تدورين حضانه؟؟شوفي تجربتي مع حضانه التميز

السلالام عليكم الأمهات السنعااات اشلوووووووووووونكم

من زمان ما نزلت ولا اكتبت موضوع بس اللي خلاني ادخل اليوم واكتب هالموضوع اني قلت
لازم افيد بعض الأمهات اللي يدورون حضانه زينه ويأمنون فيها على اعيالهم مثل ما استفدت

وايد من هالمنتدى والعضوات جزاهم الله كل خير ياااااااااااااااااارب

المهم انه من زمان كنت ادور على حضانه وفيها المواصفات اللي ابيها وما كان يهمني المنطقه بعيده قريبه غاليه رخيصه اهم شي بنتي تستفيد وتستانس منها وبعد البحث لقيت الكل بالإجماع يمدح حضانه ليتل لاند بالفيحا وكل ما ادق عليهم ماكو تسجيل فل واي مليت مابي بنتي تقعد اكثر بالبيت

قلت خيره وقمت ادقدق عالحضانه واستخرت ربي لما ربي نورني ورحت حضانه التميز بالروضه وكنت قايله دعاء الإستخاره اذا زينه ربي يشرح صدري حقها شقولكم يا بنات من دخلتها صدري انشرح وحيل حيل حبيتها ..الإداره حيل بشوشين ومريحين بالتعامل وهالشي حيل يهمني ماشالله الحضانه هدووء ماكو ولا ياهل يبجي المبنى شرح الألعاب حلوه شفت اليهال بحصه الرياضه يشووقون شفت اللي بحصه المطبخ الأبله تسوي الأكله معاهم وتقولهم اسم المقادير بالأنجليزي مثل corn buttter و اهم مستانسين شفت مكان الأعمال اليدويه شفت المسرح شفت صاله الكمبيوتر الحديقه برا شرحه وتهبل صعدت فوق قسم اليهال الصغار يشوقون الأبلات بشوشين حدهم اليهال مرتبين بعد
ما استفسرت منهم عن المنهج وشفت المبنى ودوامت بنتي بقولكم ملاحظاتي والله شاهد علي:

الحضانه ثلاثيه اللغه عربي فرنسي انجليزي ويمكن الحضانه الوحيده اللي تدرس ثلاث لغات وكل لغه بالأوراق بالكتب بالقصص مالته في بوكس

عندهم منهج ديني وقرآن وهالشي يهمني

عندهم حصص رياضه وكمبيوتر وتلفزيون ووووووووو

عندهم كل خميس يوم مفتوح وحيل اهتم بهالأمر لأن الياهل بهالعمر يبي ترفيه اكثر من تعليم
والورقه يمي اليوم المفتوح مره يكون يوم بجامه /يوم مهنه معينه مثل زراعه / يوم كرنفال
يوم الفواكه/يوم الطيران/يوم الحيوانات/يوم بارتي

وعندهم الخميس مثل ما قلنا يوم مفتوح ومرات رحله وبكتبلكم جدول الرحلات طفل المستقبل/ ديسكفري/المركز العلمي/الجمعيه/ماجيك بلانت/ابراج الكويت/يوم رياضي بحديقه خارجيه مثل حديقه مشرف/حديقه الحيوانات/كارتون نتورك/بيتزا اكسبرس والرسوم رمزيه اولياء الأمور يدفعونها

الإدراه كويتيه وبصراحه الكويتيات معروفين بالسنع والنظافه الأمانه والفناتق ويبردون القلب اكثر من غيرهم

الإدراه والأبلات مثل ما قلت حيل بشوشين ويرحبون باليهال اول ما يوصل وبنهايه الدوام ومو ماديين وقت الدفع ويرحبون باي وقت ادق واتصل على طول يصعدون بنفسهم يطمنون على بنتي ويدقون علي وفي رقم داخلي حق كل صف ومره قلت حق المديره ساعات اولياء الأمور يحنون انه وحده منهم تقول من حقهم هذولي فلذات اكبادكم وايد حبيت شعورها

