رايكم يهمني بخصوص المدرسين والمدرسات

السلام عليكم ورحمه الله وبركاته ..

ابي رايكم امهات ومدرسات بخصوص المدرسين ؟

ولدي الحين بثالثه ابتدائي واللي يدرسونه مرسين ..

بصراحه اولى وثانيه ما حسيت انهم يدرسون بذمه وضمير يعني لو ما اناا مع الولد والله مارح يفهم شي

يعني اعطيكم امثله ..
دفتر الانجليزي نظيف مافيه ولا شخبوطه اقول لولدي ليش ما تكتب فيه شي؟
يقول الاستاذ ما عطاناا شي نكتبه . ولمن رحت التجمع قلت للأستاذ ليش موكاتبين شي يقول واللهي مشمعقول ؟ قلت اي والله استاذ ولا كلمه ؟؟ قال لي انا هراجع الموضوع ده هوه اسمو ايه ؟ @@!!

المهم بعدها لقيت بدفتره كاتب له ال A B C D كلهاا والرجاء كتابه الاحرف !

خليته يكتبهم وكل يوم اسأله شافه الاستاذ يقول لا قلت له وده عنده خل يشوفه ولمن يوديه يقول له برافوو من غير ما يصلح ..
طبعا العربي خدث ولا حرج الواجب انا كله اتابعه مع ولدي بس الصف ! لميكتب جمله بالصبوره ويخليهم ينقلونه ولدي طبعا كاتب كلمه والباجي ماكو ,,والاستاذ مصلح له ونجمه على شنوو ؟!
العلوم .. الاستاذ راسم لولدي بكتابه ومصحح له وبالتجمع سألته ليش انت الي ترسم مو ولدي؟ يقول لي ما عليج احط له امتياز @@!!
ابي الولد يفهم ما ابي الامتياز :/
شكثر ريلي يروح وشكثر انا اروح احس ماااكو اهتماااام كلش :/
بصراحه ودي انقله مدرسه فيها مدرسات احس حنونين ويهتمون ويشتغلون بذمه وضمير شرايكم بنات ؟
واللي ولدها يدرسونهم ريايل شلون الوضع معاكم ؟

اتمنى الاقي ردود لاني صج محتااااره وي انقله والي كاسر خاطري انه ربعه معاه بس ما رح يفيد دام مستوى المدرسين بالتدريس جذي :/
ناااااااااااطره لاني بستخير بقرر هالاسبوووع ..

……….

يا حي الله بتبوتا

انا ادرس بنين واي طالب مشاغب وعليه شكاوي ينقلونه لمدرسه الي يدرسون فيها رجال او اذا كان الطالب شوي كبير بالسن عن ربعه >>> يعني المدرسه الي فيها ولدج متروسه طلبه مشاغبين

ثاني شي بعايلتنا متروسه مدرسين يضحكون علينا اذا شافونا احنا يا الحريم نسوي اوراق عمل او وسائل يقول احنا مانهتم بهالسوالف ولا يحاسبونا عليها اصلا

فنصيحه انقلي ولدج وراح تشوفين دفتره متروس اوراق ومراجعات >>> ساعتها بتقولين ليتني ما نقلته من كثر الواجبات ههههههههه

بتبوتا

شفتي استاذ ولدج اللي مايدري وين الله قاطه00 بيترقى ويصير وموجه
ترى اللي يدرس بذمة وضمير ماله مكان بالتربية كلش
ومن الحين اقول لج اذا اشتكيتي عليه ماراح يسوون له شيء بعد

اليوم اول يوم موديته يايني متهاوش
والله ابي احس انه الولد عليه اهتمام مادري حيرتيني والله
وصح كلامج بأولى وثانيه مافي هالسوالف حتى لمن رحت درس نموذجي الصف فاضي مافيه لوحات :/
ماشاء الله مرت حماي تقول انها ما تجيس كتب بنتها المدرسات مخلصين لهاا كل شي حتى الحفظ محفظيناا وخالصه:/
وزين يمعوده ابي احلل دفاتر الولد والله لو اراويج دفاتره ملوت العام نظاف يمكن ورقه ولا ثنتين الي كاتب فيهم

اقتباس:

المشاركة الأصلية كتبت بواسطة Turquoiseya بتبوتا شفتي استاذ ولدج اللي مايدري وين الله قاطه00 بيترقى ويصير وموجه ترى اللي يدرس بذمة وضمير ماله مكان بالتربية كلش ومن الحين اقول لج اذا اشتكيتي عليه ماراح يسوون له شيء بعد

شكــــــــــــثر انا وريلي رحناا واشتكيناا وتكلمناا كل الي يقولونه بنشوف الموضوع ..!
ويزيدون الولد درجات عالفاضي انا ابي الولد يتعلـــــــــم يعرف ابي احس انه صج بمدرسه وفي اهتماام :/
يا بنات جد ابي وقفتكم معاي حدي محتاااره

جربي في مدرسة المدرسين حرييم
يمكن احسن

نقليه لمدرسات احسن

كنت واقفه بالممر اشرح لبناتي سادس الا تجيني وحده من بنات الثانوي
مدرستنا خاصه كل المراحل

قالت ابلا تدرسين خصوصي قلتها لا ليش؟

قالت اخوي رابع ابتدائي عنده امتحان ولاشيء مخطط له والمدرسين كلش مايخططون ابد

.
.

المدرسات احسن كفاءة
حتى بالسعوديه يدرسون انهم بيخلون المدرسات يعطون مراحل الابتدائي

بتبوتااا صاجه المدرسين مايهتمون اما المدرسات ياكثر مايعطونهم الواجبات والحفظ لازم يحفظ ويحاسبونهم واذا نقلتيه للمدرسات شكلج بتحسفين وصح هو راح يستفيد لانه راح يفهم معاهم والله يعينا عليهم

الله يعطيكم الف عافيه حبايب قلبي خلاص نقلته للمدرسات حسيت الفرق من اول يوم معطينهم اوراق الواجبات وفيه تصحيح وقوانين
الحمدلله ولدي بعد استانس فيها والله يعدي هالسنه على خير ياارب مشكورين فديتكم , :>

ولدك في مدرسة خاصة او حكومة؟؟ وشنو صار عليه الحين؟؟