رفيجتي زوجها يطقها طق قوي شنو الحل؟!؟!

السلام عليكم

شلونكم بنات

طبعا الموضع مبين من عنوانه

رفيجيتي وايد متاذية من زوجها من اول ما تزوجو الى الان في طبع بايخ ان يطقها

تخيلو صار لهم اكثر من 10 سنين و ما يحترمها جدام اعيالها

يعني عادي يسبها و يهزئها جدام اليهال

و عادي اذا عصب عليها يطقها حتى لو كان جدام اعيالها

تخيلوا حتى و هي حامل يطقها و تقول جم مرة يمر علي رمضان اكون صايمة و حامل و يطقني !!!!!!!!!
المسكينة ملت من كثر ما تشتكي لي
وانا اصبرها

بس المسكينه طفحت من الضيم

و على الرغم انها صابرة ومتحملته وهم يمد ايده عليها

تخليوا حتى قبل جم يوم و برمضان طاقها ؟!؟!؟!؟
حتى تارك اثر بجسمها من اثر الطق و لليوم تتالم منه

انا اعرف ان الناس طخ برمضان مو تزيد

رفيجتي تقول ان اكتشفت ان معاملته لها بالطريقة هذه نتيجة تربيه من الصغر
مع ان ريلها حبوب و طيب مع الكل بس معاها عصبي !!!!

بنات هذه مشكله رفيجتي وانا كتب مشكلتها لان ابي لها حل
تدرون ما خاب من استشار ،،،، وراي انا بروحه ما يكفي

عطوني حللولكم

وعلى فكرة رفيجتي طيبة حيل حبوبة و ماله شغل باحد
بس نصيبها صار جذي

والله مادري شقولج بس الله يهديه انشالله

خل تدعيله على طول بالهداية

يطقها وتسكت !

لازم توقفه عند حده ولا عادي بتصير رفيجتج طوفه هبيطة كل شوي يكفخ فيها

خل تعلم احد بالعايلة يدخل ويهدده وين قاعدين يطق شنو عباله شاريها هاذي مرته مو خدامة

المفروض رفيجتج ماااااااااتسكت له

والله يهديه

بس عاد ترى الرياييل مصخوها حبيبتي بلغيها اذا الريل وصل لي مرحلة الطق هذا بعد ما منه فايدهوعلى كلامج 10 سنين اشناطر الاخ ويغير طبعه لما يصير لهم 50 سنه يبه تحطله حد واذا مافاد خل تروح بيت اهلها وواحد من اخوانها يكلمه باجر لي طقها طقه وسوت لها اعاقه الله لا يقول محد راح ينفعها الريل

بعد ساكته عنه ومو موقفته عند حده اكيد بطقها

اهم شي يطقها وتسككت @@

والله لو انا بمكانها اادبه

ما اابين له ضعفي هذا مو رياااااااال اصلا اللي يمد ايده ع مره والله ازعل عند اهلي

عشان اادبه

الله يعينها بصراحه
المفروض من أول مرة يمد ايده عليها توقفه عند حده وادخل أهلها بالموضوع عشان يلزم حدوده الحين شالفايده عقب 10 سنين تبي حل ماراح ينفع الحل معاه
الله يعينها ويصبرها
يعني في ذكور ماقدر اقول عنهم رياييل لأن حرام كلمه ريال فيه يفرد عظلاته على مرته ومسوي فيها ان اهو الريال الفحل في البيت مايدري ان المرة ضعيفه حيل ومالها لاحول ولاقوة

واهي ليش ساكته لو موساكته جان ما تمادى وصار بالروحه والرده يمد اييده
خل توقفه عند حده تدخل ابوها ولا اخوها بالموووضوع شالله حادها على هالضيم !

جني ما ادري ومنفعله وتجيه انعال طااااريه ..

شكووووووووووو يمد ايده والله امد ايدي عليه

العين بالعين والبادي اظلم ..

ماراح يعيدها صدقوني اذا حس انها بعد تبي تدافع عن نفسها

وتدزه بقووووه ولا تعضه ..

