|
|
السلام عليكم ورحمة الله وبركاته
خواتي العزيزات
إشرايكم بالزيادة السنوية للرسوم الدراسية ؟
خاصة اللي متكفلين بدفع رسوم عيالهم بنفسهم
يعني مو جهة العمل اللي تتحملها
أنا عن نفسي عيالي بالرؤية
وهذي ثالث سنة يزيدون الرسوم ( طبعا للسنة الياية )
يعني الابتدائي الزيادة بمقدار 250 دينار تقريبا زيادة عن رسوم العام الدراسي الحالي اللي هو 2024 – 2024
الحمدلله احنا قادرين ندفع
لكن الزيادة المفروض تكون بمقابل خدمات جديدة تقدمها المدرسة
يعني المرة اللي فاتت زادت الرسوم وخذوا الاعتراف للمدرسة يعني صارت مدرسة معترف فيها
انزين هالمرة ليش وعلى شنو ؟؟
مناهج الانجليزي جيدة جدا ومتدرجة
لكن ستاف الانجليزي عندهم جدا متواضع وأحسه غير مؤهل لتدريس مثل هذي المناهج بطريقة تناسب المضمون
ومن خلال تجربتي مع بنتي لمعلمتين لنفس القسم العام والسنة
المدرستين مو فاهمين حتى شلون يتعاملون مع البنات خاصة إنهم بسن المراهقة بطريقة تربوي
العام المدرسة تقولي البنت مو معطيتها الواجب وناقصة جم درجة
وبالصدفة كنت يايبه معاي ورقة المدرسة كاتبه ملاحظات عليها بالانجليزي لكن الخط مو مفهوم
جان أوريها الورقة وآنا اعطيها الورقة انتبهت غنه نفس الواجب اللي قالت انه بنتي مو مسلمتها لها
اقولها مو هذا الواجب اللي تقولين مو مسلمته والحمدلله بوجود المدرسة الاولى رئيسة القسم
قلت لها اشوا انج مصححتها وتقولين مو مسلمتها
وكان تعاملهم معاي بهالموقف جدا ايجابي باستثناء المدرسة
اللي مخليني متمسكة بالمدرسة وحابتها
تعامل الإدارة والمشرفات لحد هالسنة واااااايد حلو ومريح
ومتعاونين مع ولي الأمر وعيالي حابين المدرسة
طبعا أنا اقارنهم مع أكاديمية الابداع اللي كان تعامل الناظرات فيها معاي كولية امر دون المستوى
والتفرقة لاحظتها من خلال احتكاكي فيهم والمزاج كان غالب بالتعامل
مع العلم انه بنتي كانت مو مهملة وكانت محبوبة عند المدرسات
لكن كان يهمني كولية أمر انه لما اشتكي القى من اللي يسمعني وينصفني
وعيالي من نفسهم طلبوا يطلعون وينتلقون من الابداع
طبعا هذا الكلام من جم سنة
حتى المدرسات يقولون ليش بتطلع
لكن كان تعامل الناظرة والاخصائية بمنتهى البرود واللا مبالاة في ابسط مشكلة واجهت بنتي بالمدرسة
المهم نرجع لموضوعنا
ايشرايكم بالزيادة السنوية للرسوم ؟
آنا من وجهة نظري بالنسبة لمدرستنا
اذا كانوا بيبون مستوى الستاف للغة الانجليزية اجنبي او مميز اوكي لكن بدون تطور بالستاف ليش الزيادة ؟؟؟؟؟
ولو يزيدون المبلغ زيادة عالية مرة وحدة احسن
لكن كل سنة يزيدون وفي النهاية ماندري لجم بنوصل ؟؟
انزين زيدوا مو مشكلة لكن نبي مقابل استاف متطور وخبرته عالية و الآكسنت ممتاز عندهم
شاركونا بآرائكم وأكيد لنا عودة بإذن الله تعالى
مايكون الوضع عادي
وبالفعل آنا نفسك كل ما أشوف الحوسة اللي في مدارس الحكومة وخاصة إني مدرسة فيها
أقول المدارس الخاصة أرحم بعيوبها حتى من الحكومة
لكن لو تكون الزيادة مرة كل سنتين أو ثلاث حتى لوكانت زيادة كبيرة مو مشكلة
مو كل سنة نتفاجأ بزيادة
وأنا بعد اللي محببني ومريحني تعامل الادارة والمشرفات
ورعايتهم لعيالنا بالمدرسة
والاهم مثل ما قلتي انا بعد عيالي حابين المدرسة ومرتاحين
خاصة اللي بالثانوية خلاص تعودت
وصج اهم استثمار إنه نستثمر فلوسنا بتعليم عيالنا مو حسافة
لكن الزيادة لابد يكون لها أسس والزيادة المقنعة والعقلانية ماتكون سنوية المفروض
شكرا لك عزيزتي على مرورك ومشاركتك ومداخلتك في موضوعي
الحين حتى المدارس اليديده قاعده تبدي من 2000 و 2400 !! ليش ؟؟
مادري ليش معطينهم المجال وزارة التربيه التعليم الخاص ، وسامحين لهم يمكن قرارات عالميه للمدارس الخاصه
وشنو الجهات اللي تدفع عن الأهالي ؟؟ شركات مؤسسات ؟؟
المهم ، الابداع وايد أحسن هالسنتين إدارتهم متعاونه وايد .. والنظام التدريس وكل شي عال العال يستاهلون سعرهم ولكن هم بعد زياداتهم
السنويه لي وين بتوصل ؟؟ كلها سنتين ثلاث ندفع 5000 حق الروضه !!
الله المستعان ، والي عنده أحد يحرك هالموضوع خن حركه بالمجلس ولا غيره ، ليش نسكت.
مشكوره عالطرح الراقي..
يعني انا ولدي باجيال بكي جي ون
دفعتله هالسنه 1628
السنه اليايه زادوها ل 1700
اوكي ها الزياده في مقابلها شي ولا بس جذي؟؟
انا المدرسه وااااااااااااااااااايد عاجبتني ومستواها ممتاز من كل النواحي
بس لي متى الزياده؟؟
يعني انا ولدي باجيال بكي جي ون
دفعتله هالسنه 1628
السنه اليايه زادوها ل 1700
اوكي ها الزياده في مقابلها شي ولا بس جذي؟؟
انا المدرسه وااااااااااااااااااايد عاجبتني ومستواها ممتاز من كل النواحي
بس لي متى الزياده؟؟
هل فعلا من حقهم رفع الاسعار كل سنه 5%
هل فعلا من حقهم رفع الاسعار كل سنه 5%
انزين واللي عنده 3او4 عيال شسوي؟
