تحليل البروجسترون

قوه بنات شلونكم
انا طبعا لي متزوجة ١٠ شهور وللحين ما حملت بس مره قالولي صار عندي اجهاض بس مو متأكدة من هالكلام لان مو كل الدكاتره اجمعت عليه.
المهم انا من قبل كم شهر بلشت اشرب البردقوش وماشاء الله نظم دورتي اكثر مع ان انا دورتي ماكان فيها شي بس كان ممكن تتاخر يومين او تقدم يومين عن موعدها بس ما صار حمل..

ومن اخر دوره لي اخذت خلطة (ام لجين) للحمل يلي تبي تعرفها تكتب على قوقل (خلطة ام لجين للحمل وتقرا عنها) بس ما سويتها بالضبط يعني بدل ما اخذها الصبح خذيتها المغرب وخذيتها من رابع يوم دوره والمفروض من ثالث يوم دوره.. وان شاء الله اخذها مضبوط عالدوره الجاية..

المهم انا الشهر يلي طاف سويت تحليل البروجسترون وطلعت النتيجة ١٩.٤ .. و المفروض اسوي التحليل يوم ٢١ من الدوره بس انا سويته يوم ٢٣ لان كان اجازه يوم ٢١ وقالي الدكتور مايفرق لان التحليل ممكن اسوي بين يوم ٢١ ل٢٣ من الدوره وبعد النتيجة قالت الدكتوره عندي ضعف تبويض وحولتني للصباح
ورحت للصباح بس ماكانت ورقه التحليل مالت المستوصف معاي وما شافها الدكتور ولا قتله عن الرقم بس قتله قالولي عندي ضعف وعطاني تحليل مره ثانيه يلي هو اليوم سويته بس هم صادف يوم ٢٣ يوم الدوره لان ٢١ كان يوم جمعه وقالتلي مالت المختبر ما حيطلع التحليل صح ١٠٠٪ لان المفروض اسوي يوم ٢٠ من الدوره (يصادف الخميس) مو يوم ٢٣ يلي هو اليوم

((
فمادري منو كلامه صح المختبر ولا الدكتور بالنسبه لموعد التحليل
وهل النتيجة ١٩٫٤ فعلا ضعف تبويض ؟

والله ماعندي فكره

ان شالله البنات يفيدونج

واااب

مشكوره حبيبتي يارب يفيدوني البنات

(((( مافي ولا رد

أأأب

اختي لازم٢١ من الدوره الافضل والادق
روحي اي مختبر خاص ومعاج تحليل الحكومه وقولي ابي هالتحليل طيبه كلينك او الراشد اي مختبر

بعدين ماقلتي الوحده الدوليه اذا١٩nl/ml فالنسبه ممتازه

حبوبه لاتحاتين سالفة ضعف التبويض كم طول دورتج اذا فوق ال٣٠الى٣٧ تبويضج يكون متأخر >>انا صار معاي جذي رحت ١٢-١٤من الدوره وقالت تبويض ضعيف وطلع تبويضي متأخر ٢١وورا من الدوره

عموما اللي دورتها طويله تكون ١٠شهور تبويض ممتاز وشهرين ضعيف تقريباً يعني مو كل شهر خصبه هذي نقطه
ونقطه ثانيه زوجج فحص ضرووري يفحص لاتعابلين بنفسج الا اذا كان سليم ميه بالميه

وبنصحج بحبوب زهرة الربيع المسائيه مع زيت الزهره النجميه~>جذي اسمها
هذي ممتازه للحمل وفي موقع امريكي اللي تبي تحمل تاكلها لانها تضبط الهرمونات الانثويه وعن تجربه انا جربتها وحملت واخذت معاها ملعقه صغيره من القسط الهندي في كوب حليب دافي والقسط بس اخذته فترة الدوره

عموما هذي الحبوب ممتازه للشعر والبشره وتنقص الوزن يعني تفيدج ماتضرج وتزيد التبويض عندج

ولاتنسين تاخذين الفوليك اسيد دام عندج مشروع حمل وبالتوفيييق

مشكوره عالرد حبيبتي
الهرمون مكتوب 19.4 nmol/L
وزوجي سوا تحاليل وكلها زينه الحمدالله
وانا فعلا دورتي طويله من ٣٣ يوم ل ٣٥ يوم .. كل الفتره حسبت انه تبويضي اليوم ١٤ من اول يوم دوره
بس طلع لازم نحسب ١٤ يوم قبل الدوره الثانيه اهوا يكون يوم التبويض

وبالنسبه للحبوب من وين احصلها من الموقع ولا موجودة بالصيدليات

رب لا تذرني فردا وانت خير الوارثين