اللي حامل وتقدم أوراقها ما تنقبل , اشلون ؟

السلام عليكم ورحمة الله وبركاته

أبلات انشالله انا راح اقدم اوراقي على الكورس الثاني عشان اتوظف .. بس قبل جم يوم سمعت من رفيجتي اتقول ان اللي اتقدم اوراقها واهي حامل يرفضونها ..يعني تنطر لمن تولد وتالي تقدم من يديد .. انا استغربت من هالشي …
ووحده قالتلي سالفه ان وحدة من الناس كانت بالشهر السابع وقدمت اوراقها تبي تصير معلمة .. وردوها , قالولها ما انوظفج وانتي حامل ,, أولدي بعدين تعالي قدمي ..

يعني صج هالكلام ؟؟؟
انتوا شتقولون ؟

اممممممممممممم شوفي انا رفيجتي حامل والحين اهيا بالسادس اتوقع ووظفوها عادي بس ماخلوها تسوي الفحوصات كاملة يعني عقب ماتولد راح تكلملهم بس وظفوها لانها بتولد شهر 12 مو من بداية الدوام
بس رفيجتي الثانية تدخل شهرها شهر 9 فقالوا لها لما تولدين نخلص لج باقي الاجراءات

هلا حبيبتي هذا كله كلاااام وانا قالولي قبلج جذيه
انا توظفت وتعييين جديد هالسنه وكنت بآخر الثامن وداومت شهر آخر ٩ و ١٠ كله وشهر ١١ ولدت والحمدلله معااش كامل
روحي قدمي اورااقج ولاتسمعين كلام الناس والله ماتخلصين اي استفسار اسألي المنطقه اللي انتي تابعه لها ..

مشكوريييييييييييين حبايبي ،،، اي والله انا كنت خايفة من الشغله هاذي ،، لان انا باذن الله مخططة على الحمال ،، أذوني حمولتي يحنون على راسي يبون ياهل ،، وانا لما قالتلي رفيجتي جذي طقيت بريك ،، قلت مابي بعد انطر سنه كاملة ،،قاعده لا شغل ولا مشغله ، لا افيد ولا استفيد ,, بس الحمدلله ريحتوني

لا اهما ما يوظفون اللي تكون بالتاسع يعني على وشك ولاده وين يميها اداوم
وانتي قدمي والله يوفقج

أتوقع … ما يوظفون اللي بالشهر السابع فما فوق ..

إلى أن تستعيد لياقتها = ليمن تولد ..

يعني تكملين اوراقج وخلاص .. لكن تباشرين بعد الولادة

اما اذا قبل الشهر السادس .. تداومين عادي ..

هالكلام تقدرين تقرينه ليمن تراجعين طاولة (التعيين) بوزارة التربية .. عندهم ورقة مكتوب فيها شيء مشابه ..

اي اي صح كويت باينغ اانا بعد قريته

اي زين الحمدللـــــــــــــه الله يبشرج بالشهادة كويت باينغ

زين الحمدالله طمنتوووني
الله يطمنكم

ليش ما تنطرين تولدين عقب تتوظفين احسن علشان بعيد الشر ما يأثر عليج التعب

بس عادي تتوظف الحامل ما في قانون يمنع

حياتي انا قدمت توني هالكورس وانا بالثامن
رحت وحست وتعبت عالفاضي
ماوظفوني
عندج للسادس بعدها مايوظفون

اي صحيح الحامل من السابع ماتتوظف يردونها انا صار فيني جذي

لا عادي حبيبتي تقدمين وتتوظفين

انا كنت بالخامس وقدمت اوراقي
بس ماخلوني اسوي كل الفحوصات

وتوظفت عادي والامور طبيعيه

بس نصيحه لوجه الله اذا انتي مو محتاجه معاش هالجم شهر
نطري بعد الولاده
انا توظفت وحيييييييل تعبت وتبهذلت
وخصوصا اخر ايام تكرهييييييين نفسج

بس اذا محتاجه المعاش توكلي على الله

مشكورين بنات على الرد ،، اهيا مو سالفة معاش سالفة اني مابي اقعد جذي بالبيت ،، وانا الصراحة واااايد متشوقة ومتحمسة للشغل ،،

بالعكس بنااات انا توظفت وانا ع اخر الثامن حتى ماخذوا مني فحص لاني حامل…
الا اذا هالقرار تو قبل شهرين الله اعلم لاني انا توظفت ع شهر ٩ اللي طاف بداية السنه…