|
|
صباح النور مساء الخير ما يفرق مع أحلى عضوات.gif "Eh S(22)")
عيدكم مبارك وكل عام وأنتوو بخير
بدخل في الموضوع ع طوول
حبايبي أنا توني متخرجه ومستجده وأنا أكبر خواني وخواتي ف ما عندي أحد ينصحي
خصوصا أني دخلت حياة جديده حياة غير المدرسه
و كيف أتعامل مع الناس هناك
.gif "Eh S(2)")
مشاركاتكم ي المستمرات والجامعيات تهمني حيل حيل وهم تهم كل طالبة مستجده
أي نصيحه أي شيء ودج تفيدينا فيه يعللللم الله أني محتاجه لنصايحكم من كل النواحي
وألف شكر لكم
.gif "Eh S(17)")
اول شيء حبيبتي بخصوص الصداقه لا تصادقين احد الا بعد فترة وصادقي البنت اللي تشوفينها جايه تبي تعلم وانسانه محترمة وشاطرة لان هذا كله بياثر
عليش والصاحب ساحب. وشيء ثاني اهتمي حيييييل بدرجاتش الكورس الاول حاولي قد ماتقدرين ماتنقصين فيها كثيررر لان اذا تهاونتي في الكورس الاول
وجاء الكورس الثاني تبين ترفعينه يصير صععععب انش ترفعين المعدل بس لازززم تجيبين درجات عاليه بالكورس الاول مهمم حيييل حييييل وحددي لدخولش
الجامعه او الكلية وش تبين تصيرين وحطي لش هدف عشان تشجعين نفسش للمذاكرة مو بس عشانش انقبلتي بالكلية صرتي تروحين لها وتجين بس كذا بدون
هدف لا حبيبتي شدي حيلش وفي المحاضرات اجلسي قدام اول وحدة او ثاني وحدة وركزي مع الدكتور وحددي معه اللي يقوله لانه يمكن يحذف اشياء وانتي
ماركزتي فيها وتذاكرينها وتضيعين وقت واخر شيء هي محذوفه واذا كان من النوع اللي يكتب جيبي لش نوته تكتبين فيها كل شيء ونصيحة لاتتهاونين تقولين
بعدين باخذه من صديقتي لا ياحبيبتي لا اكتبي كل شيء واذا كان من النوع اللي يقراء او كل شيء من الكتاب اشتري لش اقلام الفسفورية للتحديد وحددي بها
اذا رجعتي في البيت وفي الكلية حددي بقلم رصاص اسرع لش واذا رجعتي البيت حددي باقلام التحديد والوان متنوعه تفتح نفسيتش للمذاكرة
واول ماترجعين من الكلية صلي وتغدي وغسلي وجهش واشربي لش شيء عصير بارد او اي شيء بارد وابدي راجعي كل محاضرة بيومها كان عليش بكرة اختبار والشيء اللي ماتفهمينه ارجعي للدكتور بكرة قولي لي يشرح لش ذي النقطه واهم شيء ركزززي معه بالمحاضرة واكتبي كل شيء معه وذاكري المحاضرات الثانية كل محاضرة بيومها ولا تتكاسلين تقولين بخليها للويك اند لالالا ذاكري اول باول وصدقيني بتخلصين بسرعه واطلعي بعدها او اكلي لش شيء او افتحي النت او اي شيء تبينه او تتروشين يعني. واذا جاء الويك اند يوم الخميس خليه ترفيه عن النفس ولا تفتحين فيه المحاضرات ولا شيء واستانسي سوي لش ماسكات للبشرة وللشعر هذا في الصباح وبعدين اطلعي واستانسي واذا جاء يوم الجمعه اصحي بدري الساعه 5 الفجر وافطري وصحصحي واقري لش شوي من القران
بعدين ابدي ذاكري واحفظي كل المحاضرات اللي مرت عليش بالاسبوع كله وصدقيني بتخلصين بدري لانش مذاكرتها طول اسبوع وبعدين رتبي شنطتش
وخلاص وطول يوم الجمعه الباقي استانسي فيها ويوم السبت بعد استانسي واطلعي وروحي وانتي مستانسه ومريحه بالش بعد
واذا عليش اختبار مثلا يوم الثلاثاء ذاكريه بايام الويك اند انتي اصلا مذاكرة بسس مراجعه على المعلومات وترتبين معلوماتش يعني لو صادفتي شيء مو فاهمته تروحين للدكتور يمديش يوم الاحد والاثنين
وبتمر عليش اشكال والوان بالجامعه بسس انتي اجتنبي اللي مو زينين لان الصاحب ساحب مثل ماقلت لش ونصيحة لاتلبسين كععععب لان اصلا تعب ومراح
تاخذين راحتش وبتتعبين وماتوصلين البيت الا وانتي هلكانه البسي لبس مريح عاد هذي جامعه ودراسه والبسي لبس مرتب ولبس بنت جامعيه رايحه تدرس
ولا تلبسين لبس محفر ومدري شلون لالا لان الناس راح ياخذون عنش فكرة حتى الدكاتره بعد بس انتي عطيهم طابع من اول يوم انش بنت والنعم فيها وجايه تدرس وتتعلم واحترمي دكاترة وخلي علاقتش بينهم احترام وقدريهم عشان بعدين لو احتجتي شيء راح يعطونش ويقدرونش لاانهم يعرفونش زين
وبتمر عليش كلمات مثل كوز =معناه اختبار قصير عليه يمكن اكثر شيء 5درجات
وميدتيرم=اختبار فصلي شهري يعني عليه يمكن 20درجه او شيء
