تزوجت عن حب وابي بنتي تتزوج عن حب والحياة كلها حب في حب

هلووووو بنات
لكم وحشة منزمان ماكتبت موضوع هني…

يوم الخميس اللي فات كانت زوارتنا وانا واختي كنا نلبس هدومنا عساس بنرد بيوتنا اللي صار واحنا نسولف ومن بين السوالف سالتي سؤال

تقولي انتي ريلج يرضى بنتج تتزوج عن حب؟؟؟

قلت لها اي طبعا اكيد ارضى وريلي بيرضى اذا الريال يحب بنتي وشاريها وهي تحبه ماراح نوقف بطريجهم

جان تقول جاااااااااااان زين ريلي تفكيره مثل نفكيركم ريلي مايرضى كللللللللللللش

قلت لها هذا زمان وذاك زمان ماتدرين شراح يصير كلشي بيتغير يمكن نوصل حق مرحلة ان عيالنا يتزوجون من غير شورنا بعد احنا ابهالزمن وتعالي شوفي التمرد والله يستر شصير بزمنهم …

انتي شنو رايج ترضين بنتج تحب شخص وتتزوجه؟؟ وريلج شنو رايه؟؟؟

في انتظار اراءكم

لا ما ارضى حتى تطلع والا تتكلم بالتلفون ولا مسن حتى

لاني ما اثق بالزمن ولا اثق بالرجال وشنو نيته

وهذا اولا مخالف للدين واشرع والرسول صلى الله عليه سلم نهااانه عن هالشيء
ولا يخلوو رجل وامرأه الا الشيطاان ثالثهم …

لا مارضى حبهم برص هههههه
هذا الي ناقص بعد

المفروض علاقة الام وبناتها بعد مرحله المراهقة تحول الى علاقة صداقة

وعلاقة الصداقة فيها كثير من المصارحه

ولو كان فيه قصة حب

بالتأكيد لام عاشت فصوله وتحت مراقبتها

فرح ابارك لها الاختيار وادعو لهما بالتوفيق

ولكن لو شفت ان بداية العلاقة غير مناسبة للطرفين وما فيها تكافؤ

لي موقف اخر

فوفو

عندي موضوع تزوجون ولدكم بنت متعرف عليها انتي عكستي السؤال

اممم مو اني اشجع العلاقات قبل الزواج

بس انا اشوف اذا حبوا بعض و خلصوا و يبون بعض بالحلال ما اوقف بويهم و اكسر قلوبهم

اسال عن البنت و لا الولد اذا كل شي اوكي خل ياخذون بعض عليهم بالعافيه

بنظري الحب ايي بعد الزواج مو قبله وبعدين الدين نهى عن العلاقات اللي بين الرجل والمرأة قبل الزواج يعني مو معقوله أوافق إن بنتي تكون لها علاقه مع واحد وأهو ما يحل لها لأن هذا مخالف للشرع والدين ولأني أحب بنتي وأخاف عليها ما أرضالها هالشي.

الزمن هاذا مافي حب… في لعب

يضحك على البنت وعقب يقولها سلام عليكم انا مااتزوج وحده مثلج انا راح اخذ وحده ساتره نفسها وحاشمه اهلها

اكيد ماارضى
لان 95% من الشباب مايفكرون ياخذون البنت اللي يكلمونها
و5% ممكن يتزوجونهم والاغلبيه تتحول حياتهم لجحيم
ومااسمح لواحد يلعب بمشاعرها او ينزل من قيمتها
ويحطها بتجارب سخيفه عشان يختبرها

اذا كان الوالد صج شاريها ويحبها
يطق الباب ويخطب رسمي مع اهله
وبعدين يحبون بعض مثل مايبون
بس بشروط وضوابط

هذا من وجهة نظري

والله الحب الحلو بس يبيله ضروف ووضع خاص ومناسب وانا مع ريم ستايل باللي قالته

من يحياااااااا من يموووووووووووووت

اذا الله رزقني بنت اكيد ماراح ارضى انها تكلم واحد لكن تقولي يماا واحد خطبني وانا كنت احبه وابيه هنيه ندخله البنت ونشوف اذا زين او لا

بس الله كريم عسى الله يعطينا طوله العمر

مع اني ماخذه عن حب بس ماارضى بنتي تعيش قصه حب وانا شنو يضمني انه يطلع نفس اخلاق ابوها
الحمدلله طول فترة علاقتنا كان يخاف علي حتى من نفسه

بالنسبه لبنتي مابخليها تكلمه والله ينخاف من هالزمن وبخليها تطلع عيونه وتجننه واذا يبيها صج يطق الباب

من سابع المستحيلات
الا اذا انا تحت الارض
زمن اغبر وين حب وين بطيخ قسم نادر وقله الي يحب ياخذ حبه
الله يستر ع بناتنا يارب من فتن الدنيا ماظهر منها وما بطن

ماعندي اي تعليق ..

بس اقول الدنيا تخرع .. واخاف على حشاشة يوفي

بصراحه ما تهون علي بنتي ..انا اللي ودي ادور لها واخطب لها ..

انا ليما الحين ماعندي عيال لكن ان شاء الله يالمستقبل اذا اكتشفت ان بنتي تحب واحد اول شي لازم يكون في تكافىء و مناسبين بعض … و اذا كان متخرج و مشتغل اقولها يبيج اي يخطبج و اذا كان بعده يدرس على الاقل اهله يكلموني عشان يبين اذا اهوا جاد في العلاقة و لا لا و تبدي العلاقة تاخذ صورة رسمية شوية يعني ابعرفتنا و معرفة اهله ليما يتخرج