بنات سوال عن ابره النضاره

بنات بغيت اسال عن ابره النضاره ومنو جربها وعند منوسواها وتبين النتيجه والا لا
ومشكووووووووورين

تونى بكتب بسال عنها

منووووووووووو سواها؟؟
يقولون عند محمد المشارى
بليز بنات منو مجربها؟؟

انا جربتها مره وحده والمفروض اخذها خمس مرات لان كان عندي مسامات وحبوب واثار الحبوب خفيفه يعني مسويتها علشان اعالج بشرتي بس سويتها مره لاني ماقدرة اتحمل العوار بس والله اتحسين بالفرق بعد 5 ايام صج ابين وقعد وياي تأثيرها بالنظاره على ويهي تقريبا شهر ونص او شهرين وتحسفت اني ماكملت

الصرحه ما عندي فكره وناويه اجربهاا,, بس منوره خرعتنى وانا ما اتحمل العوار ما كو حل غير الابر لو فى كبسولات ولا انبولاات احسن منوو سامع عنهم؟؟

وين سويتيها منوره وبجم ؟

انا عملتها بتايلاند و تختلف كثييييييييييييييييييييييير عن ابر الانضارة اللي يسوونها بالخليج

و نتيجتها تهبل

طبعا الابره يحطونها بمجرى الوريد اللي بالوجه ما تنقسم على الوجه كله ، مرة يمين و مرة يسار بس تألم شوي

و نتايجها حلوة حلوة حلوة

عند دكتورة شطورة بس والله ناسية اسمها عملتها السنة الماضية

البنات قالوا لي هنا يقسمونها على الوجه كله واغلب دكاترة الخليج يسوون كذا هونت بعد ما شفت هالدكتورة و قلت اجرب عندها و استفدت الحمدلله

اليوم قريت بجريدة الوطن اعلان حق عيادة اوباجي ان يسون الميزوا من غير ابر وفي انوع حق الميزوا عندهم بس اتوقع ان الابر افيد

انا سويتها عند البرفسور عاصم اللي بربيعه الطبي بس مايستحي على ويهه اسعاره حيل غاليه يعني الابره الوحده 70 دينار بس اذا بتسوينها بمكان ثاني جيكي على الماده مويحط فيتامينات وبس لانها مكو فايده منها انا حطلي 4 مواد داخل الابره مادة احماض الفواكه والهيلورونيك اسيد وفيتامينات والماده الرابعه والله مادري شنو ناسيتها

انا هم خاطري اجربها بس ما ادري تستاهل او لا
في خاطري يرجع ويهي مثل اول بيبي فيس

ثانكس منووه

آنه سويتها قبل عرسي بأسبوع عند دكتور .. السيد الشافعي في مستشفى الهادي………. الصراحه مافي ولا نتتيجه ولا تغيير وخذا مني 125 حده نصااااب ……… حسافه اني رحتله …………………..

سويتها عند منذر أهو الوحيد حسب علمي . اللي يقول أبره وحده .. مو كورس أبر

وسويتها عنده لأن مالي خلق أروح و أرد ..

ب 45 دينار .. قال النتيجه تبين بعد إسبوعين .. وخرطي هذا سيفوه و هذا خلاجينه

أو إن الفرق بسييييييييط حيل لدرجة إني ما لاحضت ..

بس المهم ما يسوى. . نطرتي لين 12 بالليل بعيادته حسافه .. + فتح الملف 20 دينار

انا سويتها عند دكتور منذر والنتيجة بينت من اول يوم واستمرت اسبوع عطت امتلاء حلو للوجه وفتح لون بشرتي

وصار لوجهي لمعه حلوة وباجر موعدي وياه قالي بيجربلي شي جديد واي شي جيد بقوله لكم لان من كثر ما عجبني شغله باستمر وياه

تسلم ادياته يهبل هالدكتور ايده خفيفه بالحقن لدرجة ما تشعرين ان حط الابره ولا شالها

شلووون الحين انا بطق الابر رحتله وقاالي تعالي قبل عرسج انا عرسي شهر 12 وقالي تعالي ع نص شهر 11 احسن واعطيج الابره عشاان النتيجه تبين معااج انثى بمزااجي متى طقيتيها ومتى بينت النتييجه

النوووري

ليش ما بينت النتيجه معااج ؟؟ انتي طقيتي ابر النضاره بس؟؟

انا بينت النتيجة معاي من اول يوم حتى فكرت انه تفخ وجهي وقعد اسبوع وجهي مليان شحلاته

لكن النضارة واللمعه الى الان حلو

انا سويتها اول رمضان