|
سلام
انا سجلت عند الدكتور عبدالله المطوع وعطاني رجيم بالمكسرات الي الاخت كاتبته في هالقسم
بغيت اسئل اي نوع من السلطات اقدر اكل ؟؟ لاني مليت من العادي واستخدمت الصلصات الي قالي عنها بس هم ملل
ومن ناحية شاي الاعشاب شلون اعرف اني استفدت منه ؟؟
وعلى فكره من استخدمت رجيمه حاشني سوري على هالكلمه (امساك)؟؟؟
وانا قلت لو مانزلت على رجيمه( مع اني قاعده امشي مع الرجيم بدون لا اخربط) راح يحوشني احباط وماراح اسوي رجيم مره ثانيه
ياريت اتساعدوني
والي مشت على رجيمه بالمكسرات جم انزلت عليه؟
وانشالله اجوبج انا على كل الي تبينه …. للامانه دكتور مبدع وماتحسين انج سويتي رجيم ومع الوقت راح تنصدمين انج نزلتي لان نظامه مايتعب ولا فيه حرمان
اول شي السلطات اتوقع تقدرين اي سلطه بس مو تبوله لانهاا فيها برقل وهو يستعملها وجبه كامله والصلصات قطعيها اذا مليتي انا الصراحه ماعجبتني وقطعتها وصرت احط الصلصه العاديه ليمون وملح وزيت زيتون
ثاني شي لعشاب راح تلحظين اكثر شي كرشتج قاعده تترتب وايد حبيت لعشاب معنه عمري ماكنت اشربهاا
بالنسبه للامساك وانتي بكرامه .. اذا مامشت الاعشاب بطنج لازم تقوليله لانه في شي بالنظم اهوو الي موقفه
وعلى فكره مااقدر اقولج جم نزلت بالمكسرات لانه كل جسم وطريقته بالنزول يعني انا جسمي ماينزل بسرعه عشان جذي ما ابي احبطج يمكن انتي العكس
وربي يوفقج وتنزلين بصحه وعاافيه … ولاتنسين الريااضه ترى وايد مهمه
وانا ان شاءالله بقوله يوم موعدي معاه
بس قاعده ادور دكتور عشان القالي حل وامتن مافي احد مرتاح
مادري تنصحوني اروح له ؟ دايم اسمع اسمه