بنات الاجتماعيه ضروريييييي الله يجزاكم خير

أفآ عليج حبيبتي .. أكيد بنسآعدج

بـ آلنسبة للدكتور جآسم محمد آلخوآجة أنآ كنت مآخذه عنده علم نفس إجتمآعي آلكورس آللي طآف ودرجتي كآنت f ولأنه شآف أني كنت ملتزمه بآلحضور عطآني d مع أني مقدمه له كل شي من بحث ومقآلآت
وكنت أدرس لكويزآته بس يمكن لأني مآ قدمت آلنهآئي عدل ! بس أنصدمت مآ توقعت درجتي جذي وأن كل جهدي بيروح عـ آلفآضي ! , فـ بصرآحه حبيبتي مآ أنصحج تآخذين عنده ! ولو تسألين أي بنت بتقول لج نفس آلكلآم !

* طريقة شرحه : للأمآنه شرحه حلو ومآ عليه كلآم ونظآمه نوت يعني لآزم تكتبين معآه أول بـ أول ..
* أسلوبه : محترم مع آللي تحترم نفسهآ ولآ تتكلمين بآلمحآظرة لأنه رآح يهزأج ويغلط وهآلشي صآر مع بنآت كآنوآ معآي بنفس آلشعبة ! وديري بآلج تدخلين بعده لأنه رآح يطردج ومآ يدخلج آلمحآظرة !
* إمتحآنآته : هو نظآمه يعطي 5 كويزآت مفآجئة غير إمتحآن آلمدتيرم آلأول وآلنهآئي يعني مآ تدرين بأي محآظرة تآخذين كويز فـ لآزم ترآجعين بعد كل محآظرة وآلكويز يكون سؤآل أو سؤآلين عن
آلمحآظرة آلسآبقة آللي خذيتوهآ مو أكثر , وبآلنسبة لـ نظآم إمتحآنآته آلمدتيرم وآلنهآئي ( موضوعي ومقآلي بس آلأكثر مقآلي ) ومستوى آلإمتحآنآت متوسط إلى صعب وآلكمية آللي درسنآهآ كآنت نوعاً مآ كبيرة !
* يطلب 5 مقآلآت عن أي موضوع يختص بعلم آلنفس آلإجتمآعي ( مثلا آلطلآق وغيره ) وآلمقآلآت تلقينهآ بمجلآت آلعلوم آلإجتمآعية بمكتبة جآبر ولآ تنقلين أجوبة آلمقآلة ورأيج فيهآ من أي بنت لآنه رآح يعرف ويهزأج ..
* ورآح يطلب منج بحث عن أي موضوع من موآضيع علم آلنفس آلإجتمآعي ولآزم أنتي آللي تسوينه لأنه دقيق وممكن يكشفج إذآ مو أنتي آللي سويتيه ولآزم تذكرين آلمصآدر وآلدرآسآت آللي كتبتيهآ بـ آلبحث وعآدي تستعينين بـ آلنت ..
* آلمسآعدة مآ أتوقع لأني حسيت أنه ظلمني ! عآلعموم يآ ليت آلبنآت يفيدونج أكثر بهـ آلنقطة !
* درجآته تترآوح مآ بين آلـ f & d & c وقليل آللي يآخذون آلـ a & b ..
* آلغيآب وآلحضور يآخذه بكل محآظرة ..

وبس حبيبتي هذي خلآصة تجربتي مع دكتور جآسم آلخوآجة وإذآ أنتي مضظرة تآخذين عنده حطي فـ بآلج أنج تشدييييييييين حيلج ودرآسة يوم وليلة أبد مآ تنفع لآزم تنظمين وقتج !