|
|
ترى اسمي افلاطونيه >>بنيه
شرايكم بزفة العروس مع العريس ومشيتهم مع بعض على الممر والستيج
شنو شعورج بهااللحظات
هل اللي يفوتها زفتها مع المعرس . تفوتها نص فرحتها ؟
احنا عندنا بالسعوديه في عرايس ينزفون لحالهم وفيه مع ازواجهم يعني المعرس مو واجب مره
احس سلبياتها : البنات يناظرون بالعريس اكثر من العروسه- تبدأ التعليقات والمقارنات بين العروسه والعريس- بعض البنات مايتغطو كويس وتلفت نظر العريس وممكن يعجب فيها – ممكن الحسد والعين
انا : 70% مابدخل العريس عند الحريم ..
انتو شنو وجهة نظركم ؟ يمكن تقنعوني واقتنع
شعور يقشعر والله …ووايد حلوو
وبعدين سمحيلي بس تفكير رجعي … شنو يعني البنات ماراح يتسترون عدل و يلفتون انتباه المعرس .. اصلا المعرس وينه ووين يشوف احد بلوية العرس والتوهق … مايدري عن الموجودين مايشوف غير العرووس … ومحد يغطي على العروس بيوم عرسها …
خلي عندج ثقه بنفسج .. وثقه بزوجج …
وبعدين العروس اكيد تطلع احلا من المعرس بيوم العرس مع الميكاب والتسريحه والشغل السنع وهلزفه الحلوه .. موقف ماينعاد ولا يتكرر ..
احسن من لادشين بروحج جنج وحيده …
مين يكون واقف على اليمين ومين على اليسار
والمسكه تنمسك بأي يد ؟بيد وحده ولا باليدين ؟
هاذي المشيه الصحيحه للعروس …
المسكه على حسب اذا انتي قاعده على اليمين خلي المسكه على يمينج لان المعرس بيقعد يسارج
والعكس صحيح
انا قعدت على اليسار <<< بس كنت مخيره مو مسيره هههههه يعني المكان الي اقرب لج قعدي فيه وفكي عمرج
اتمنى اكون فدتج ومابي منج غير الدعاء 
واي معرس بيقعد يطالع البنات فيعني عينه زايغة
وشلون يعجب بوحدة؟ وعروسته يمه واحلى منها؟؟؟؟؟
حلاتها مع بعض والله
ومثل ماقلتي راح تشتغل المقارنات والخ الخ الخ
بس هم اتم طلعتهم مع بعض حلوه وتونس
حلاتهم مع بعض
احلا لحظات عمري والله ماطوفها