ضعف المبايض والحبوب الصينيه ؟؟

بسم الله الرحمن الرحيم

اتمنى تقرون سالفتي للآخر ..

انا متزوجه وقبل الزواج كنت اكل حبوب صينيه والحين صار لي سنه ونص ماحملت …

كان عندي هرمون الحليب مرتفع وتعالج منه والحمد لله نزل للمستوى الطبيعي .. وبعدين صار عندي ضعف بالمبايض

والحين عندي كورس علاج لمده 5 شهور راح منهم شهرين ..

السؤال : اقدر اكل حبوب صينيه علشان امتن بدون مااضر نفسي ؟؟ يعني الهرمون مايرد يرتفع والكورس مايخرب علي ؟؟

لانو انا نحييييييييييييفه حيل ومانفع معي الا الصينيه .. وربي انحرجت من زوجي ومن اهله كلهم يقولون ليش ضعفانه

و الحين وزني نازل حييييل ..

تكفووون منو صار لها مثل حالتي ؟؟

عندها ضعف وتاكل حبوب صينيه وحملت بعدها ؟؟

سالت كم دكتوره تقول مدري الحبوب ماعرف تركيبها ولا اعرف اضراررها …

سااااااااااااااااعدوني وريحوا بالي الله يرزقكم الجنة …

وربي تعبت مشكله الحمل والنحافه خليجية

خليجية خليجية
والله يا اختي اذا تبين نصيحتي لا تاكلينا خلي الضعف يولي اهم شي الضنى واذا ولدتي ان شاء الله راح تمتنين واذا الدكاتره ما عرفوا تكوينتها تبين بنات المنتدى يعرفون واذا صارت معاها اوكي توقعين بيصير معاج اوكي مو كلمره تسلم الجره ومعروف الصينيه انها جيب فشل كلوي ما لج شغل بكلام اهل زوجج اهم زوجج عاجبه شكلج والا لا؟؟؟

اخذيها مني نصيحه من اخت لا تاخذينها

تسلمين اختي والله يعطيج العافيه ..

زوجي يقوول لو تمتنين شووووي <<< والشوي هذي هي اللي متعبتني ..

ابتعدي عندهم لاتسويلج عقم اوتضرج عرف وحده كانت تاكلهم وصار فيها ضعف لاحقه عالمتن الضنى اهم
حبيبتي اهم شي الحمال الضعف خليه على صوب لاحقه بتنتفخين ان شاء الله لاحملتي
ان شاء الله … يارب

بس ممكن تقولون شنو البديل ؟

البديل يا خيتو انج تكثرين اكل وخرابيط وفي حبوب فتح شهيه و فيتامينات تفتح الشهيه اكليهم وان شاء الله تمتنين ويييع شلج بالمتن … والله اذا متنتي ريلج بيرد ويقول يا دباااااا اضعفي يعني لاحقه ع الشحوم والترهل لووووول ادري لوعت جبدج لووووول

والحبوب الصينيه مادري عنها اذا تسوي ضعف مع انه بنت عمو تاكلها يوم كانت بالثانويه والحين متزوجه وعندها بيبي ..

مشكورررررررررررررررررررين حبايبي والله يجزاكم خير ..
حبيبتي

الحبوب الصينيه ماتأخر الحمل اعرف بنتين ياكلونها وماشالله احملو من ليلة العرس

ضعف المبايض يأخر الحمل لازم تعالجين

اذاا ضعيفه حيل اكلي ام مسفرر معروفه وقديمه وتمتن بس عيبها طلع كرشه

ماعرف رقمها اذا تبينها اكتبي عنها بقوقل وتطلع لج معروفه حيل

الحبوب الصينيه تلعب بحسبتك فوق تحت واعرف وحده سببت لها فشل كلوى لين ماتت الله يرحمها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.