واكثر شي عجبني وحبيته وريحني حيل واهو اهم شي حق كل ام اهتمام الإداره مووطبيعي ماشالله
بالأطفال حافظين اساميهم ومهتمين فيهم حيل يعني مره حطيت حق بنتي ماي بارد بالمطاره على طول كلمتني اللإبله ان الماي بارد ماشالله بنتي مثل ما اوصلها شكلها مرتب يسلمونها حقي شكلها مرتب مو كالعاده الياهل معفوس شكله بنهايه الدوام

الأكل اللي احطه بجنطه بنتي لو تاكل نص ولا ربع لازم يرجعونه بجنطتها حيل حبيت الأمانه فيهم

مره دخلت بالصدفه على وصول المديره واهي مو شايفتني اسمعها تسال عن بنتي لأنها صغيره وتوها يديده حيل استانست ان المديره بنفسها تتطمن على اليهال جزاها الله خير

ماشالله ماشالله ماشالله بنتي من اول يوم ما بجت حيل استانست واستغربت لأنها عسره ومتعلقه فيني ومو اي ناس تندمج معاهم فسرت هالشي ان الإدراه والإبلات عندهم قدره على التعامل مع نفسيه الطفل

ما يخلوني اصعد او ادخل صفها اخذها عشان مهم عندهم ان الياهل ما يتعود اذا شاف وليه امر يبجي يبي يطلع اهم ينزلونها والعاده تبوسني وتبي ترد ترجع الكلاس مستانسه حبيبتي بس للأمانه مره طلبت بشوف بنتي داخل الصف خلوني اشوفها بدون ما تشوفني حدها مستانسه وعاجله ومرتبه

الشي اللي ودي يكون موجود ان اقدر اتابع بنتي بالنت او الشاشه يمكن مستقبلا يصير هالشي انه مو شاكه باهتمامهم بالعكس حيل مطمنه بس ساعات اشتاق لها وودي اشوفها واهي تلعب مع ان الأبله من نفسها صورتها حقي جم صوره وشفتها

حيل مهتمين بسالفه تبديل البامبرز يعني بالبدايه كنت احط بامبرز واحد نبهوني احط ثنتين لأنهم يحرصون يبدلون الياهل اكثر من مره استانست بهالنقطه

المدرسه فيها حضانه وروضه مو بس حضانه

اليهال يلبسون يونيفورم رسمي وترننق رياضي وملابسهم حلوه ومرتبه

اللي ما حبيته ان كل نشاط احنا نييب الأغراض المفروض هالشي يكون من الإداره مادري عن باجي الحضانات

هذي باختصار تجربتي والحمدلله ما خاب من استخار واهم شي عندي بنتي مستانسه وعلى انها صغيره اهي تسبقني بالسياره وتنزل قبلي حق الحضانه

حبيت افيدكم خاصه الأمهات اللي محتارين ويدورن حضانه زينه بمناطق العاصمه واي استفسار انه حاضره

الله يعطيج العافيه ان شالله على الافاده

الله يعافيج حبيبتي مشكوووووووووووره

حبي جم الأعمار اللي ياخذونها وجم التكاليف ووين مكانهم بليز

هالحضانه يم بيتي

وصح واايد يمدحوونها

الله يتمم عليج الراحه ودووم يطمن قلبج على بنتج يارب

ياخذون من سنيت او سنه ونص مو متأكده بالضبط والأسعار تختلف باختلاف المرحله

بس اسعارها بالنسبه لمستواها مقبوله وعاديه واقل من غيرها ويسون خصهم اذا اخوان

حبيبتي ما قصرتي على هالدعوه الطيبه ولج بالمثل واحسن ياااااااااارب

الله يتمم على بنتج انشاءالله
التميز هذي اللي يحطوون صور اليهال اللي متميزين برة على المبنى ؟؟؟
وجم ياخذون حق الحضانة

اي حبيبتي هذي وحلوه فكرتهم ويديده يحطون صور اليهال كبيره حركه تشجيعيه

اذا فوق سنتين ونص ياخذون بالسنه كامله تقريبا 960

تعرفى اختى الفاضلة كم رواتب الموظفات فيها

مشكورة حبيبتي شكلها تونس