|
|
السلام عليكم
اشلونكم يا احلى كروشات
انا بيبي سبايس ولدت ولله الحمد في تاريخ 19/2
والحين شوفو قصة ولادتي بالتفصييييييييييل الممل
طبعا انا ولادتي الاولى في بنتي اللي عمرها 4سنين ونص الله يحفظها كانت قيصرية للاسف قالولي الرحم ما انفتح الا 4 سانتي وانا اطلق 4 ساعات ونبض البيبي قل عشان جذي اضطرو يدخلوني العمليات والحين بقولكم قصة ولادتي بولدي عباااااادي الله يحفظه ويخليه
طبعا انا لي 3 اسابيع بالتاسع بس ما حاولت اخربط بولاشي لان كنت ابي اولد طبيعي بعد القيصري بتاريخ 18/2 كان عندي موعد مع دكتوري العسل (حسام كامل) اللي بدار الشفا وقالي ان وضع البيبي طبيعي وراسه تحت وكل شي يدل على الولادة الطبيعية بس قالي اذا ماولدتي لي يوم الاربعاء راح اضطر اولدج بطلق صناعي لان حجم البيبي ما ابيه يكبر عشان ابي اولدج طبيعي قالي امشي وايد طبعا رحت نفس اليوم انا وريلي مشينا قريب الساعة بالممشى وماحسيت بولا شي وقعدت عالنت قريب الفير ادور عن وصفات تفتح الرحم فقلت حق ريلي يسويلي غوري دارسين وراح بعد عمري سوالي 
.gif "Eh S(20)")
واتصلت على امي واختي قالولي يايين بالطريج عاد انا رحت قعدت ريلي قالي مافيج الا العافية ردي نامي رحت الصالة وزاد العوار علي لدرجة قمت ابجي قعد ريلي لما سمعني اون بالحمام وقام سولي مطارة دارسين وقعدت اشرب منها لما وصلت المستشفى حاولت الدكتورة تفحصني مارضيت ومن كثر العوار تسألني السستر جم عمرج ؟ اسال امي وريلي انا جم عمري ؟ (صج دايخة )
اتصل ريلي على دكتوري قاله دكتوري فحصوها وقولولي فحصتني السستر قالت 2 سانتي قال دكتوري دخووووووووول وانا من العوار ماصرت اشوف جدامي حجز ريلي غرفة الولادة الخاصة عشان امي واختي يدشون معاي اول شي فصخوني ولبسوني لبس الولادة وعطوني الحقنة الشرجية (تعوووووور) بعدها حطولي الكماااااااااام العجيييييب انا صج رحت عالم ثاني بس كنت احس بعوااااااااار الطلقة الوحدة طبعا كنت اسمع امي واختي يتكلمون بس كنت اقول ابي ريلي واناديه واروح عالم ثاني وارد وما وعيت الا انا بغرفة الافاقة للأسف اكتشفت اني قيصري دخلوني الجناح وبديت اصحح اشوي اشوي ولما صحيت فهمت السالفة اولا اني قعدت اطلق 9 ساعات بالتمام والكمال ثاني شي ان الرحم عندي فتح 5 سانتي بس ودكتوري قال حرام تعذبونها اكثر من جذي والاهم انا البيبي قلب ويهه وصار (فيس بوزشن) يعني يبي ينزل بويهه فماقدر الدكتور يغامر خاف تنكسر رقبته باسم الله عليه وليدي عشان جذي دخلني قيصري بس هم اقول الحمدلله الرحمن الرحيم ان قومني انا وولدي بالسلامة والطلق كله نسيته لما شفت ولدي وطبعا هذا معناته ان ولاداتي الباجية كلها راح تكون قيصرية لان حوضي صغير وطبعا يبت احلى عبوووووووود الله يحفظه وكان نقطة وزنه كيلوين و800 غرام وصارلي اسبوع والدة بس البركة اني ولدت يوم الجمعة يوم مبارك والف الحمدلله على كل حال
انا ولدت بمستشفى دار الشفا الجناح الملكي صراحة خدمة ورعاية واهتمام ودكتوري يزاه الله خير كل يوم يطل علي وطلعت علي الولادة 1585 دينار وكله هان لعيون عبادي
قريب ان شاء الله راح اعرض لكم صور استاند الككاو الفخم مالي اللي الكل سأل عنه وانبهر فيه وقلت بما ان كبير وفخم ويديد ابي ابيعه فراح اتلقى طلبات الستاند من اليوم
والله يسهل على بنات التاسع كلهم ومايعسر ولادتهم مثلي ولو ان كله اجر
اللهم اني احمدك على نعمت الصحة والعافية وانك قومتني انا وولدي بالسلامة الف حمد وشكر يارب العالمين
ها عاد ابي الردود والتفعيل منكم والله سهرانة وقاعدة اكتب قصة ولادتي عالاقل كلمة حلوة ….. 
اول شي حمدلله على سلامتج حبيبتي ما تستاهلين =(
او ثاني شي ألف مبروك على عبودي الله يخليه لكم انشالله ^-^
خلاص مابي اولد ههههههههه اخاف
والفال ياربي لي ولخواتي الحوامل
وصراحه شوقتينا نشوف الاستاند
ويربى بعزكم ودلالكم
وانشالله تشوفين عبادي معرس
وناطرين صوور الاستقبال
صراحه انقهر اذا الوحده حاولوا فيها طبيعي عقب قيصري << جربت المعاناه