اتحدى اذا يعيدهااااااا

اولا مشكورين ع الردود و حبيت اعقب على ردودكم

دعت دعت لين قالت بس

بس ماكو فايدة

بالعكس هي الابول كتن تسكت و تخاف منه

بس بعدين شافت ماكو فايده قامت دافع عن نفسها وتوخره عنها

وهم يزيد عليها بالطق متخيلين
و لا لا يقولها ليش تمدين اديج

تقوله ادافع عن نفسي و لا تبين اسكت لين تموتني

الله يعينها
تكسر خاطري كل ما تشتكي لي دمع عيني من مصيبتها
تعور قلبي و الله

هي ه1ا اللي باط جبدها تقول عقب هالعمر و العشرة و للحين ما يقدرها

عيل بعدين شبصير ؟!؟!؟!

ما كو فايدة ياما و قفته عند حده وهم يتمادى

ماكو فايدة سوت اللي سوتيه بس ما في فايدة

بالعكس هي مرة كلمت اهلها

و قالوا لها روحي اشتكي بالمخفر عليه

و عقبها قاموا يسالونها عنا تقول لا صار زين معاي (( طبعا ماتبي تسوي مشاكل مع اهلها وياه))

هي تخاف اذا دخلتهم مرة ثانية تصير مشاكل اكبر

وكل شي يطيح فوق راسها المسكينة

مشكورة اختي عالرد

بس مثل ما قلت

جم مرة دافع عن نفسها وماكو فايدة

الله يعينها

مو اهي عشان سكتت اول مره بعدين تمادى حبيبتي

مفروض من اول مره طقها تعرف شلون تصرف معاه

انا ماقول تطلب طلاق

بس تكلمه تزعل فتره بيتها ها مو بيت اهلها

ماترد عليه ماتسوي الي اهو يبيه

تحسسه بغلطته … وتذت ما فادر يتدخل شخص عاجل بعمره

يفشله ويتكلم معاه بهدوء مو بعصبيه يتفاهمون بس من سكتت اول مره وردت كلمته

بس خل تغسل ايدها يوقف الحين

هلا ابله

عاد شرايج ان مرة من المرات سوت هالحركة اللي قلتي عنها

صدت عنها لاتكلم و يكلمها
وكاشته فيه كشته مو طبيعية
زطبعا هو مثل مستغرب ان ليش متغيرة

اصلا هي كانت تبي تطلق منه
وكانت معزمه عقب الرمضان بتطلق

بس انا قبل كنت اقولها تحملي عشان عيالج

لكن لما شفت اثر الطق
قلت لها الله يعينج اصلا هذا بحد ذاته ضرر يؤدي الى الطلاق و للخلع بعد

هي انكسرت خلاص وتعقدت وانترست عقد نفسية والسبة هالرجال المعقد نفسيا ً

بس عيالها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

تنطر عيالها يتعقدون ويصيرون نسخة عن ابوهم

ترى الولد يتربى على الي يشوفه من معاملة بين امه و ابوه

انا ولدي شاف ابوه مرة يطقني سنين مرت و للحين بجبده هالطقة والله ما اجذب عليج

كل ما اناقشه ليش ما تحب ابوك ماتسمع كلامه يقولي انتي نسيتي الطقة و سامحتيه بس انا ما انساها لو اموت

طبعا

انتي ممكن تتأقلمين و تنسين بس الطفل ما ينسى

عشر سنين يطقج بدون سبب ؟ اقنعيني شنو السبب الي يخلي الرجال يطق مرته

اما يطلب منها طلب و تراددده وتطول لسانها ولأنه ما يعرف يرد يمد ايده

او انها تعانده

بهالحالة معروف الحل تقصر لسانها وتنطم ابرك لها او توقف عناد وعوابة

اما اذا كان بدون سبب فهني لازم توقفه عند حده

حسب طبيعة حياتها انا مادري عن ظروفج الشخصية واهلج

بس المرة تقدر توقف الرجال عند حده لاتقولين ماتقدر

ابسط شي تسويه تقرير بالضرب عند المستشفى لضمان حقها بعدين

خل تطلع تقرير تقريرين ثلاثة عشرة

خل تثبت حقها كزوجة عشان بعدين لي صارت الحياة معاه مستحيلة

يكون معاها اثبات انه صعب العشرة

ابي اقولج شغلة ترى في سبب نفسي ورى هالطق لأنه الحياة جذي مستحيلة

الله يهديه ان شاالله !!