|
|
السللام عليكم
بنات انا موايداكتب بالمنتدى بس شنسوي الظروف حدتنا 
انا من النوع المطالعه يعني اطالع مارد على مواضيع
مره من زمااااااااااااان يوم كنت اشتغل بمدرسه كتبت موضوع شلون تلعبون وتنظمون وقتكم مع عيالكم وانشطه وجي اشياء
بس الحين غيرت دوامي انا حاليا دوامي 24 ساعه يعني ماشوف ريلي او ولدي وايد واحس بشوية ضغوطات
اول مشكله عندي اهيا المشكله الماديه :/
معنه راتبي زين وكل شي ويكفيني واقدر ايمع منه بس مشكلتي امي
انا احبها واعطيها ودي ماقصر عنها بشي بس جم مره اقولها انا بعد عندي بيت وابالي وايد اشياء اسويها
مثلا ابي اشتري مكياج ماك كيفي خو والله ماقدر اشتري احس لازم انطر اشوف اخاف امي قاصرها شي
ابي سبا ابي اي شي حقي احس ماقدر علما بانه معاش ريلي شوي متقطع بس مايقصر
من الناحيتين احس اني مرتبطه فيهم موقادره اسوي شي حق نفسي
_____
حطيت خط عشان مشكله ثانيه هههههه مطوله لاتامون.gif "Eh S(6)")
ريلي شايف شقه تمليك ويبيها قالي انه احسن ناخذها ونسدد ديونا واحنا صغار احسن من ماننطر 15 سنه ويطله بيت يكون عمره 40 سنه ويدفع وهوا كبير
كلامه حلو وصح وكل شي بس معناته انه راح يتقطع لانه بيقدم على القرض الكبير من البنك والتسليف
والمنطقه بعيده وانا مادل لاني سكان الديره صوب رميثيه وسالميه دوامي هناك بالسالميه فاحس رايح يكون وايد بعيد اذا رحنا العاشره فهمتو علي
من ناحية اني مادل ومن ناحيه اني احاتي امي احس جني انا امها وهيا بنتي 
______
المشكله الثالثه والاكبر من جذي اني صرت متينه وكسلانه ودي اسوي عمليه تجميل
عن الدكتور اللي سمعت عنه عندكم رحتله بعد ههههههه )
شفط وشد وتكبير وكل البلاوي السوده بس هم احس اني ماقدر
_____
اخر شيييي انا عندي بيبي واد ابي بعد ثاني وبس هم خايفه من هالموضوع
عاد حلولي مشكلتي ههههههههههه ) لو رايحه حق فوزيه جان طردتني
اخر شي يشكركم على نصايحكم لاني اول ماتزوجت من زمااااااااااااااااااااااااااان حطيت موضوع اني كنت اكره زوجي ماكنت ادري من الحمال بس نصايحكم وايد ساعدتنييي حتى ريلي حب منتداكم بس لاتخافون مايقرا شي بس يشوف السفر
والدول وجي اشياء ويعطيكم الف عافيه
اولا هذي امج يمكن هذا اختبار برج لها بهالدنيا
ثانيا الشقه حلوه فكرتها وعلى قولتهم التعب عالسياره
ثالثا التجميل مو الحين ييبي بعد عيال بعدين توكلي على الله
و بالنسبه لامج خصصيلها مبلغ شهري ثابت حسب مقدرتج لين تترتب امورج
الشقه ..لا تتسرعون احس يبيلكم تفكير و تستخيرون اكثر
البيبي الثاني و اتخسيس…..اول شي احملي و وجيبي اخو او اخت يستانس معاه حسين ربي يخليه لج…و بعدين خسسي و سوي الللي تبينه عشان الحمال بخرب عليج كل خططج بالنسبه للتخسيس …..و الله يسهلج امورج يارب
ام سلمونتي
اي تصدقين اقولها ساعات قصو مني بس تكسر خاطري :/ ازعل اذا عندي وهيا ماعندها
على تنسيق الوقت كلش ماقدر دوامي بالبنك 24 ساعه عرفتي :/ حتى ولدي تعلق فيني اكثر من قبل
لمن يشوفني كله يكون عندي ويدلع عشان ابوه مايزفه هههههه
لقيت روحي
اي شنسوي بعد بس ودي تفهم انه عندي مسؤوليات بعد
ساعات يكون عندها بس هم تاخذ مني او توهق عمرها بدين وانا اسدده
والشقه فكره حلو مشكلتها انه شوي ريلي راح يتقطع معاشه وبعيد عن دوامي
بس قالي بيعطيج حتى لو يل عندي بس 200 فديته بس هم ماااااااااااااادري
الحلا والزين كله
اتصدقين قاعد افكر الحين الحين وانا بهالمتن اييب بيبي :/ عشان افتك واسوي العمليه
بس الشقه حبيبتي دورين وحلوه وكبيره وراهيه وسكيورتي وماتتطوف بصراحه هذا اللي يخليني متردده شوي
انا ادري وعارفه انا ماراح اوفي بحق امي
بس بصراحه انا من اشتغلت واسدد ح اللي اطالبهم لدرجه اني خذيت قرض حقها ومابي تردلي ياه عليها بالعافيه
اهيا كبيره ليش تسوي بعمرها جذي تقط نفسها وانا اطلعها
انا موملزومه تاخذ من فلان وعلان وانا ادفع فهمتي علي هالشي ينرفزني فيهااااااااااا
ريلي مايقصر حبيبتي بس انا سبق وقلت انه معاشه موذاك الزود بيعطيني باللي يقدر عليه
انا ماقدر اضغط عليه اهوا عند الماجله والخدامه واجار الشقه اذا انا معاشي زين ليش ماساعده واوقف معاه
انا مابي بيت بعد 15 سنه بالمطلاع فهمتي علي
وبنفس الوقت مابي ريلي يدفع وهوا عمره 40 سنه لي 40 سنه جدام وهم كهربا وماي وبلاوي
انا ابي يخلص قرضه مالت الشقه وهوا عمره 40 سنه يكون ماعنده ولاشي
على الاقل ادفع حق شقه حقي انااا مو حق واحد بيزيد علي الاجار
بس هم مادري انا قاعد اقول افكاري بس حابه اسمع رايكم بعد
يعطيج العافيه
اي احد
