رجيم تناول وجبة واحدة فقط يومياً

السلام عليكم ورحمة الله وبركاته

يالغاليات حبيت اسئلكم

عن رجيم وجبه وحده طول اليوم

منو جربته او تعرف احد مجربه؟

ومنو سواه وشاف النتائج؟

اذا ممكن حبيت اعرف عنه لانه قريته في احدى المنتديات قبل فتره واحد يقول انه نزل عليه 36 كيلو ويقول انه ياكل وجبه

واحده فقط طول اليوم

وعفيه حبيت اعرف منو جربه؟؟

ما انصحج فيه كلش الجسم يحتاااج انه يشتغل عشان يحرق اذا عطيتيه وجبة وحدة راح يشتغل بس مرة وحدة بس اذا قسمتتي

الاكل على فترات راح يحرق اكثر

بعدين الوجبة الوحدة لانج تاكليين فيها وايد علبو وحدة طلعلج كرشة انا الصراحة جربت الطريقة ما نزلت الا كيلو ولا يحوشج يوووووع مو طبيعي اخر شي تنصدمين انج ماقعدة تنزلين شي !!!!!!!!!!

تسلمين ياقلبي

والله يوفقج ان شاء الله

ماانصحج فيه لانه مضر للجسم ,, وهم ماينفع,,
قسمي وخففي الاكل على ثلاث وجبات وان شاءالله تلقين النتيجه الي تبينهاا خليجية

بالعكس أنا بنتي جربته يهبل بعطلة الصيف وساعدها على النزول وكانت بنتي تاخذ مقويات عشان الدم
أنصحج سويه بس خلي في بالج إن هالوجبة تحتوي على العناصر الغذائية المهمة للجسم

((سوفت أند سموث))لبشرة أجمل

ما سويت شي حبيبتي موفقة

الف شكر لكم

والله يوفقكم ان شاء الله

ماانصحج فيه ، بيخلي الدهون تتركز في جسمج اكثر ، لان جسمج يقاوم الجوع ، فماتحرقين اكثر ، غير انه ضار على صحتج وبيفقدج فيتامينات

ماعتقد ينفع وموصحي كلش

أنا مااأشارك بالمنتدى بس حبيت انى أفيدج

أنا جربت الرجيم هذا ونزلت عليه لحد اليوم 33 كيلو

كنت 106 واليوم وزنى 73 طبعا مااقولج الفرق شلون رهيييييب الكل منصدم من شكلى

باجى 3 كيلو ويصير الأمن مستتب ههه

اول الايام لما بديت كنت أموت من الجوع وبطنى يطق طبول وبعدين تعودت وأصلا لو آكل أكثر أنغثثثثثثخليجية

الكل قالى إذا هديتى الريجيم راحت تنتفخين لانه مو صحى …… أبشرج أنا هديته صارلى شهر لانى رحت الحج وتعرفين بوفيهات الحج بلاااااااااوى رجعت الكويت ووزنت وأنا خايفه طلعت مو زايده ولا غرامخليجية

هذى قصة حياتى خليجية

انا حاليا قاعدة اسوي هالطريقة

اكل وجبة وحدة باليوم واخذ فيتامينات سفن سيز من صيدلية بوتس مرتين باليوم

وانام باجي اليوم لووووول
للحين انا نازلة 5 كيلو

وزني قبل اسبوعين كان 70

الحين 65 خليجية

وبكمل

بس يبيلي رياضة خليجية

مالي خلق

أما أنا فهذي قصة حياتي الرجيمية

جربت جم نوع من الرجيم ، ومشكلتي اني ماستمر فيهم ، وبالأخص ان الاكل مو منوع وما آكل أي شي

صديقتي قالتلي عن رجيم الوجبة باليوم وسويته ، كان عبارة عن …
وجبة وحده باليوم ويفضل ماتكون بليل ، يعني ع الغدا ، آكل فيها الي أبيه وبالكميه الي أبيها
ولكن بشرط ……. ان أكثر من أكل الخضره بالأخص الخضره الورقية ، وكذلك أقدر آكل فاكهه ، والخضره والفاكهه على طول اليوم وبأي وقت

سويته أول شهر ،بدووون رياضه ، نزلت 5.5 كجم

وبعدها تخرجت من الجامعه ولعبت لعب من الوناسه
خليجية

رديت على هالرجيم من شهر 7 ولمدة 3 أشهر ،، ولكني كنت آكل الوجبة وأطنش الخضره ، وهالشي أثر علي صرت بالشهر انزل 2 كجم ، أو اكثر بشوي

ولكن هالرجيم له فضل كبير علي ،،، انه خلاني اتعود اني ماتعشا ، وهذي اكثر ميزة أخذتها من هالرجيم
وبعد الثلاث اشهر بديت برجيم ثاني والحمدلله مرتاحه لأنه تعودت ماتعشا بليل ،، ووجبتي الي كنت اكلها ، صرت أقللها مع رجيمي اليديد

وسلامتج وبالتوفيق
خليجية

على فكرة ،،،،،، يابنات الي سويتوا هالرجيم ، جم كانت المدة الي نزلتوا فيها ؟ لأني أشوف هالرجيم يحتاج صبر
خليجية

لاااااااااا والــف لاااااااااااااااا

راح تصيرين شعبان وعن تجربـه

كنت شحلاتي ما بيني وبين الوزن المثالي الا 20 كيلو

والله يسامح الي مدحه لي

سويتــه تدرين جم صار وزني ؟؟؟؟

100 خليجية

والحين اراجع عند دكتورة وجدان يوم سالتها قالت انه مضرر اول شي انج تجوعين نفسج على الفاضي

ثاني شي ان الجسم على باله مجاعه خليجية فالاكل الي تاكلينه بهالوجبه ما يحرقه الجسم ، وزود على جذي انه يحوله حق شحــم عاد ناقصين شحم احنا خليجية

نصيحه من اخت لاختهـا لا تفكرين فيه مجرد تفكيـر بس وانتي سوي الي يريحج خليجية

حيرتوها والله خليجية الحين تسمع كلام منوو فيكم جننتوها هههههههههههههههههههههههههه

انا انصحج حبيبتي لاترهقين جسمج والنتيجه ولا كيلو تنزلين خلج ماشيه عالثلاث وجبات و ركزي على وجبه الغدا وحاولي خففي عالعشا او لا تتعشين بس حليب او شي خفيف حييييل

حبيبتي ليش ما تروحين خبيرة تغذية تسوي لج تحليل وتقولج على الريجيم اللي يناسبج خليجية

موفقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top