|
من العنوان واضح…
امي اللي يسلمكم..وايد متينه ..اقدر وزنها تقريبا ب120 كيلو..
ونفسها وخاطرها تضعف….
بتقولون خل تقلل الاكل…يا ناس انا اجوف امي…ما تبلع 10لقمات على بعض…
يعني والله والله ماسكه ايدها كلللللللش….
انزين نروح صوب الرياضه..
ركبها ما يساعدون,,, صابونه ريلها منكسره من عيون ناس ..والله طاحت وانكسرت الصابونه…
وعندها احتكاك بالغضاريف…
وجفتها اليوم واقفه جدام المنظره وقالت..مستحيل انا اضعف..تعرفون شلون حز بخاطري…,,,,؟
حزززنت… ابي حل الله يوفقكم… بعد ترى صحتها ما بتستحمل هالوزن,,
ثقل الوزن اصلا بيثقل على الركب وبيزيد الطين بله..
ومابي يصيدها سكر ولا امراض ثانيه..
دكاترة التعذيه..ما عندهم الا روشته وحده للجميع واهي ماشيه عليها بس مافي فايده
وهم شغله..
اهي عندها ترهل شدييييييييييييد بالبطن..
والسبه العمليات القيصريه..
وكانت بتسوي عمليه..
بس الدكتور قال العمليه الوحيده انه يشيل جزء ..يعني مو شفط..لا قص ..
وهي قالت مستحييييل..
دلوني على حل..الله يسخر لكم ملائكة السموات والارض..
ما اقول الا الله يشافيها يا رب و يخليها لكم و يعطيها الصحه و العافيه
و احسنلج ان اتشوفين دكتور زين تاخذين نصيحته
وجنه الا يبي لي اروح لطبيب مختص بالعلاج الطبيعي,,, او نادي متخصص
بس المشكله ما تلقين احد متخصص
تلقين الا توه ماخذ شهادة ماعرف شنو…ورزوهم مدربين,,,
ماشي خبرات او انجازاااات