تفاعلو معاي عن ابره الظهر

السلام عليكم بنات
ابي كل وحده لها تجربه باخذ ابره الظهر اثناء الولاده فادتها بشي ولا عادي يعني اهون شوي وهل بعدين صارلها اعراض يعني انا اللي اسمعه يقولون الم بالظهر وابي تفاعلكم واي مستشفى خاص زين باعطائها ومشكورين

وانا مثلك اختي ناويه آخذها

ياليت احد يفيدنا….

والله يقومنا جميع بالسلامه ويرزقنا بالذريه الصالحه يارب..

حبايبي انا خذيت ابره الظهر بمستشفى رويال حياه
والدكتور ما كان شاطر بالمره
يووم غزاني طلع مني واااايد دم وريلي نفس صار فيها كهربا وبعدها تخدر جسمي وماحسيت بولاشي حتى الطلق راح وبعدها بجم ساعه بديت احس بطلق خفيف جان اقول حق الدكتور جان يزيد جرعه الدوا واختفى الالم
و وقت الولاده ما حسيت بولاشي وكنت مصحصحه مع الدكتوره 100% بس ما كنت اعرف شلوون اسوي بشش ولا كنت احس اذا قعد اسوي بشش صح او لا بس اضغط وبس مادري على شنوو لان مخدره ما احس بشي ومن ولدت الدكتوره حطت بنتي على صدري وناااسه وبعدها قعدت اطالعها شتسوي (ملقوووفه)
وبعدين تميت قاعده ما نمت الا بليل والوضع طبيعي لا عواار ولا شي بس اول ما قمت ثاني يوووم الله لا يوريكم شصااار فيني صداااع خيالي عمري ما حسيت بهل الم والله من كثر قوه الصداع كاان وديي اطق راسي بالطووووف حييييييييييييييييييييييل وطبعا تم الصداع تقريبا اسوووع وبعدها راااح
ومانفعني لا مسكنات ولا ابر ولا شي
بس اختي خذت ابره الظهر بمستشفى السلام وماشالله ما صار فيها ولا شي

مرت اخوي خذتها بالعدان …و تقول انها ما حست بولا شيء

و صديقتي خذتها بالصباح و سوت قيصريه …..وايد مستانسه انها ما حست بشيء و فوق هذا كانت مصحصحه بعد الولاده

انا اخذها اذا الله كتبلي وحملت مرة ثانيه بس وحده من اهلنا تقول بالقيصريه تخوووف لانج تحسين بخطوات العملية الله يسهل على الكل يااارب

اتهبل الأبره والله تحسفت اني ماخذيتها من أول انا خذيتها بدار الشفا عند الكتوره سناء وكانت ممتاااااااااااااازه وحطتلي جرعه لمدة 6 ساعات وقالت لي ماراح اتحسين واذا طافت ال6 ساعات وماولدتي أزيدلج الجرعه بس الحمدالله ولدت ابساعتين ودفعت معاهم أول مره أحس اني ولدت طبيعي لأنه المرتين اللي طافوا واايد اشفطوا اعيالي
صج اتهبل الأبره اهيا سعرها 80 والله حزت الحزه أدفعلهم 800 بس أرتاح

ياناس ياهو الي يقولون لج تسبب الم بالظهر عقب الولادة غلطااانينن
لان ورى الولادة جسمج كله متفجج من الولادة نفسها مو بس ظهرج
ف ظهرج اكيد بيعورج بكل الاحوال
انا بالنسبه لي خذيتها وفعلا رحمة من رب العالمين
وراح اخذها اذا ربي سهل ان شاء الله هالمرة

هلا حبيبتي
الم الظهر بعد الولادة واارد لعى قولة الدكتورة …. قالت لي ان مو بسبة الابرة بسبة تفجج العظام
بس الابرة مشكلتها ان ما تكون عندج القوة اللي تكون عندج بدون ما تخذين الابرة و اللي تخليج تقدرين تساعدين الدكتورة بالدفع ..
و من ناحية مريحه ماكو الم
فهي عجييييييييبة ***

انا اشوف انها نعمة من الله للامهات

انا خذيتها في بجري بمستشفى هادي
كانت كلش مو شي وكنت احس بالطلق واحس بريولي وهم طلع من ظهري دم وااااااااايد

على بنتي خذيتها في رويال حياة وماشاء الله ماشاء الله كانت وااااايد زينه وما حسيت بولا شي الحمدلله

بنات اشرايكم بالكلام الي يقول حلاتج اتحسين بالطلق وتاخذبن على كل طلقة اجر؟؟؟ انا ودي اخذها بس كله يسكتوني بهالكلام

انا اعلرف وحده سببتلها الم بالظهر و في بعض الناس عقب و قت طويل يبين اثرها

راح تسمعين وايد آراء وترى الولادات حظوظ وابرة الظهر نصييييييييييييييييييييييييييييييييييحة تاخذينها والله يسخرلج دكتور شاطر وراح ترتاحين في ها انا خذيتها بدار الشفا بس ما اذكر اسم الدكتورة ولاتحاتين اللي الله كاتبة بيصير لج
ولحد اقولج ما تاخذين اجر لا حبيبتي الاجر انشالله موجود يعني اذا في شي ربي خلا الناس تكتشفة احنا ليش انتعذب ونمتنع عنه
يعني مثلا الحج اول يروحون له على جمال والحين طيايير يعني اللي يروحون الحج بطيايير ما ياخذون اجر؟
نفس الشي ابرة الظهر اول ماكانو مكتشفينها والطب تطور والحين انوجدت واصلا موجودة منزمان بس احنا اللي توة نهب فيها
يعني ليش ما ىخذها وارتاح واسمها ولادة واكيد فيها اجر انشالله طلعت الروح من روح مو سهلة
استخيري واخذيها ولاحد يقص عليج بسوالف الرعب

أمس كنت اقول حق دكتورتي ودي احس بشوية مو وايد … جان اتزفني … قالت لي الله معطيكم نعمة علشان ما اتححسون بالألم … ليش ما تستعمولنها!!! ههههههه كليت زفة … أنا اشوفها نفس التخدير مال الأسنان .. ممكن الطبيب يشتغل ونتألم بس منو فينا الشجاع اللي بيبطل حلجه حق دكتور الأسنان علشان يسيوله علاج من غير بنج؟

مشكورين حبيباتي والله لايحرمني من ردودكم اللي تبرد القلب ويمكن راح تضحكون انا للحين ما حملت بس اجهضت وانا بالخامس بمعني ولاده وبسي عطوني الكمام ومت ما سوي شي احسه يصحصحني مو يخدرني اويدوخني و اسمع عنها وناطره هل الشهر احمل ودي اجربها بس سمعت انها فيها اعراض بس الحين سمعت من مجربين
واعولي احمل هل الشهر