تجمع أولياء أمور مدرسة البكالوريا الامريكية abs

اشلونكم امهات
هذا التجمع راح يكون لمدرسة البكالوريا الامريكية ( المدرسة الامريكية ثنائية اللغة سابقا)
أنا اول وحدة راح ابلش انا عندي بنتي grade 2 و ولدي kg1 و طبعا انا صارلي مع المدرسة 5 سنين من يوم كانت بنتي pre-k الله يحفضها

يله امهات ال abs ابي تفاعلكم عشان انفيد ونستفيد

للرررررفع

موووووفقين

تسلمين

وينكم امهات ال abs

السلام عليكم اختي. هذي abs اللي في خيطان

انا ودي أسأل عنها شلونها المدرسة ممكن تقولين لي لان ولدي إن شاء الله بسجلة بس ناطرة اخلص الاختباراللي في شركة اكسفورد
انا ولدي بإذن الله السنة القادمة kg2
يرجى المساعدة مع الشكر الجزيل والله الموفق

ولدي كان بدسمان الصراحة المدرسة ممتازة وولدي مستفيد بس المشكلة انتقلت سعد العبدالله واقرب مدرسة أمريكية لي هي اللي بخيطان ويم بيت أهلي جنوب السرة وإن شاء الله أسمع شي يسر الخاطر
وشكرا

هلا حبيبتي المدرسة وايد قوية بالنسبة kg2 عندهم ااسسون الياهل حق grade 1 يعني ماخذ خلفية كاملة
اي صح نسيت لا اجاوبج الي بخيطان صاحبتها فايزة الخرافي انا بالنسبة لي وايد مرتاحة من المدرسة والناس الي فيها حيل راقين و بسيطين واعيالهم ونعمة التربية
وبالنسبة للاختبار الله يوفق ولدج ان شالله و تنظمين معانا بالتجمع
اذا تبين اي استفسار انا حاضر واذا ولدج ما امتحن وتبين اتعرفين بشنو را يمتحنونا هم انا حاضر

موفقه

الله يعطيج العافية اختي ماقصرتي امتحانه إن شاءالله الخميس القادم وفعلا بغيت اسألج بشنو يسألون انجليزي والعربي ؟؟؟ او بس انجليزي ؟؟

والله ماقصرتي على هذا التجمع لانه يييه بوقته

والله الموفق

ناطرة رد أحد الله يوفقكم

يعطيكم العافيه امهات
بعد اذن صاحبه الموضووع ……
هاله الصباح بالنسبة لدسمان انا قدمت طلب وناطرين المقابلة
اشرايج فيهااا من ناحيه التدريس وولدي بيدخل كي جي ١ وحدي محتاره
بس المبنى كئيييب ويلوع الجبد شفت الصفوف قمته حييل عكس على تفكيري
بس مازلت متردده
اشرااايج فيها وولدج اي صف

حبيتي بالنسبة لي مد رسة دسمان زينه وأسعارهم معقولة حق الروضة١٥٠٠ + ١٠٠ حجز الكرسي واما الامريكية ٢٣٠٠ غير دفع للاختبار ٥٠ دينار ومدرسة دسمان تعليمهم جيد ولو انه المدرسات أجانب احسن ، من عربيات تخيلي مصرية تتكلم انجليزي ومثل ماقلت لج لو اني ساكنه في العاصمة السنة القادمة جان بقيت في دسمان بس انا ناقلة سعد العبدالله وسعيدة إن شاء الله بالنقل لان المدرسات نص اليوم أمريكيات. والتدريس العربي عربيات والله يوفق الجميع

اسفه حبيبتي على التاخير
الامتحات بالانجليزي ولا شي بالعربي
يسألونه عن الالوان green blue pink red purple brown black white yellow
والاشكال square diamond oval circle triangle rectangle heart
الارقام من 1-10
الاحرف a-z letter sound
اموفقه ان شالله و اذا ولدج تعسر ما يابي يدخل دخلي معاه عادي
بس انتبهي لا يكون ولدج جدامها فيه سلوك عدوانية لان مهم عندهم يركزون على السلوك بعد

على فكرة السنة اليايه ما راح تكون ثنائية اللغة راح اقللون كلاسات العربي يعني مثلا بدال ما يكون كل يوم راح يكون يوم وترك بس بنفس قوة التدريس لان العربي وايد قوي عندهم و التربية الوطنية والاجتماعيات راح يلغون و يكون مكانهم social studies طبعا راح يكون خيال لان حده ممتع و مفيد لان اهم قاعدين ياخذونه بس مو كمادة اساسية السنة اليايه راح يكون مادة اساسية ان شالله وطبعا ما ننسى التربية الاسلامية والقرآن راح يكون كل واحد منهم له حصة بالاسبوع و باجي المواد math, science , English , art , computer , PE كله بالانجليزي

الله يعطيج العافية حبيبتي ماقصرتي
قاع انطرج كل ساعة اطل على المنتدى ناطرة ردج الحمدلله كفيتي ووفيتي وراح اقولكم شنو النتيجة وإن شاءالله تكون النتيجة حلوة ومرضية بإذن الله

ولدي يعرف الاحرف والارقام بس بعض المرات يتخربط بين b & d ، c& s بس بقعد اراجع وياه إن شاء الله خير

لا اتحاتين موفقه ان شالله سهالات