|
|
الحمدلله رب العالمين والشكر للمنان
وصلت بنتي جنان الساعه 9 الصبح يوم الاربعاء 12 مايو 2024 عقب 6 ساعات طلق
طبعا قعدت الساعه 2:30 فجر الاربعاء وشفت نازل علي ماي ..دقيت على امي تيي معاي واخذني ريلي للصباح
فحصوني كان الرحم مفتوح عندي 2 سانتي ..وعلى طوووووول قالت دخوووول >>طبعا قمت ارجف ومادريت شلون وصلت المستشفى ..حتى ريلي كنت وانا البس يتغشمر ويقول يعني من صجج بتولدين ؟؟؟ وانا مرتبكة واقول له انا قاعدة ارجف لا تتغشمر مو وقتك…مسكين لمني وقال لاتخافين الله يسهل عليج
طول الطريق كنت اقرا آيات قرآنية وسورة الاخلاص والزلزلة والكافرون واوراد الولادة …الساعه 4 الفجر كنت بجناح الولادة ..بصراحة عقب ما شفت المكان نظيف والغرفة هادية ارتحت نفسيا >>>كنت مفكرتها نفس غرف االعمليات بس طلعت نفس غرفة الزيارة
عطوني طلق خفيف بالدريب …وراقبوا طلقي وكان يزيد لما انفتح الرحم 3 سانتي ..جان ايي دكتور التخدير وعطاني ابرة الظهر عقب موافقتي ..وايد ريحتني ماحسيت بعوار الطلق طول ال5 ساعات …بس لما كنت اسوي بوش بوش كنت اتعب وايد و ريولي تموا يرجفون ..كانت الساعه 9 الا ربع وقالت السستر اذا ماتبين تسوين بوش وتعبتي براحتج البيبي بيطلع بس بتطولين يمكن ساعتين … جان اطالع الساعه وقلت بيني وبين نفسي يارب ساعدني وسويت بوش 1.2.3 ولا تركض وتقول راس البيبي طلع يالله بعد مره وخلاص والحمدلله 9 بالضبط ولدت ….طول الوقت الحمدلله كنت بوعيي وشفت وسمعت كل شي ..عقبها طلعوني من غرفة الولادة وخلوني ادق على ريلي وبشرته وكان وايد مستانس …عقبها ودوني غرفة ارتاح فيها لين تمر ساعتين و يفج بنج ابرة الظهر …والساعه 11 نقلوني للجناح ومره ثانية وانا على السرير يابوا لي التلفون وخلوني ادق على اهلي ابلغهم عن عنوان غرفتي ..والحمدلله امس الصبح رخصوني والحين انا بيت اهلي .
توته توته خلصت الحتوته 
الحمدلله على السلااااااامه ربى يجعلها من البنات الصالحات البارات يارب.
حمدالله على السلامه
حمدالله على السلامه
الفال لنا يارب
ومبروووك ماياج
بأي مستشفى ولدتي؟ وتمدحينه او اكتشفتي فيه عيوب؟
والحمد الله على السلامة ,,,
وتتربي بعزكم يارب ,,,
والفال لي يارب ,,,
الف الحمد لله على السلامة
والسهالة من الله سبحانه
تتربى بعزج يارب
الف الحمد لله على السلامة
والسهالة من الله سبحانه
وتتربى بعزج البنوووووووته
و تتربى بعزك يارب
