سؤال لخواتي المتزوجات

قوه بنات تكفون لاتقولون اني قليله ادب داشه مني , لاني انا توني بنوته ما تزوجت عمري 18 , ابوي و امي مرات يتهاوشون لدرجه شوي و ابوي يطلق امي بس ابوي يسوي كنترول على نفسها و يتعوذ من ابليس, و بما انا اكبر وحده فتييني امي تفضفض عتندي فتقول حجي عن ابوي احس انه غلطان و ابوي يفضفض عندي و يقول حجي احس امي اهي الغلطانه والله دخت و لاعت جبدي بعرف منو الي وياه حق ؟؟؟
مرات اقول ما ابي اتزوجبس لمن اراجع نفسي اغير رايي , بس انما اقول بنفسي ما يسير الريال يزف زوجته اهو مو ابوها عشان يربيها والله ما ادري …
بس تكفون شسوي بسالفت امي و ابوي يعني اشلون اعرف منو الصح ؟؟؟ يعني تعقدت قلت ان خلاص الرياييل ظالمين ( ـاثير كلام امي ) بس لمن ابوي يفضفض لي وايد يعطيني نصايح حق الزواج دايما يقول ديري بالج على ريلج , خلي تركيزج كله على ريلج؟؟؟ بس شنو هذا يعني الحريم يعيشون عشان يونسون رياييلهم ؟؟؟ و الريال شنو دوره عشان مرته ؟؟
تره بس قعد افضفض …
شنو نصيحتكم لي؟؟؟؟
والله استغفر الله ما ابي اتزوج >> بس ابي اكون ام طبعا بالحلال

اول شي حبيبتي اهو مو زواج انج تونسين ريلج لأ الغرض اثنينكم تستانسون وتتمتعون بعيالكم والتفاهم اللي مفروض يكون موجود بس همن اي طرفين بينهم احتكاك لازم يصير خلاف هذا شي طبيعي .. يعني اهلج بوقت الهوشه كل واحد يبي يذبح الثاني وكل واحد يطلع عذرووب الثاني وهذا شي ماراح تلقينه اذا اهم تصافو
ثاني شي حبيبتي لو شنو يصير بين امج وابوج انتي لا تدخلين بينهم ان شاء يذابحون خليج بعيده واذ يا احد يفضض لج منهم خلي دورج انج تذكرينه بمميزان شريكه والله يهديهم

الله يهدي سرهم ويصلح حالهم
وهالمشاكل عادي تصير بين المتزوجين..
بس في بعض اهل مايبينون حق عيالهم يعني هوشتهم بغرفتهم او برا بعيد عن عيالهم عشان محد يس فيهم
ترى الرجل والمره انخلقو لبعض واحد يكمل الثاني ومافي احد منهم يقدر يعيش بدون الثاني ..
شيلي الوسواس عن راسك انتي توك صغيره ومع تقدمك بالعمر راح تعرفين كل شي

حتى الريل لازم يدير باله على زوجته
انا بعد ابوي قالي ادير بالي على زوجي وقال حق زوجي نفس الشي حقي

امممممم وبالنسبه حق اهواش امج وابوج
الله يعيينج
انا ابوي وامي ماكانو يدخلونا بين مشاكلهم كلش
بس الحين على كبر كل ماصارت مشكله ابوي ينادي العايله الكريمه كلها
يسالنا منو الغلطان وانا احب اصف مع امي لان دايما ابوي بنضري غلطان مهما صار
فاسكت احسنلي واخلي الكلام اللي بقلبي بقلبي
لانه مريض سوري قلت لكم قصة حياتي

شوفي حبيبتي مشكلة الريال يبي مرته تجابله وبس وما تهتم بأحد غيره يبي كلشي حقه ما يقدر ان مرته عندها عيال تبي تجابلهم عندها نفسها تبي تجابلها ن يبيها تعامله مثل أمه بحنانها مثل صديقته بسوالفه ومثل اخته بأسراره ومثل ومثل ومثل المهم ان يبيها يمه وبس فانتي لا تتعقدين وخلي امج وابوج يسولفولج اذا ما يسولفولج يسولفون حق منو
انتي اللي عليج حاولي تصلحين بينهم يعني لما ابوج يقولج ديري بالج على ريلج , خلي تركيزج كله على ريلج؟؟؟ قوليله ليش يبه امي مقصره معاك بشي؟؟ بقصد انج توجهين امج ما فيها شي ونفس الحال لما امج تي لج تشكي صج انج توج صغيره بس يمكن حل هالأمور بيدج
والله يوفقج ويرزقج الزوج الصالح لا تقولين كرهت الزواج هذا حال الدنيا ترى كلنا نختلف مع رياييلنا ما في راحة بال دايمه

