|
|
السلام عليكم ورحمة الله وبركاته
مرحبا فيكم يالغاليات
وحياكم الله
أمانة محد يطلع من غير ما يجبر خاطري برد حتى لو كان صغير
لأن أي كلمه بتكتبونها حيل حيل بتنفعني
أنا الله يسلمكم عرسي شهر 7 وبلشت بالتجهيز من مده طويله
والحمدلله خلصت أشياء واجد وباقي لي بعد أشياء 
المشكله الله يسلمكم
إني أحس نفسي مو شاريه شي ولا مسوية شي
فاللي حابته من كل وحده تدخل الموضوع وجزاها الله خير مقدماً
تكتب لي كل الأشياء اللي لازم تكون موجوده بجهاز العروس من أهم شي لأبسط شي
والشي المهم اللي تعتقد انه ممكن يطوف العروس وتذكرني فيه
أمانه يا بنات لا تخلوني
ما باقي شي على عرسي وبعد أسبوعين تبدا امتحاناتي الفاينل
والنفسية صارت دماااااار
ناطرتكم فديتكم
اممممممممممممممممممم
ماادري شقولج ..
شنو اللي باقي لج بالضبط ؟؟
نصيحتي
بين فتره وفتره بطلي كبتج وشوفي شنو شريتي من طق طق ل السلام عليكو
وبتنصدمين من اغراضج ..
والله سويتها واكتشفت اني شاريه اشياء مالها دااااعي ولابعد هي اللي قصت ظهري
اي شي تبينه آنا حاضره
الله يوفقج ..
بس اللي اعرفه ان اغلب العرايس ينسون شغلات الجمعيه العاديه من كلينكس ومعجون اسنان وبروش وإلخ من الشغلات الاصغيره اللي ما تخطر في البال
وعسى الله يوفقج ويهنيج ودعواتج لي
انا عروس معاج عرسي اول 7
لا تنسين لبسـ الصلاه والسجاده والمصحف وحصن المسلم واذكار الصباح والمساء اهم شي
وفي شغلات بسيطه ممكن تنسينها وانا سجلتها ملاحظه بنوته عندي
يعني خلي معاج نوته كل ما تذكرتيلج شغله سجليها
وقطن أذوووون .. نعال الحمام ( تكرمووون ) .. جارج نقالج .. وعبي رصيد قبل العرس
خخخخخخخخخخخخخخخخخخخخخخخ احس اني خبله
بس هذي الاشيا الصغيره اللي تنسي ..
وديروا بالكم اول ماتتذكرون شي كتبوووه لاتقولون لا اتذكر
ترى تنسوووووووون ..
ويااااااااااااااااااااااااااااارب يهنيكم .. ويرزقكم الذرية الصالحة
دعواتكن ..
في مواضيع وايد بقوقل
مثلا
دوري على تجهيز عرايس
او ملف عرايس
او دليل العرايس
تلاقين وايد
او شوفي اغراضج واشتري مثلها بس شي يديد
وضيفي سوالف المتزوجات مثل القمصان والعطورات واللوشانات
وملابس الدلع حق البيت
جذي يعني
منااديل جونسون
فوط صحيه للدوره تكرمون
اممممممم
اذا تذكرت شي بقولج
ومبروك ومنج العيال ومنه المال
شوفي انا راح اكتب الاشياء الصغيره لان اللبس وغيره خذا حقه بالملتقى
المقراضه======> وايد مهمه وانا كنت ناسيتها
الاسيتون وصبغ الاظافر
سلال حق الهدوم الوصخه
القطن وعود الاذون
مزيل المكياج
علاليق
غسول المنطقه الحساسه وخلطه المسك سويها وااايد حلووه
عدة المطبخ الاشياء الاساسيه
اللابتوب وشاحنه=======> علشان تشبكين وتقوليلنا عن العرس خخخخخخ
ان شاء الله اذا تذكرت شي راح اقوله
1- ملابس بكل الانواع ( نوم – خروج – بيت – داخليه … الخ )
2- ادوات نظافه كل اللي تحتاجينه لجسمك من ( شامبو – لوشن – مزيل عرق – طقم روب
– عدد من الفوط – ماكينه حلاقه – شمع – كريم صنفره – أسكينول منظف للبشره – فرشاه +معجون – مطهر غسول للفم -غسول للمنطقه الحساسه -بودره المسك (للمنطقه الحساسه) تلاقينها عند العطار – مقصات ومبارد الأظافر – غسول خاص طبي طبي للمنطقه جربوا ( لوكريما ) او (ديو- سيبت ) يعني غسول طبي خالي من الكحول – علبه ديتول – اعود قطنيه …. الخ)
3- ادوات تجميل ( مكياج – عطورات – اكسسوارات – سشوار ( انتبهي للكهربا 110 او 220 – فرش السشوار لاتنسينها – فير السيراميك -مشط …. الخ )
4- الجزم بكل انواعها ( شحطات حلوه للبيت – اكعاب عاليه للخروج – شحاط حمام – … الخ)
5- شنط
ولا تنسي مسكن الالم ينفعك وقت الدوره او حالات الصداع بالذات بعد تعب الزواج
_________________________
بالتوفيق حبيبتي ومبرووك مقدماا
استشوار و ستريتنر و فير – فوطة و روب – ملابس داخلية – مشط – شبابيص و تيجان و اكسسوارات – مكياج
و موفقة حبيبتي و الله يرزقج الذرية الصالحة
انا صارلي شهر الحين متزوجه
وفي شغلات وايد شريتها مالها داعي
اهم شي الشغلات اللي تكثرين منها اللي راح تنكرف معاج
مثل البجايم
الملابس الداخليه
شغل الحمام وانتي بكرامه من شامبو وشور جل
لوشن
واهم شي قمصان النوم سوي تشكيله بس اهم شي
لا تكثرين منهم
واهم شي بعد الاستشوار
شيره
ماكينه براون او فيليبس
ونصيحه مني كثري من منتجات جونسن
من زيوت وبودره
بخاخ لان انا تقريبا استعملهم
بشكل يومي
و ان شاء الله اكون فدتج بشي
وموفقه يارب…