وسمستر =يعني فصل دراسي
والله يوفقش ياااااارب وتجيبين معدل عالي وترفعين راس اهلش يااااااااري
ولاتنسيني من دعواتش واجيب معدل عالي ويتحقق حلمممي 
واشتري لش كم دفتر ثنين او ثلاثه لين تشوفين من اللي يبي تجيبون معكم دفتر وتكتبون معه ومن اللي مايبي دفتر وبس تجيبون الكتاب معكم
واشتري الوان فسفورية للتحديد واقلام رصاص وقلمين من ابو اربع الوان واقلام ثانية اذا حابه بعد
واشتري شنطه مو كبيرة حيل لا بس اهم شيء تكون مو صغيره بعد ولا تكون قوية لا خليها مثل اللي يجي جلدها مرن عشان ترتاحين بها
والله يوفقش
شوفي الجامعة الحلو فيها انج تكونين مستقلة يعني قراراتج كلها بأيدج و هم انتي تراكضين ورا الدكاترة يعني انتي المسؤولة عن مصلحتج و بتلاحظين انج تنضجين بسرعة وهذا الحلو بالجامعة
شوفي بالجامعة انا ثالثة جامعة اللحين بس مارافجت ولا بنية كلهم علاقتي فيهم زمالة وكلامنا ما يطلع عن حدود الجامعة
يعني ناخذ ارقام بعض بس عشان نستفسر عن المادة او اذا عندنا بحث مشترك و من هالامور
اما حياتي الخاصة وحياتج بعديهم تماما عنها وصدقيني الحمدالله وايد مرتاحة من هالسالفة
ورفيجاتج القدم خلج متواصلة معاهم وانا الحمدالله في جم وحده معاي بالكلية فيعني مو محتاجة رفيجات
النصيحة الثانية :
تلفونج لا تستهينين فيه يعني صج الدكاترة يحقدون على اللي ماتصكر تلفونها او تمسكه فديربالج من هالنقطة
وهم طلعي مبجر من بيتكم عن الزحمة
وهم اهتمي بالحضوووووووووووووووووووووووووووووور والله الدكاترة اغلبهم ان شافوج ماتغيبين يرفعون درجتج حتى لو مو يايبة عدل بالامتحانات نصيحة
و هم لا تسولفين ديربالج ترى الدكاترة يحفظون على طول
ونصيحة خلي ستايلج باللبس مناسب للجامعة يعني خلج ناعمة اذا تلبسين عباية خليها ناعمة وجنطة مريحة و فلاااااااااات لأن حرام البنات كعوبتهم شطولها باجر كل هذا بيطلع عليج كافي المشي اللي بتمشينه
و اذا بدل لبسي شي ناعم لا تكشخين بزيادة خلج ناعمة اريحلج حتى الميك اب خليه نعوم يعني خلي ستايلج ناعم ومريح
بالنسبة لتسجيلج للمواد نصيحة آنا ياما سمعت عن دكاترة طيحوهم بالقاع بس والله يوم سجلت عندهم اطلعوا ولا اروع
فلما بتسألين عن أي دكتور اختاري البنت الشاطرة والمهتمة لأن اذا سألتي وحدة طاقة المادة بالطوف وتذم بالدكتور ماراح تسجلين عنده وتتحسفين تالي
وصدقيني الجامعة الحلو فيها ان كل كورس غير اجواءه عن الثاني
وديربالج ترافجين وحده وتخليج تكشتين بالكلاس مااقولج اني ام قليب بس انا عندي ادش كلاس وماافهم احسن من اني اسحب عليه لأن الحضور واااااااااايد مهم بالجامعة
وكل دكتور له شخصية واهوه اول محاضرة بقولج شلون يقسم درجاته وشنو طريقته و الممنوعات عنده
ونصيحة أخيره لا تختارين تخصصج عشان رفيجاتج يبونه
آنا ولا وحدة من رفيجاتي نفس تخصصي بس لما يصير عندي بريك اروح اشوفهم ماكو مشكلة يعني لا تضيعين مستقبلج على حساب وناستج
وقبل لا تسجلين اي مادة تعرفي عليها قبل وشوفي الدكاترة الزينين
يعني سألي البنات اللي ماخذينها أو دشي موقع قيم دكتورك فيه تقييم الدكاترة وتعليقهم عليهم و مع الوقت بتصيرين خبره ان شاء الله
والله يوفقج ان شاء الله
Miss semsem. مشكووره حبيبتي ربي يسير لج دراستج وتتخرجين بالنسبة الي تبينها ما قصرتي حبيبتي
ربي يوفقكمممم. حبايبي
رففففففففففففففففففع
إلي حاب يشاركنا. حياككمممم
يعطيج العافيه ي قلبي ع الموضووع
وانا نفس حالتج بالضبط
صج يعطيكم العافيه ما قصرتوا بنات
ذكرتيني بالسنه اللي طافت كنت نفسج وحدي ضايعه و متحمسه مشاعر ملخبطه :d
اهم شيء لا تسجلين ماده الا و انتي سائله عن الدكتور
فيه دكاتره طيببين و متساهلين
و فيه دكاتره انحشي عنهم بس
فيه بنات لا تأمنين لهم تقولين حضروني ولا تعطينهم النوت
والله تنخدعين فيهم ، وفيه هم بنات ناس و زينين بس
الحضور اهم شيء لان مرات الدكاترة يساعدون اللي ماتغيب
واستانسي و عيشي حياتج و البسي اللي تبينه
لأن صج صج حياة الجامعه غير
و بالتوفيق ..
