياتج كلها سعاده بسعاده يارب وكثري من قول " سبحان الله والحمد ولا إله إلا الله والله أكبر ولاحول ولاقوة إلا بالله "
وهذا الدعاء بعد " اللهم لا إله إلا أنت ، رحمتك أرجو فلا تكلني إلى نفسي طرفة عين ، وأصلح لي شأني كله ، شأن الدنيا والآخرة ، في عفو منك وعافية ، لا إله إلا أنت "
والله يوفقج إن شاء الله

ماقصروا معاج البنات كفو ووفوا
اخذي بنصايحهم
وعسى ربي يتمم لج على خير

فديتج شي طبيعي والحال من بعضه

حيبتي كثري قرايه القرآن ودعاء

((اللهم اني عبدك ابن عبدك ابن امتك ناصيتي بيدك ماضي في حكمك عدل في قضاؤك أسالك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي))>>أحمد1391 وصححه الاباني..

ودعاء((اللهم اني عوذ بك من الهم والحزن والعجز والكسل والبخل والجبن وضلع الدين وغلبة الرجال))>>البخاري7158 كان الرسول صلى الله عليه وسلم يكثر من هذا الدعاء..

وكل ماتضايقتي روحي توضي ولا تنسين البسلمه قبل الوضوء وصلي لج ركعتين واقري لج جزء من القرآن وان شاءالله تروح منج ضيقة الصدر والله يوسع صدرج ويفرجها عليج ويوفقج..
ماقلتيلنا جم باقي على عرسج؟؟

عاادي حبوبة هالشئ كثر من الاستغفار والدعاء ,,

وان شاء الله ترووح

اولا الف مبروك والله يتمملج على خير

حبيبتي هذا امر طبيعي لان الكل يمر بجذي حالة

لانج راح تدشين حياة يديدة … تكونين مسؤلة عن نفسج

بس انتي كل ما حسيتي بالضيقة اقري القران

هو المفرج الوحيد للضيقة

والله نفسي وحالتي حاله لانوم ولا اكـــــــــــل بس افكر وابجي

والحمدالله انا وايد واثقه من نفسي والكل يمدح بشخصيتي بس صار لي فتره اعوذ بالله اي احد يكلمني او يطري موضوووع الزواج والزفه والصالون والله ابجي

وخاصتا اذا امي او ابوي يدعون لي بتسهيل الامور والتوفيق ((اموووووووت من البجي ))

مابغى شي

الله يسهل عليناااا ياااارب