حبيبتي صيري حيادية سمعي لأبوج وسمعي لأمج صيري مستمعة لهم ومالج شغل بالمشاكل او اتصيرين بصف منو لكن برأيي كوني قريبة من امج اكثر لأن الأم اتكون تبي مصلحة اولادها اكثر من الأب وهذذا من حديث الرسول ‏قال رجل يا رسول الله من أحق الناس بحسن الصحبة قال ‏ ‏أمك ثم أمك ثم أمك ثم أبوك ثم أدناك أدناك وابوج يمكن ايكون مقصر مع امج وهذ اللي ايخلي امج اتكون معصبة وتبي مصلحتكم انا ام وعندي ما شاء الله خمس بنات وعشت نفس مشكلتج مع ابوي وامي ابوي يشتكي لي من امي وامي تشتكيلي من ابوي لحتي لما كبرت وصار عندي عيال اذكر امي واقول ولا انها عانت واحنا ما كنا حاسين فيها والحين اذكرها الله يرحمها واتمناها اتكون عايشة علشان اعوضها علي كل شي شافته والحين الوالد متزوج مع زوجته الثانية وهي من كثر الأمراض اللي يتها ماتتت وهي اتسوي عملية القلب وعلشان جذي حسيت باللي تحسين فيه وكوني قريبة من امج حبيتي الأم ما تتعزض وان شاء الله حبيبتي اتزوجين ويرزقج الله بالزوج الصالح

انا إذا صار شي بينهم اطنشهنم >>> طنشيهم وقولي ما ادري عنكم بشي ولا ابي اسمع

ومره روحي لبوج وقوليله وش رايك يبه تشرتي لمي هديه وقترحي وشتريها بداله إذا مايعرف

وبالمثل قولي لمج عن الحركاات والمفاجات والألعاب اللي بالنت يغيرووون جووو

انا سويت كذا لهم بدون مايحسووووون انا انا اللي اللي مطرشه لهم

عادي حبووبتي المشاكل تحصل بين المتزوجين لأن ماكو اثنين متفقين على طول الخط مثل ما يقولون … لازم يكون في صدامات بين الطرفين بس مو على طوول … شوفي حبوبتي منو تصدقين ومنو توقفين معاه .. هذا شئ ما اقدر احكم فيه بالنهاية اهم امج وابوج وكل واحد يعتبر نفسه انه صح من وجهة نظرة .. بصيحتي لج حاولي تهدين الأموور ولا تحكمين على الموضوع من جانب واحد .. اسمعي الاثنين واذا تبين تنصحين خليج حيادية …

ربي يصلح الحال

تسلمون على ردودكم و نصايحكم و ما قصرتو …. و إختي "هنديه " بصراحه حسيت انج حاسه عدل بلي فيني و كلامج صح ان الام وايد تعاني , صج امي وايد تعبت عشانا و صبرت على حركات اهل ابوي بس عشانا … تسلموووووون على النصايح مشكوووووووووولرين جد كنت محتاجه هذي النصايح … الله يسهل عليكم و يوفقكم و يسر عليكم يااارب..

بصراحه انا دوم مشاكل مع زوجي التفاهم صعب رغم عندي ولد وبنت ولي ثلاث سنوات متزوجه بس كل بيت وظرووووووووفه
الله يرزقك اللي يسعدك,,,,,,,,,,,,,,

الله يهديهم
وكل بيت لازم فيه مشاكل
هذي الدنيا

حبيبتي لاتعقدين روحج اول شي المعروف ان المره تزيد بالحجي فلاتسمعين لكلامها حتى لوكانت امج
وابوج ممكن يكون صاج لكن مابيدج تغيرين حياتهم لان اثنينهم ملزومه ببرهم ورضاهم
يمكن امج وابوج مومتفاهمين بالحياة هذا مايعني انج راح تفشلين بحياتج
بالعكس اعرف بنات استفادوا من مشاكلهم وعاشوا أحلى حياة لانهم تجنبوا الي كان مسبب لاهلهم المشاكل
وبالتالي ماكو خلاف بينهم وبين ازواجهم ان شالله
وموفقه ياقلبي

الله يهدييهم لبعض

وبعدين شكوو تتقعدين حبيبتي كل رجال وله طبعه الخاص وبعدين سبحان الله حتى الهواش له حلاتها بين الزوجين صج يتناجررون ويتهاوشون بس وقت الي يتصصالحوون فيه ياحلوها بينهم

خليك محايده حتى لو صف قلبك مع واحد فيهم وحاولي بس اذا اشتكوا لك تبيينين لكل واحد فيهم تضيحات الثاني وتحاولين تهدين الموضوع بينهم انا بصراحه دااااااااااايم الدوم اصف مع ابوي مااادري احس الرجال يمكن شوي ينظلمون اذا ماكانت فاهمته زوجته مو بس الامهات اللي يتعبون ويعانون حتى الاب يتعب الله يهدي سرهم

الله يهديهم ويرزقك بالزوج الصالح ومثل ماقالوا البنات خليك حياديه لاتصفين مع احد