تكفون ابلات الحاسوب ردو على

شلونكم حبايبى عساكم بخير ………

بدش بالموضوع علطول بنات حدى تعبت وانا اسال وكل وحدة تعطينى معلومه على هواها فقلت محد راح يفيدنى غيركم وان شاءالله تفيدونى ….. بنات انا خريجه بكالريوس محاسبه وابى اصير مدرسه حاسوب وادرى ان كلشى بالواسطه بس قصدى ياخذون تخصصى ولا كلش ماياخذون تخصص محاسبه ؟؟ وثانى شغله المرحله اهما يحدونها ولا احنا نختار اذا ابى ابتدائى ولا مايصير ؟؟ وجنه سمعت فى دورة لازم اخذها بس مادرى شنو الدورة .. بنات ماعليه غثيتكم بالاسئله بس اتمنى تقولولى لان مادرى وين اروح واسال منو ….. واخر سوال اروح وزارة التربيه نفسها اقدم ولا الديوان شلون طريقه التقديم …. ومشكوووورين واااايد لاتبخلون على بالرد وسامحونى على الاطاله

عسولة اذا انتي تشتغلين حاليا لازم تكونين معدية السنتين وتقديم طلب نقل من وزارتج لي وزارة التربية

وبخصوص تخصصج اهما يقبلونه اكيد ان شاء الله بس لازم يكون عندج خبرة بالمواد الي يدرسونها بالمراحل التعليمية

ويكون عندج شهادة الicdl وبعدين يسوونلج مقابلة شخصية يسالونج عن اجزاء الجهاز الهاردوير والسوفتوير

ويسالونجج عن الاكسل والاكسس والفرونت بيج وبعض المرات عن الفيجوال بيسك

بخصوص المرحلة التعليمية حاليا في نقص بالثانوي ومحتاجينهم بس ما يمنع يوظفونج بالمتوسط او الابتدائي

انتي لما الله يوفقج وتنجحين بالمقابلة راح تراجعينهم علشان تعطينهم اوراقج وصور شخصية وجذي وهني تستفسرين منهم

والله يوفقج يارب ويسدد خطاج ويرزقج من اوسع ابوابه يالغالية

اقتباس:

المشاركة الأصلية كتبت بواسطة أم سليمان دشتي ام احلى خلودي (الله يحفظه لج يارب) عسولة اذا انتي تشتغلين حاليا لازم تكونين معدية السنتين وتقديم طلب نقل من وزارتج لي وزارة التربية وبخصوص تخصصج اهما يقبلونه اكيد ان شاء الله بس لازم يكون عندج خبرة بالمواد الي يدرسونها بالمراحل التعليمية ويكون عندج شهادة الicdl وبعدين يسوونلج مقابلة شخصية يسالونج عن اجزاء الجهاز الهاردوير والسوفتوير ويسالونجج عن الاكسل والاكسس والفرونت بيج وبعض المرات عن الفيجوال بيسك بخصوص المرحلة التعليمية حاليا في نقص بالثانوي ومحتاجينهم بس ما يمنع يوظفونج بالمتوسط او الابتدائي انتي لما الله يوفقج وتنجحين بالمقابلة راح تراجعينهم علشان تعطينهم اوراقج وصور شخصية وجذي وهني تستفسرين منهم والله يوفقج يارب ويسدد خطاج ويرزقج من اوسع ابوابه يالغالية

بعد عمرى ام سليمان ماقصرتى على المعلومات و انا ماشتغل للحين يعنى اللى فهمته لازم اخذ الدورة اول شى وعقب اقدم ……. وشكوورة على الدعوة الحلوة ولج بالمثل ياارب والله يوفقج يارب

اقتباس:

المشاركة الأصلية كتبت بواسطة ام احلى خلودى بعد عمرى ام سليمان ماقصرتى على المعلومات و انا ماشتغل للحين يعنى اللى فهمته لازم اخذ الدورة اول شى وعقب اقدم ……. وشكوورة على الدعوة الحلوة ولج بالمثل ياارب والله يوفقج يارب

فديت قلبج كلي لج
اذا انتي مو مشتغلة حضرتج تقديم عالديوان وتحطين اول رغبة لج تربية
وعلى طول ينزل تعيينج لان التربية ما يطولون
وتروحين مبنى2 صالة الموارد البشرية وهناك تسووين اوراقج وتاخذين الاوراق المطلوبة منج